Manuscript msA, page 16r

Manuscript msA, page 16r

prev: 15v

next: 16v

Iliad text

1.201 καί μιν φωνήσας ἔπεα πτερόεντα προσηύδα·1

1.202 τίπτ’ αὖτ’ αἰγιόχοιο Διὸς τέκος εἰλήλουθας·1

1.203 ἦ ἵ̈να ὕβριν ἰ̈δῆ Ἀγαμέμνονος Ἀτρείδαο ;1, 2

1.204 ἀλλ’ ἔκ τοι ἐρέω . τὸ δὲ καὶ τετελέσθαι ὀΐω·1, 2, 3, 4

1.205 ᾗς ὑπεροπλίῃσι , ταχ’ ἄν ποτε θυμὸν ὀλέσσαι·1, 2

1.206 τὸν δ’ αὖτε προσέειπε θεὰ γλαυκῶπις Ἀθήνη ·

1.207 ἦλθον ἐγὼ παύσουσα τὸ σὸν μένος . αἴ κε πίθηαι·

1.208 οὐρανόθεν . πρὸ δέ μ’ ἧκε θεὰ λευκώλενος Ἥρη

1.209 ἄμφω ὁμῶς θυμῷ φιλέουσά τε κηδομένη τε·

1.210 ἀλλ’ άγε λῆγ’ έριδος , μηδὲ ξίφος ἕλκεο χειρί·1

1.211 ἀλλ’ ἤτοι ἔπεσιν μὲν ὀνείδισον ὡς ἔσεταί περ·

1.212 ὧδε γὰρ ἐξερέω . τὸ δὲ καὶ τετελεσμένον ἔσται·1, 2

1.213 καί ποτέ τοι τρὶς , τόσσα παρέσσεται ἀγλαὰ δῶρα1, 2

1.214 ὕβριος εἵνεκα τῆσδε· σὺ δ’ ἴσχεο· πείθεο δ’ ἡμῖν·1, 2, 3

1.215 τὴν δ’ ἀπαμειβόμενος προσέφη πόδας ὠκὺς Ἀχιλλεύς ·

1.216 χρὴ μὲν σφωΐτερόν γε θεὰ ἔπος εἰρύσσασθαι1, 2, 3, 4, 5

1.217 καὶ μάλα περ θυμῷ κεχολωμένον· ὡς γὰρ ἄμεινον·1

1.218 ὅς κε θεοῖς ἐπιπείθηται μάλα τ’ ἔκλυον αὐτοῦ .1, 2

1.219 ἦ καὶ ἐπ’ ἀργυρέῃ κώπῃ σχέθε χεῖρα βαρεῖαν·1, 2, 3

1.220 ἂψ δ’ ἐς κουλεὸν , ὦσε μέγα ξίφος· οὐδ’ ἀπίθησε1, 2, 3, 4

1.221 μύθῳ Ἀθηναίης . ἣ δ’ οὔλυμπον δὲ βεβήκει

1.222 δώματ’ ἐς αἰγιόχοιο Διὸς μετὰ δαίμονας ἄλλους·1, 2, 3, 4

1.223 Πηλείδης δ’ ἐξαῦτις ἀταρτηροῖς ἐπέεσσιν1, 2

1.224 Ἀτρείδην προσσέειπε . καὶ οὔ πω λῆγε χόλοιο·

1.225 οἰνοβαρές . κυνὸς ὄμματ’ ἔχων . κραδίην δ’ ἐλάφοιο .1, 2, 3, 4

Scholia text

msA, 1.594, commenting on 1.202 αἰγιόχοιο ἀπο τῆς αιγὸς ὀχὴν λαβόντος ὅθεν καὶ Ζεὺς τῇ Ἀμαλθείᾳ τὸ κέρας δίδωσι πάσης τροφῆς παρεκτικόν ⁑

msA, 1.595, commenting on 1.204 ἀλλ έκ τοι ἐρέω ἤτοι στικτέον ἐπι τὸ ερέω , ἠ βραχὺ διασταλτεον ἐὰν μὲν οὖν στίζωμεν ἔσται τὸ λεγόμενον τοῦτο δὲ τετελέσθαι ὑπολαμβάνω ἐὰν δε διαστελλωμεν ἔσται ὁ δε κείμενος ἀντι τοῦ δη καὶ τὸ το ἀντι ὑποτακτικοῦ τοῦ ο ·

msA, 1.596, commenting on 1.204 ἀλλ έκ τοι ερέω ὅτι Ζηνοδ γράφει τὸ δὲ καὶ τετελεσμενον ἐσται · τοῦτο δὲ τῇ Ἀθηνᾷ ὰρμόζει μᾶλλον διαβεβαιοῦν ⁑

msA, 1.597, commenting on 1.207-1.209 οὐνoθεν πρo δέ μ’ ῆκεν ὅτι αμφοτέρους Ζηνοδοτος ἠθέτηκεν οἰκείως δὲ μᾶλλον κεῖνται εἰς προτροπὴν τοῦ Ἀχιλλεως · τὸ σφρίγγον δὲ τοῦ θυμοῦ μαλακοῖς ϊᾶται λόγοις ὄμως ἐκδειματοῖ καὶ τὸν ἐχθρὸν θεοφιλῆ εἶναι λέγουσα οὐ πᾶς δὲ ὁ φιλῶν κήδεται ὡς λύκος ἄρνα ⁑

msA, 1.599, commenting on 1.212 ᾧδε γὰρ ἐξερέω ὅτι Ζηνοδοτος γράφει τετελέσθαι ὀΐω . τοῦτο δὲ Ἀχιλλεῖ ἥρμοζεν·

msA, 1.600, commenting on 1.216 χρὴ μὲν σφωΐτερον γε ὅτι προς δύο ἀμείβεται τὸ γὰρ σφωΐτερόν ἐστιν δυϊκον κακῶς ἄρα ἀθετεῖ Ζηνοδ τὸ προ δέ μ ῆκε θεᾶ καὶ ἄμφω ὁμῶς ⁑

msA, 1.601, commenting on 1.217-1.218 ὁ λόγος δὲ ερεῖ στίζειν ἐπι τὸ κεχολωμένον καὶ ἄμεινον · ἕκαστος γὰρ καθ εαυτὸν λόγος ἀπηρτισμένος εστι· καὶ οἱ μὲν πρωτ τοι δύο ὑπο τοῦ γὰρ συνδεσμου συνηγμένοι εἰσὶν , ὁ δὲ τρίτος ὅς κε θεοῖς ἐπιπείθηται ἀσύνδετός ἐστι προς τὸν δεύτερον δι ὃ τελείαν ἔχει τὴν προ ἑαυτοῦ στιγμήν· γελοῖος δὲ ὁ Πτολεμαῖος αἰτίαν ἠγεῖται τῶν διαστολῶν ἐνθάδε τὸ γνωμικῶς λέγεσθαι τὸν τελευταῖον στίχον . καὶ γὰρ εἰ μη γνωμικὸν ἦν , οὐδαμῶς ἐδύνατο συνάπτεσθαι τοῖς ἄνω ἀσύνδετος ὣν ὁ λο ⁑

msA, 1.602, commenting on 1.216 χρὴ οξυτονητέον , καὶ ἐν τῇ συντξει βαρυνόμενον σημαίνει ἐπίρρη τὸ δεῖ , χρὴ μὲν σφωϊτερόν γε θεὰ ἔπος εἰρύσσασθαι περισπώμενον δὲ ῥῆμα Ἀττικόν ἀπο γὰρ τοῦ χρῶμαι τὸ και δευτερον τῆς κοινῆς διαλέκτου ἐστι χρᾶ Ϊωνικῶς Ἀττικὸν δὲ χρη ὡς εἴρηται Ἀλεξάνδρῳ ἐν Διονύσω ἰδοῦ κάτοπτρον εἰπέ μοι τί χρὴ τοῦτο ⁑

msA, 1.604, commenting on 1.219-1.220 ἢ καὶ ἐπ αργυρέῃ ὅτι Ζηνοδοτος μεταγράφει , ὡς εἰπὼν πάλιν ὦσε μέγα ξίφος οὐδ’ ἀπίθησε καὶ τοὺς δύο ένα ἐποίησεν ⁑

msA, 1.605, commenting on 1.219 κώπη παρὰ τὸ κοπτικὸν τοῦ ξίφους·

msA, 1.606, commenting on 1.220 κουλεος παρὰ τὸ κοῖλον εῖναι ⁑

msA, 1.608, commenting on 1.219 ἦ καὶ ἐπ αργυρέῃ τοῦτο τὸ ἠ ψιλῶς λεγόμενον καὶ περισπωμένως , δηλοῖ σύνδεσμον παραπληρωματικὸν τὸν ἤτοι ἶσον τῷ δη οἷον ἐπειῆ πολὺ φέρτερόν ἐστι καὶ παραλλήλως ἦ δὴ λοίγια ἔργα · δηλοῖ δὲ καὶ ἀπορρηματικὸν σύνδεσμον ἠ οὐχ Ἑλένης ἕνεκ’ ἠϋκόμοιο . ἦ μούνοι φιλέουσ ἀλόχους μερόπων ανων Ἀτρεῖδαι · δηλοῖ δὲ καὶ τὸ εφη ἦ καὶ κυανέῃσι . καὶ σεσημείωται Ἀρισταρχος ὅτι ὁ μὲν Ὅμηρος ἀεὶ ἐπι προειρημένοις λόγοις ἐπιφέρει τὸ δηλοῦν τὸ ἔφη ὡς ἐπι τοῦ προκειμένου· ὁ δὲ Πλάτων μετ αυτὸν ἐπιφέρει τὸν λόγον· ψιλούμενον δὲ καὶ βαρυτονούμενον δηλοῖ σύνδεσμον διαζευκτικὸν ἢ εὖ ἠὲ κακῶς , ἔστι δὲ ὅτε καὶ ἀντι συναπτικοῦ τοῦ η τίθεται οἶον οὐδ’ ἀφαμαρτοεπής εἰ καὶ γένει ὕστερος ῆεν · ποτὲ δὲ παρέλκει ἀλλὰ τίη με ταῦτα παρεξερέεσθαι ἕκαστα . δασυνόμενον δὲ καὶ ὀξυτονούμενον αρθ προτακτικὸν δηλοῖ , ἡ δ’ ἑτέρη θέρεϊ προρῥέει εἰκυῖα χαλάζῃ · δηλοι δὲ καὶ αρθ ὑποτακτικόν οἷον ἣ μυρὶ Αχαιοῖς · δηλοῖ δὲ καὶ ἀναφορικὴν ἀντωνυμίαν ὣς ἥ γ ἀ’μφιπόλοισι μετέπρεπεν . δηλοῖ δὲ και τὴν συναρθ ἀντωνυμίαν τριτου προσώπου συζυγοῦσαν τῇ εμῇ σῇ· ὑποδείγματα δὲ ταύτης παρ Ὁμήρῳ οὐχ εὑρίσκεται· ἐκ δὲ τοῦ ἀναλόγου νοεῖται . αἱ γὰρ πλάγιοι πᾶσαι δι αυτῆς παρ Ομήρῳ σώζονται ⁑

msA, 1.609, commenting on 1.222 δώματ’ ες αἰγιόχοιο δύναται μὲν ἀθετεῖσθαι· οἱ γὰρ θεοὶ προ μιᾶς ἡμέρας εἰς Αἰθιοπίαν εἰσὶ κεχωρισμένοι . δύναται δὲ καὶ Ὁμηρικῷ τρόπῳ ἀκούεσθαι . ἡμῶν μετα δαίμονας ἄλλους εἰς τὸν τῶν δαιμόνων τόπον ⁑

msA, 1.610, commenting on 1.222 μετα δαίμονας ἄλλους οὕτως δαίμονας καλεῖ τοὺς θεοὺς ἤτοι ὅτι δαΐμονες ἔμπειροι καὶ ΐδριες πάντων αὐτοὶ εἰσίν . ἢ ὅτι διαιτηταὶ εἰσὶ καὶ διοικηταὶ τῶν ἀνων ὡς Ἀλκμὰν ὁ λυρικός φησιν οἵ εθεν πάλοις ἔπαλλεν δαίμονάς τ εδάσσαντο τοὺς μερισμοὺς τὰς διαιρέσεις αὐτῶν· Ἡσίοδος δὲ δαίμονάς φησι τοὺς ἐκ τοῦ ζῆν μεταστάντας , ὄντας δὲ ἐπι τῆς Κρόνου βασιλείας τοῦ χρυσοῦ γένους λέγων αὐτοὺς δαίμονας φύλακας θνητῶν ἀνων ⁑

msA, 1.611, commenting on 1.225-1.233 οἰνοβαρὲς κυνὸς ὄμματ’ ἐχων ὅτι Ζηνοδοτος τοῦτον τὸν τόπον ἠθέτηκεν ἕως τοῦ ναὶ μα τὸδε σσκῆπτρον καθ εκαστην δὲ λοιδωριαν βραχὺ διασταλτέον ἐπὶ δὲ τὸ τέλος στικτεον· προσαγορευτικῆ γὰρ ἡ περίοδος· ἡ δ ἑξῆς περιοδικὴ ῥηματικὴ δι ὃ ἀπ’ ἄλλης ἀρχῆς , ουτ’ ἔποτ’ ἐς πόλεμον οὔτε λόχον

msAil, 1.630, commenting on 1.214 παύου

msAil, 1.631, commenting on 1.216 πρέπει

msAil, 1.632, commenting on 1.216 ὑμέτερον

msAil, 1.633, commenting on 1.216 φυλάξαι

msAil, 1.634, commenting on 1.218 πλέον ἐπακουουσιν

msAil, 1.635, commenting on 1.219 λαβῇ ἐπέσχεν

msAil, 1.636, commenting on 1.220 πάλιν εἰς τὸ πίσω

msAil, 1.638, commenting on 1.222 ὅτι ἀντὶ επι

msAil, 1.640, commenting on 1.223 χαλεποῖς σκληροῖς

msAil, 1.641, commenting on 1.225 μέθυσε

msAil, 1.642, commenting on 1.225 ἀναιδέστατε

msAil, 1.643, commenting on 1.225 μετάθεσις :

msAim, 1.612, commenting on 1.203 ὅτι χωρὶς τοῦ σ τὸ ἰδῇ οὕτως καὶ ἡ Αριστάρχου :

msAim, 1.613, commenting on 1.214 ὅτι ὀρθονητεον ΐνα ᾐ διασταλτικη :

msAim, 1.614, commenting on 1.218 πρὸς τὸ σχῆμα ὅτι οὐ κλύουσιν εἶπεν ἠ ακούσονται ⁑

msAim, 1.615, commenting on 1.222 βραχὺ διασταλτέον ἐπι τὸ Διος ⁑

msAint, 1.616, commenting on 1.201 τὸ μιν Ϊώνων

msAint, 1.618, commenting on 1.212 τὸ δὲ β με λόγου εισίν :

msAint, 1.619, commenting on 1.225 λέγεται χολην οὐκ έχειν ἐν τῶ ήπατι περικειμενην τὴν ελαφον ⁑