Manuscript msA, page 155v

Manuscript msA, page 155v

prev: 155r

next: 156r

Iliad text

12.51 τόλμων ὠκύποδες . μάλα δὲ χρεμέτιζον ἐπ’ ἄκρωι

12.52 χείλει ἐφεσταότες· ἀπὸ γὰρ δειδίσσετο τάφρος1

12.53 εὐρεῖ’ . οὔτ’ ὰρ ὑπερθορέειν σχεδὸν . οὔτε περῆσαι

12.54 ῥηϊδίη· κρημνοὶ γὰρ ἐπηρεφέες περὶ πᾶσαν1, 2

12.55 ἕστασαν ἀμφοτέρωθεν . ὕπερθεν δὲ σκολόπεσσιν1

12.56 ὀξέσιν ἠρήρει . τοὺς ἔστασαν υἷες Ἀχαιῶν1, 2

12.57 πυκνοὺς καὶ μεγάλους . δηΐων ἀνδρῶν ἀλεωρήν·1

12.58 ἔνθ’ οὔ κεν ῥέα , ἵ̈ππος ἐΰτροχον ἅρμα τιταίνων

12.59 ἐσβαίη· πεζοὶ δὲ μενοίνεον . εἰ τελέουσι·1, 2

12.60 δὴ τότε Πουλυδάμας θρασὺν Ἕκτορα εῖπε παραστάς·1

12.61 Ἕκτορ τ’ ἢδ’ ἄλλοι Τρώων ἀγοὶ ἠδ’ ἐπίκούρων1

12.62 ἀφραδέως δια τάφρον ἐλαύνομεν ὠκέας ἵππους·1, 2

12.63 ἡ δὲ μάλ’ ἀργαλέη περάαν . σκόλοπες γὰρ ἐν αυτῇ

12.64 ὀξέες ἑστᾶσιν . ποτὶ δ’ αὐτοὺς τεῖχος Ἀχαιῶν ·

12.65 ἔνθ’ οὔ πως ἐστὶν καταβήμεναι οὐδὲ μάχεσθαι

12.66 ἱ̈ππεῦσι· στεῖνος γὰρ . ὅθι τρώσεσθαι ὀΐω·1, 2

12.67 εἰ μὲν γὰρ δὴ πάγχυ κακὰ φρονέων ἀλαπάζει1

12.68 Ζεὺς ὑψιβρεμέτης . Τρώεσσι δὲ βούλετ’ ἀρήγειν ,

12.69 ῆ τ’ ὰν ἔγωγ’ ἐθέλοιμι καὶ αὐτίκα τοῦτο γενέσθαι .1

12.70 νωνύμνους ἀπολέσθαι ἀπ’ Ἄργεος ἐνθάδ’ Ἀχαιούς ·

12.71 εἰ δέ χ’ ὑποστρέψωσι . παλίωξις δὲ γένηται1, 2

12.72 ἐκ νηῶν . καὶ τάφρῳ ἐνιπλήξωμεν ὀρυκτῇ .

12.73 οὐκέτ’ ἔπειτ’ ὀίω οὐδ’ ἄγγελον ἀπονέεσθαι

12.74 ἄψορρον προτὶ ἄστυ ἐλιχθέντων ὑπ’ Ἀχαιῶν ·1

12.75 ἂλλ’ άγεθ’ ὡς ἂν ἐγὼ εἴπω πειθώμεθα πάντες·

Scholia text

msA, 12.C1, commenting on 12.55-12.56 ‡ ἕστασαν ἀμφοτέρωθεν· εστασαν υἷες Αχαιῶν : τὸ μὲν πρότερον ἕστασαν δασύνει ὁ Ἀρίσταρχος . ἐπειδήπερ τὸ αὐτὸ ἐστι τὸ ἑστήκεισαν ἔφαμεν δὲ καὶ ἡμεῖς δασύνεσθαι τὸ ε τοῦ παρακειμένου καὶ ὑπερσυντελίκου ἐπὶ τούτου τοῦ ῥήματος· τὸ μέντοι δεύτερον ψιλοῖ ἰσοδυναμεῖ γὰρ τῷ ἔστησαν οὓς ἔστησαν γὰρ οἱ Ἀχαιοί . τὸ δὲ ε τοῦ ἀορίστου ἐπ τούτου τοῦ ῥήματος εψιλοῦτο συγκατατίθεται δὲ καὶ ὁ Ἀσκαλωνίτης τῇ τοιαύτη ἀναγνώσει καὶ ἡμεῖς ⁑

msA, 12.C3, commenting on 12.59 ἐσβαίη : ἡ Ζηνοδότειος καὶ Ἀριστοφάνειος καββαίη . καὶ γὰρ ἐπιφέρει ἔνθ’ οὔ πως ἐστὶ καταβήμεναι οὐδὲ μάχεσθαι ⁑

msA, 12.C4, commenting on 12.60 δὴ τότε πουλυδάμασ : ὅτι ἐλλείπει ἡ προς πρὸς Ἕκτορα , ὡς καὶ τότ’ ἄρ Αἴας εἶπε βοὴν ἀγαθὸν Μενέλαον · δύναται δὲ τὸ ἑξῆς εἶναι παρ Ἕκτορα στὰς , ὡς μὴ λείπειν τὴν πρόθεσιν ⁑

msA, 12.C6, commenting on 12.71 εἰ δέ χ’ ὑποστρέψωσι . προς τὴν παλίωξιν ὅτι ἐστιν πάλιν δίωξις ὅταν μεταβαλλόμενοι διώκωσιν οἱ διωκόμενοι ἡ δὲ ἀναφορὰ πρὸς τὸ ἐκ τοῦ δ άν τοι ἔπειτα παλίωξιν παρα νηῶν αἰὲν ἐγὼ τευχοιμι κακῶς διὸ ἀθετεῖται ⁑

msAil, 12.C1, commenting on 12.52@δειδίσσετο εἱσ δέοσ ῆγε καί φοβον

msAil, 12.C3, commenting on 12.54@ἐπηρεφέεσ ὑψηλοι μεγάλοι

msAil, 12.C4, commenting on 12.55@σκολόπεσσιν ξύλοισ ἀπωξυμμέννοιο

msAil, 12.C5, commenting on 12.56@ἠρήρει επεπύκνωτο

msAil, 12.C6, commenting on 12.57@ἀλεωρήν φυλακην απο φυγην :

msAil, 12.C7, commenting on 12.59@μενοίνεον προεθυμοῦν το ενενό ουν

msAil, 12.C8, commenting on 12.61@ἐπίκούρων οι

msAil, 12.C9, commenting on 12.62@ἀφραδέωσ ἀπρονοήτωσ ἀπείρωσ

msAil, 12.C10, commenting on 12.66@τρώσεσθαι ἀντι του ἐλαττωθήναι ἡττηθῆναι :

msAil, 12.C11, commenting on 12.67@άλαπἀζει πορθεῖ

msAil, 12.C13, commenting on 12.74@ἐλιχθέντων ὑποστραφέντων :

msAim, 12.C1, commenting on 12.54@περὶ-πᾶσαν Ἀριστοφά δια πᾶσαν

msAim, 12.C3, commenting on 12.67@εἰ-πάγχυ Ἀριστφά εἰ μὲν γὰρ τοὺς παγχυ ⁑

msAim, 12.C4, commenting on 12.68@βούλετ’-ἀρήγειν ΐετ’ ἀρήγειν οὕτως πᾶσαι ⁑

msAim, 12.C5, commenting on 12.69@ῆ ὀντωσ