Manuscript msA, page 131r

Manuscript msA, page 131r

prev: 130v

next: 131v

Iliad text

10.252 ἄστρα δὲ δὴ προβέβηκε· παρωίχηκεν δὲ πλέω νὺξ·1, 2, 3, 4

10.253 τῶν δύο μοιράων . τριτάτη δ έτι μοῖρα λέλειπται·1, 2

10.254 ὡς εἰπόνθ’ ὅπλοισιν ἐνὶ δεινοῖσιν ἐδύτην·1, 2

10.255 Τυδείδῃ μὲν δῶκε μενεπτόλεμος Θρασυμήδης ·1

10.256 φάσγανον ἄμφηκες . τὸ δ’ ἑὸν παρὰ νηῒ λέλειπτο .1, 2, 3

10.257 καὶ σάκος . ἀμφὶ δέ οἱ κυνέην κεφαλῇφιν ἔθηκε1

10.258 ταυρείην . ἄφαλόν τε καὶ ἄλλοφον· ἥ τε καταῖτυξ1, 2, 3, 4, 5, 6, 7

10.259 κέκληται . ῥύεται δὲ κάρη θαλερῶν αἰζηῶν·1

10.260 Μηριόνης δ’ Ὀδυσῆϊ δίδου βιὸν . ἠδε φαρέτρην .1

10.261 καὶ ξίφος . ἀμφὶ δέ οἱ κυνέην κεφαλῇφιν ἔθηκε1

10.262 ῥινοῦ ποιητὴν · πολέσιν δ’ ἔντοσθεν ϊμᾶσιν1, 2

10.263 ἐντέτατο στερεῶς . ἔκτοσθε δὲ λευκοὶ ὀδόντες1

10.264 ἀργιόδοντος ὑὸς θαμέες ἔχον ἔνθα καὶ ἔνθα1, 2

10.265 εὖ καὶ ἐπισταμένως . μέσση δ’ ἐνὶ πῖλος ἀρήρει·1, 2, 3, 4, 5

10.266 τήν ῥά ποτ’ ἐξ Ἑλεῶνος . Ἀμύντορος Ὀρμενίδᾱο1, 2, 3, 4

10.267 ἐξέλετ’ Αὐτόλυκος . πυκινὸν δόμον ἀντιτορήσᾱς·1, 2, 3, 4, 5

10.268 Σκάνδειαν δ’ ἄρα δῶκε Κυθηρίῳ Ἀμφιδάμαντι ·1, 2, 3

10.269 Ἀμφιδάμας δὲ Μόλῳ δῶκε ξεινήϊον εἶναι·1

10.270 αὐτὰρ ὃ Μηριόνῃ δῶκεν ᾧ παιδὶ φορῆναι·1

10.271 δὴ τότ’ Ὀδυσσῆος πύκασεν κάρη ἀμφιτεθεῖσα·1, 2

10.272 τὼ δ’ ἐπεὶ οὖν ὅπλοισιν ἐνὶ δεινοῖσιν ἐδύτην .1

10.273 βάν ῥ’ ἰ̈έναι· λιπέτην δὲ κατ’ αὐτόθι πάντας ἀρίστους·1, 2, 3

10.274 τοῖσι δὲ δεξιὸν ῆκεν ἐρῳδιὸν ἐγγὺς ὁδοῖο1, 2, 3

10.275 Παλλὰς Ἀθηναίη . τοὶ δ` οὐκ ἴ̈δον ὀφθαλμοῖσι1, 2

10.276 νύκτα δι’ ὀρφναίην . ἀλλὰ κλάγξαντος ἄκουσαν·1

Scholia text

msA, 10.2500, commenting on 10.252 ‡ ἄστρα δὲ δὴ προβέβηκε διὰ τὸ πολυθρύλλητον ζήτημα καὶ τὰς γεγονυίας ἀποδόσεις : γράφεται καὶ οὕτως , ἄστρα δὲ δὴ προβέβηκε τῶν δύο μοιράων , παροίχωκεν δὲ πλέω νὺξ , τριτάτη δ ετι μοῖρα λέλειπται : τριφύλακος γὰρ ἦν καθ Ὅμηρον ἡ νύξ . καὶ ἐν ἄλλοις . ἔσσεται ἠῶς ἢ δείλης ῆ μέσον ῆμαρ οὕτως καὶ Δωρόθεος ἐν τριακοστῷ πρώτῳ τῆς Ἀττικῆς λέξεως ἀξιοῖ γράφειν τὴν μὲν πρώτην δια τῆς οι διφθόγγου : τὴν δὲ δευτέραν διὰ τοῦ ω παροίχωκεν ἀποτεινόμενος : πολλὰ πρὸς Ἀριστὸνικον καὶ Τρύφωνα ἄλλως γράφοντας ἐπιδείξας τὸ οἴχωκεν Ϊακόν . οὕτως δὲ καὶ Ἀπολλώνιος ὁ τεχνικὸς οἶδε τὴν γραφήν ⁑

msA, 10.2501, commenting on 10.252 ἄστρον ἐστιν ἀστέρων συμφόρημα ὡς Ὠρίων Ὁφιοῦχος . ἀστηρ δὲ ὡς ὅταν λέγωμεν Ἀφροδίτης ἀστὴρ ἡ Διός :

msA, 10.2503, commenting on 10.258 ταυρείην ἄφαλόν τε , ἡ διπλῆ , ὅτι κυνέην μὲν καταχρηστικῶς τὴν ἐκ ταυρείου δέρματος : ἄφαλον δὲ καὶ ἅλοφον κατ επιτήδευσιν ἵνα λανθάνοιλανθάνῃ . φάλοι γὰρ τὰ ἐπι τῶν περικεφαλαιων . λαμπρὰ ασπιδίσκια : λόφοι δὲ αἱ τριχώσεις :

msA, 10.2505, commenting on 10.258 καταῖτυξ εἶδος περι κεφαλαίας ἀπο τοῦ κάτω τεύχεσθαι καὶ μὴ ἔχειν λόφον . ἀλλὰ κοίλην εἶναι . ἡ καταίτυξ προπερισπᾶται . πάντα τὰ εἰς υξ συστέλλει τὸ υ , τὰ μέντοι δια τοῦ κ κλινόμενα . ἐνίοτε ἐκτείνει τὸ υ τῶ γὰρ κήρυκι Ἠπίτυκι συνέσταλται δια τὸ μέτρον ⁑

msA, 10.2506, commenting on 10.265 εὐ καὶ ἐπισταμένως : ὅτι τὸ κοινὸν καὶ συμβεβηκὸς ταῖς περικεφαλαίαις εἰπόντος τοῦ ποιητοῦ ζωγράφοι καὶ πλάσται πίλιον ἐπέθεσαν τῷ Ὀδυσσεῖ ⁑

msA, 10.2507, commenting on 10.265 μέσση δ’ ἐνι πῖλος : καὶ τοῦτῳ ὁμοίως τῷ προκειμένῳ ἀναγνωστέον ⁑

msA, 10.2508, commenting on 10.266 τήν ῥα ποτ’ ἐξ Ελεῶνος : εἰσὶν οἳ ψιλοῦσιν . ὁ δὲ Ἀσκαλωνίτης φησὶ δασύνεσθαι : ἔστι δὲ τινὰ ἃ ἱστορία τοπικῇ κατέχεται οὕτως οὖν καὶ ἐπι τούτου : ἱστορούσι γὰρ οὕτως δασέως τὴν πο λέγεσθαι πῶς οὖν ἐν τῷ ψιλῶς ἀνέγνωμεν , οἵ τ’ Ἐλεῶν εἶχον φασὶ γὰρ κανταῦθα τὴν Βοιωτιατικὴν εἶναι πο ⁑

msA, 10.2509, commenting on 10.267 Αὐτόλυκος : ὁ Ἑρμοῦ υἱός κλεπτίστατ ἀνων ⁑

msA, 10.2510, commenting on 10.268 Σκάνδειαν δ’ ἄρα ὅτι ούτως εἶπεν ἀντι τοῦ εἰς Σκάνδειαν ἀπέστειλεν ὡς πεύθετο γὰρ Κύπρον δέ ἀντι τοῦ εἰς Κύπρον ἠκούετο , δια τὸ διαγγέλλεσθαι ἐκ τόπου εἰς τόπον : Σκάνδεια δὲ πόλις μάτειον Κυθήρων , ἀγνοήσαντες δὲ τινὲς τὸ ὄνομα ἐνόμισαν εἶδος περικεφαλαίας τὴν σκάνδειαν ὡ στεφάνην . Κύθηρα δὲ νῆσος τῆς Λακωνικῆς ἐν ῇ λαμπρῶς τιμᾶται Ἀφροδίτ δι ὃ καὶ Κυθέρεια ἐπιθετικῶς ἡ θεός ⁑

msA, 10.2511, commenting on 10.273 κατ αυτόθι : φασὶ παρέλκειν τὴν κατὰ . κατ αυτόθι δι’ ὃ φυλάσσειν τὸν αυτὸν τόνον , κὰν μὴ παρέλκη δὲ συντάσσηται δὲ τῷ λιπέτην , οὐ δύναται ἀναστρέφεσθαι κατα δύο τρόπους : καὶ ἐπεὶ συνήλειπται καὶ ἐπεὶ μεταξὺ πέπτωκεν ὁ δέ σύνδεσμος ⁑

msA, 10.2513, commenting on 10.275 τοὶ δ’ οὐκ ἴδον ὀφθαλμοῖσιν : ὅτι καὶ αὐτοὶ ὑπὸπολεμίων ἔμελλον οὐχ ὁραθέντες τὰ βουλεύματα αυτῶν παρα Δόλωνος ἀκούειν : ἄλλως δὲ , ὅτι οὐκ αἴσιος ὁ ερωδιὸς ὁερώμενος ὑπὸ τῶν εἰς ἐνεδραν ἀπιόντων ⁑

msAil, 10.2530, commenting on 10.267@πυκινὸν ϊσχυρον

msAil, 10.2531, commenting on 10.267@ἀντιτορήσᾱς διωρύξας διαντρήσας :

msAil, 10.2533, commenting on 10.271@πύκασεν εσκέπασεν·

msAil, 10.2534, commenting on 10.273@κατ’ παρ’

msAil, 10.2535, commenting on 10.274@ἐρωδιὸν εῖδος ὀρνέον

msAim, 10.2519, commenting on 10.252 Ἀρισταρχ παρῴχωκεν

msAim, 10.2514, commenting on 10.265 καὶ τουτ ὁμοίως τῷ προκειμένω αναγνωστε ⁑

msAint, 10.2515, commenting on 10.256 τὸ ἑξῆς φάσγανον ἄμφι κ’ καὶ σάκος τὰ δὲ ἄλλα δια μέσου :

msAint, 10.2516, commenting on 10.258 Αρισαρχ άλοφον ·

msAint, 10.2517, commenting on 10.262 προστολαθεῖν τὴν περὶ κεφαλ

msAint, 10.2518, commenting on 10.266 ὅτι ομώνυμος ουτ τῶ τοῦ Φοίνικος πατρι βοιωτός ⁑