Manuscript msA, page 154v

Manuscript msA, page 154v

prev: 154r

next: 155r

Iliad text

12.1 ὡς ὁ μὲν ἐν κλισίῃσι Μενοιτίου ἄλκιμος υἱὸς1

12.2 ἰ̈ᾶτ’ Ἐυρύπυλον βεβλημένον . οἱ δὲ μάχοντο1

12.3 Ἀργεῖοι καὶ Τρῶες ὁμιλαδὸν . οὐδ’ ὰρ ἔμελλε1

12.4 τάφρος ἔτι σχήσειν Δαναῶν . καὶ τεῖχος ὕπερθεν1, 2, 3

12.5 ἐυρὺ , τὸ ποιήσαντο , νεῶν ὕπερ , ἀμφὶ δὲ τάφρον1

12.6 ἤλασαν· οὐδὲ θεοῖσι δόσαν κλειτὰς ἑκατόμβας .

12.7 ὄφρά σφιν νῆάς τε θοὰς καὶ ληΐδα πολλὴν1

12.8 ἐντὸς ἔχον ῥύοιτο . θεῶν δ’ ἀἕκητι τέτυκτο1, 2

12.9 ἀθανάτων . τὸ καὶ οὔ τι πολὺν χρόνον ἔμπεδον ῆεν·1

12.10 ὄφρα μὲν Ἕκτωρ ζωὸς ἔην καὶ μήνι’ Ἀχιλλεὺς .

12.11 καὶ Πριάμοιο ἄνακτος ἀπόρθητος πόλις ἔπλε .1

12.12 τόφρα δὲ καὶ μέγα τεῖχος Ἀχαιῶν ἔμπεδον ῆεν·1, 2

12.13 αὐτὰρ ἐπεὶ κατὰ μὲν Τρώων θάνον ὅσσοι ἄριστοι .1

12.14 πολλοὶ δ’ Ἀργείων οἱ μὲν δάμεν οἱ δὲ λίποντο .1

12.15 πέρθετο δὲ Πριάμοιο πόλις δεκάτῳ ἐνιαυτῷ .

12.16 Ἀργεῖοι δ’ ἐν νηυσὶ φίλην ἐς πατρίδ’ ἔβησαν .

12.17 δὴ τότε μητιόωντο Ποσιδάων καὶ Ἀπόλλων1, 2, 3

12.18 τεῖχος ἀμαλδῦναι . ποταμῶν μένος εἰσαγαγόντες .1

12.19 ὅσσοι ἀπ’ Ἰ̈¨δαίων ὀρέων ἅλα δὲ προρέουσι·

12.20 Ῥῆσός θ’ , Ἑπτάπορός τε , Κάρησός τε , Ῥοδίος τε .1, 2, 3, 4, 5

12.21 Γρήνικός τε . καὶ Αἴσηπος , δῖός τε Σκάμανδρος .1, 2, 3

12.22 καὶ Σιμόεις . ὅθι πολλὰ βοάγρια καὶ τρυφάλειαι1, 2, 3, 4, 5, 6

12.23 κάππεσον ἐν κονίῃσι· καὶ ἡμιθέων γένος ἀνδρῶν .1

12.24 τῶν πάντων ὁμόσε , στόματ’ ἔτραπε Φοῖβος Ἀπόλλων ,1

12.25 ἐννῆμαρ δ’ ἐς τεῖχος ἵ̈ει ῥόον . ὗε δ’ ἄρα Ζεὺς1

Scholia text

msA, 12.A1, commenting on 12.1-2 πάλιν μεταβέβηκεν ἐπι τὰς μάχας ὁ ποιητής . ἔδει γὰρ τὰ τῆς μάχης εἰπεῖν ὅπως θεασάμενος Πάτροκλος κινηθείη μᾶλλον εἰς ἔλεον· εἰ δε ἐπιμηκεστέρα γέγονεν , ἡ ἐπιμέλεια μὴ θαυμάσης . διαφόρους γὰρ πράξεις ἐν ενὶ λέγειν καιρῷ θεῖναι ἀδύνατον

msA, 12.A3, commenting on 12.2 ἰ̈ᾶτ’ Εὐρύπυλον βεβλημένον ὅτι τὰ ἅμα γινόμενα , οὐ δύναται ἅμα ἐξαγγέλλειν· ἐν ὅσῳ δὲ οὗτος ἰᾶτο ἐκεῖνοι ἐμάχοντο

msA, 12.A4, commenting on 12.4 τάφρος ἐῦˆτι σχήσεϊν Δαναῶν πλάσας τεῖχος ὁ ποιητὴς εἰς τιμὴν τοῦ Ἀχιλλέως , μετα τοῦτο ἀπολλύμενον αὐτὸ εἰσάγει ἵνα μὴ ἐλέγχηται αὐτοῦ τὸ ψεῦδος ὡς μὴ γενομένου ὑπο τῶν μεταγενεστέρων καὶ τὴν ἀπώλειαν αὐτοῦ εἶπεν

msA, 12.A5, commenting on 12.5 εὐρὺ το ποιήσαντο βέλτιον τὸ εὑρὺ τοῖς ἐπάνω συνάπτειν ἀμφίβολον δὲ πότερον ὕπερθεν εὐρὺ , ἀρετῆ γὰρ τείχους ἕως ἄνω πεπλατύνθαι ἢ ὃ καὶ βέλτιον ὕπερθε τῆς τάφρου ταύτης γὰρ ὑπέρκειται

No relations found for urn:cts:greekLit:tlg5026.msA.dipl:12.A7

msA, 12.A8, commenting on 12.13 αὐτὰρ ἐπεὶ κατα μὲν Τρωων θάνον καὶ ἐνταῦθα ἡ ἀνταπόδοσις ἐστι δὴ τότε μητιόωντο· τὸ γὰρ χρονικὸν ἐπίρρημα ἀνταποδέδοται τῷ ἐπεῖ

msA, 12.A9, commenting on 12.17 δὴ τότε μητιόωντο σημειοῦνται τινὲς προς τὰ ἐν τῇ ἀθετούμενα ὅτι καὶ ἐκ τούτων διαβάλλεται προς τὸ πρόσωπον γινόμενα

msA, 12.A10, commenting on 12.20 Κάρησσός τε Ῥοδίος τε Τυραννίων ὀξύνει τὸ Κάρησσος ὡς Παρνασσός , οὕτως γὰρ ὑπο Κυζικηνῶν ὀνομάζεσθαι τὸν ποταμόν· ὁ δὲ Ἀρίσταρχος βαρύνει ὡς Κάνωβος · εἴπομεν δὲ ἐν ἑτέροις , ὅτι οὐ πάντως ἐπικρατεῖ ἡ ἀπο τῶν ἐθνῶν χρῆσις καὶ ἐπι τὴν Ὁμηρικὴν ἀνάγνωσιν· ὁπότε περι τοῦ Γλίσαντα διελάβομεν εἴγε Διονύσιος ἱστορεῖ τοὺς ἐγχωρίους συστέλλειν τὸ ϊ καὶ μὴ περισπᾶν τό τε Λύκαστος ὁ αυτὸς ϊστορεὶ ὀξύνεσθαι ἡμῶν ἀναγινωσκόντων βαρυτόνως οὕτως οὖν εἰκὸς καὶ ἐπι τοῦ Κάρησσος μὴ πεισθῆναι τὸν Ἀρίσταρχον ὁμοίως τοῖς ἐγχωρίοις προενέγκασθαι τὴν λέξιν· τάχα δὲ ἐπεὶ ἑώρα τὰ εἰς λήγοντα ὑπερ δύο συλλαβὰς ὀξυνόμενα τῷ η παραληγόμενα ἕτερον ἔχοντα ς , τοῦτο δὲ ἓν ἀναδεξάμενον , διὰ τοῦτο καὶ ἐξήλλαξεν αὐτὸ τῆς ἐκείνων τάσεως· εἴγε τὸ Ἀλικαρνησσὸς δισσὸν ἔχει τὸ ς , Λυκαβησσός , Ταρτησσος · τὸ μέντοι Κάρησος ἓν ἔχει τὸ ς . ἴ̈̈σως οὖν δια τοῦτο ἐξηλλάγη

msA, 12.A11, commenting on 12.20 Ῥοδίος τε παροξυτονητέον κύριον . εἰκὸς μέντοι τὸ ὄνομα τοῦ ποταμοῦ έχειν πλεονασμὸν τοῦ δ ἐοικὸς γὰρ τῷ ποταμῷ , παρὰ τὸν ῥοῦν ὠνομάσθαι ὥστε αὐτὸν εἶναι ῥοΐον καὶ Ῥοδίον

msA, 12.A13, commenting on 12.22 βοάγρια τὰ εἰς τὴν βοὴν ἀγειρόμενα . ἢ βόεια γέρρα ὅ ἐστι δέρρα ἐξ ἀγρίων βοῶν γενόμενα

msA, 12.A14, commenting on 12.25 ἐννῆμαρ δ’ ἐς τεῖχος ἐπι ἐννέα ἡμέρας ἔνιοι δὲ δασέως καὶ δια τοῦ ἑνὸς ν ἀναγινώσκουσιν ὲν ῆμαρ ἵν’ ᾖ μιᾷ ἡμέρα ὥστε μηνιοῦσθαι τὴν τῶν θεῶν δύναμιν μη δυνηθέντων στρέψαι λόγω . θᾶττον δὲ υπ τῶν Ἑλλήνων ἐν μιᾷ ἡμέρα γεγονός . οἱ δέ φησὶν , δια τοῦτο τέσσαρας ποταμοὺς εἰσάγει καὶ θεοὺς παρίστησιν οὐχ ἵνα μόνον ἀφανίση τὸ τεῖχος . ἀλλὰ καὶ τὸν τόπον δια τὸ μηδὲ ἴχνος φανῆναι

msA, 12.A15, commenting on 12.22 βοάγρια αἱ ἀπο βοείων βυρσῶν κατασκευασθεῖσαι ἀσπίδες

msAext, 12.A1, commenting on 12.10-12.12 ** ὀφρα μεν Ἑκτωρ ζωὸς ** ἀπορίαν εἰκότως παρεχει τὰ έπη ταῦτα ἃ περι τοῦ τείχους τῶν Ἀχαιῶν . ὁ Ὁμηρος ἀναπεφωνηκε· ὄφρα μὲν Ἑκτωρ ζωὸς έην . καὶ μηνι’ Ἀχιλλευς καὶ Πριάμοιο άνακτος ἀπόρθητος πόλις ἐπλε τόφρα δὲ καὶ μέγα τεῖχος Ἀχαιῶν ἔμπεδον ἐφ όσον ὁ μὲν Ἑκτωρ έζη Ἀχιλλεὺς δὲ ἐμήνιεν ἡ δε τοῦ Πριάμου πο ἀνάλωτος ἔμενεν· μετα δὲ τὴν ἁλωσιν Ἰλίου καὶ τον ἀπόπλουν τῶν Ἀχαιῶν τοτε κατερίφθη , ὅτι γράφεται τοῦ πολὲμου συνεστῶτος . καὶ Ἀχιλλέυς μὲν μηνίοντος Ἑκτωρος δὲ περιόντος καὶ ἀριστεύοντος , ὑπο τῶν Τρωων τὸ τεῖχος τῶν Αχαιῶν κατερίφθη καὶ διοδευσιμον γέγονε τοῖς πολεμίοις· ὁ μὲν γὰρ Σαρπηδων τὰς ἐπάλξεις αὐτοῦ καὶ μέρος τί καταβέβληκεν· ο δε Ἑκτωρ καὶ τὰς πύλας διέρρηξεν· ὁ δὲ Ἀπόλλων σχεδὸν ὅλον αὐτὸ διέλυσε τὸ καταριφθὲν οῦν τεῖχος οὐχ ὑπ ανων μόνον ἀλλα καὶ θεῶν ἐν τῶ τῆς μήνιδος χρόνω τοῦτο λέγειν ἀσφαλὲς καὶ ἀρηρὸς ἐν τῷ τοῦ πολέμου καιρῷ διαμεμενηκέναι μεχρι πορθήσεως Ἰλίου ἀπορον εἰς λύσιν· οἱ μὲν οὖν γραμματικοὶ ἀπο τοῦ πλείστου μέρους αξιοῦσι λέγειν ἔμπεδον . ὀλίγον γὰρ εἶναι τὸ σαλευθὲν ὑπο τῶν Τρώων · ἀγνοοῦσι δὲ οῦτοι ότι τινα κὰν ἐκ μέρους πάθη οὐτε ἐστιν ἔμπεδα οὔτε ἀρηροτα , καὶ ἁμφορεὺς διατρηθεὶς κὰν σχεδὸν όλον τὸ κυτος άθραυστον , ἠ οὐκέτ’ ἐστιν ἔμπεδος ἀμφορευς , ἀλλ’ όστρακον καὶ τεῖχοσ οὐκεθ οἷον τε κρύπτειν τοὺς τειχίσαντας οὐκέτ’ ἂν εἴη ἔμπεδον τεῖχος ἀλλα σορὸς λίθων μήποτ’ οὖν , ἡ ἔμπεδον λέξις οὐκ είληπται . νῦν μεταφορικῶς ἐν ΐσω τῷ ἀσφαλες καὶ ἀραρὸς οὐδε ἐστιν ὅμοιον τὸ οὐδε μοι ῆτορ ἔμπεδον ἀλλ ἀλύκτημαι ὁ μὲν ἔμπεδον ἡνιόχευεν ἀλλα κυρίως νῦν ἐξενήνεκται , τὸ πέδον ἐχούσης ἐντεταγμένον τῆς λέξεως , ὥστε σημαινοι ἄν ὅτι ἐν τῷ πεδίῳ κείμενον καὶ μὴ ἁλίπλοον ἀντέθηκε γὰρ τὸ ἑμπεδον τῷ ἁλιπλόω τὸ ἐν τῶ πεδίῳ προς τὸ αῦθις ἁλίπλουν γιγνομένον γὰρ ἔφη τόφρα δὲ καὶ μέγα τεῖχος απόρθητον ἦν καὶ ἄθραυστον καὶ ἔμπεδον καὶ πάλιν ούτι πολὺν χρόνον ἔμπεδον ῆεν · τί οὖν πάσχει ὕστερον τῶν ποταμῶν πάντων φησὶν ὁμόσε στόματ’ έτραπε Φοῖβος Ἀπόλλων · ἐννῆμαρ δ’ ἐς τεῖχος ΐει ῥόον υἱε δ’ ἄρα Ζεὺς συννεχες ὄφρα κε θᾶσσον ἁλίπλοα τείχεα θείη αὐτὸς δ’ ἐννοσίγαιος ἔχων χείρεσσι τρίαιναν ἡγεῖτ’ ἐκ δ’ ἄρα πάντα θεμείλια κύμασι πέμπε φιτρῶν καὶ λάων τὰ θέσαν μογέοντες Ἀχαιοὶ λεια δ’ ἐποίησεν παρ αγάρροον Ἑλλησποντον ὥστ’ εἰ καὶ πεπτωκὸς ἦν τὸ τεῖχος , ἀλλ επι τῶ ἐμπέδω ῆν τὰ πτώματα καὶ τὰ θεμέλια , ὕστερον δὲ πάντα δι ύδατος εἰς θάλασσαν φησὶν ἐξενεχθῆναι , συνεστώσης δὲ τῆς πόλεως οὐδὲν τοῦ τείχους ἁλίπλουν γέγονεν . οὐδ ότε Ξάνθος ἐπλήμυρεν κάτ’ Αχιλλέως , καὶ τὸ κατα μεταφορὰν δ’ ἔμπεδον τὸ σημαῖνον τὸ ἀκίνητον ἀπο τῶν ἐν τῶ πεδίω μενόντων ἀκινήτων λέγεται , τὸ δὲ τεῖχος κατ αυτο μὲν ἐκινήθη ἐκ μέντοι τοῦ πεδίου κατηνέχθη ἐπι θάλασσαν ὅπερ φησὶν αὐτὸς ὕστερον παθεῖν

msAil, 12.A1, commenting on 12.1@ὡς-μὲν οuτ μὲν οuτ

msAil, 12.A3, commenting on 12.3@ὁμιλαδὸν παμπληθί

msAil, 12.A4, commenting on 12.4@τάφρος τὸ όρυγμα

msAil, 12.A5, commenting on 12.4@σχήσειν ἀνθέξειν

msAil, 12.A6, commenting on 12.7@ληΐδα σκυλα

msAil, 12.A7, commenting on 12.8@ῥύοιτο φυλάττοι

msAil, 12.A8, commenting on 12.8@ἀἕκητι αβουλία

msAil, 12.A9, commenting on 12.9@ἔμπεδον ασφαλὲς ϊσχυρόν

msAil, 12.A10, commenting on 12.12@τόφρα επι τοσούτῳ

msAil, 12.A11, commenting on 12.12@ἔμπεδον επίπεδον

msAil, 12.A13, commenting on 12.17@μητιόωντο εβουλεύοντο

msAil, 12.A14, commenting on 12.18@ἀμαλδῦναι καταστρέψαι αφανίσαι

msAil, 12.A15, commenting on 12.18@ποταμῶν-μένος περίφρασις τοὺς ποτ

msAil, 12.A17, commenting on 12.20@Ἐπτάπορός ποτ

msAil, 12.A18, commenting on 12.20@Κάρησός ποτ

msAil, 12.A19, commenting on 12.20@Ῥοδίος ποτ

msAim, 12.A1, commenting on 12.11 ουτ Ἀρίσταρχος έπλεν