Manuscript msA, page 114r

Manuscript msA, page 114r

prev: 113v

next: 114v

Iliad text

9.110 εἴξας . ἄνδρα φέριστον . ὃν ἀθάνατοί περ ἔτισαν1, 2, 3

9.111 ἠτίμησας . ἑλὼν γὰρ ἔχεις γέρας· ἀλλ’ ἔτι καὶ νῦν1, 2

9.112 φραζώμεσθ’ , ὥς κέν μιν ἀρεσσάμενοι πεπίθοιμεν1, 2, 3, 4

9.113 δώροισίν τ’ ἀγανοῖσιν , ἔπεσσί τε μειλιχίοισι·1, 2

9.114 Τὸν δ’ αῦτε προσέειπεν ἄναξ ἀνδρῶν Ἀγαμέμνων ·1, 2

9.115 ὦ γέρον· οὔ τι ψεῦδος . ἐμὰς ἄτας κατέλεξας·1, 2, 3

9.116 ἀ̄ᾰσάμην· οὐδ’ αὐτὸς ἀναίνομαι· ἀντί νῠ πολλῶν1, 2, 3

9.117 λαῶν ἐστιν ἀνὴρ , ὅν τε Ζεὺς κῆρι φιλήσῃ·1, 2

9.118 ὡς νῦν τοῦτον ἔτισεν . ὄλεσσε δὲ λαὸν Ἀχαιῶν ·1, 2, 3

9.119 ἀλλ’ ἐπεὶ , ἀ̄ᾰσάμην . φρεσὶ λευγαλέῃσι πιθήσᾱς .1, 2, 3, 4

9.120 ἂψ , ἐθέλω ἀρέσαι . δόμεναί τ’ ἀπερείσι’ ἄποινα·1, 2

9.121 ὑμῖν δ’ ἐν πάντεσσι περικλυτὰ δῶρ’ ὀνομήνω·1, 2

9.122 ἑπτ`’ ἀπύρους τρίποδας . δέκα δὲ χρυσοῖο τάλαντα .1, 2, 3, 4, 5

9.123 αἴθωνας δὲ λέβητας , ἐείκοσι· δώδεκα δ’ ἵππους1, 2, 3

9.124 πηγοὺς . ἀθλοφόρους· οἳ ἀέθλια ποσσὶν ἄροντο·1, 2, 3, 4

9.125 οὔ κεν , ἀλήϊος εἴη ἀνὴρ . ᾧ τόσσα γένοιτο·1, 2, 3, 4

9.126 οὐδέ κεν ἀκτήμων ἐριτίμοιο χρυσοῖο .1, 2, 3

9.127 ὅσσά μοι ἠνείκαντο ἀέθλια μώνυχες ἵ̈πποι·1, 2, 3

9.128 δώσω δ’ ἑπτὰ γυναῖκας· ἀμύμονα ἔργ’ εἰδυίᾱς1, 2, 3, 4, 5

9.129 Λεσβίδας . ἃς ὅτε Λέσβον ἐϋκτιμένην ἕλεν αὐτὸς .1, 2, 3, 4

9.130 ἐξελόμην . αἳ , κάλλει ἐνίκων φῦλα γυναικῶν·1, 2, 3

9.131 τὰς μέν οἱ , δώσω . μετα δ`’ ἔσσεται , ἣν τότ’ ἀπηύρων1, 2, 3

9.132 κούρη Βρισῆος . καὶ ἐπι δὲ μέγαν ὅρκον ὀμοῦμαι1, 2, 3

9.133 μή ποτε τῆς , εὐνῆς ἐπιβήμεναι ἠδὲ μιγῆναι1, 2, 3

9.134 ἡ θέμις ἀνθρώπων πέλει . ἀνδρῶν ἠδὲ γυναικῶν·1, 2, 3

Scholia text

msA, 9.130, commenting on 9.122 ἕπτ’ ἀπύρους τοὺς μὴ εἰς πῦρ χρησίμους ἀλλ’ αναθεματικοὺς καινουργίους τι οὐ κόσμοῦ χάριν τιθεμένους ἐν τῷ οἴκῳ ⁑

msA, 9.131, commenting on 9.122 τάλαντα : τὰ νῦν εξακισχιλίων λέγει παρὰ Ἀθηναιοις . διαφόρως δὲ νοεῖται : ἦν γὰρ καὶ βραχύ τι παρὰ τοῖς ἀρχαῖοις καὶ ὁ ποιητής δὲ δῆλον ἡμῖν τοῦτο ποιεῖ ἐν τῷ ἐπι ταφίῳ . Πατρόκλου λέγων ἱππεῦσι μὲν πρῶτα ποδώκεος ἀγλαὰ ἄεθλα θῆκ’ ἠε γυναῖκα ἄγεσθαι ἀμύμονα ἔργ’ εἰδυῖα , καὶ τρίποδ’ ὠτόεντα δύο καὶ εἰκοσί μετρον : τῷ πρώτω ἀτὰρ αὐτῷ δευτέρω ἵππον θῆκαν ἑξετε ἀδμήτην βρέφος ἡμίονον φορέουσαν . αῦτις δὲ τὸ τρίτον ἄπυρον κατέθηκε λέβητα : τῷ δε τετάρτῳ θῆκε χρυσοῖο δύο ταλαντα ⁑

msA, 9.133, commenting on 9.125 ἀλήϊος : πένης ἄπορος ἤτοι δὲ ἀπὸ τοῦ μὴ ἔχειν χώραν σιτόσπορον ἣν λήϊον καλεῖ ἠ ἀπο τοῦ μη εχειν λείαν : λείας δὲ λέγει τὰς ἀγέλας τῶν θρεμμάτων ⁑

msA, 9.134, commenting on 9.128 δώσω δ’ επτὰ γυναῖκας ἀμύμονα : ὅτι χωρὶς τοῦ ς γραπτέον : οὐ γὰρ ἐστι κατα τῶν γυναικῶν , ἀλλα κατα τῶν έργων . ὕστερον δὲ ἐπι τῶν γυναικῶν αἳ κάλλει ἐνίκων ⁑

msA, 9.135, commenting on 9.129 Λεσβίδας : παρὰ Λέσβιοις ἀγὼν ἄγεται κάλλους γυναικῶν ἐν τῷ τῆς ήρας τεμένει λεγόμενον καλλίστεια : ἡ δὲ Λέσβος νῆσος ἐστιν εν τῳ Αἰγειω πελάγω πο εχοῦσα πέντε , Ἄντισσαν Ἔρυσον : Μίθυμναν Πυπίαν Μιτυληνην ⁑

msA, 9.136, commenting on 9.130 ἐξελόμην : Ἀρίσταρχος ψιλοῖ . καὶ πρόθεσιν παραδέχεται , ὥστε εἶναι έν μερος λόγου :

msA, 9.137, commenting on 9.131 τὰς μὲν οἱ δώσω : ὅτι ἐντεῦθεν πλανηθεὶς Ζηνόδοτος συναριθμεῖσθαι ἐν ταῖς επτὰ καὶ τὴν Βρισηΐδα ἔδοξεν . καὶ ἐν ἄλλοις γράφει . ἐκ δ’ ἄγεν ἑπτὰ γυναῖκας . ἀμύμονα ἔργ’ εἰδυίας ἓξ ἀτὰρ ἑβδομάτην Βρισηΐδα καλλιπάρηον ἐστι δὲ εκτὸς ἡ Βρισηΐς ⁑

msA, 9.138, commenting on 9.133 μήποτε τῆς εὐνῆς ἐπιβήμεναι : ὅτι εξοθεν δεῖ λαβεῖν τὸ ἄρθρον : τὸ γὰρ τῆς νῦν , ἀντι τοῦ ταύτης παρείληπται : καὶ ἐστιν ὁ λόγος μήποτε τῆς ταύτης εὐνῆς ἐπιβήμεναι ⁑

msA, 9.139, commenting on 9.134 ἡ θέμις : τὸ η τὸ πρῶτον δασυντέον , ἐστι γὰρ ἰσοδυναμοῦν τὸ ως , δι ὃ καὶ ὁ τέ προστίθεται σύνδεσμος πολλάκις : ὡς γὰρ λέγομεν ὥς τε γὰρ ἠ παῖδες νεαροὶ . οὕτως ἥ τε ξείνων θεμις ἐστι . τὸ δε ἠδέ ψιλωτέον : σύνδεσμος γάρ ἐστιν ἰσοδυναμῶν τὸ και ὁμοίως τῷ ἠδ’ εὔφρονα καρπὸν ἀμεῖσθαι : βραχὺ δὲ διασταλτέον ἐπι τὸ πέλει : σαφέστερος γὰρ γίνεται ὁ νοῦς . ὅπερ ἐστιν ἔθος ἀνοις , ἀνδράσι τε καὶ γυναιξίν ⁑

msAext, 9.146, commenting on 9.112 ἀρεσάμενοι πεπιοιμεν

msAil, 9.147, commenting on 9.119 δινὰς ολεθρίας

msAil, 9.148, commenting on 9.123 τοὺς πρὸς πύρ ἐπιτηδείους

msAil, 9.149, commenting on 9.124 ἐυπαγεῖς εὐτραφεῖς

msAil, 9.150, commenting on 9.124 γενναίους :

msAil, 9.151, commenting on 9.125 πένης ἄπορος

msAil, 9.153, commenting on 9.127 περιεποιήσαντο :

msAim, 9.141, commenting on 9.118 γράφεται έτισε δάμασσε δὲ λαὸν Ἀχαιῶν ⁑

msAint, 9.144, commenting on 9.129 το αὐτο ὸ βελτιον ἐπι τοῦ Ἀχιλλέως ἄκουσον καὶ τοῖς ἄνω συναπτεον :

msAint, 9.145, commenting on 9.132 Αρισταρχος κούρη Βρισηος επ δὲ μέγαν ορκον ὁμοῦμαι :