Manuscript msA, page 145v

Manuscript msA, page 145v

prev: 145r

next: 146r

Iliad text

11.401 οἰώθη δ’ Ὀδυσεὺς δουρὶ κλυτὸς· οὐδέ τις αὐτῷ1, 2

11.402 Ἀργείων παρέμεινεν . ἐπεὶ φόβος ἔλλαβε πάντας .1, 2

11.403 ὀχθήσας δ’ ἄρα εἶπε πρὸς ὃν μεγαλήτορα θυμόν·1

11.404 ᾤ μοι ἐγὼ . τί πάθω . μέγα μὲν κακὸν αί κε φέβωμαι1, 2

11.405 πληθὺν , ταρβήσας . τὸ δὲ ῥίγιον αἴ κεν ἁλώω1, 2, 3

11.406 μοῦνος . τοὺς δ’ ἄλλους Δαναοὺς ἐφόβησε Κρονίων .1

11.407 ἀλλὰ τί η μοι ταῦτα φίλος διελέξατο θυμός·1

11.408 οἶδα γὰρ ὅττι κακοὶ μέν . ἀποίχονται πολέμοιο·1

11.409 ὃς δέ κ’ ἀριστεύῃσι μάχῃ ἔνι· τόν δὲ μάλα χρεὼ1, 2, 3

11.410 ἑστάμεναι κρατερῶς . ἤ τ’ έβλητ’ . ἤ τ’ ἔβαλ’ ἄλλον·1, 2

11.411 ἕως ὃ ταῦθ’ ὥρμαινε κατὰ φρένα καὶ κατὰ θυμόν ,1

11.412 τόφρα δ’ ἐπὶ Τρώων στίχες ἤλυθον ἀσπιστάων·1

11.413 ἔλσαν δ’ ἐν μέσσοισι· μετὰ σφίσι πῆμα τιθέντες·1, 2, 3, 4, 5

11.414 ὡς δ’ ὅτε κάπριον ἀμφὶ κύνες θαλεροί τ’ αἰζηοὶ1

11.415 σεύωνται . ὁ δέ τ’ εἶσι βαθείης ἐκ ξυλόχοιο1

11.416 θήγων λευκὸν ὀδόντα μετὰ γναμπτῇσι γένυσσιν·1, 2, 3, 4

11.417 ἀμφί τε ἀΐσσονται· ὑπαὶ δέ τε κόμπος ὀδόντων1

11.418 γίγνεται· οἳ δὲ μένουσιν ἄφαρ δεινόν περ ἐόντα·1, 2, 3

11.419 ὥς ρα τότ’ ἀμφ’ Ὀδυσῆα Διῒ φίλον ἐσσεύοντο1

11.420 Τρῶες . ὁ δὲ πρῶτον μὲν ἀμύμονα Δηϊοπίτην1

11.421 οὔτασεν ὦμον . ὕπερθεν ἐπάλμενος ὀξέϊ δουρί·1, 2, 3, 4, 5

11.422 αὐτὰρ ἔπειτα Θόωνα καὶ Ἔννομον ἐξενάριξεν·1, 2

11.423 Χερσιδάμαντα δ’ ἔπειτα καθ’ ἵππων ἀΐξαντα1, 2

11.424 δουρὶ κατα πρότμησιν . ὑπ’ ἀσπίδος ὀμφαλοέσσης .1, 2, 3, 4, 5

11.425 νύξεν· ὃ δ’ ἐν κονίῃσι πεσὼν ἕλε γαῖαν ἀγοστῷ·1, 2

Scholia text

msA, 11.155, commenting on 11.409 ‡ ὃς δέ κ’ ἀριστεύῃσι . ὅτι περισσὸς ὁ καὶ ἀμφίβολος δὲ ἡ στιγμη , ἤτοι γὰρ ἐπι τὸ ἀριστεύῃσι ἢ ἐπι τὴν πρόθεσιν καὶ ἐὰν μὲν τὸ πρότερον τὸ ἀριστευῃσι ληψώμεθα ἀντι τοῦ ἄριστος ᾖ . οἶον ἄξιον τὸν ἐν εἰρηνῃ τιμώμενον ἀνδραγαθεῖν ἐν πολέμῳ : τὸ δὲ δεύτερον . ἐπεὶ τὸν ἐπαγγελλόμενον κατα μάχην ἄριστον εἶναι . ἑστάναι δεῖ καὶ τὸν κίνδυνον ὑπομένειν ⁑

msA, 11.156, commenting on 11.409 τόν δε μάλα χρεω , Ἀλεξίων τόνδε ἓν μέρος λο ἐκδέχεται καὶ παροξύνει ἵνα ἰσοδυναμῇ , ἀναφορικῇ τῇ τούτὼν Τυραννίων δὲ δύο με λο ποιεῖ ἵνα ᾖ τοῦτον δὲ κατὰ ἀναφορὰν ὁμοίως , ἔφαμεν δὲ ὅτι παρα τῷ ποιητῇ , ἡ δια τοῦ δὲ ἐπι ταύτης τῆς ἀντωνυμίας . ἐπέκτασις . σπανίως μὲν εὑρέθη , ἐπ αναφορᾶς , ὁπότε διελαμβάνομεν , περι τούτους δὲ ἀ φθινύθειν , ὥστε οὐδὲν κεκώλυκε καὶ ἐνθάδε τὸ τοιοῦτο παραδέξασθαι δια το ἤδη πεπεῖσθαι τὴν παράδοσιν : βεβαιοτέρα μέντοι ἐστιν ἡ τοῦ Τυραννίωνος , ἀνάγνωσις , οὐδὲν γὰρ ἐναντιουτ ⁑

msA, 11.157, commenting on 11.410 ἑστάμεναι κρατερῶς , ἥτοι συναπτέον ὅλον τὸν στίχον , βραχὺ διασταλτέον παντελῶς ἐπι τὸ κρατερῶς καὶ ἐπι τὸ ἔβλητο ἵνα ὁ ᾗ σύνδεσμος κέηται , ἀντι συναπτικοῦ : ὁ δὲ λόγος . ἑστάναι δεῖ . εἴτε ἐβλήθη εἴτε ἔβαλλεν ἄλλον οἶον εἴτε βληθείη εἴτε βάλλοι τινά : ἢ στικτέον ἐπι τὸ κρατερῶς ὃ καὶ βελτιον ἔσονται γὰρ διαζευκτικοὶ οἱ σύνδεσμοι . ὁ δὲ λόγος , ὶσχυρως ἑστάναι δεῖ , ἠ γὰρ ἐβλήθη ἢ ἔβαλεν ἄλλον ⁑

msA, 11.158, commenting on 11.413 ἔλσαν δ’ ἐν μέσσοισι , ψιλωτέον τὸ ἔλσαν ὅτι Αἰολικωτέρα ἡ κλίσις . τὸ δὲ ἑξῆς ἐστιν ἐν μέσοις αὐτοῖς συνέκλεισαν τὸν οδ ⁑

msA, 11.160, commenting on 11.413 μετα σφίσι , ὀρθοτονητέον , εἰς σύνθετον γὰρ ἡ μετάληψις , καὶ κατέχεται ὑπὸ τῆς προθ ⁑

msA, 11.161, commenting on 11.421 οὔτασεν ὦμον : ὑπερθεν ἑπαλμενος : καὶ ἐνθάδε διασταλτέον πρὸς τὸ σαφέστερον , ἀμφίβολον δὲ καὶ τὸ ἑξῆς . ἤτοι γὰρ μετάλμενος ὀξέϊ δουρί οἶον σὺν τῷ δόρατι ἐφαλλόμενος ὡς εκεῖ καὶ αὐτο φαρεῖ ἀναΐξας λαβε δίσκον , ἢ καὶ ὑπερβατὸν οὔτασεν ὀξέϊ δουρὶ . καθ ὃ διαστελοῦμεν βραχὺ επι τὸ μετάλμενος ⁑

msA, 11.4001, commenting on 11.422 αὐτὰρ ἔπειτα Θόωνα . καὶ Ἔννομον , ὅτι οὗτος ὁ Ἔννομος ὁμώνυμος ἐστι τῷ ἐν τῷ δια κόσμῳ , Μυσῶν δὲ Χρόμις ῆρχε καὶ Ἔννομος ⁑

msA, 11.163, commenting on 11.424 πρότμησιν : Διονύσιος ὁ Θρᾷξ τὴν ὀσφῦν Φιλότιμος ϊατρὸς τὸν τραχηλον Ἀρίσταρχ τὸ ἀπο τῆς ἥβης ἕως τοῦ ὀμφαλοῦ τὸ ἴτρον : Παρμενίσκος δὲ τὸν ὀμφαλὸν . δια τὸ τοῦτον πρῶτον ἐκτέμνεσθαι γενωμένου τοῦ βλέφους : ἠ ὅτι κατ αυτ εἰς δύο τέμνεται ἴσα ὁ ἄνος ‡

msAext, 11.8, commenting on 11.418 ** ** ρ εoτα

msAil, 11.193, commenting on 11.401@οἰώθη ἐμονώθη

msAil, 11.194, commenting on 11.404@φέβωμαι ὅτι αντ φύγω

msAil, 11.195, commenting on 11.405@ἁλώω λειφθῶ συσχεθῶ :

msAil, 11.196, commenting on 11.409@μάχῃ-ἔνι αντ τοῦ ἐν μαχ

msAil, 11.197, commenting on 11.416@θήγων ακονῶν

msAil, 11.198, commenting on 11.416@γναμπτῇσι επικαμπέσι

msAil, 11.200, commenting on 11.417@ἀμφί-ἀΐσσονται επ αυτὸν δὲ ὁρμῶσι

msAil, 11.201, commenting on 11.418@ἄφαρ ταχέως

msAil, 11.203, commenting on 11.425@ἀγοστῷ τῷ αγκῶν :

msAim, 11.45, commenting on 11.402 ὅτι νῦν φανερῶς φοβος ἡ φυγη

msAim, 11.46, commenting on 11.405 ὅτι έξωθ ἡ εἶς προθ εἰς πληθ

msAim, 11.47, commenting on 11.413 βραχὺ διασταλτ ἐπι τὸ σφίσι ,

msAim, 11.48, commenting on 11.421 γράφεται ὕπερθε μετάλμενος ⁑

msAim, 11.49, commenting on 11.423 γράφεται καὶ ἀί̈σσοντ

msAim, 11.50, commenting on 11.424 ουτ Ἀρισταρχ δουρὶ κατα πρότμηστιν ⁑

msAint, 11.16, commenting on 11.421 γράφεται χαλκῷ