Manuscript msA, page 134v

Manuscript msA, page 134v

prev: 134r

next: 135r

Iliad text

10.427 τοι γὰρ ἐγώ τοι ταῦτα μάλ’ ἀτρεκέως καταλέξω·1

10.428 πρὸς μὲν ἁλὸς . Κᾶρες καὶ Παίονες ἀγκυλότοξοι .1, 2, 3, 4, 5

10.429 καὶ Λέλεγες . καὶ Καύκωνες . δῖοῖ τε Πελασγοί ·1, 2, 3, 4, 5, 6

10.430 πρὸς Θύμβρης δ’ ἔλαχον Λύκιοι · Μυσοί τ’ ἀγέρωχοι .1, 2, 3, 4

10.431 καὶ Φρύγες ἱ̈ππόδαμοι· καὶ Μῄονες ἱ̈πποκορυσταί·1, 2, 3, 4

10.432 ἀλλὰ τί η ἐμὲ ταῦτα διεξερέεσθε ἕκαστα .1, 2, 3

10.433 εἰ γὰρ δὴ μέματον Τρώων καταδῦναι ὅμιλον .1, 2

10.434 Θρήϊκες οἷδ’ ἀπάνευθε , νεήλυδες ἔσχατοι ἄλλων .1, 2, 3

10.435 ἐν δέ σφιν Ῥῆσος βασιλεὺς . παῖς Ἠϊονῆος ·1, 2, 3

10.436 τοῦ δὴ καλλίστους ἵ̈ππους ἴ̈δον . ἠδὲ μεγίστους·1

10.437 λευκότεροι χιόνος . θείειν δ’ ἀνέμοισιν ὁμοῖοι·1, 2, 3, 4

10.438 ἅρμα δέ οἱ χρυσῷ τὲ καὶ ἀργύρῳ εὖ ἤσκηται·1

10.439 τεύχεα δὲ . χρύσεια . πελώρια· θαῦμα ἰ̈δέσθαι1, 2, 3

10.440 ἤλυθ’ ἔχων . τὰ μὲν οὔ τι κατὰθνητοῖσιν ἔοικεν1

10.441 ἄνδρεσσιν φορέειν . ἂλλ’ ἀθανάτοισι θεοῖσιν·1

10.442 ἂλλ’ ἐμὲ μὲν νῦν νηυσὶ πελάσσετον ὠκυπόροισιν·1, 2

10.443 ἠέ με δήσαντες λίπετ’ αὐτόθι νηλέϊ δεσμῷ .1, 2

10.444 ὄφρά κεν ἔλθητον . καὶ πειρηθῆτον ἐμεῖο·1, 2

10.445 ἤ ῥα κατ’ αῖσαν ἔειπον ἐν ὑμῖν . ἠὲ καὶ οὐκί·1, 2, 3, 4

10.446 τὸν δ’ ὰρ ὑπόδρα ἰ̈δὼν προσέφη· κρατερὸς Διομήδης ·1

10.447 μὴ δή μοι φύξίν γε Δόλων ἐμβάλλεο θυμῷ1, 2

10.448 ἐσθλά περ ἀγγείλας . ἐπεὶ ΐκεο χεῖρας ἐς ἁμάς1

10.449 εἰ μὲν γάρ κέ σε νῦν ἀπολύσομεν . ἠὲ μεθῶμεν .1, 2

10.450 ἦ´ τε καὶ ὕστερον εῖσθα θοὰς ἐπὶ νῆας Ἀχαιῶν .1, 2, 3

10.451 ἠὲ διοπτεύσων . ἢ ἐναντίβιον πολεμίξων·1

Scholia text

msA, 10.4506, commenting on 10.428 Παίονες : ἔθνος Θρακῶν τινὲς δὲ φασὶ τοὺς νῦν καλουμένους Παννονίους ἕτεροι δὲ Μακεδόνας :

msA, 10.4690, commenting on 10.429 Λέλεγες : ἔθνος Καρικόν , λέγει δὲ τοὺς ἐν Πιδαίῳ πόλει Καρίας οικοῦντας ⁑

msA, 10.4507, commenting on 10.429 Καύκωνες , ἔθνος Παφλαγονίας οἱ δὲ Σκυθίας οἱ δὲ τοὺς λεγομένους Καυνίους ⁑

msA, 10.4508, commenting on 10.429 Πελασγοι : οἱ τὸ παράλιον μπερος τῆς Καρίας ἔχοντες . ἄμεινον δὲ λέγειν αὐτὸ γένος τί πολυπλανὲς οἰκῆσαν ἐν τῇ Ἀσίᾳ καὶ Εὐρώπῃ νῦν δὲ τὸ τῆς Τρωάδος πλησίον οἰκῆσαν ὃ φασὶ Τράλλεις ⁑

msA, 10.4509, commenting on 10.430 πρὸς θ ὕμβρης δ’ ἔλαχον , ὅτι οὐ μόνον ἐπὶ Ροδίων χρῆται τὸ ἀγέρωχοι ἕνεκα τοῦ ἀγείρειν τὴν ὀχὴν τουτέστι τὴν τροφήν , ἀλλ’ επι Μυσὼν καὶ Τρώων οἷον γεραόχων σεμνῶν καὶ ἐντίμων :

msA, 10.4510, commenting on 10.430 πρὸς Θύμβρης : πρὸς τὸ Θυμβραῖον πεδίον Θύμβρα γὰρ τόπος ἐστι τῆς Τροίας ἔνθα καὶ Θυμβραίου Ἀπόλλωνος ϊερὸν επιφανές ⁑

msA, 10.4511, commenting on 10.431 καὶ Φρύγες ἱππόδαμοι ὅτι ἑτέρους τῶν Τρώων οἰδεν τοὺς Φρύγας καὶ ὅτι Ὅμηρος οὐκ οῖδεν καλουμένους Λυδοῦς ἀλλα Μῃώνας προς τὰ περι ηλικίας Ησιόδου ⁑

msA, 10.4513, commenting on 10.435 ἐν δέ σφιν Ῥῆσος : Ῥῆσος . Ῥῆσος γένει μὲν ἦν Θρᾶξ υἷὸς δὲ Στρύμωνος τοῦ αυτόθι ποταμοῦ καὶ εὐτέρπης μιᾶς τῶν Μουσῶν . διαφορος δὲ τῶν καθ αυτὸν γενόμενος ἐν πολεμικοῖς έργοις . ἐπῆλθε τοῖς Ἕλλησιν ὅπως Τρωσὶ συμμαχήσῃ καὶ συμβαλῶν πολλοὺς τῶν Ἑλλήνων ἀπέκτεινας δείσασα δὲ ήρα περὶ τῶν Ελλήνων . Ἀθηναν επι τὴν τούτου διαφθορὰν πέμπει . κατελθοῦσα δὲ : ἡ θεὸς , Ὁδυσσέα τε καὶ Διομήδη επι τὴν κατσκοπὴν ἐποίησεν περοελθεῖν : ἐπιστάντες δὲ εκεῖνω κοιμω μένω Ῥήσω αὐτὸν τὲ καὶ τοὺς εταίρους αυτοῦ κτείνουσιν ὡς ἱστορεῖ Πίνδαρος : ἔνιοι δὲ λέγουσι νυκτος παρὰ γεγονέναι τὸν Ρῆσον εἰς τὴν Τροίαν καὶ πρὶν γεύσασθαι αὐτὸν τοῦ ὕδατος καὶ οἱ ἵπποι αυτοῦ τοῦ Σκαμάνδρου πίουσην καὶ τῆς αυτόθι νομῆς ἀκαταμαχητος εσται εἰς τὸ παντελὲές ⁑

msA, 10.4514, commenting on 10.437 λευκότεροι χειόνος θείειν δ’ ἀνέμοισιν : δύο ὑπερβολὰς ενῆκεν ἐντεχνως : τὴν μεν ἐξ υπερθέσεως : τὴν δὲ ἐξ ωμοιώσεως : καὶ ἐφ εκατέρας παρέλαβεν το οικεῖον : χειονος μεν γαρ δύναταί τι λευκότερον γενέσθαι ἀνέμου δὲ θᾶσσον , οὐδέν επαινετὸν δὲ καὶ τὴν φράσην ὅτι κατ αιτιατικὴν δυναμενος εἰπεῖν λευκοτέρους χειόνος καὶ τοῦ μετρου επιδεχομενου κατ ιδίαν εφώνησε τὸν επαινον . πῶς ἐδώκει εἰδέναι ὅτι ταχεῖς εἰσὶν εἴ γε νεήλυδες ῆσαν ῆ ὡς ακούσας ἢ ὡς ἀποσεμνύνων ὡς καὶ σωθησομένων αυτῶν δια τῶν ἵππων μετα τὴν Θρᾳκῶν επαναστασιν ⁑

msA, 10.4515, commenting on 10.437 λευκότεροι χιόνος εἶπεν , ἵνα φανῶσι νυκτός : θείειν δ’ ἀνέμοισιν ὁμοῖοι ἵνα φθάσωσιν επ αυτὸν διασωθῆναι : ἵστεον δὲ ὅτι ἐμείωσε τὴν ὑπερβολὴν εκ τοῦ μὴ ειπειν αὐτοὺς καὶ τῶν ἀνέμων ταχυτέρους ⁑

msA, 10.4516, commenting on 10.437 χωριστέον τοῦ ἐπάνω στιχ ἵνα μὴ σώλοικον γένηται καὶ ἄλλως καθ εαυτὸ λεγόμενον πλείονα ἔμφασιν παρ’ ἵστησι λείπει δὲ τὸ εἰσὶ ῥῆμα λευκότεροί εισι :

msA, 10.4517, commenting on 10.439 τεύχεα : ὅπλα : ειρῆσθαι δὲ αὐτὰ Ἵστρος φησὶ παρα τὸ ἐν Τευχίω τῷ Εὐβωϊκῶ κατεσκευᾶσθαι πρῶτον ὑπο Κυκλώπων ⁑

msA, 10.4518, commenting on 10.445 ῆ ρα κατ’ αἷσαν : ὅτι Ἀρίσταρχος ἠὲ κατ αῖσαν ἔειπον ἔξω τοῦ ρα καὶ ἔστιν ὅμοιον : τῷ ἠὲ μετα Τρώεσσιν ⁑

msAil, 10.4530, commenting on 10.431@Μῄονες Λυδοι

msAil, 10.4531, commenting on 10.432@ημὲ ἐ

msAil, 10.4533, commenting on 10.433@μέματον προθυμεῖσθε

msAil, 10.4534, commenting on 10.434@νεήλυδες νεωστι εληλύθότες

msAil, 10.4535, commenting on 10.437@λευκότεροι-χιόνος ὁ τρόπος ὑπερβολῆ

msAil, 10.4536, commenting on 10.439@πελώρια νῦν οὐ μεγάλα ἀλλα κατ τὸ κάλλος τεράστια :

msAil, 10.4537, commenting on 10.442@πελάσσετον ἀπενέγκατε :

msAil, 10.4538, commenting on 10.443@νηλέϊ σφοδρῶ ⁑

msAil, 10.4539, commenting on 10.444@ἔλθητον οτ ἀπέλθητον :

msAil, 10.4540, commenting on 10.449@μεθῶμεν ἐάσωμεν :

msAil, 10.4541, commenting on 10.450@εῖσθα ἐλεύσῃ παραγενήσῃ