Facsimile editions Manuscript facsimiles from the Homer Multitext project
Manuscript msA, page 127v
Manuscript msA, page 127v
| prev: 127r | next: 128r |
Iliad text
10.76 ἀσπὶς . καὶ δύο δοῦρε , φαεινή τε τρυφάλεια·1
10.77 πὰρ δὲ ζωστὴρ κεῖτο παναίολος . ᾧ ῥ’ ὁ γεραιὸς1, 2
10.78 ζώννυθ’ , ὁτ’ ἐς πόλεμον φθισήνορα θωρήσσοιτο1
10.79 λαὸν ἄγων· ἐπεὶ οὐ μὲν ἐπέτραπε γήραϊ λυγρῷ·1, 2, 3, 4
10.80 ὀρθωθεὶς δ’ ὰρ ἐπ’ ἀγκῶνος . κεφαλὴν ἐπαείρας ,1, 2
10.81 Ἀτρείδην προσέειπε . καὶ ἐξερεείνετο μύθῳ·1
10.82 τίς δ’ οὗτος κατὰ νῆας ἀνα στρατὸν ἔρχεαι οἶος1
10.83 νύκτα δι’ ὀρφναίην . ὅτε θ’ εὕδουσι βροτοὶ ἄλλοι .1, 2
10.84 ἠέ τιν’ οὐρήων διζήμενος . ἤ τιν’ ἑταίρων·1, 2, 3
10.85 φθέγγεο· μὴδ’ ἀκέων ἐπ’ ὲμ’ ἔρχεο· τίπτε δέ σε χρεώ·1
10.86 τὸν δ’ ἠμείβετ’ ἔπειτα ἄναξ ἀνδρῶν Ἀγαμέμνων :1
10.87 ὦ Νέστορ . Νηληάδη · μέγα κῦδος Ἀχαιῶν ,1
10.88 γνώσεαι Ἀτρείδην Ἀγαμέμνονα · τὸν περὶ πάντων1
10.89 Ζεὺς ἐνέεικε πόνοισι διαμπερὲς . εἰς ὅ κ’ ἀϋτμὴ1, 2
10.90 ἐν στήθεσσι μένῃ· καί μοι φίλα γούνατ’ ὀρώρῃ·1
10.91 πλάζομαι ὧδ’· ἐπεὶ οὔ μοι ἐπ’ όμμασι νήδυμος ὕπνος1, 2
10.92 ἱ̈ζάνει· ἀλλὰ μέλει πόλεμος . καὶ κήδε’ Ἀχαιῶν .1
10.93 αἰνῶς γὰρ Δαναῶν πέρὶδείδια . οὐδέ μοι ῆτορ1, 2
10.94 ἔμπεδον . ἀλλ’ ἀλαλύκτημαι · κραδίη δέ μοι ἔξω1, 2
10.95 στηθέων ἐκθρῴσκει· τρομέει δ’ ὑπο φαίδιμα γυῖα·1, 2, 3
10.96 ἀλλ`’ εἴ τι . δραίνεις . ἐπεὶ οὐδὲ σέ γ’ ὕπνος ἱ̈κά̄νει .1, 2
10.97 δεῦρ’ εἰς τοὺς φύλακας καταβήομεν . ὄφρα ἴ̈δωμεν1
10.98 μὴ τοὶ μὲν καμάτω ἁδηκότες ἠδὲ καὶ ὕπνῳ .1, 2
10.99 κοιμήσωνται· ἀτὰρ φυλακῆς ἐπι πάγχυ λάθωνται .1
10.100 δυσμενέες δ’ ἄνδρες σχεδὸν εἵαται· οὐδέ τι ἴ̈δμεν1
Scholia text
msA, 10.96, commenting on 10.77 ‡πὰρ δὲ ζωστηρ : ὅτι δοκοῦσι τινὲς ταὐτὸν εἶναι ζῶμα καὶ ζωστῆρα : οὐκ έστι δὲ : ἀλλὰ ζῶμα καλεῖ , τὸ συναπτόμενον τῇ μήτρᾳ ὑπο τὸν στατὸν θώρακα : τὸ δὲ ἔξωθεν συνδέον πάντα ζωστῆρα καὶ ὅτι τὸ παναίολον ἐπι τῶν λαμπόντων :
msA, 10.97, commenting on 10.80 ὀρθωθεὶς δ’ ὰρ ἐπ ἀγκῶνος : βραχὺ διασταλτέον ἐπὶ τὸ ἀγκῶνος τηρητέον δὲ τοῦτο ὅτι ὀρθωθῆναι καὶ στῆναι οὐ πάντως ἐπι τῶν ποδῶν τάττει προς εκεῖνα ἕζετο δ’ ὀρθωθεὶς . καὶ ἐζόμενος δ’ ἐπι γοῦνα ⁑
msA, 10.98, commenting on 10.84 ἠέ τιν οὐρήων : ἀθετεῖται ὅτι οὐρήων βούλεται λέγειν τῶν φυλάκων καὶ οὐκ εκράτησε τοῦ σχήματος , οὖρον γὰρ λέγει ὡς κοῦρον τὸν φύλακα . οὐρέα δὲ τὸν ἠμίονον καὶ ὅτι ἄκαίρως ἡ ερωτη ⁑
msA, 10.99, commenting on 10.91 ‡πλαζόμαι : οὐδὲν ἑστηκὼς διανοοοῦμαι πλανῶμαι , κατα τὴν γνώμην οιονεὶ ἀπορῶ ὅπως χρήσωμαι τοῖς παροῦσι πράγμασι ⁑
msA, 10.101, commenting on 10.95 στηθέων ἐκθρῴσκει : Νικίας κατ ιδίαν τὴν πρόθεσιν ποιεῖ , ἵνα τὸ ἑξῆς γένηται ἐκ στηθέων θρώσκει . ἄμεινον δὲ ἓν ποιεῖν ἐκθρῴσκει ὡς ἐκτρέχειν ⁑
msA, 10.103, commenting on 10.98 μὴ τοὶ μὲν καμάτω ὅτι Ζηνόδοτ μη νοήσας τὸ σημαινόμενον γράφει ἁδηκότες ἡδέϊ ὕπνῳ κοιμήσωνται : ἔτι δὲ καὶ νῦν λέγομεν ὕπνου μεστὸν οὐ τὸν ἐξυπνωκότα , ἀλλα τὸν πολὺ τὸ ὑπνωτικὸν ἐν αυτῷ ἔχοντα ⁑
msAil, 10.107, commenting on 10.79@ἐπέτραπε ε
msAil, 10.108, commenting on 10.79@ἐπέτραπε-λυγρῷ τουτεστ οὐ δε ὑπο τοῦ γήρως ενικᾶτο ⁑
msAil, 10.109, commenting on 10.83@ὁρφναίην σκοτεινήν :
msAil, 10.110, commenting on 10.84@οὐρήων φυλάκων
msAil, 10.111, commenting on 10.89@εἰς-ἀϋτμὴ ἕως οῦ ἡ ἀναπνοή :
msAil, 10.113, commenting on 10.94@ἀλαλύκτημαι ἐν ἄλλη καὶ πλάνη εἰμί ἀδημονῶ ἐκπεπληγμαι :
msAil, 10.114, commenting on 10.96@δραίνεις ἐπινοεῖς δράσαι δύνασαι :
msAil, 10.115, commenting on 10.98@καμάτω-ἁδηκότες ὑπο κόπου αηδῶς διακείμενοι οκνήσαντες :
msAil, 10.116, commenting on 10.99@ἐπι-πάγχυ παντελῶς
msAil, 10.117, commenting on 10.100@δυσμενέες-σχεδὸν εἴαται οἱ δὲ πολέμιοι ἐγγὺς κάθηνται ⁑
msAim, 10.104, commenting on 10.79 αριστ ἐπέτρεπε
msAim, 10.105, commenting on 10.89 ὃν ὁ Ζεὺς τῆ κακοπαθ ἐνέβαλε μέχρι τέλους ⁑
msAint, 10.106, commenting on 10.79 οὐκ εδίδου δια τὸ γήρας :