Manuscript msA, page 163v

Manuscript msA, page 163v

prev: 163r

next: 164r

Iliad text

12.453 ὣς Ἕκτωρ ἰ̈θὺς σανίδων φέρε λᾶαν ἀείρας·1, 2

12.454 αἵ ῥα πύλας εἴρυντο . πύκα στιβαρῶς ἀραρυίας·

12.455 δικλίδας . ὑψηλάς . δοιοὶ δ’ ἔντοσθεν ὀχῆες1, 2, 3

12.456 εἶχον ἐπημοιβοὶ , μία δὲ κληῒς ἐπαρήρει·1, 2, 3

12.457 στῆ δὲ μάλ’ ἐγγὺς ἰ̈ὼν· καὶ ἐρεισάμενος βάλε μέσσας·1

12.458 εὖ διαβὰς , ἵνα μή οἱ ἀφαυρότερον βέλος εἴη·1, 2

12.459 ῥῆξε δ’ ἀπ’ ἀμφοτέρους θαιροὺς· πέσε δε λίθος εἴσω1, 2

12.460 βριθοσύνῃ· μέγα δ’ ἀμφὶ πύλαι μύκον· οὐδ’ ἄρ’ ὀχῆες1

12.461 ἐσχεθέτην . σανίδες δὲ διέτμαγεν ἄλλυδις ἄλλη·1

12.462 λᾶος ὑπὸ ῥιπῆς· ὁ δ’ ἀρ’ ἔσθορε φαίδιμος Ἕκτωρ1

12.463 νυκτὶ θοῇ ἀτάλαντος ὑπώπια· λάμπε δὲ χαλκῷ1, 2, 3

12.464 σμερδαλέῳ· τὸν ἕεστο περι χροΐ . δοιὰ δὲ χερσὶ1

12.465 δοῦρ’ ἔχεν , οὔ κάν τίς μιν ἐρυκάκοι ἀντιβολήσας·1

12.466 νόσφι θεῶν , ὅτ’ ἐσᾶλτο πύλας· πυρὶ δ’ ὄσσε δεδήει·

12.467 κέκλετο δὲ Τρώεσσιν ἐλιξάμενος καθ’ ὅμιλον1

12.468 τεῖχος ὑπερβαίνειν· τοὶ δ’ ὀτρύνοντι πίθοντο·1, 2

12.469 αὐτίκα δ’ οἱ μὲν τεῖχος ὑπέρβασαν . οἱ δὲ κατ’ αὐτὰς1

12.470 ποιητὰς ἐσέχυντο πύλας· Δαναοὶ δ’ ἐφόβηθεν1, 2, 3

12.471 νῆας ἀνα γλαφυρὰς . ὅμαδος δ’ ἀλίαστος ἐτύχθη ⁑1, 2, 3

Scholia text

msA, 12.J1, commenting on 12.455-12.456 ‡ εἶχον ἐπημοιβοὶ , ὅτι δύο φησὶ μοχλοὺς εἶναι ἐπι τῆς πύλης ἐξ εκατέρας φλιᾶς ἔνα ἐπαλλασσομένους κατα μέσον , καὶ ἐπι τοῖς ἄκροις ἐπικλειομένους δια τὴν συμβολὴν μιᾷ κλειδί :

msA, 12.J4, commenting on 12.459 θαιροὺς . τὸν ἄνω καὶ κάτῳ θαιροὺς φησὶ δια τὸ δι αυτῶν θεῖν τὰς πύλας ⁑

msA, 12.J5, commenting on 12.462 λᾶοι ὑπο ριπῆς , προπερισπαστέον ὡς κλῆρος ἀπο γὰρ εὐθείας πέπτωκε δισυλλάβου κατα τὴν τοῦ ποιητοῦ χρῆσιν καὶ ὤφειλε τρισυλλαβεῖν ἡ γενικὴ συναλιφὴν δὲ λαβοῦσα βαρύνεται· τὴν δὲ πρόθεσιν Τυραννίων ἀναστρέφει· ἵνα τὸ ἑξῆς ὑπαρχ ὑπο λίθου ῥιπῆς , οὐκ αναγκαῖον δὲ· τί γὰρ κωλύει φυλάσσεσθαι τὸν τόνον τῆς προθέσεως καὶ εἶναι ὑπο ριπῆς λίθου ⁑

msA, 12.J6, commenting on 12.463 νυκτὶ θοῇ , ὅτι τὰ φοβερὰ νυκτὶ ὁμοιοῖ προς τὸ ὁ δ’ ἤϊε νυκτὶ εοικώς ὅτι Ζηνοδοτος γράφει νυκτὶ ὁμοιοῖ προς τὸ ὁ δ’ ἤϊε νυκτὶ ἐοικώς ὅτι Ζηνόδοτος γράφει νυκτί ἐλυσθείς ⁑

msA, 12.J7, commenting on 12.468 τεῖχος ὑπερβαίνειν ὅτι καθ ὃ μέρος ὡδοποίησαν οἱ Λύκιοι οὐ καθ ὅλον ⁑

msA, 12.J8, commenting on 12.470 ποιητὰς ἐς ἔχυντο πύλας : ὅτι μία πύλη πληθυντικῶς δὲ εἴρηται· καὶ ὅτι ἔφευγον ὡς ἐπι τὰς ναῦς , δια ταύτης δὲ εἰσέρχονται τῆς πύλης δι ῆς ὁ Εκτωρ ⁑

msA, 12.J9, commenting on 12.471 ὅμαδος δ’ ἁλίαστος , τὸ μὲν ὄμαδος δασυντέον ἔχει γὰρ τὸ ὁμοῦ ἐγκείμενον τὸ δὲ ἀλίαστος ψιλωτέον ἔστι γὰρ στέρησις ἀπο τοῦ λιαστὸς ὅπερ πέπτωκεν ἀπο τοῦ λιάζω ἡγεῖτ’ ἀμφι δ’ ἄρα σφι λιάζετο κῦμα ⁑

msAil, 12.J1, commenting on 12.453@σανίδων τῶν θυρῶν

msAil, 12.J3, commenting on 12.455@δικλίδας διθύρους

msAil, 12.J4, commenting on 12.455@ὀχῆες οἱ μοχλοι

msAil, 12.J5, commenting on 12.456@ἐπημοιβοὶ επ αλλήλους φερόμενοι

msAil, 12.J6, commenting on 12.456@ἐπαρήρει ἐπέκειτο

msAil, 12.J7, commenting on 12.458@ἀφαυρότερον ἀσθενες

msAil, 12.J8, commenting on 12.459@θαιροὺς τοὺς στρόφιγγας

msAil, 12.J9, commenting on 12.460@βριθοσύνῃ τῶ βάρει

msAil, 12.J10, commenting on 12.461@διέτμαγεν διεσχίσθησαν

msAil, 12.J13, commenting on 12.464@ἕεστο ημφίεστο·

msAil, 12.J14, commenting on 12.467@ἐλιξάμενος ἐπιστραφείς

msAil, 12.J15, commenting on 12.470@ἐσέχυντο εἰσῆλθον

msAil, 12.J16, commenting on 12.470@ἐφόβηθεν εἰς φυγὴν ἐτράπησαν

msAil, 12.J17, commenting on 12.471@γλαφυρὰς στικτεον

msAil, 12.J18, commenting on 12.471@ἀλίαστος ἀμετάτρεπτος ⁑

msAim, 12.J1, commenting on 12.457 εν αλλῳ στη δ ὰρ ἐπ οὐδὸν ϊὼν

msAim, 12.J3, commenting on 12.465 Αρισταρχ οὐ κεν τίς μιν ἐρύκακεν αντιβολήσας ⁑

msAim, 12.J4, commenting on 12.468 ουτ δια τοῦ οτ οτρύνοντι :

msAim, 12.J5, commenting on 12.469 ουτ συνέσταλκεν ἀντι τοῦ ὑπερέβησαν