Manuscript msA, page 107r

Manuscript msA, page 107r

prev: 106v

next: 107v

Iliad text

8.324 θῆκε δ’ ἐπὶ νευρῇ . τὸν δ’ αὖ κορυθαίολος Ἕκτωρ 1

8.325 αὐερύοντα παρ’ ὦμον , ὅθι κληῒς ἀποέργει1, 2

8.326 αὐχένα τε στῆθός τε , μάλιστα δὲ καίριον ἐστι .1

8.327 τῇ ρ’ ἐπι οἷ μεμαῶτα βάλεν λίθῳ ὀκριόεντι·1

8.328 ῥῆξε δέ οἱ νευρὴν . νάρκησε δὲ χεὶρ , ἐπι καρπῷ·1, 2, 3, 4

8.329 στῆ δὲ γνὺξ ἐριπὼν , τόξον δέ οἱ ἔκπεσε χειρός ,1

8.330 Αἴας δ’ οὐκ αμέλησε κασιγνήτοιο πεσόντος·1

8.331 ἀλλὰ θέων περίβη . καί οἱ σάκος ἀμφεκάλυψε·1, 2

8.332 τὸ`ν μὲν ἔπειθ’ ὑποδύντε δύω ἐρίηρες ἑταῖροι ,1

8.333 Μηκιστεὺς Ἐχίοιο πάϊς . καὶ δῖος Ἀλάστωρ .1

8.334 νῆας ἐπι γλαφυρὰς φερέτην βαρέα στενάχοντα·1

8.335 ὰψ δ’ αὖτις Τρώεσσιν Ὀλύμπιος ἒν μένος ῶρσεν·1

8.336 οἱ δ’ ϊθὺς τάφροιο βαθείης ὦσαν Ἀχαιοὺς ·1

8.337 Ἕκτωρ δ’ ἐν πρώτοισι κίε σθένεϊ βλεμεαίνων·1, 2

8.338 ὡς δ’ ὅτε τίς τε κύων , συὸς ἀγρίου ἠὲ λέοντος1

8.339 ἅπτηται κατόπισθε ποσὶν ταχέεσσι διώκων .1, 2

8.340 ἰ̈σχία τε γλουτούς τε ἑλισσόμενόν τε δοκεύει .1, 2, 3, 4

8.341 ὡς Ἕκτωρ , ὤπαζε κάρη κομόωντας Ἀχαιοὺς ·1

8.342 αἰὲν ἀποκτείνων τὸν ὀπίστατον , οἱ δὲ φέβοντο·1

8.343 αὐτὰρ ἐπεὶ διά τε σκόλοπας καὶ τάφρον ἔβησαν1

8.344 φεύγοντες· πολλοὶ δὲ δάμεν Τρώων ὑπὸ χερσὶν ,1

8.345 οἱ μὲν δὴ παρὰ νηυσὶν ἐρητύοντο μένοντες .1

8.346 ἀλλήλοισί τε κεκλόμενοι καὶ πᾶσι θεοῖσι1

8.347 χεῖρας ἀνίσχοντες μεγάλ’ εὐχετόωντο ἕκαστος·1

8.348 Ἕκτωρ δ’ ἀμφιπεριστρώφα καλλίτριχας ἵππους1

Scholia text

msA, 8.9003, commenting on 8.340 ἰσχια τε γλουτούς τε⁚ τὸ ἡμιστίχιον . ἢ τοῖς ἄνω συναπτέον ἵν’ ᾖ σχῆμα ἅπτητε ἰσχία ἀντὶ τοῦ ἰσχΐων ὡς Ἥρη δὲ μάστιγι θοῶς ἐπεμαίετ’ ἄρ’ ἵππους · ἠ τοῖς ἑξῆς προσδοτέον ἵνα τὸ δοκεύειν κοινὸν ᾖ ⁑

msAim, 8.230, commenting on 8.339 γρ πεποιθῶς

msAim, 8.231, commenting on 8.340 σημειοῦνται τινὲς ὅτι ὑγιῶς διέσταλκε ⁑