Manuscript msA, page 121r

prev: 120v

next: 121v

Iliad text

9.464 ἦ μὲν πολλὰ ἔται καὶ ἀνεψῐοὶ ἀμφὶς ἐόντες .1, 2, 3, 4

9.465 αὐτοῦ λισσόμενοι κατερήτυον ἐν μεγάροισι·1, 2, 3

9.466 πολλὰ δὲ ἴ̈φια μῆλα , καὶ εἰλίποδας ἔλικας βοῦς 1, 2, 3, 4

9.467 ἔσφαζον· πολλοὶ δὲ σύες θαλέθοντες ἀλοιφῇ 1, 2

9.468 εὐόμενοι . τανύοντο διὰ φλογὸς Ἡφαίστοιο ·1, 2, 3, 4

9.469 πολλὸν δ’ ἐκ κεράμων μέθυ πίνετο τοῖο γέροντος·1, 2, 3, 4

9.470 εἰνάνυχες δέ μοι ἀμφ’ αὐτῷ παρὰ νύκτας ί̈αυον·1, 2, 3, 4

9.471 οἱ μὲν ἀμειβόμενοι φυλακὰς ἔχον , οὐδέ ποτ’ ἔσβη 1, 2

9.472 πῦρ . ἕτερον μὲν ὑπαιθούσῃ εὐερκέος αὐλῆς ,1, 2, 3, 4, 5, 6

9.473 ἄλλο δ’ ἐνὶ προδόμῳ . πρόσθεν θαλάμοιο θυράων·1, 2, 3, 4

9.474 ἀλλ`’ ὅτε δὴ δεκάτη μοι ἐπήλυθε νὺξ ἐρεβεννὴ .1, 2

9.475 καὶ τότ’ ἐγὼ θαλάμοιο θύρας πυκινῶς ἀραρυίᾱς 1, 2, 3, 4

9.476 ῥήξας . ἐξῆλθον . καὶ ὑπέρθορον ερκίον αὐλῆς 1, 2, 3

9.477 ῥεῖα . λαθὼν φύλακάς τ’ ἄνδρας . δμῳάς τε γυναῖκας·1, 2, 3

9.478 φεῦγον ἔπειτ’ ἀπάνευθε , δι’ Ἑλλάδος εὐρυχόροιο·1, 2, 3

9.479 Φθίην δ’ ἐξικόμην ἐριβώλακα μητέρα μήλων 1, 2

9.480 ἐς Πηλῆα ἄνακτα · ὁ δέ με πρόφρων ὑπέδεκτο·1, 2, 3, 4

9.481 καί μ’ ἐφίλησ’ . ὡς εἴ τε πατὴρ ὃν παῖδα φιλήσῃ .1, 2, 3

9.482 μοῦνον , τηλύγετον . πολλοῖσιν ἐπι κτεάτεσσιν·1, 2, 3

9.483 καί μ’ ἀφνειὸν ἔθηκε , πολὺν δέ μοι ὤπασε λαόν·1, 2

9.484 ναῖον δ’ ἐσχατιὴν Φθίης Δολόπεσσιν ἀνάσσων·1, 2, 3, 4

9.485 καί σε τοσοῦτον ἔθηκα θεοῖς ἐπιείκελ’ Ἀχιλλεῦ 1, 2, 3

9.486 ἐκ θυμοῦ φιλέων : ἐπεὶ οὐκ εθέλεσκες ἅμ’ ἄλλῳ 1, 2

9.487 οὔτ’ ἐς δαῖτ’ ϊέναι· οὔτ’ ἐν μεγάροισι πάσασθαι .1, 2, 3

9.488 πρίν γ’ ὅτε δή σ’ ἐπ’ ἐμοῖσιν ἐγὼ γούνεσσι καθίσσας 1, 2, 3, 4

Scholia text

msA, 9.437, commenting on 9.464 ἀμφὶς ἐόντες : Διονυσιος ὁ Θρᾶξ ἐν τῇ Πρὸς Κράτητα δια τῆς Ἱπποδρομίας φησὶ γεγραμμενου ἀντιόωντες μεταθεῖναι τὸν Αριχ ἀμφὶς ἐόντες . ὅτι ἡγαπημέ ἢν δια τὴν σπουδήν . ὁδὲ πηρ ἢν ὀργιζόμενος δια τὸν ἔρωτα ἀνεψιὸς δὲ Φοίνικος Εὐρύπυλος ⁑

msA, 9.438, commenting on 9.470 εἰνάνυχες ὡς μονώνυχες ἀπ ευθείας τῆς εἰνάνυξ , εἰ δέ τινα τὸ ἐπιφερόμενον ταράσσει παρα νύκτας ἴ̈αυον ἴστω . ὅτι σύνηθες οὕτως πολλὰ λέγειν τῷ ποιητῇ ποδάνιπτρας ποδῶν οἶνον ἐνοινοχοεῦντες ⁑

msA, 9.439, commenting on 9.472 πῦρ ἕτερον μὲν ὑπ αἱθούσῃ : δια τῆς εν προθ ἐν αἰθούσσῃ αἱ Ἀριστάρχου : συνᾴδει καὶ τὸ εξῆς : ἄλλο δ’ ἐνι προδόμῳ : αἴθουσσαι δὲ αἱ ὑπο ☉ καταγαζόμεναι στοαὶ παρα αἴθεσθαι ὅ ἐστι καίεσθαι διέχεεν δὲ τὴν τάξιν ⁑

msA, 9.441, commenting on 9.473 ἄλλο δ’ ἐνι προδόμῳ ὅτι πάλιν δοκεῖ τὸ ἄλλω πρὸς τὸ ἕτερον συγκεχύσθαι πιθανεύονται δὲ λέγοντες τρία φῶτα εῖναι . ἓν μὲν ὑπο ταῖς αἰθούσσαις ἕτερον δὲ ἐν τῷ οἴκῳ , ἄλλω δὲ ἐν τῷ προδόμῳ τοῦ οἴκου . ἀπίθανον γάρ φασὶν ἐν μεν τῷ προδόμῳ πῦρ εἶναι ἐν δε τῷ οἴκω ἐλλείπειν ⁑

msA, 9.444, commenting on 9.482 μοῦνον τηλύγετον : δυσωπητικὰ Ἀχιλλέως ὅτι μὴ πειθεὶς ἀντιμάσει τοῦτον ὃν ὁ πηρ ἠτίμησεν , ἅμα δὲ καὶ ὅτι ἐν ταῖς φυγαῖς οὐδὲν οὕτως συμβάλλεται ὡς φρόνησις καὶ παιδεία δι ἃς ὁ Φοῖνιξ ὑπο Πηλέως ἐτιμήθη ⁑

msA, 9.445, commenting on 9.484 Δολόπεσσιν ἀνάσσων , Δολόπων μέρος τῆς Φθιώτιδος χώρας , δι ὃ καὶ παραλέλοιπεν αὐτοὺς ἐν τῷ Καταλόγῳ :

msA, 9.446, commenting on 9.485 καί σε τοσοῦτον , οὐκ ἀναγκαῖον ἐνθάδε ὀρθοτονεῖν οὐδε γὰρ ἀντιδιαστολὴ πρὸς ετ προσωπ ἀπολελυμένως οὖν ἀναγνωστέον ⁑