Manuscript msA, page 159r

Manuscript msA, page 159r

prev: 158v

next: 159v

Iliad text

12.228 ὧδέ χ’ ὑποκρίναιτο θεοπρόπος . ὃς , σάφα θυμῷ1, 2, 3

12.229 εἰδείη τεράων . καί οἱ πειθοίατο λαοί·

12.230 τὸν δ’ ὰρ ὑπόδρα ἰ̈δὼν προσέφη κορυθαίολος Ἕκτωρ ·1

12.231 Πουλυδάμα . σὺ μὲν οὐκ έτ’ ἐμοὶ φίλα ταῦτ’ ἀγορεύεις·1, 2

12.232 οἶσθα καὶ ἄλλον μῦθον ἀμείνονα τοῦδε νοῆσαι·

12.233 εἰ δ’ ετεὸν δὴ τοῦτον ἀπὸ σπουδῆς ἀγορεύεις ,

12.234 ἐξ άρα δή τοι ἔπειτα θεοὶ φρένας ὤλεσαν αὐτοί·

12.235 ὃς κέλεαι . Ζηνὸς μὲν ἐριγδούποιο λαθέσθαι

12.236 βουλέων . ἅς τέ μοι αὐτὸς ὑπέσχετο καὶ κατένευσε·1

12.237 τύνη δ’ οἰωνοῖσι τανυπτερύγεσσι κελεύεις

12.238 πείθεσθαι . τῶν οὔ τι μετὰτρέπομ’ , οὐδ’ ἀλεγίζω .

12.239 εἴτ’ ἐπὶ δεξὶ’ ἴ̈ωσι . πρὸς ἠῶ τ’ ἠέλιόν τε .1

12.240 εἴτ’ ἐπ αριστερὰ τοί γε . ποτὶ ζόφον ἠερόεντα·

12.241 ἡμεῖς δὲ μεγάλοιο Διὸς πειθώμεθα βουλῇ .

12.242 ὃς πᾶσι θνητοῖσι καὶ ἀθανάτοισιν ἀνάσσει·

12.243 εἷς οἰωνὸς ἄριστος , ἀμύνεσθαι περὶ πάτρης·1

12.244 τίπτε , σὺ δείδοικας πόλεμον καὶ δηϊοτῆτα·

12.245 εἴ περ γάρ τ’ ἄλλοι γε περι κτεινώμεθα πάντες

12.246 νηυσὶν ἐπ Αργείων . σοὶ δ’ οὐ δέος ἔστ’ ἀπολέσθαι .1

12.247 οὐ γάρ τοι κραδίη μενεδήϊος . οὐδε μαχήμων·1

12.248 εἰ δὲ σὺ δηϊοτῆτος ἀφέξεαι· ἠέ τίν’ ἄλλον

12.249 παρφάμενος ἐπέεσσιν . ἀποτρέψεις πολέμοιο .1

12.250 αὐτίκ’ ἐμῷ ὑπο δουρὶ τυπεὶς . ἀπο θυμὸν ὀλέσσεις·1

12.251 ὡς ἄρα φωνήσας ἡγήσατο . τοὶ δ’ ἅμ’ ἕποντο

12.252 ἠχῇ θεσπεσίη· ἐπὶ δὲ Ζεὺς τερπικέραυνος

Scholia text

msA, 12.G13, commenting on 12.230 τὸν δ ὰρ ὑπόδρα ἰδὼν , ὅτι Ζηνόδοτος γράφει τὸν δ’ ἠμείβετ’ ἔπειτα μέγας κορυθαίολος Ἕκτωρ · βέλτιον δὲ τὸν δ ὰρ ὑπόδρα ἰδων · εὐθέως γὰρ τὸ δυσάρεστον ἐμφαίνει δια τῆς ὄψεως ⁑

msA, 12.G14, commenting on 12.231 Πουλυδάμα · αἱ Ἀριστάρχου χωρὶς τοῦ ν παρα τὴν ἀναλογίαν· Ζηνόδοτ δὲ καὶ Χαμαιλέων σὺν τῷ ν Πολυδάμαν ⁑

msA, 12.G15, commenting on 12.231 Ἡρακλέους πορθήσαντος Ἴλιον Πρίαμος ὁ Λαομέδοντος παραλαβὼν τὴν βασιλείαν ἔπεμψεν εἰς Δελφοὺς μαντευσόμενος περι τῶν ἐνεστώτων· οἱ δὲ προευθέντες χρησμον τε λαμβάνουσι , καὶ Πάνθουν ἕνα τῶν Δελφῶν αγουσιν ὅπως κατα συνεχὲς μαντεύηται Πριάμῳ γήμας δὲ οὕτως θυγατέρα Κλυτιου Προνόμην , Πολυδάμαντα γεννᾷ τήν τε μαντικὴν ἀναδιδάσκει , λέγεται δὲ μιᾷ νυκτὶ τοῦτον καὶ τὸν Ἕκτορα γεννηθῆναι ⁑

msA, 12.G16, commenting on 12.236 βουλέων : ἡ πρώτη λέξις ὑπὸ τῆς συνηθείας , τοῖς ἄνω προσδίδοται· δύναται δὲ καὶ τοῖς εξῆς ⁑

msA, 12.G17, commenting on 12.239 εἴτ’ ἐπι δεξὶ’ ὅτι δύο διαστάσεις οῖδεν Ὅμηρος κοσμικάς , ἀνατολὴν καὶ δύσιν καὶ δεξιᾷ μὲν τὰ πρὸς ἀνατολάς ἀριστερὰ δὲ τὰ πρὸς δυσμὰς λέγει ⁑

msA, 12.G18, commenting on 12.243 εἶς οιωνὸς ἄριστος : εἴ τις βούλοιτο ἐπι τὸ ἄριστος βραχὺ διαστέλλειν , τάχα ἂν εἴη σαφέστερον τὸ λεγόμενον ⁑

msAil, 12.G10, commenting on 12.228@ὐποκρίναιτο αντι τοῦ ἀπεκρίνατο ἐξηγούμενος τὸ σημεῖον

msAil, 12.G500, commenting on 12.228@θεοπρόπος οἰωνιστ

msAil, 12.G11, commenting on 12.233@ἀπὸ-σπουδῆς ἀπο κρίσεως

msAil, 12.G13, commenting on 12.240@ποτὶ-ζόφον προς δυσμάς

msAil, 12.G14, commenting on 12.247@μενεδήϊος ἐν τῇ μάχη καρτερικός

msAil, 12.G15, commenting on 12.249@παρφάμενος παραλογισάμενος

msAil, 12.G16, commenting on 12.250@τυπεὶς πληγεὶς

msAint, 12.G5, commenting on 12.228 οτ ἀντι τοῦ ἀποκρίναιτο :

msAint, 12.G6, commenting on 12.246 παρα Ζηνοδ νηυσὶν ὑπ Αργείων :