Manuscript msA, page 117v

Manuscript msA, page 117v

prev: 117r

next: 118r

Iliad text

9.285 ὅς , οἱ , τηλύγετος τρέφεται θαλίῃ ἔνι πολλῇ .1, 2

9.286 τρεῖς δέ οἵ εἰσι θύγατρες ἐνι μεγάρῳ ἐϋπήκτῳ·1, 2

9.287 Χρυσόθεμις · καὶ Λαοδίκη . καὶ Ἰ̈φιάνασσα .1, 2

9.288 τάων ἥν κ’ ἐθέλῃσθα φίλην ἀνάεδνον ἄγεσθαι1, 2

9.289 πρὸς οἶκον Πηλῆος · ὃ δ’ αὖτ’ ἐπι μείλια δώσει1, 2

9.290 πολλὰ μάλ’ . ὅσσ’ οὔ πω τίς ἑῇ ἐπέδωκε θυγατρί·1, 2

9.291 ἑπτὰ δέ τοι δώσει εὖ , ναιόμενα πτολίεθρα·1, 2

9.292 Καρδαμύλην . Ἐνόπην τε· καὶ Ϊρὴν ποιήεσσαν·1, 2, 3

9.293 Φηράς τε ζαθέας . ἠδ’ Ἄνθειαν , βαθύλειμον·1, 2

9.294 καλήν τ’ Αἴπειαν · καὶ Πήδασον ἀμπελόεσσαν·1, 2

9.295 πᾶσαι δ’ ἐγγὺς ἁλός νέαται Πύλου ημαθόεντος·1, 2

9.296 ἐν δ’ ἄνδρες ναίουσι , πολύρρηνες . πολυβοῦται .1, 2

9.297 οἵ κέ σε δωτίνῃσι θεὸν ὡς τιμήσουσι·1, 2, 3, 4

9.298 καί τοι ὑπο σκήπτρῳ λιπαρὰς τελέουσι θέμιστας·1, 2

9.299 ταῦτα κέ τοι τελέσειε μεταλλήξαντι χόλοιο·1, 2, 3

9.300 εἰ δέ τοι Ἀτρείδης μὲν ἀπήχθετο κηρόθι μᾶλλον1, 2, 3

9.301 αὐτὸς καὶ τοῦ δῶρα· σὺ δ’ ἄλλους περ Παναχαιοὺς1, 2

9.302 τειρομένους ἐλέαιρε κατα στρατόν . οἵ σε θεὸν ὡς1, 2, 3

9.303 τίσουσ’· ῆ γάρ κέ σφι μάλα μέγα κῦδος ἄροιο·1, 2

9.304 νῦν γάρ χ’ Ἕκτορ ‘ ἕλοις . ἐπεὶ ἂν μάλα τοι σχεδὸν ἔλθοι1, 2

9.305 λύσσαν , ἔχων ὀλοὴν . ἐπεὶ οὔ τινα φησὶν ὁμοῖον .1, 2

9.306 οἷ , έμεναι Δαναῶν . οὓς ἐνθάδε νῆες ἔνεικαν·1, 2

9.307 Τὸν δ’ ἀπαμειβόμενος προσέφη πόδας ὠκὺς Ἀχιλλεύς .1, 2

9.308 διογενὲς . Λαερτιάδη . πολυμήχαν’ Ὀδυ σεῦ .1, 2

9.309 χρὴ μὲν δὴ τὸν μῦθον ἀπηλεγέως ἀποειπεῖν1, 2, 3

Scholia text

msA, 9.304, commenting on 9.297 ‡οἵ κε σε δωτίνῃσι : ἡ διπλῆ ὅτι τῷ παθητικῷ ἀντὶ τοῦ ἐνεργητικοῦ ἐχρήσατο , οὕτως γὰρ Ἀρίσταρχος τιμήσωνται ὡς ἐλεύσωνται ⁑

msA, 9.305, commenting on 9.302 τειρομένους ἐλέαιρε τὸ κατα στρατόν ἀμφοτέροις δύναται συνάπτεσθαι τοῖς μέρεσιν : εἰ μὲν οὖν τοῖς ἄνω συνάπτοιτο , ἔσται τὸ ἑξῆς τειρομένους κατα στρατόν οἷον καταπονουμένους ήδη ἐν τῷ στρατοπαίδῳ . καὶ δεδιωγμένους μέχρι θαλάσσης : εἰ δε τοῖς ἑξῆς . ἔσται ὁ λόγος . οἵτινες σε κατα πᾶν τὸ στράτευμα τιμήσουσιν ὡς θν , οἷον πάντες ὁμοίως ⁑

msA, 9.306, commenting on 9.300 κηρόθι μᾶλλον : ἤτοι θάνατος πλέον παρα τὴν κῆρα , τοῦτέστι θανατηφόρον μοῖραν , ἡ ἐν τῇ ψυχῇ μισεῖται , μᾶλλον παρα τὸ κῆρ ὅ έστι ψυχή ⁑

msA, 9.307, commenting on 9.309 ‡ἀπηλεγέως : ἀποτόμως σκληρῶς ἢ ἀπαγορευτικῶς κεκριμένως : ἀπαγορευτικῶς διαρρήδην ἢ ἀπο τοῦ ῥέξαι ὅ ἐστιν εἰπόντα . παύσασθαι : ἠ ἀπηλγημένως φιλοσύντομος γὰρ ἡ δεινοπάθεια : θυμός . οἱ γὰρ λυπεῖν θέλλοντες τὰς χρηστὰς ἐκκόπτουσιν ἐλπίδας : ὅρα δὲ : ὡς προς μὲν Ὀδυσσέα , ἀπιέναι φησί : προς Φοίνικα . μένειν , μὴ μέντοι πολεμήσειν : πρὸς Αἴαντα , ὅτε ἀνάγκη καλεῖ , πολεμήσειν : +

msAext, 9.310, commenting on 9.297 τιμήσουσι·

msAim, 9.308, commenting on 9.292 ουτ Ἱρην ὀξυτόνως ὡς ἐν τη Καθόλου ⁑

msAim, 9.309, commenting on 9.299 δια τοῦ ἑτέρου λ τὸ μεταλλήξαντι αἱ Ἀρισταρχ :