Manuscript msA, page 141v

Manuscript msA, page 141v

prev: 141r

next: 142r

Iliad text

11.201 Ζεύς με πατὴρ προέηκε τεῒν τάδε μυθήσασθαι·1, 2, 3

11.202 ὄφρ’ ἂν μέν κεν ὁρᾷς Ἀγαμέμνονα ποιμένα λαῶν1

11.203 θύνοντ’ ἐν προμάχοισιν ἐναίροντα στίχας ἀνδρῶν .1

11.204 τόφρ’ ὑπόεικε μάχης . τὸν δ’ ἄλλον λαὸν ἄνωχθι1

11.205 μάρνασθαι δηΐοισι κατα κρατερὴν ὑσμίνην·1

11.206 αὐτὰρ ἐπεί κ’ ἢ δουρὶ τυπεὶς , ἢ βλήμενος ἰῷ1

11.207 εἰς ἵ̈ππους ἄλεται , τότε τοι κράτος ἐγγυαλίξει1

11.208 κτείνειν . εἰς ό κε , νῆας ἐϋσσέλμους ἀφ ἵκηαι .1

11.209 δύη τ’ ἠέλιος· καὶ ἐπι κνέφας ἱερὸν ἔλθῃ·1

11.210 ἡ μὲν ὰρ ὡς εἰποῦσ’ ἀπέβη πόδας ὠκέα ῀Ϊρις ,1

11.211 Ἕκτωρ δ’ ἐξ ὀχέων σὺν τεύχεσιν ἆλτο χαμᾶζε·1

11.212 πάλλων δ’ ὀξέα δοῦρα , κατὰ στρατὸν ᾤχετο πάντῃ1

11.213 ὀτρύνων μαχέσασθαι· ἔγειρε δὲ φύλοπιν αἰνήν·1

11.214 οἱ δ’ ἐλελίχθησαν καὶ ἐναντίοι ἔσταν Ἀχαιῶν ·1, 2, 3

11.215 Ἀργεῖοι δ’ ἑτέρωθεν ἐκαρτύναντο φάλαγγας·1

11.216 ἀρτύνθη δὲ μάχη· στὰν δ’ ἀντίοι . ἐν δ’ Ἀγαμέμνων1, 2

11.217 πρῶτος ὄρουσ’ . ἔθελεν δὲ πολὺ προμάχεσθαι ἁπάντων·1, 2

11.218 ἔσπετε νῦν μοι Μοῦσαι Ὀλύμπια δώματ’ ἔχουσαι .1

11.219 ὅς τις δὴ πρῶτος Ἀγαμέμνονος ἀντίος ἦλθεν .1, 2, 3

11.220 ἢ αὐτῶν Τρώων ἠὲ κλειτῶν ἐπικούρων·1

11.221 Ἰ̈̈φιδάμας Ἀντηνορίδης ἠΰς τε μέγας τε·1, 2

11.222 ὃς τράφη ἐν Θρῄκῃ ἐριβώλακι . μητέρι μήλων·1, 2

11.223 Κισσῆς τόν γ’ ἔθρεψε δόμοις ἔνι τυτθὸν ἐόντα1, 2

11.224 μητροπάτωρ . ὃς τίκτε Θεανὼ καλλιπάρηον·1, 2

11.225 αὐτὰρ ἐπεί ρ’ ἤβης ἐρικυδέος ί̈κετο μέτρον .1

Scholia text

msA, 11.91, commenting on 11.201 ‡ Ζεύς με πηρ πρόεϊκε : σημειοῦνται τινὲς ὅτι ἐν ἴσῳ τοῦ σοὶ ἡ τὴ̈ν ἀντωνυμία Δωρικὴ οῦσα κατα πλεονασμὸν τοῦ ε ἐξηνέχθη ὅθεν φυλάσσεται ὁ αὐτὸς τόνος :

msA, 11.93, commenting on 11.219 ἀντίος ἦλθε , Ζηνόδοτος καὶ Ἀριστοφα ἀντίος , Ἀρίσταρχος ἀντίον διὰ τοῦ ν ⁑

msA, 11.94, commenting on 11.221 Ἰφιδάμας Ἀντηνορίδης : ἐὰν αὐτὸν τῶν ἐπικούρων εἴπωμεν ἐπεὶ καὶ Θρᾷξ ἦν καὶ ἦγε Θρᾷκας ἐπικούρους , ἔσται προς τὸ δεύτερον πρότερον ἀπηντηκώς γεγέννηται μέντοι ἐν Τροίᾳ ἡ γὰρ Θεανὼ ἱέρεια τῆς Ἀθηνᾶς οὖσα οὐκ άν ποτε εἰς Θρᾴκην ἐξεληλύθει . καὶ ἤν πατρὸς Τρωός γεννηθείσα δὲ ἐδόθη τρέφεσθαι τῷ μητροπάτορι : οὗτος δὲ μόνος παρα τοῖς Τρωσὶ τὴν ἀδελφὴν τῆς μρσ ἔγημεν ὥσπερ καὶ παρα τοῖς Ἕλλησι Διομήδης : ἡ διπλη δέ ὅτι ὡς ἐμπνευσθεὶς ἀνταποδέδωκε καθάπερ ἐν αρχῇ τῆς τίς τ αρ σφωε θεῶν εἶτα Λιτοῦς καὶ Διὸς υἱός ⁑

msA, 11.95, commenting on 11.222 μητέρι μήλων : Ζηνοδοτ μητέρι θηρῶν . τῇ δὲ ἐριβώλακι συνάδει καὶ τὸ πολυθρέμματον οὐ τὸ ἔνθηρον Κισσῆς , ὡς Ἑρμῆς : καὶ μήποτε παρὰ τὸ κισσὸς παρώνυμόν τι ἐγένετο Κισσέας καὶ κατ συναλιφὴν Κισσῆς , ⁑

msAil, 11.105, commenting on 11.201@τεῒν σοὶ Δωρικῶς

msAil, 11.106, commenting on 11.214@ἐλελίχθησαν συνεστράφησαν

msAil, 11.107, commenting on 11.216@ἀρτύνθη ητοιμασθ

msAil, 11.108, commenting on 11.219@ἀντίος ν

msAil, 11.109, commenting on 11.223@Κισσῆς Κισσέως θυγάτηρ

msAil, 11.110, commenting on 11.224@μητροπάτωρ ὁ τῆς μρς πατήρ

msAil, 11.111, commenting on 11.225@ί̈κετο-μέτρον ἡνδρώνθη :