Manuscript msA, page 125r

Manuscript msA, page 125r

prev: 124v

next: 125v

Iliad text

9.664 τῷ δ’ ἄρα παρκατέλεκτο γυνὴ . τὴν Λεσβόθεν ἦγε .1, 2, 3

9.665 Φόρβαντος θυγάτηρ . Διομήδη καλλιπάρῃος .1, 2

9.666 Πάτροκλος δ’ ἑτέρωθεν ἐλέξατο· παρ δ’ άρα καὶ τῷ1, 2

9.667 Ἶ̈φις ἐΰζωνος . τήν οἱ πόρε δῖος Ἀχιλλεὺς1, 2

9.668 Σκῦρον ἑλὼν αἰπεῖαν . Ἐνυῆος πτολίεθρον·1, 2, 3, 4, 5

9.669 Οἱ δ’ ὅτε δὴ κλισίῃσιν ἐν Ἀτρείδαο γένοντο·1, 2

9.670 τοὺς μὲν ἄρα χρυσέοισι κυπέλλοις υἷες Ἀχαιῶν1, 2

9.671 δειδέχατ’ ἄλλοθεν ἄλλος ἀνασταδόν . ἔκ τ’ ἐρέοντο·1, 2, 3

9.672 πρῶτος δ’ ἐξερέεινεν ἄναξ ἀνδρῶν Ἀγαμέμνων ·1, 2

9.673 εἰπ`’ άγε μ’ , ὦ πολύαιν’ Ὀδυσεῦ . μέγα κῦδος Ἀχαιῶν .1, 2, 3, 4

9.674 ῆ ρ’ ἐθέλει νήεσσιν ἀλεξέμεναι δήϊον πῦρ .1, 2, 3

9.675 ἠ ἀπέειπε . χόλος δ’ έτ’ ἔχει μεγαλήτορα θυμόν·1, 2, 3

9.676 Τὸν δ’ αῦτε προσέειπε πολύτλας . δῖος Ὀδυσσεύς ·1, 2

9.677 Ἀτρείδη , κύδιστε· ἄναξ ἀνδρῶν Ἀγάμεμνον ·1, 2

9.678 κεῖνός γ’ οὐκ ἐθέλει , σβέσσαι χόλον . ἀλλ`’ έτι μᾶλλον1, 2, 3

9.679 πιμπλάνεται μένεος . σὲ δ’ ἀναίνεται . ἠδὲ σὰ δῶρα·1, 2

9.680 αὐτόν σε φράζεσθαι ἐν Ἀργείοισιν ἄνωγεν1, 2, 3, 4

9.681 ὅππως κεν νῆάς τε σόῃς . καὶ λαὸν Ἀχαιῶν ·1, 2, 3, 4

9.682 αὐτὸς δ’ ἠπείλησεν . ἅμ’ ἠοῖ φαινομένηφι1, 2, 3, 4

9.683 νῆας ἐϋσσέλμους ἅλαδ’ ἑλκέμεν ἀμφιελίσσας·1, 2

9.684 καὶ δ’ ἂν τοῖς ἄλλοισιν ἔφη παραμυθήσασθαι1, 2

9.685 οἴκαδ’ ἀποπλείειν· ἐπεὶ οὐκέτι δήετε τέκμωρ1, 2, 3, 4, 5, 6

9.686 Ἰ̈λίου αἰπεινῆς· μάλα γάρ ἑθεν εὐρύοπα Ζεὺς1, 2, 3, 4

9.687 χεῖρα ἑὴν ὑπερέσχε . τεθαρσήκασι δὲ λαοί·1, 2, 3

9.688 ὡς ἔφατ’ , εἰσὶ καὶ οἷδε τάδ’ εἰπέμεν . οἵ , μοι ἕποντο·1, 2, 3, 4, 5

Scholia text

msA, 9.693, commenting on 9.571 τὰ εἰς ησ παρώνυμα . θηλυκὰ παρακείμενα τοῖς εἰς ης ἀρσενικοῖς βαρυνομένοις προπερισπᾶται εἰ φύσει μακρᾶ . παραλήγοιτο . πρωθῆβης πολιῆτις ἀλεῖτης πλανῆτις πρεσβύτης οὕτως δὲ καὶ ἱεροφοῖτις : ὅσα δὲ παρα τὸ πωλεῖν ἐστιν ἀνεβίβασε τὸν τόνον : ἀρτόπωλις ἀλφιτόπωλις . ἀλλ οὖν καὶ ὅσα παρα τὸ κοῖτος παράκοιτις ἄκοιτις : τὸ μέντοι δολόμητις . οὐκ ἔστι θηλυκόν , ἀλλὰ καὶ ἀρσενικόν καὶ ἴσως τὸ μῆτις ἔγκειται ὡς τὸ πολύμητις δολόμητις καὶ ἔστι σύνθετον :

msA, 9.638, commenting on 9.668 Σκῦρον ἑλών . ὅτι δια τούτων καὶ τὴν Σκῦρον πεπολιορκουμενην ὑπο Ἀχιλλέως μετὰ τῶν ἄλλων πόλεων παραδίδωσιν . Σκῦρου δὲ ἐστι νῆσος καὶ πολις τῆς νῦν Φρυγίας πρότερον δὲ ηλικίας : μία δὲ τῶν Κυκλάδων ἣν οὐ πορθήσας . ἀλλ’ ειρηνικῶς καταλαβών ἐλαφυραγώγησεν ⁑

msA, 9.639, commenting on 9.673 εἴπ’ ἄγε μ’ : εν: ήτοι στικτέον κατ τὸ τελος τοῦ στίχου ἵνα ἀφ ετέρας ἀρχῆς ἀναγινώσκωμεν η ρ’ ἐθέλει νήεσσι καὶ ὁ λόγος ῃ πευστικός : ἆρα βούλεται βοηθεῖν . ἢ διασταλτέον ἐπι τὸ Ἀχαιῶν ἵνα ᾗ τοιοῦτος ὁ λόγος : ἄγε εἰπέ μοι , εἰ βούλεται βοηθῆσαι ⁑

msA, 9.640, commenting on 9.678 σβέσαι χόλον : πυρώδης γὰρ ὁ θυμός ἐντεῦθεν δὲ καὶ ωρίσαντο οἱ φιλόσοφοι θυμός ἐστι ζέσις τοῦ περὶ καρδίαν αἵματος ⁑

msA, 9.641, commenting on 9.680 αυτόν σε φράζεσθαι : ὁ Ασκαλωνίτης ορθοτονεῖ τὴν σὲ ἐπεί φησὶν ἀεὶ μετὰ τῆς επιταγματικῆς αἱ πρωτότυποι φιλοῦσιν ὀρθοτονεῖσθαι ἐχρῆν δὲ αὐτὸν ἐπι τοῦ πρώτου καὶ δευτέρου προσώπου ορίσασθαι , παραιτήσασθαι δὲ τινα Ὁμηρικὰ ἄλλως ἀνεγνωσμένα δι αιτίαν τινὰ : κελεύετέ μ’ αὐτὸν ἐλέσθαι , εἰ μή τις σ αὐτόν , ἄλλως τε αἱ πρὸ τῆς αὐτός εἰσιν αἱ ορθοτονούμεναι οὐχ αἱ μετὰ τὴν αὐτὸς . ἐγκλιτικῶς οὖν ἀναγνωστέον :

msA, 9.643, commenting on 9.685 οἴκαδ’ ἀποπλείειν ὅτι ἀπέστροφε τὸν λόγον οὐ γὰρ εῖπε δήουσιν ἀλλὰ δήετε ⁑

msA, 9.644, commenting on 9.686 Ἰλίου αἰπεινῆς , ἡ διπλῆ , ὅτι θηλυκῶς τὴν Ἴλιον ⁑

msA, 9.645, commenting on 9.688 ὡς ἔφατ’ , εἰσὶ καὶ οἵδε : ἀθετοῦνται στίχοι πέντε ἕως τοῦ αὔριον ἢν ἐθέλῃσιν ὅτι καὶ νεώτεροι τοῖς νοήμασι καὶ τῇ συνθέσει πεζότεροι καὶ ὅτι ὡς ἀπιστησόμενος μάρτυρας ἐπισπᾶται :

msA, 9.646, commenting on 9.688 ὡς ἔφατ’ στικτέον ἐπι τὸ ἔφατο . δύναται δὲ καὶ ὑποστίζεσθαι ἵν ᾗ ὁ λόγος ὡς εἶπεν καὶ οῦτοι μαρτυρήσουσιν : εἰ δὲ ἐπιτετήδευται ἡ ἀνάγνωσις οὐ θαυμαστὸν καὶ γὰρ ὅλοι ἀπρεπεῖς οἱ στίχοι :

msA, 9.697, commenting on 9.694 συντέμνει τὸ ἀηδὲς τῆς ὑποθέσεως : καὶ ἄλλως ἵνα μὴ δόξῃ ἀτιμάζειν τοὺς λόγους : τούτους δὲ τοὺ στίχους Ἀριστοφάνης ἠθέτει Ζηνόδοτος τὸν αὔριον μόνον . καὶ τὸ μῦθον ἀγασσάμενοι Ζηνόδοτος μὲν οὐ γράφει Ἀρίσταρχος δὲ ἀθετεῖ +

msAil, 9.653, commenting on 9.668 ὑψηλήν

msAil, 9.654, commenting on 9.688 υς Διονύσο

msAil, 9.655, commenting on 9.671 ἀναστάντες

msAil, 9.656, commenting on 9.673 πολλὺ ἐπαίνου άξιε

msAil, 9.657, commenting on 9.675 ἀπηγόρευσε

msAil, 9.658, commenting on 9.682 διωρίσατο εῖπεν :

msAil, 9.659, commenting on 9.685 οὐρήσετε

msAil, 9.660, commenting on 9.685 τέλος

msAil, 9.661, commenting on 9.687 ὑπερασπίζει :

msAim, 9.647, commenting on 9.674 ἐν άλλω ἀμυνόμεναι

msAim, 9.648, commenting on 9.681 Ἀρισταρχ σοώς καὶ σάῳς .

msAim, 9.649, commenting on 9.686 οτ θηλυκῶς τὴν Ἴλιον ⁑

msAint, 9.651, commenting on 9.685 απο τοῦ διηγηματικοῦ ἐπι τὸ μιμητικον μετέβη :