Manuscript msA, page 166r

Manuscript msA, page 166r

prev: 165v

next: 166v

Iliad text

13.101 Τρῶας ἐφ’ ἡμετέρας , ἱέναι νέας . οἳ το πάρος περ

13.102 φυζακινῇς ἐλάφοισιν ἐοίκεσαν . αἵ τε καθ’ ὕλην .1

13.103 θώων . πορδαλίων τε . λύκων τ’ ἤϊα πέλονται1, 2, 3, 4, 5

13.104 ἅυτως ἠλάσκουσαι ἀνάλκιδες . οὐδ’ ἐπι χάρμηι·

13.105 ὡς Τρῶες τὸ πρίν γε μένος καὶ χεῖρας Ἀχαιῶν

13.106 μίμνειν οὐκ ἐθέλεσκον ἐναντίον οὐδ’ ἠβαιόν

13.107 νῦν δ’ἕκαθεν πόλιος , κοίλῃς ἐπὶ νηυσὶ μάχονται1, 2

13.108 ἡγεμόνος κακότητι . μεθημοσύνῃσί τε λᾱῶν .

13.109 οἳ κείνῳ ἐρίσαντες , ἀμυνέμεν . οὐκ ἐθέλουσι1

13.110 νηῶν ὠκυπόρων . ἀλλὰ κτείνονται ἀν ἀυτάς·1

13.111 ἀλλ’ εἰ δὴ καὶ πάμπαν ἐτήτυμον αἴτιός ἐστιν

13.112 ἥρως Ἀτρείδης εὐρὺ κρείων Ἀγαμέμνων .

13.113 οὕνεκ’ ἀπητίμησε ποδώκεα Πηλείωνα .

13.114 ἡμέας γ’ οὔ πως ἐστὶ μεθιέμεναι πολέμοιο·

13.115 ἀλλ’ ἀκεώμεθα θᾶσσον· ἀκεσταί τοι φρένες ἐσθλῶν·1, 2, 3

13.116 ὑμεῖς δ’ οὐκ ἔτι καλὰ μεθίετε θούριδος ἀλκῆς1

13.117 πάντες ἄριστοι ἐόντες ἀνὰ στρατὸν· οὐδ’ ἂν ἔγωγε

13.118 ἀνδρὶ μαχεσσαίμην ὅς τις πολέμοιο μεθείει1

13.119 λυγρὸς ἐών . ὑμῖν δὲ νεμεσσῶμαι περὶ κῆρι·

13.120 ὦ πέπονες . τάχα δή τι κακὸν ποιήσετε μεῖζον

13.121 τῇδε μεθημοσύνῃ· ἂλλ’ ἐν φρεσὶ θέσθε ἕκαστος

13.122 αἰδῶ . καὶ νέμεσιν . δὴ γὰρ μέγα νεῖκος ὄρωρεν·

13.123 Ἕκτωρ δὴ παρὰ νηυσὶ βοὴν ἀγαθὸς πολεμίζει .

13.124 καρτερός , ἔρρηξεν δὲ πύλας καὶ μακρὸν ὀχῆα·

13.125 ὥς ῥα κελευτιόων γαιήοχος ὦρσεν Άχαιούς ·

Scholia text

msA, 13.166r1, commenting on 13.102 ** φυζακινῆς ἐλάφοισιν- ** ὁμόιως ἀναγνωστέον τῶι εαρινῆς πᾶς δὲ ἐσχήμάτισμα δεδήλωτται ἐν τῶι περι παρωνύμων

msA, 13.166r2, commenting on 13.103 ** θώων . παρδαλίων τε . ** ἀρισταρχος αρύνειτὸ θώων καὶ ἐπείσθη ἡ παράδοσις ὁ δε παμφιλος περισπᾶι ἐπεὶ τὰ εἰς ες ήγοντα δισυλλα ὀνόματα ἐπι ἐυθείας πληθυντικῆς ἔχει γενικὴν περισπωμενην δι ὃ καὶ τὸ τρώων καὶ δμώων καὶ παίδων ἀνεγίνωσκε ρισπῶν ἔτι δε καὶ τὸ πάντων καὶ λάων καὶ τινῶν περι ὧν λόγον ἔδωκαν καὶ οἱ προ ἡμων καὶ ἡμεις

msA, 13.166r3, commenting on 13.103 ** θώων ** οἱ θῶες ζωα αλκιμα καὶ ευκινητα ἔδιοι δὲ παραπλήσια ὑιαίνηι . τὸ δε θώων ενιοι περισπῶσιν ἵν’ ὁμοτονῆι το θηρῶν καὶ κυνῶν οὕτως δὲ καὶ ἀρίσταρχος ροφέρεσθαι , διοκλῆς αὶ ὁ θρᾶξ διονύσιος ὡς βαρύνοντα τὴν λέξιν- κασιος δε ἀπολογούμενος ὑπερ τῆς βαρυτονὴσεως φασὶν ὅτι τὰ μονοσύλλαβα ὅταν μὲν ἐχει τὴν πληθυντικὴν ἐπι τῆς τελευταίας συλλαβῆς μετασυμφώνου λεγομένην . πάντως βαρυτονουμενης οἷον τρῶες μᾶες θῶες λᾶες- ἀντίκειται δὲ αὐτῶι τὸ παιδων καὶ πάντων- χαῖρις ε φησιν οὐκ εἶναι ἐν δισυλλάβοις ἀναλογίαν

msA, 13.166r4, commenting on 13.103 ** λύκωντ’ ἤϊα πέλονται ** ἤϊα βρώματα οὐ τὰ ἐν οίκω δὲ ἐσθι . μενα ἀλλα τὰ ἐν ὁδῶι καὶ πλῶι δεῦτε φίλοι ἤϊα φερώμεθα σιμωνίδης . καὶ τὰ ἄχυρα δὲ ἤϊα λέγεται ὡς δ’ ἄνεμος ζαὴς ἠΐωνθη μῶνα τινάξει άχα δὲ τὰ φερόμενα παρα τὸ ϊέναι- γενηθέντος δὲ γάρ άνέμου δεῦρο κακεῖ σε φέρεται

msA, 13.166r5, commenting on 13.107 ** νυν δ’ ἕκαθεν πόλιος- ** Ἡρακλέων ξιοῖ οτίζειν πόλιος ἵνα φησὶν ἐμφαίνηι τοιοῦτό τι- τί δὲ λέγω πόλιος ἐπανταῖς γάρ ἤδη ταῖς ναυσὶ μάλονται ἵκανὸν μέντοι βραχὺ διαστέλλειν

msA, 13.166r6, commenting on 13.115 ** ἀλλ’ ἀκεώμεθα θᾶσσον- ** ὁτὶ ἀμφίβολον τὸ ἀκεώμεθα πότερον ἰαθῶμεν , ἠ ἀκεσώμεθα ὃ καὶ ὑγιὲς ἶον τὸ ἐλαττωωμα ἰασώμεθα

msA, 13.166r7, commenting on 13.115 ** ἀκεσταί- ** εὐθεράπευτοι εὐΐατοι αἱ γὰρ τῶν ἀγαθῶν φρένες ῥαδίως προς τὸ κρεῖττον μετατίθενται ευθεράπευτοι οὖσαι ῆ θεραπευτικαί

msAext, 13.166r1, commenting on 13.103 ** ** παρδ παρδαλίων

msAim, 13.166r1, commenting on 13.110 ** νηῶν ** ὅτι ἐλλειπ ἡ περί περι νηῶν

msAim, 13.166r2, commenting on 13.118 ** μαχησαίμην ** ἀντι τοῦ ἐγκαλέσαιμι

msAint, 13.166r1, commenting on 13.103 ** ** οὔτως Ἀρισταρχος ἀλλοι δε πορδαλίων ⁑

msAint, 13.166r2, commenting on 13.107 ** ** Ζηνόδοτος καὶ Ἀριστοφάνης νῦν δὲ ἑκὰς πόλιος

msAint, 13.166r3, commenting on 13.115 ** ** ἔν τισι τῶν ὑπομνημάτῶν διὰ τοῦ τε , ἀκεσταί τε ⁑