Manuscript msA, page 111r

Manuscript msA, page 111r

prev: 110v

next: 111v

Iliad text

8.529 ἀλλ’’ ἤτοι ἐπὶ νυκτὶ φυλάξομεν ἡμέας αὐτούς·1, 2

8.530 πρωῒ δ’ ὑπ’ ἠοῖ οἱ συν τεύχεσι θωρηχθέντες ,1, 2

8.531 νηυσὶν ἐπὶ γλαφυρῇσιν ἐγείρομεν ὀξὺν Ἄρηα ·1

8.532 εἴσομαι εἴ κέ μ’ ὁ Τυδείδης κρατερὸς Διομήδης 1, 2

8.533 πὰρ νηῶν πρὸς τεῖχος ἀπώσεται· ἤ κεν ἐγὼ τὸν1

8.534 χαλκῷ δῃώσας , ἔναρα βροτόεντα φέρωμαι·1

8.535 αὔριον ἣν ἀρετὴν διαείσεται . εἴ κ’ ἐμὸν ἔγχος1, 2

8.536 μείνῃ ἐπερχόμενον· ἀλλ’ ἐν πρώτοισιν , ὀΐω1

8.537 κείσεται οὐτηθεὶς , πολέες δ’ ἀμφ’ αυτὸν ἑταῖροι1

8.538 ἠελίου ἀνιόντος ἐς αύριον· εἲ γὰρ ἐγὼν ὣς1, 2

8.539 εἴην ἀθάνατος καὶ ἀγήρως ἤματα πάντα1

8.540 τιοίμην δ’ ὡς τίετ’ Ἀθηναίη καὶ Ἀπόλλων ·1

8.541 ὡς νῦν ἡμέρη ἧδε κακὸν φέρει Ἀργείοισιν ·1

8.542 ὁς Ἕκτωρ ἀγόρευ’ . ἐπὶ δὲ Τρῶες κελάδησαν·1, 2

8.543 οἱ δ`’ ἵ̈ππους μὲν λῦσαν ὑπὸ ζυγοῦ ἱ̈δρώοντας·1

8.544 δῆσαν δ’ ϊμάντεσσι παρ’ ἅρμασιν οἷσιν ἕκαστος·1

8.545 ἐκ πόλιος δ’ ἄξοντο βόας καὶ ἴ̈φια μῆλα1, 2, 3

8.546 καρπαλίμως· οἶνον δὲ μελίφρονα οἰνίζοντο1

8.547 σῖτόν τ’ ἐκ μεγάρων . ἐπὶ δὲ ξύλα πολλὰ λέγοντο·1

8.553 οἱ δὲ μέγα φρονέοντες , ἐπὶ πτολέμοιο γεφύρας1, 2, 3

8.554 εἴατο παννύχιοι . πυρὰ δέ σφισι καίετο πολλά·1

8.555 ὡς δ’ ὅτ’ ἐν οὐρανῷ ἄστρα φαεινὴν ἀμφι σελήνην1, 2

8.556 φαίνετ’ ἀριπρεπέα· ὅτε τ’ ἔπλετο νήνεμος αἰθήρ .1

8.557 ἔκ τ’ έφανεν πᾶσαι σκοπιαὶ καὶ πρώονες ἄκροι·1, 2, 3

Scholia text

msA, 8.339, commenting on 8.532 ‡ εἴσομαι⁚ ὅτι τὸ εἴσομαι πολλὰ σημαίνει νῦν μὲν γνώσομαι . ἐν ἄλλοις δὲ πορεύσομαι . εἴσομαι ἐξ ἁλόθεν . καὶ ἀντι τοῦ ἐφάνη εἴσατο ὡς ὅτε ἐρινεός ⁚

msA, 8.340, commenting on 8.535-8.537 αὔριον ἣν ἀρετην⁚ ὅτι ἡ τούτους δεῖ τοὺς τρεῖς στίχους μένειν οἷς τὸ ἀντίσιγμα παράκειται , ἢ τοὺς ἑξῆς τρεῖς οἷς αἱ στιγμαὶ παράκεινται ἢτοὺςἑξῆςτρεῖς · εἰς γὰρ τὴν αὐτὴν γεγραμμένοι εἰσὶ διάνοιαν· ἐγκρίνει δὲ μᾶλλον ὁ Ἀρίσταρχος τοὺς δευτέρους δια τὸ καυχηματικωτέρους εἶναι τοὺς λόγους ὁ δε Ζηνόδοτος τοὺς πρώτους τρεῖς οὐδὲ ἔγραφεν τὰ αὐτὰ δὲ λέγει περι τῶν στίχων τούτων ὁ Δίδυμος ἃ καὶ ὁ Ἀριστόνικος · δι ὃ οὐκ εγράψαμεν τὰ Διδύμου ⁑

msA, 8.341, commenting on 8.538-8.539 εἰ γὰρ ἐγὼν ὣς , οὕτως δια τοῦ εἶ τὸ εἲ γὰρ ἐγὼν ὥς καὶ τὸ ἀγήρως δια τοῦ ω ⁑

msA, 8.343, commenting on 8.545 ἐκ πόλιος δ’ ἀκάχοιντο . τὸ ἄξαντο οὐ τὸν μέλλοντα σημαίνει ἀλλ αντι τοῦ ἄγοντο ⁑

msA, 8.344, commenting on 8.553 οἱ δὲ μεγα φρονέοντες ἐπι πτολέμοιο γεφύρη προηγουμένως μὲν τοῖς εξῆς συναπτέον , τὸν γὰρ τόπον ἐν ᾧ ἡ τοῦ πολέμου συμβολῆ γίνεται γέφυραν εἶπε πολέμου ἢ τὰς διαβάσεις αὐτὰς αἷς ἐν τοῖς πολέμοις ἐχρῶντο· λόγον δὲ ἔχει καὶ τοῖς ἄνω συνάπτειν ἵν’ ᾖ περίφρασις πολέμοιο γεφύρῃ ἀντὶ τοῦ τῷ πολέμῳ ὁ δὲ λόγος μέγα φρονοῦντες ἐπι τῷ πολέμῳ τουτέστι τῷ κεκρατηκέναι κατ τὸν πόλεμον ⁑

msA, 8.345, commenting on 8.555 ὡς δ’ ὅτ’ ἐν οὐρανω ἄστρα φαεινὴν ἀμφὶ ☾ οὕτως οὐ τὴν τότε οὖσαν φαεινήν ἀλλὰ τὴν καθόλου φαεινήν · ἀεὶ δὲ τὰ φαινόμενα ἐν οὐνω φησὶ καὶ οὐκ Ὀλύμπῳ ⁑

msA, 8.346, commenting on 8.557 ἔκ τ’ ἔφανεν πᾶσαι⁚ ἀθετεῖται ὅτι οἰκειότερον ἔχει κατὰ τὴν Πατρόκλου ἐπιφάνειαν· καὶ ὁ ἑξῆς δὲ συναθετεῖται αὐτῷ ἐκεῖ γὰρ αἰφνίδιον βούλεται ἐπίλαμψιν παραστῆσαι αἰφνιδίως Πατρόκλου ἐπιφανέντος· ἐνταῦθα δὲ παρατεταμένην νηνεμίην κατ’ εὐδίαν· οὐκ εφέροντο δὲ οὐδὲ παρα Ζηνοδότῳ . ἠθέτει δὲ καὶ Ἀριστοφάνης ⁑

msA, 8.347, commenting on 8.557 πρώονες· ὡς σώφρονες . τὸ γὰρ πρῶνες πληθυντικὸν διηρέθῃ . καὶ εἰς ὀξεῖαν καὶ βαρεῖαν ἡ περισπωμένη μετηνέχθη ⁑

msAext, 8.353, commenting on 8.538 ** ** αἲ γαρ εῖ

msAil, 8.354, commenting on 8.535@κ’ α

msAim, 8.349, commenting on 8.553 γρ γεφύρη ⁑

msAint, 8.351, commenting on 8.545 τελ