Manuscript msA, page 106v

Manuscript msA, page 106v

prev: 106r

next: 107r

Iliad text

8.298 πάντες δ’ ἐν χροῒ πῆχθεν ἀρηϊθόων αἰζηῶν .1

8.299 τοῦτον δ’ οὐ δύναμαι βαλέειν κύνα λϋσσητῆρα·1, 2

8.300 ῆ ῥα· καὶ ἄλλον ὀϊστὸν ἀπὸ νευρῆφιν ἴ̈αλλεν1

8.301 Ἕκτορος ἀντικρὺ . βαλέειν δέ ἑ ΐετο θυμός·1, 2

8.302 καὶ τοῦ μὲν ρ’ ἀφάμαρθ’ , ὁ δ’ ἀμύμονα Γοργυθίωνα 1

8.303 υἱὸν εῢν Πριάμοιο κατὰ στῆθος βάλεν ἰ̈ῷ·1

8.304 τόν ῥ’ ἐξ Αισύμηθεν ὀπυιομένη τέκε μήτηρ1, 2

8.305 καλὴ Καστιάνειρα δέμας ἐικυῖα θεῇσι·1

8.306 μήκων δ’ ὣς ἑτέρωσε κάρη βάλεν . ἥ τ’ ἐνι κήπῳ1

8.307 καρπῷ βριθομένη , νοτίῃσί τε εἰαρινῇσιν .1, 2

8.308 ὡς ἑτέρωσ’ ἤμῡσε κάρη πήληκι βαρυνθέν·1, 2

8.309 Τεῦκρος δ’ ἄλλον ὀϊστὸν ἀπο νευρῆφιν ἴ̈αλλεν1

8.310 Ἕκτορος ἀντικρὺ . βαλέειν δέ ἑ ΐετο θυμὸς ,1

8.311 ἀλλ’ ό γε καὶ τόθ’ ἅμαρτε , παρέσφηλεν γὰρ Ἀπόλλων ·1, 2

8.312 ἀλλ`’ Ἀρχεπτόλεμον . θρασὺν Ἕκτορος ἡνιοχῆα1, 2

8.313 ϊέμενον πόλεμον δὲ . βάλε στῆθος παρὰ μαζὸν .1, 2, 3

8.314 ήριπε δ’ ἐξ οχέων , ὑπερώησαν δέ οἱ ἵ̈πποι1

8.316 Ἕκτορα δ’ αἰνὸν ἄχος πύκασε φρένας ἡνιόχοιο·1, 2

8.317 τὸν μὲν ἔπειτ’ εἴασε καὶ ἀχνύμενός περ ἑταίρου .1, 2

8.318 Κεβριόνην δ’ ἐκέλευσεν ἀδελφεὸν , ἐγγὺς ἐόντα·1

8.319 ἵ̈ππων ἡνί’ ἑλεῖν . ὃ δ’ ὰρ οὐκ απίθησεν ἀκούσας·1

8.320 αὐτὸς δ’ ἐκ δίφροιο χαμαὶ θόρε παμφανόωντος1

8.321 σμερδαλέα ἰ̈άχων· ὁ δὲ χερμάδιον λάβε χειρὶ .1, 2, 3

8.322 βῆ δ’ ϊθὺς Τεύκρου · βαλέειν δέ ἑ θυμὸς ἀνώγειν·1, 2, 3

8.323 ἤτοι ὁ μὲν φαρέτρης ἐξείλετο πικρὸν ὀϊστὸν .1

Scholia text

msA, 8.204, commenting on 8.299 ‡ κύνα⁚ διὰ τὸ θρασὺ καὶ πολύλαλον ἐξ οὗ νῦν ἔφυγες θάνατον κύον καὶ τὸ ὡς δ’ ὅτε τίς τε κύων συὸς ἀγρίου ⁑

msA, 8.205, commenting on 8.306-8.308 ‡ μήκων δ’ ὡς ἑτέρωσε· ἤτοι τὸ ἑξῆς ἐστιν ἑτέρωσε δὲ κάρη βάλεν ὡς μήκων ἥτ’ ἐνι κήπῳ καρπῷ βριθομένη ἐστί· λείπει γὰρ τὸ ῥῆμα τοῦτο καὶ οὐκ ἐστιν ἡ μετοχὴ ἀντὶ ῥήματος , ἔσται δὲ οὕτως δῖς ἡ ἀνταπόδοσις λεγομένη καὶ γὰρ ἑξῆς ἐπιφέρει ὣς ἑτέρωσ’ ἤμυσε κάρη καὶ ἐν ἄλλοις δὲ εἴωθεν , κατα δὴ ταύτην τὴν ἐξήγησιν . ἐπι μὲν τὸ βάλε διαστελοῦμεν· ἐπὶ δὲ τὸ εἰἀρινῃσιν ὑποστίξωμεν . δύναται δὲ καὶ ὑποστίζεσθαι ἀμφότερα ν ὑποκρίσει ἵνα συ μία ἀνταπόδοσις ᾖ ἡ ἐπιφερομένη· ἔσται δὲ τὸ ἑξῆς ὡς δε μήκων ἑτέρωσε κάρη βάλε ὣς ἑτέρως ἤμυσε κάρη · ἠ περισσόν ἐστί τὸ η ἄρθρον . καὶ ὁ τέ συνδ . ὁ δὲ λόγος ὡς δε μήκων ἑτέρωσε κάρη βάλε ὣς ἑτέρως ἤμυσε κάρη βάλλει καρπῷ βριθομένη ὡς ἑτέρως ἤμυσε . βέλτιον δὲ ὑποστίζειν ⁑

msA, 8.207, commenting on 8.307 καρπῷ βριθομένῃ ὅτι ἔξωθεν προσληπτέον τὸ ἐστιν εἰ μη ἡ μετοχη ἀντι ρήματος παρείληπται· βριθομένη , ἀντι τοῦ βρίθεται · ἠ κοινὸν τὸ κάρη βαλεν ⁑

msA, 8.209, commenting on 8.321 ὁ δὲ χερμάδιον⁚ ὁ δὲ Ὁμηρικὸν ἔθος ὡς περι ἑτέρου λεγόμενον ⁑

msA, 8.210, commenting on 8.321 σμερδαλέα ϊάχων ὁ δέ⁚ ὅτι ὡς περὶ ἑτερου ὁ δὲ χερμάδιον ἐπι τὸ αὐτὸ ἀναφέρων πρόσωπον ὡς εἰ ἔλεγεν· οὗτος δὲ αὐτὸς χερμάδιον λάβε χειρί ⁑

msAim, 8.211, commenting on 8.296 οτ αντ τοῦ πεῖσαι καὶ βαλεῖν ⁑

msAim, 8.213, commenting on 8.304 Ἀρίσταρχος Αἱσύμνηθεν καὶ ἡ Ζηνοδοτ καὶ ἡ Ἀριστοφα

msAim, 8.214, commenting on 8.308 οτ τὸ πλῆρες ἑτέρωσε ⁑

msAim, 8.215, commenting on 8.311 διχῶς ἀλλ ὅ γε τοῦ μὲν άμαρτε καὶ ἀλλ ὁ γε καὶ τόθ’ άμαρτε ⁑

msAim, 8.216, commenting on 8.313 βραχ διασταλτ μετα τὴν δὲ συλλαβην ⁑

msAim, 8.217, commenting on 8.317 λειπ ἡ περὶ πε εταίρου

msAim, 8.218, commenting on 8.322 οτ ἐπι τοῦ Τρῶσαι ⁑

msAint, 8.219, commenting on 8.313 πρὸς τὸ βάλε ἀντι τοῦ έπσεν ⁑