Manuscript msA, page 158r

Manuscript msA, page 158r

prev: 157v

next: 158v

Iliad text

12.176 ἀργαλέον δέ με ταῦτα θεὸν ὡς πάντ’ ἀγορεῦσαι·

12.177 πάντῃ γὰρ περὶ τεῖχος ὀρώρει θεσπιδαὲς πῦρ .1, 2

12.178 λάϊνον . Ἀργεῖοι δὲ καὶ ἀχνύμενοί περ . ἀνάγκῃ

12.179 νηῶν ἠμύνοντο . θεοὶ δ’ ἀκαχείατο θυμὸν1, 2

12.180 πάντες , ὅσοι Δαναοῖσι μάχης ἐπιτάρροθοι ἦσαν :1

12.181 σύν δ’ έβαλον Λαπίθαι πόλεμον καὶ δηϊοτῆτα·1

12.182 ἐνθ’ αὖ Πειριθόου υἱὸς κρατερὸς Πολυποίτης

12.183 δουρὶ βάλεν Δάμασον κυνέης διὰ χαλκοπαρήου·

12.184 οὐδ’ ἄρα χαλκείη κόρυς ἔσχεθεν . ἀλλὰ διὰ πρὸ

12.185 αἰχμὴ χαλκείη ῥῆξ’ ὀστέον . ἐγκέφαλος δὲ

12.186 ἔνδον ἅπας πεπάλακτο . δάμασσε δέ μιν μεμαῶτα :1

12.187 αὐτὰρ ἔπειτα Πύλωνα καὶ Όρμενον ἐξενάριξεν·1

12.188 υἱὸν δ’ Ἀντιμάχοιο Λεοντεὺς ὄζος Ἄρηος

12.189 Ἱππόμαχον βάλε δουρὶ κατα ζωστῆρα τυχήσᾱς·

12.190 αὖτις δ’ ἐκ κολεοῖο ἐρυσσάμενος ξίφος ὀξὺ .

12.191 Ἀντιφάτην μὲν πρῶτον ἐπαΐξας δι’ ὁμίλου

12.192 πλῆξ’ αὐτοσχεδίην· ὁ δ’ ἂρ ὕπτιος ούδει ερείσθη·1

12.193 αὐτὰρ ἔπειτα Μένωνα . καὶ Ϊαμενὸν . καὶ Ὀρέστην .1, 2

12.194 πάντας ἐπασσυτέρους πέλασε χθονὶ πουλυβοτείρῃ :

12.195 ὄφρ’ οἳ , τοὺς ἐνάριζον ἀπ’ ἔντεα μαρμαίροντα .

12.196 τόφρ’ οἳ Πουλυδάμαντι καὶ Ἕκτορι κοῦροι ἕποντο .

12.198 τεῖχος τε ῥήξειν , καὶ ἐνιπρήσειν πυρὶ νῆας ,

12.199 οἵ ῥ’ ἔτι μερμήριζον ἐφεσταότες παρα τάφρῳ·

12.200 ὄρνις γάρ σφιν ἐπῆλθε περησέμεναι μεμαῶσιν

12.201 αἰετὸς ὑψιπέτης ἐπ’ ἀριστερὰ λαὸν ἐέργων1, 2, 3, 4

Scholia text

msA, 12.H1, commenting on 12.177-12.178 ‡ πάντη γὰρ περι τεῖχος : λιθινου τοῦ τείχους ὄντος καὶ τῶν Τρώων βαλλόντων , ἐκ τῆς συγκρίσεως τῶν βαλλομένων , πῦρ ἅπτεσθαι φησὶ πανταχόθεν τοῦ τείχους ἔχει δὲ ἔμφασιν ὁ λόγος ⁑

msA, 12.H3, commenting on 12.177-12.178 βραχὺ διασταλτέον ἐπι τὸ πῦρ εστι γὰρ τεῖχος λάϊνον τὸ ἑξῆς , ἄκαιρον γὰρ τὸ λάϊνον πῦρ εἴ τις συνάπτοι ⁑

msA, 12.H4, commenting on 12.178-12.179 Ἀργεῖοι δὲ καὶ ἀχνυμενοί περ ἀνάγκη : ἡ τελευταία λέξις , ἡ ἀνάγκη κεχωρίσθαι ὀφείλει τῶν ἄνω ἵνα σαφεστερον περιστῇ ἥ τε ἐπίτασις καὶ ἡ ἐναντίωσις . δυνατὸν δὲ καὶ συνάπτοντα μέχρι τοῦ νηῶν , ἀπ ἄλλης ἀρχῆς λέγειν , ἠμύνοντο , ἵνα ᾖ ἀχνύμενοι περι νηῶν ,

msA, 12.H5, commenting on 12.180 ἐπιτάρροθοι ἡ γὰρ πλεονάζει ὡς ἐν τῷ ἀταρτηρός , ἡ δὲ μεταφορά , ἀπο τῶν τοῖς κυσὶ βοῇ κελευόντων ⁑

msA, 12.H6, commenting on 12.193 Ϊαμενὸν καὶ Ὀρέστ · Ἀρίσταρχος ψιλοῖ . ὁ δὲ Ἀσκαλωνίτης φησὶν , ἐὰν μὲν ἀπο τῆς ϊάσεως ψιλωτέον , ἐὰν δὲ ἀπο τῆς ὁρμῆς δασυντέον ἄμεινον δὲ προκρίνειν τὴν Ἀριστάρχου οὐδὲν γὰρ ἐστι κωλύον τὴν ἀνάγνωσιν αὐτοῦ ⁑

msA, 12.H7, commenting on 12.195-12.199 ὄφρ’ οἱ τοὺς ἐνάριζον ἀπ έντεα μαρμαίροντα : ὑποστιγμῇ ἐν ὑποκρίσει μαρμαίροντα ἕποντο διαστολαὶ δὲ ἔσαν νῆες . ἡ δὲ ἀνταπόδόσις οἵ ρ’ ἔτι μερμήριζον δι ὅπερ οὐ χωριστέον στιγμαῖς εἶς γὰρ ὁ λόγος ⁑

msA, 12.H8, commenting on 12.201 αἱετὸς ὑψιπέτης : ὅτι ἀφορίζων ἔφη ἐπι τὰ ἑαυτοῦ ἀριστερὰ ὁ αετός ⁑

msA, 12.H9, commenting on 12.201 βέλτιον μέσον μὲν τὸν ἀετὸν ἔρχεσθαι τοῦ πλήθους ἀνείργεῖν δὲ αὐτοὺς ἐπι τὰ ἀριστερὰ φερομένους . δι ὃ συναπτέον ἐπ αριστερὰ λαὸν ἐέργων ⁑

msA, 12.H10, commenting on 12.201 ὑψιπέτης : Ἀρίσταρχος ἐβάρυνεν εὑρῶν τὸ ὠκυπέτα χρυσέῃσιν ἐθείρησιν οὕτως κεκλιμένον ὡσεὶ καὶ ἀπο τοῦ παντοπώλης , παντοπῶλα , πρόδηλον δὲ κακ τῶν διαλέκτων ὑψιπέτας γὰρ εὑρέθη κατα τροπὴν τοῦ η εἰς τὸ α ὅπερ ζητεῖ καὶ ἡ κλίσις καὶ ἡ βαρεῖα τάσις· τινὲς μέντοι ἐτόλμησαν τὸ ὑψιπέτης περισπάσαι . ἐπεὶ ἐν ετέροις έφη ὥστ’ αἰετὸς ὑψιπετήεις · ὡς οὖν τὸ τιμήεις ἔσομαι ἐγένετο τιμῆς , οὐκέθ’ ὁμῶς τιμῆς ἔσσεαι οὕτως ὑψιπετήεις ὑψιπετῆς , ἀλλ επι μὲν τοῦ τιμῆς εὕρομεν αιτιατικήν καὶ χρυσὸν τιμήντα ἥτις ἐδίδασκε τὸ τῆς ευθ πάθος· ἐπει δε τοῦ προκειμένου οὐδὲν εὕρομεν τοιοῦτο ἔνθεν ἐπείσθημεν τῷ Ἀριστάρχῳ ⁑

msA, 12.H11, commenting on 12.201 ἐπ αριστερὰ λαῶν ἐέργων , ὑποχωρῆσαι συμφέρον προσημαῖνων ἀριστερὰ γὰρ σημεῖα τὰ ἀπαίσια . δεξιὰ δὲ τὰ συμφέροντα· ζητεῖται δὲ πῶς ὁ Ζεῦς ἐπικρατεστέρους θέλων ποιῆσαι τοὺς Τρώας , σημεῖον αὐτοῖς κωλυτικὸν ἐπιπέμπει φησὶ γὰρ ὄρνις γάρ σφιν ἐπῆλθε περησέμεναι μεμαῶσιν · καὶ ῥητέον ὅτι νίκην μὲν ἐβούλετο τοῖς Τρωσὶν ἐξελεῖν δὲ τὸ δέος τῶν Ἑλληνων οὐ γὰρ κατ προαίρεσιν αὐτοὺς ἰδίαν ἐμίσει . ἀλλα χαριζόμενος Θέτιδι ⁑

msAil, 12.H1, commenting on 12.177@θεσπιαδὲς τὸ ὑπο θεῶν ἀναπτόμενον οιονεὶ θεῖον·

msAil, 12.H3, commenting on 12.181@Λαπίθαι οἱ περι Πειρίθου μαχεσάμενοι οἱ δὲ τοῖς Κενταύροις

msAil, 12.H4, commenting on 12.186@πεπάλακτο ἐμολύνετο·

msAil, 12.H5, commenting on 12.187@ἐξενάριξεν εσκύλευσεν ἀνεῖλεν :

msAil, 12.H6, commenting on 12.192@αὐτοσχεδίην ἐκ τοῦ πλησίον ἐκ χειρὸς :

msAim, 12.H1, commenting on 12.179 ἐν ἄλλῳ θυμῷ

msAint, 12.H1, commenting on 12.193 πρὸς τὴν ὁμωνυμίαν :