Manuscript msA, page 133r

Manuscript msA, page 133r

prev: 132v

next: 133v

Iliad text

10.352 ἡμιόνων αἳ γάρ τε βοῶν προφερέστεραί εἰσιν1

10.353 ἑλκέμεναι , νειοῖο βαθείης πηκτὸν ἄροτρον .1, 2, 3, 4

10.354 τὼ μὲν ἐπεδραμέτην· ὁ δ’ ὰρ έστη δοῦπον ἀκούσας .1, 2, 3

10.355 ἔλπετο γὰρ κατὰ θυμὸν . ἀποστρέψοντας ἑταίρους1, 2

10.356 ἐκ Τρώων ϊέναι . πάλιν . Ἕκτορος ὀτρύναντος·1, 2

10.357 ἂλλ’ ὅτε δή ῥ’ ἄπεσαν δουρηνεκὲς . ἢ καὶ ἔλασσον .1, 2

10.358 γνῶ ῥ’ ἄνδρας δηΐους . λαιψηρὰ δὲ γούνατ’ ἐνώμα1, 2

10.359 φευγέμεναι . τοὶ δ’ αῖψα διώκειν ὡρμήθησαν·1, 2, 3, 4, 5

10.360 ὡς δ’ ὅτε καρχαρόδοντε δύω κύνε εἰδότε θήρης·1

10.361 ἢ κεμάδ’· ἠὲ λαγωὸν ἐπείγετον ἐμμενὲς αἰεὶ1, 2, 3, 4

10.362 χῶρον ἀν ὑλήενθ’ . ὁ δέ τε προθέῃσι μεμηκώς·1, 2, 3

10.363 ὡς τὸν Τυδείδης . ἠδ`’ ὁ πτολίπορθος Ὀδυσσεὺς1

10.364 λᾱοῦ ἀποτμήξαντε διώκετον ἐμμενὲς αἰεί·1, 2, 3, 4, 5, 6

10.365 ἂλλ’ ὅτε δὴ τάχ’ ἔμελλε μιγήσεσθαι φυλάκεσσι1

10.366 φεύγων ἐς νῆας . τότε δὴ μένος ἔμβαλ’ Ἀθήνη1

10.367 Τυδείδῃ . ἵ̈να μή τις Ἀχαιῶν χαλκοχιτώνων1

10.368 φθαίῃ ἐπευξάμενος βαλέειν . ὁ δὲ δεύτερος ἔλθῃ·1, 2

10.369 δουρὶ δ’ ἐπαΐσσων προσέφη κρατερὸς Διομήδης ·1

10.370 ἠὲ μέν’ . ἠέ σε δουρὶ κιχήσομαι , οὐδέ σε φημὶ1, 2

10.371 δηρὸν ἐμῆς ἀπο χειρὸς ἀλύξειν αἰπὺν όλεθρον·1, 2

10.372 ῆ ῥα· καὶ ἔγχος ἀφῆκεν . ἑκὼν δ’ ἡμάρτανε φωτός·1, 2, 3

10.373 δεξιτερὸν δ’ ὑπὲρ ὦμον . ἐΰξου δουρὸς ἀκωκὴ1, 2

10.374 ἐν γαίῃ ἐπάγη· ὁ δ’ ὰρ ἔστη . τάρβησέν τε1

10.375 βαμβαίνων . ἄραβος δὲ διὰ στόμα γίγνετ’ ὀδόντων·1, 2, 3, 4, 5

10.376 χλωρὸς ὑπαὶ δείους . τὼ δ’ ἀσθμαίνοντε κιχήτην·1, 2

Scholia text

msA, 10.3540, commenting on 10.353 ‡ νειοῖο : νειός ἐστιν ἡ νεωστὶ ἡροτριασμένη γῆ :

msA, 10.3541, commenting on 10.353 πηκτὸν ἄροτρον : τὸ τὸν γύην προσπεπηγότα ἔχον αὐτόγυον δὲ τὸ ἐξ αυτοῦ μονόξυλον καὶ Ἡσίοδος φησὶ δυὰ δὲ θέσθαι ἄροτρωπον ησάμενος κατοῖκον αὐτόγυιον καὶ πηκτόν ⁑

msA, 10.3543, commenting on 10.355 ἔλπετο γὰρ κατα θυμὸν στικτέον . μετὰ τὸ ἐκ Τρώων ἔστι γὰρ ὁ λόγος ἤλπιζε γὰρ ὁ Δόλων ἑταίρους αὐτοῦ ἐκ τῶν Τρώων ὑπάρχειν ὡς κελεύσαντος τοῦ Ἕκτορος εἰς τὰ οπίσω αὐτὸν ὑποστρέψαι : ἀποστρέψαντας γὰρ εἰς τοὐπίσω καλέσαντας ⁑

msA, 10.3546, commenting on 10.361 ἦ κεμάδ’ ἠὲ λαγωὸν ἐπείγετον : ὅτι τῷ ἐπείγετον , ὁριστικῷ ἀντι ὑποτακτικοῦ τοῦ ἐπείγητον : ἐπιφέρει γὰρ προθέῃσι . γίνεται οὖν κατάλληλον ουτ ὡς δ’ ὅταν ἐπείγῳσιν : ὁ δὲ προθέῃσι μεμαῶς ⁑

msA, 10.3547, commenting on 10.361 ἐμμενες : ἐν τούτῳ γάρ ἐστι τῶν κυνῶν . ἡ ἀριστία . ταῦτα γάρ ἐστι τὰ ζῷα φύσει μὲν ταχέα , ὑπεκλυόμενα δὲ , δια τὴν ἀσθένειαν : οἱ δε κῦνες τὸ ἐναντίον ⁑

msA, 10.3548, commenting on 10.364 λαοῦ ἀποτμήξατε διώκετον , ὅτι τὸ διώκετον σημαίνει . διώκουσιν ἠ διώκετε οὐ τὸ διωκετην ὡς Ἐρατοσθένης ἔστιν οὖν τὸν Δόλωνα διώκουσιν . ἀντι τοῦ ἐδίωκον ὃν τρόπον αἱ μὲν ἀλετρεύουσιν μύλης ἔπι ἀντι τοῦ ἠλέτρευον ⁑

msA, 10.3549, commenting on 10.364 λαοῦ ἀποτμήξαντε , ὡς τὸ εἰδότε θήρης , οὐδὲ γὰρ εκεῖνοι κατ ουρᾶν διώκουσιν . ἀλλα περὶ τὰ πλευρὰ . ηὐτρεπισμένοι προς τὴν ἐπιστροφὴν τῶν διωκομένων θηρίων ⁑

msA, 10.3550, commenting on 10.364 λαοῦ ἀποτμήξαντε διώκετην . τοῦ Τρωϊκοῦ λαοῦ χωρήσαντες αὐτοὺς ἐδιωκον : τρία δὲ ῥήματά ἐστι . παρα τῷ ποιητῇ τὸ τοῦ παρῳχημένου δυϊκὸν τρίτον εἰς ὃν λῆγον ἔχοντα παραλόγως . τοῦτο καὶ ἔγκατα καὶ μέλαν αἶμα λαφύσσετον . οὐκέτι μέντοι ἄντικρυς δυϊκῆς σημασίας ἀναθεώρησιν γὰρ ἔχει πληθυντικὴν παρατατικὴν . τὸ γὰρ διώκετον , ἀντι τοῦ ἐδίωκον κεῖται καὶ τὸ ἀνδράσιν ἡρώεσσι τετεύχετον ἀντι τοῦ ἔτυχον καὶ τὸ λαφύσσετον ἀντὶ τοῦ λαφύσσετε ⁑

msA, 10.3551, commenting on 10.372 ῆ ρα καὶ ἔγχος ἀφῆκεν , ὅτι θέλοντες ζήτημα ποιεῖν μεταγράφουσι τὸ ἡμιστίχιον οὕτως . καὶ βάλεν οὐδ’ ἀφάμαρτεν ἑκὼν δ’ ἡμάρτανε φωτὸς : καὶ λύουσιν ἔξωθεν προσλαμβάνοντες τὸν νάν σύνδεσμον : καὶ βάλεν οὐδ’ ἀφάμαρτεν ἂν ἑκὼν δ’ ἡμάρτανεν , ἀγνοοῦσι μέντοι ὅτι Ὅμηρος τὸ βαλεῖν ἐπι τοῦ ἐπιτυχεῖν τίθησιν ⁑

msA, 10.3553, commenting on 10.375 βαμβαίνων : τρέμων καὶ κατα σφαλμοῦ τὴν πορείαν ποιούμενος . ἐκ δὲ τούτου ἀνάνδρως κινούμενος οἱ δὲ εσχημάτισαν ἀπὸ του γινομένου . κατα τὸ στόμα ψόφου τοῦ συρρήσσων καὶ συγκρούων τοὺς ὁδόντας ἢ ἀσαφῆ φωνὴν προϊέμενος ἀπο τοῦ φόβου βαμβαλύζων ὅπερ ἡμεῖς φαμὲν ἔστι γὰρ τῶν κατὰ μίμησιν ἡ λέξις . οὐ γὰρ ἔγκειται τὸ βαίνειν ⁑

msAil, 10.3564, commenting on 10.357@δουρηνεκές δόρατος βολὴν ῆ μῆκος

msAil, 10.3573, commenting on 10.375@ἄραβος ῆχος τῶ οδόντων

msAil, 10.3574, commenting on 10.376@ὑπαὶ-δείους υπ φόβου

msAim, 10.3554, commenting on 10.359 γράφεται καὶ τοι δ’ ῶκᾳ

msAim, 10.3555, commenting on 10.364 οτ

msAim, 10.3356, commenting on 10.375 οτ ονοματικος ὁ ποιητής ⁑

msAint, 10.3558, commenting on 10.353 οτ ἐλλει ἡ διὰ διανεοιο :

msAint, 10.3559, commenting on 10.354 ἀρισταρχ ἐπεδραμέτην :

msAint, 10.3560, commenting on 10.356 οτ πάλιν συναπτείν τῷ αποστρέψοντας ἵνα ῇ εἰς τοῦ πίσω ἀποστρέψοντας :

msAint, 10.3561, commenting on 10.359 τὸ ὡρμήθησαν ϊακῶς :

msAint, 10.3563, commenting on 10.368 καυχήσεται προλαβών :