Manuscript msA, page 108r

Manuscript msA, page 108r

prev: 107v

next: 108v

Iliad text

8.374 ἀλλὰ συ μὲν νῦν νῶϊν ἐπέντυε μώνυχας ἵ̈ππους1

8.375 ὄφρ’ ἂν ἐγὼ καταδῦσα Διὸς δόμον αἰγιόχοιο·1

8.376 τεύχεσιν ἐς πόλεμον θωρήξομαι . ὄφρα ἴ̈δωμαι .1, 2

8.377 εἰ νῶϊ Πριάμοιο πάϊς κορυθαίολος Ἕκτωρ 1, 2, 3

8.378 γηθήσει προφανέντε ἀνὰ πτολέμοιο γεφύρας·1, 2, 3

8.379 ἦ τις καὶ Τρώων . κορέει κύνας ἠδ’ οἰωνοὺς1, 2

8.380 δημῷ καὶ σάρκεσσι , πεσὼν ἐπι νηυσὶν Ἀχαιῶν ·1

8.381 ὡς ἔφατ’ , οὐδ’ ἀπίθησε θεὰ λευκώλενος Ἥρη ·1

8.382 ἡ μὲν ἐποιχομένη χρυσάμπυκας ἔντυεν ἵ̈ππους·1

8.383 Ήρη πρέσβα θεὰ θυγάτηρ μεγάλοιο Κρόνοιο ·1

8.384 αὐτὰρ Ἀθηναίη κούρη Διὸς αἰγιόχοιο .1

8.385 πέπλον μὲν κατέχευεν ἑανὸν . πατρὸς ἐπ’ ούδει .1

8.386 ποικίλον . ὅν ῥ’ αὐτὴ ποιήσατο καὶ κάμε χερσὶν·1

8.387 ἡ δὲ χιτῶν’ ἐνδῦσα· Διὸς νεφεληγερέταο1

8.388 τεύχεσιν . ἐς πόλεμον θωρήσσετο δακρυόεντα·1

8.389 ἐς δ’ όχεα φλόγεα ποσὶ βήσετο· λάζετο δ’ ἔγχος .1, 2

8.390 βριθὺ μέγα· στιβαρόν· τῷ δάμνῃσι στίχας ἀνδρῶν1

8.391 ἡρώων· τοῖσίν τε κοτέσσεται ὀβριμοπάτρη·1

8.392 Ἥρη δὲ μάστιγι θοῶς ἐπεμαίετ’ ὰρ ἵππους·1

8.393 αὐτόμαται δὲ πύλαι μύκον οὐρανοῦ , ἃς ἔχον Ὧραι·1, 2

8.394 τῇς ἐπιτέτραπται μέγας οὐρανος Οὔλυμπός τε .1

8.395 ἠμὲν ἀνακλῖναι πυκινὸν νέφος ἠδ`’ ἐπιθεῖναι·1

8.396 τῇ ῥα δι’ αὐτάων κεντρηνεκέας ἔχον ἵππους·1

8.397 Ζεὺς δὲ πατὴρ Ἴ̈δηθεν ἐπεὶ ἴ̈δε· χώσατ’ ὰρ αἰνῶς·1

8.398 ῗριν δ’ ὤτρυνε χρυσόπτερον ἀγγελέουσαν·1

8.399 βάσκ ἴ̈θι . Ἶ̈ρι ταχεῖα . πάλιν τρέπε· μὴδ’ έα ἄντην1, 2

Scholia text

msA, 8.247, commenting on 8.377 εἰ νῶϊ ὅτι Ζηνόδοτος γράφει σὺν τῷ ν νῶϊν τοῦτο δὲ τίθεται ἀντι τοῦ ἡμῖν ἡ ἡμῶν οὐδέτερον δὲ ἁρμόζει τὸ γὰρ νῶϊ ἐστὶν ἢ ἡμεῖς ἢ ἡμᾶς ⁑

msA, 8.248, commenting on 8.378 ρηθήσει προφανεὶσα ⁚ Ἀρίσταρχος προφανέντες ὡς πληγέντε κεραυνῷ δυϊκῶς . ὁ δε Ζηνόδοτος γηθήσει προφανείσας ἰδὼν ἐς δοῦπον ἀκόντων συστέλλων τὴν τελευταίαν παροξυτόνως προφερόμενος μετ εκτάσεως τοῦ α ἔστι δὲ ἄκρατον Δόριον σπάνιον δὲ τῷ τοιούτῳ παρα τῷ ποιητῇ ⁑

msA, 8.250, commenting on 8.385-8.387 πέπλον μὲν κατέχευεν· αθετοῦνται στίχοι τρεῖς ὅτι ἐν τῇ τοῦ Διομήδους ἀριστεία καλῶς ἐπεξείργασται πράττεται γὰρ τινὰ · ἐνταῦθα δὲ πρὸς οὐδὲν ἀναλαμβάνει τὴν παντευχίαν· ἠθέτει δὲ καὶ Ἀριστοφάνης Ζηνόδοτος δὲ οὐδὲ ἔγραφεν ⁑

msA, 8.251, commenting on 8.389 λάζετο δ’ ἔγχος· Πτολεμαῖος ὁ τοῦ Οροάνδου ἐν τῷ Περι τοῦ Ὁμηρικοῦ χαρακτῆρος διὰ τοῦ οι προφέρεται λάζοιτο καὶ ἐστιν οὐκ αδόκιμος ἡ φράσις ⁑

msA, 8.253, commenting on 8.393 αὐτόμαται δὲ πύλαι⁚ ὅτι πύλας οὐρανοῦ τὰ νέφη ὑποτίθεται· τὸν γὰρ ὑπερ τὰ νέφη τόπον ὁμωνύμως τῷ στερεμνίω οὐρανὸν καλεῖ πρὸς τὰ περι Ολύμπου ⁑

msA, 8.254, commenting on 8.399 βάσκ’ ἴ̈θι Ἥρη ταχεῖα . ὅτι οὐκ έστι κοινὸν νῦν ἐπίθετον τὸ ταχεῖα · ἀλλα πορεύου ταχεῖα·

msAim, 8.255, commenting on 8.376 γρ ΐδωμεν

msAim, 8.256, commenting on 8.378 γρ προφανεῖσα

msAint, 8.257, commenting on 8.377 αντ ἡμῶν