Manuscript msA, page 16v

Manuscript msA, page 16v

prev: 16r

next: 17r

Iliad text

1.226 οὔτέ ποτ’ ἐς πόλεμον ἅμα λαῷ θωρηχθῆναι1

1.227 οὔτε λόχον δ’ ϊέναι σὺν ἀριστήεσσιν Ἀχαιῶν 1, 2

1.228 τέτληκας θυμῷ . τὸ δέ τοι κὴρ , εἴδεται εἶναι :1, 2, 3

1.229 ῆ πολὺ λώϊόν ἐστι κατα στρατὸν εὐρὺν Ἀχαιῶν 1, 2, 3

1.230 δῶρ’ ἀποαιρεῖσθαι· ὅς τις σέθεν ἀντίον εἴπῃ·1

1.231 δημοβόρος βασιλεὺς . ἐπεὶ οὐτιδανοῖσιν ἀνάσσεις·1, 2, 3

1.232 ῆ γὰρ ἂν , Ἀτρείδη νῦν ὕστατα λωβήσαιο·1, 2

1.233 ἀλλ’ έκ τοι ἐρέω· καὶ ἐπι μέγαν ὅρκον ὀμοῦμαι·1, 2

1.234 ναὶ μὰ τόδε σκῆπτρον· τὸ μὲν οὔ ποτε φύλλα καὶ ὄζους1

1.235 φύσει· ἐπειδὴ πρῶτα τομὴν ἐν ὄρεσσι λέλοιπεν·1

1.236 οὐδ’ ἀναθηλήσει· περὶ γάρ ῥά ἑ χαλκὸς ἔλεψε

1.237 φύλλά τε καὶ φλοιόν· νῦν αὖτέ μιν υἷες Ἀχαιῶν

1.238 ἐν παλάμαις φορέουσι δικασπόλοι , οἵ τε θέμιστας1, 2

1.239 πρὸς Διὸς εἰρύαται ὁ δέ τοι μέγας ἔσσεται ὅρκος·1, 2, 3

1.240 ἦ ποτ’ Ἀχιλλῆος ποθὴ ἵ̈ξεται υἷας Ἀχαιῶν 1, 2

1.241 σύμπαντας· τότε δ’ οὔ τι δυνήσεαι ἀχνύμενός περ1

1.242 χραισμεῖν· εὖτ’ ἂν πολλοὶ ὑφ’ Ἕκτορος ἀνδροφόνοιο1, 2

1.243 θνήισκοντες πίπτωσι . σὺ δ’ ἔνδοθι θυμὸν ἀμύξεις1

1.244 χωόμενος· ὅ τ’ ἄριστον Ἀχαιῶν οὐδὲν ἔτισας·1, 2

1.245 ὡς φάτο Πηλείδης · ποτὶ δὲ σκῆπτρον βάλε γαίῃ1

1.246 χρυσείοις ἥλοισι πεπαρμένον· ἕζετο δ’ αὐτός·

1.247 Ἀτρείδης δ’ ἑτέρωθεν ἐμήνιε· τοῖσι δὲ Νέστωρ 1

1.248 ἡδυεπὴς ἀνόρουσε· λιγὺς Πυλίων ἀγορητής·1

1.249 τοῦ καὶ ἀπὸ γλώσσης μέλιτος γλυκίων ῥέεν αὐδή .1, 2, 3, 4

1.250 τῷ δ’ ἤδη δύο μὲν γενεαὶ μερόπων ἀνθρώπων1, 2

Scholia text

msA, 1.652, commenting on 1.226 οὐτέ ποτ’ ἐς πόλεμον τοῦτο δημοκρατικοῦ βασιλέως καὶ δημαγωγικοῦ ⁑

msA, 1.653, commenting on 1.227 οὔτε λόχον δ’ ϊε τοῦτο ἀριστοκρατικοῦ άμα οὖν τῶν ἰδίων κατορθωμάτων ὑπομιμνήσκει ὅτι γὰρ καὶ ἐλόχα δῆλον ἀπο Λυκάονος καὶ ἐς λόχον ἔνθα μάλιστ’ ἀρετὴ διαείδεται ἀνδρός ⁑

msA, 1.654, commenting on 1.228 το δέ τοι κηρ ἐν δύο μέρεσι λόγου ἵνα ᾖ τοῦτο δέ σοι θάνατος νομίζεται ⁑

msA, 1.655, commenting on 1.229 ἦ πολὺ λώϊον περισπαστέον τὸν ῆ κατ αρχὴν γὰρ κεῖται ἰσοδυναμῶν τῷ δη δύναται δὲ βραχὺ διατέλλεσθαι ἐπι τὸ εὐρὺν ἵν ᾖ Ἀχαιῶν δῶρ’ ἀποαιρεῖσθαι ⁑

msA, 1.656, commenting on 1.231 δημοβόρος βασιλευς καθ εαυτὸ τοῦτο ἀναγνωστέον ὡς καὶ Φιλοξένῳ ἐν τῷ Περι προσῳδιῷν δοκεῖ ἵνα τὸ κομματικον τῆς προφορᾶς τὴν οργὴν μᾶλλον ἐμφαίνῃ , δύναται δὲ καὶ τὸ ε ι ῥῆμα λείπειν ὑφ ἓν ἡμῶν όλον προφερομένων τὸν στίχον ἵν ᾖ δημοβόρος εἶ βασιλευς ἐπεὶ οὐτιδανοῖσιν ἀνάσσεις ἀλλ οὐκ επείγει·

msA, 1.657, commenting on 1.232 ἣ γὰρ ἃν Ἀτρείδη ὅτι τὸ εὐκτικὸν ἀντι παρεληλυθότος ὁριστικοῦ τοῦ ἐλωβήσω παρείληπται , ὡς καί νύ κεν ἔνθ’ ἀπόλοιτο ἄναξ ἀνδρῶν Αἰνείας , τὸν δὲ ῆ περισπαστέον βεβαιωτικὸς γαρ ἐστιν ⁑

msA, 1.659, commenting on 1.234 ναὶ μὰ τόδε πεπλεόνακεν τὸ μα ἀρνητικῷ ἤγουν ἀπωμοτικῷ μορίῳ κατα Ἀττικὸν ἔθος , ἤρκει γὰρ εἰπεῖν νὴ τοῦτο τὸ σκῆπτρον , ἱ¨στέον δὲ ὅτι δια τοῦ σκήπτρου όμνυσιν αὐτῷ· τὸν ἔφορον τῆς βασιλείας θεόν ⁑

msA, 1.660, commenting on 1.234-1.240 ναι μα τδε σκηπτρον ⁑ ή ποτ’ Ἀχιλλῆος μεταξὺ παρενήρει άτε σκεπτόμενος ὅπως ὀμόσῃ οὔτε ὁμοιως ἐὼν ὅλως κατα τῆς βεβαιότητος τοῦ ὅρκου ἀλλα δεικνὺς ἐν ἤθει ὅτι τιμιώτερον καταξύλον τὸ σκῆπτρον καθ Ὅμηρον δι ὃ καὶ ἐπιφέρει ὁ δέ τοι μέγας ἔσσεται όρκος ⁑

msA, 1.661, commenting on 1.234-1.240 ναι μα τοδε σκῆπτρον όλη ἡ παρέκβασις δια μέσου ἕως τοῦ ἦ πότ’ Ἀχιλλῆος ποθὴ , διὸ τὰ μεταξὺ διαστολαῖς τε καὶ ἀνυποκρίτοις στιγμαῖς ἀναπαύσομεν τὸ γὰρ ἑξῆς ναι μα τόδε σκηπτρον ἦ πότ’ Ἀχιλλῆος ⁑

msA, 1.662, commenting on 1.239 ὁ δέ τοι μέγας ἔσσεται ἄμεινον δύο μέρη λο ποιεῖν· ὃ δέ τοι νημερτὲς ἐνήψει ⁑

msA, 1.663, commenting on 1.244 οὐδὲν ἔτισας πλεονάζει τὸδε ν ἰσοδυναμεῖ γὰρ τῷ οὐκ έτισας ⁑

msA, 1.664, commenting on 1.244 Ἀρίσταρχος παρέλκειν λέγει τὸδε ν , Ἀπολλοδω δὲ ἐν Γλώσσαις εἶναι τὸ πλῆρες οὐδε έν · πολλοῖς γὰρ καὶ τῶν ἄλλων γραμματικῶν δοκεῖ τρία εἶναι μέρη λόγου ου καὶ δέ καὶ εν ⁑

msA, 1.665, commenting on 1.249 τοῦ καὶ ἀπο γλώσσης· ἡ γλῶσσα τρία σημαίνει , αὐτό τε τὸ σῶμα καὶ τὴν διάλεκτον , καὶ τὸ ἀπεξενωμένον τῶν λέξεων ⁑

msA, 1.666, commenting on 1.249 μέλιτος γλυκίων μέλιτος δια τὸ πείθειν· ῥὲεν προς τὸ ἀνεμπόδιστον· ἔοικεν δὲ ἀποτείνεσθαι εἰς ἑαυτὸν ὁ κατα συλλογισμὸν ἔπαινος ⁑

msA, 1.667, commenting on 1.250 τῷ δ’ ἤδη δύω μὲν γενεαὶ ὅ ἐστι δύο τριάκονταετηρίδες παρεληλύθεισαν ἐπ αὐτῷ· ἡ γὰρ γεννεᾶ τριάκοντα έτη ἔχει τελείᾳ γὰρ αὕτη προς γένεσιν ἡλικία οἱ μὲν οὖν συντεχθέντες αὐτῷ ἀπολωλεισαν ὑπο Ηρακλέους . οἳ συγγηράσαντες οὐ συνεστράτευσαν· αὐτὸς δὲ οὔ μιν ἐπέτρεπεν γήραϊ λόγρῷ τῶν οὖν υἱῶν αὐτῶν ἦρχεν ἐστιν οὖν ἑβδομηκονταέτης δύο γὰρ γενεᾶς πληρώσας εἰς τὴν τρίτην κατελέγετο· ἀμέλει τήν τε Ἑκαμίδην ἔχει καὶ μετα τὸν νόστον σύνεστι τῆ γυναικί ⁑

msA, 1.668, commenting on 1.250 μερόπων ἀνων μεμερισμένην τὴν φωνὴν ἐχόντων ὡς προς σύγκρισιν τῶν ἄλλων ζῴων ὁ ἐστι μεριζομένην εἰς συλλαβὰς καὶ ἔναρθρον ἐχόντων τὴν ὄπα τοῦτ έστι τὴν φωνήν ἀπο Μέροπος τοῦ Ὕιαντος , ὃς μετα τὸν κατακλυσμὸν πρῶτος συνῴκισε τοὺς ἀνους , ἠ τῶν μοιρούντων περι τὴν ὄπα οἱ δὲ τῶν παρεξηλλαγμένην ὄπα ἐχόντων ⁑

msAil, 1.674, commenting on 1.227 ἐνέδραν

msAil, 1.675, commenting on 1.228 τὸ ἐν πολέμω ἣ λόχω εύρεθῆναι ⁑

msAil, 1.677, commenting on 1.230 τὰ παρ άλλων τισὶ διδόμενα δῶρα αφαιρεῖσθαι

msAil, 1.678, commenting on 1.231 ὁ τα δημόσια κατεσθίων

msAil, 1.679, commenting on 1.231 οὐδενος λόγου ἀξίων ἁσθενεῶν ⁑

msAil, 1.680, commenting on 1.232 ὄντως γὰρ δὴ ὦ Ἀγάμεμνον ἐπι τοῦ παρόντος τὰ ἔσχατα ἐξύβρισας ⁑

msAil, 1.681, commenting on 1.233 ομόσω

msAil, 1.682, commenting on 1.235 τὴν ῥίζαν τμηθὲν ἐν τῷ όρει κατέλειψεν ⁑

msAil, 1.683, commenting on 1.238 οἱ βασιλεῖς

msAil, 1.685, commenting on 1.239 παρα τοῦ Διὸς λαβόντες φυλάττουσ ⁑

msAil, 1.688, commenting on 1.242 περισπαστέον τὸ χραισμεῖν

msAil, 1.689, commenting on 1.242 πολεμικοῦ

msAil, 1.690, commenting on 1.243 κινηήσεις λυπήσεις ⁑

msAil, 1.691, commenting on 1.245 προσέβαλεν δὲ καὶ προσέρρηξεν τῆ γῆ τὸ σκῆπτρὸν δια τὴν οργην

msAil, 1.692, commenting on 1.247 ὡργίζετο

msAil, 1.693, commenting on 1.248 ἀνεστη

msAil, 1.694, commenting on 1.249 ουτινος ἡ φωνη απο τῆς γλώσσης γλυκυτέρα μελιτος κατερρεῖτο ⁑

msAim, 1.669, commenting on 1.229 περισπαστέον τὸν η καὶ ἐν τῷ ῆ γὰρ ὰν Ατρείδη ⁑

msAim, 1.670, commenting on 1.240 τὸ ποθὴ ὀξυτόνως

msAim, 1.671, commenting on 1.249 ὅτι Ζηνοδοτος χωρὶς τοῦ ν γλυκίω · τα δε τοιαῦτα συγκριτικὰ ἔχει τὸ ν ⁑

msAint, 1.672, commenting on 1.228 θανατος νομιζεται

msAint, 1.673, commenting on 1.241 ουτως Ἀρισταρχος τότε δ’ ούτι ⁑