Manuscript msA, page 151r

Manuscript msA, page 151r

prev: 150v

next: 151v

Iliad text

11.678 πεντήκοντα βοῶν ἀγέλας· τόσα πώεα οἰῶν .1, 2

11.679 τόσσα συῶν συβόσια . τόσ’ αἰπόλια πλατέ’ αἰγῶν·1

11.680 ἵ̈ππους δὲ ξανθὰς ἑκατὸν καὶ πεντήκοντα1

11.681 πάσας θηλείας· πολλῇσι δὲ πῶλοι ὑπῆσαν·1

11.682 καὶ τά μὲν ἠλασάμεσθα Πύλον Νηλήϊον εἴσω1, 2

11.683 ἐννύχιοι προτὶ ἄστυ· γεγήθει δὲ φρένα Νηλεὺς ·1, 2, 3

11.684 οὕνεκά μοι τύχε πολλὰ , νέῳ πόλεμον δὲ κιόντι·1, 2

11.685 κήρυκες δ’ ἐλίγαινον· ἅμ’ ἠοῖ φαινομένηφι1, 2, 3

11.686 τοὺς , ί̈μεν . οἷσι , χρέως ὠφείλετ’ ἐν Ἥλιδι δίῃ·1, 2, 3, 4, 5, 6, 7

11.687 οἳ δὲ συναγρόμενοι Πυλίων ἡγήτορες ἄνδρες ,1

11.688 δαίτρευον· πολέσιν γὰρ Ἐπειοὶ χρεῖος ὄφειλον .1, 2, 3, 4, 5, 6, 7

11.689 ὡς ἡμεῖς παῦροι , κεκακωμένοι ἐν Πύλῳ ἦμεν .1, 2, 3, 4

11.690 ἐλθὼν γάρ ῥ’ ἐκάκωσε βίη Ἡρακληείη1, 2

11.691 τῶν προτέρων ἐτέων· κατὰ δ’ ἔκταθεν ὅσσοι ἄριστοι·1

11.692 δώδεκα γὰρ Νηλῆος ἀμύμονος υἱέες ῆμεν·1, 2, 3

11.693 τῶν οἶος λιπόμην . οἱ δ’ ἄλλοι πάντες ὄλοντο·1

11.694 ταῦθ’ ὑπερηφανέοντες Ἐπειοὶ χαλκοχίτωνες .1, 2

11.695 ἡμέας ὑβρίζοντες , ἀτάσθαλα μηχανόωντο·1, 2

11.696 ἐκ δ’ ὁ γέρων ἀγέλην τε βοῶν καὶ πῶϋ μέγ’ οἰῶν1

11.697 εἵλετο κρινάμενος τριηκόσι’· ἠδὲ νομῆας·1, 2, 3, 4

11.698 καὶ γὰρ τῷ χρεῖος μέγ’ ὀφείλετ’ ἐν Ἥλιδι δίῃ .1

11.699 τέσσαρες ἀθλοφόροι ἵπποι αὐτοῖσιν ὄχεσφιν1, 2, 3, 4

11.700 ἐλθόντες μετ’ άεθλα . περὶ τρίποδος γὰρ ἔμελλον1, 2

11.701 θεύσεσθαι· τοὺς δ’ αὖθι ἄναξ ἀνδρῶν Αὐγείας1, 2

11.702 κάσχεθε , τὸν δ’ ἐλατῆρ’ ἀφίει ἀκαχήμενον ἵππων·1, 2

Scholia text

msA, 11.250, commenting on 11.678 ‡ πώεα : παρὰ τὸ πόᾳ χρῆσθαι ἤτις ἐστὶν αὐτόποιητος :

msA, 11.251, commenting on 11.683 ἐννύχιοι προτι ἄστυ : ὅτι διαφωνοῦσιν οἱ νεώτεροι τὸν Νηλέα λέγοντες ἀνῃρῆσθαι ὑφ Ἡρακλέους ὅτε τὴν Πύλον ἐπόρθησεν . φαίνεται γὰρ καθ Ὅμηρον περιῶν καὶ μετὰ τὸ πορθηθῆναι , ὁ γὰρ πρὸς Ἠλείους πόλεμος τῶν Πυλίων μεταγενέστερος τοῦ πρὸς Ἡρακλέα ⁑

msA, 11.253, commenting on 11.685 ἅμ’ ἡοῖ φαινομένηφι τοῦτο τὸ ἡμιστίχιον καὶ τοῖς ἐπάνω δύναται προσδίδοσθαι καὶ τοῖς ἑξῆς . ἥτοι γὰρ ἡμερας γενομένης ἐκήρυσσον ὅπως ἐκεῖνοι συναχθῶσιν ἠ ἄλλοτε ἐκήρυσσον ἵνα ἐκεῖνοι ὑπο τὸν ὄρθρον ἔλθωσι . καὶ ἀμφότερα λόγον ἔχει ⁑

msA, 11.254, commenting on 11.686 τοὺς ἴμεν οἶσι χρέως ὠφείλετ’ ὅτι τὰ περιελασθέντα ἐκ τῆς Πύλου ὑπο τῶν Ἐπειῶν θρέμματα χρέω καλεῖ , Ἀριστοφα δὲ χρεῖος καὶ ὠφείλετο ⁑

msA, 11.255, commenting on 11.686 δίη : θαυμαστή ϊερά , ἐν αυτῆ γὰρ ετιμᾶτο Ὀλύμπιος Ζεὺς οὗ καὶ πανήγυρις παρα τριετῆ χρόνον ἤγετο τὰ Ὀλύμπια ἔνθα ε ἡγωνίζοντο , οἵ ἀπο τῆς Ἑλλάδος πάντες , ἐστι δὲ πόλις τῆς Πελοποννήσου ⁑

msA, 11.256, commenting on 11.688 δαίτρευον πολέσιν γὰρ Ἐπειοὶ χρεῖος ὄφειλον ⁑ ἤτοι στικτέον κατα τὸ τέλος τοῦ στίχου ἡ συναπτέον τῷ ἑξῆς ὃ καὶ βέλτιον . τὸ γὰρ ὃς . ἀντι τοῦ ὅτι ἐστὶ κείμενον καὶ ἐὰν χωρίσωμεν δὲ , καὶ ἀκούωμεν καὶ οὕτως ἕσται θαυμαστικὸς ὁ λόγος περι τῆς καταφρονήσεως ἣν ἐποιήσαντο οἱ Ήλιοι περι τῶν Πυλίων ⁑

msA, 11.257, commenting on 11.688 Ἐπειοὶ οἱ Ήλειοι ἀπο Ἐπειοῦ βασιλέως οὕτως Ποσειδῶνος καὶ Εὐρυπύλης τῆς Ἐνδυμίωνος παῖς Ήλειος ὁ κτίσας Ήλιδα : κλείου δὲ Ἄλεξις καὶ Ἐπειὸς ἀφοῦ Ἐπειοὶ ὡς φησὶν Ἀριστοτε ἐν τῶ Πέπλῳ ⁑

msA, 11.258, commenting on 11.692 δώδεκα γὰρ Νηλῆος , πρὸς τοὺς Χωρίζοντας ὅτι ἐν μὲν δώδεκα Νηλῆος παῖδας λέγει , ἐν δὲ τῇ τρεῖς γεγονέναι ὡς γενεαλογεῖ καὶ Χλωρὶν ἴδον περικαλλέα , καὶ ἐν τοῖς ἑξῆς Νέστορά τε Χρόμιόν τε Περικλύμενόν τ’ ἀγερωχον , ἐνδέχεται δὲ προγεγονότων αὐτῷ . ἐξ ετέρας γυναικὸς παίδων ὕστερον ἐκ Χλωρίδος τοὺς τρεῖς γεγονέναι . καὶ γὰρ ὁ Πρίαμος φησὶ πεντηκοντά μοι ἦσαν ὅτ’ ήλυθον υἷες Ἀχαιῶν . ἐννεακαίδεκα μέν μοι ϊῆς ἐν κνιδ τοὺς δ’ ἄλλους μοι ἔτικτον ἐνι μεγάροισιν ⁑

msA, 11.260, commenting on 11.692 δώδεκα γὰρ Νηλῆος : τὸν Νέστορα φησὶ μόνον περισωθῆναι τῶν λοιπῶν τοῦ Νηλέως παίδων . ἥτοι ὅτι νέος ὑπάρχων ἔξω ἐτρέφετο παρα τοῖς Γερήνοις , ῆ ἐπεὶ συνεβούλευσεν εἰς ἀχθῆναι τὸν Ἡρακλέα ὥς τινες φασὶν ⁑

msA, 11.261, commenting on 11.694 ταύθ’ ὑπερηφανέοντες Ἐπειοὶ ὅτι ἔν τισι γράφεται Ἀχαιοὶ τοὺς δε Ἡλείους Ἐπειοὺς καλεῖ Ὅμηρος ⁑

msAext, 11.15, commenting on 11.686 ** ** χρέως

msAil, 11.311, commenting on 11.683@ἐννύχιοι δια τῆς νυκτὸς

msAil, 11.313, commenting on 11.686@τοὺς-ί̈μεν τοὺς παρεῖναι συλλεγῆναι

msAil, 11.315, commenting on 11.686@ὠφείλετ’ εχρεωστεῖτο

msAil, 11.316, commenting on 11.688@δαίτρευον ἐμέριζον

msAil, 11.317, commenting on 11.688@Ἐπειοὶ οἱ Ήλειοι

msAil, 11.318, commenting on 11.689@παῦροι βραχὺ διασταλτ ἐπι τὸ παύροι πρὸς ἔμφασιν :

msAil, 11.319, commenting on 11.695@ἀτάσθαλα ὑβριστικὰ άδικα :

msAim, 11.83, commenting on 11.689 οὐκ εν πο ἦμεν ὡς ένιοι

msAint, 11.39, commenting on 11.684 διασταλτέον επι το πολλὰ προς τὸ σαφεστερον ⁑

msAint, 11.40, commenting on 11.686 ουτ Ἀρίσταρχ χρεῶς

msAint, 11.41, commenting on 11.688 οτ σπανίως Ηλείους καλεῖ :

msAint, 11.43, commenting on 11.697 οτ θρέμματ δηλον ὅτι τριακόσια ⁑

msAint, 11.44, commenting on 11.699 οτ εκατέροις δύναται προσδιδοσθαι ⁑

msAint, 11.45, commenting on 11.702 ητοι ελατῆρα ἵππων ἠ ἀκαχήμενον περὶ ἵππων ⁑