Manuscript msA, page 183r

Manuscript msA, page 183r

prev: 182v

next: 183v

Iliad text

14.128 δεῦτ’ ΐομεν πόλεμον δὲ . καὶ οὐτάμενοί περ , ἀνάγκῃ·1

14.129 ἔνθα δ’ ἔπειτ’ . αὐτοὶ μὲν ἐχώμεθα δηϊοτῆτος1

14.130 ἐκ βελέων . μή που τις ἐφ’ ἕλκεϊ ἕλκος ἄρηται .1

14.131 ἄλλους δ’ ὀτρύνοντες ἐν ἥσομεν , οἳ τὸ πάρος περ1

14.132 θυμῷ ῆρα φέροντες ἀφεστᾶς’ οὐδὲ μάχονται·

14.133 ὡς ἔφαθ’ οἱ δ’ ἄρα τοῦ μάλα μὲν κλύον ἠδ’ ἐπίθοντο·

14.134 βὰν δ’ ἴ̈μεν . ἦρχε δ’ ἄρα σφιν ἄναξ ἀνδρῶν Ἀγαμέμνων ·

14.135 Οὐδ’ ἀλαοσσκοπιὴν εἶχε κλυτὸς ἐννοσίγαιος .1, 2

14.136 ἀλλὰ μετ’ αυτοὺς ἦλθε . παλαιῶ φωτὶ ἐοικώς .1

14.137 δεξιτερὴν δ’ έλε χεῖρ’ Ἀγαμέμνονος Ἀτρείδᾱο .

14.138 καί μιν φωνήσας . ἔπεα πτερόεντα προσηύδᾱ·

14.139 Ἀτρείδη · νῦν δή που Ἀχιλλῆος ὀλοὸν κῆρ

14.140 γηθεῖ ἐνι στήθεσσι . φόνον καὶ φύζαν Ἀχαιῶν

14.141 δερκομένῳ· ἐπεὶ οὔ οἱ ἔνι . φρένες οὐδ’ ἠβαιαί·

14.142 ἀλλ’ ὁ μὲν ὡς ἀπόλοιτο . θεὸς δέ ἑ , σιφλώσειε·1

14.143 σοὶ δ’ οὔ πω μάλα πάγχυ θεοὶ μάκαρες κοτέουσιν .1

14.144 ἀλλ’ ἔτι που Τρώων ἡγήτορες ἠδὲ μέδοντες

14.145 εὐρὺ κονίσσουσιν πεδίον . σὺ δ’ ἐπόψεαι αὐτὸς1, 2

14.146 φεύγοντας προτὶ ἄστυ νεῶν ἄπο καὶ κλισιάων·

14.147 ὡς εἰπὼν μέγ’ ἄϋσεν ἐπεσσύμενος πεδίοιο·1, 2

14.148 ὅσσόν τ’ ἐννεάχιλοι ἐπίαχον ἠ δεκάχιλοι1, 2

14.149 ἀνέρες ἐν πολέμῳ ἔριδα ξυνάγοντες Ἄρηος ·

14.150 τόσσην ἐκ στήθεσφιν ὄπα κρείων ἐνοσίχθων

14.151 ἧκεν . Ἀχαιοῖσιν δὲ μέγα , σθένος ἔμβαλ’ ἑκάστῳ

14.152 καρδίῃ , ἄλληκτον πολεμίζειν . ἠδὲ μάχεσθαι·

Scholia text

msA, 14.G1, commenting on 14.128 ** δεῦτ’ ΐομεν πόλεμον δέ , ** καλῶς οῦχ ὁ Νέστωρ ταῦτα φησὶν , ἀλλ’ εις τῶν τετρωμένων . δεῖ δὲ προσβραχὺ στίζαι ἐις το περ , εἶτα τὸ ἀνάγκῃ ἐπαγαγεῖν , ἵν’ ὥσπερ αἰτίαν τῆς ἐξόδου ἐπιφέρη , τὴν ἐνεστῶσαν ἀνάγκην . ἡ διπλῆ δὲ ὄτι συλληπικῶς καὶ ἐπι τῶν βεβλημνων οὐτάμενοι εἴρηκεν ⁑

msA, 14.G2, commenting on 14.130 ** ἐκ βελέων μή που τίς ** βέλτιον τοῖς ἄνω συνάπτειν τὸ ἐκ βελέων ἵν’ ᾖ ἐκτὸς βελέων ὡς ἕκτορα δ’ ἐκ βελέων ⁑

msA, 14.G3, commenting on 14.131 ** ἐνησομεν : ** τῷ πολέμῳ , οἱ δὲ ἀνήσομεν· πείσομεν ἀλλ ανεῖς ἐπεὶ οὕτως ἐγίναο παῖδ’ ἀΐδηλον · τὴν δε ἀφοπμὴν τῆς συμβουλίας ἀπο τῶν Νέστορος λόγων εἴληφεν ⁑

msA, 14.G4, commenting on 14.136 ** ἀλλα μετ αυτὸυς ἦλθε . ** ὅτι Ζηνόδοτος ὑποτάσσει ἀντιθέῳ Φοίνικι ὀπάωνι Πηλείωνος · οὐχ ἁρμόζουσι δὲ Φοίνικι οἱ ἐπιφερόμενοι λόγοι· βέλτὶον οὖν καθολικώτερον γέροντι ἀπεικάσθαι ⁑

msA, 14.G5, commenting on 14.142 ** σιφλώσειε ** τυφλώσειεν ἐπιψόγον ποιήσειε σίφλὸς γὰρ καλεῖται καὶ ὁ ψόγος ἡ λέξις νεωτέρων· καὶ οἱ μὲν κακώσειεν· οἱ δὲ μωμητὸν ποιήσειεν· οἱ δὲ γέλωτα ποιήσειεν· οἱ δὲ κωλύσειεν· φλῶ γάρ ἐστι τὸ ὀρμὴν ἔχω ὅθεν καὶ οἰνόφλυξ· οἱ δὲ σίπαλον . τὸν εἰδεχθῆ ⁑

msA, 14.G6, commenting on 14.143 ** σοὶ δ’ ὄυπω μάλα πάγχυ· ** παρέλκει ἐνθάδε τὸ πῶ συντασσόμενον γὰρ τῇ ου ἀποφάσει καὶ τῇ μή ἀπαψορεύσει ὑπισχνεῖται τῷ μετα ταῦτα γίνεσθαι τὸ συντασσόμενον αὐτοῖς πράγμα , οἶον οὔπω ἔφαγον· οὔπω ἐδειπνησα· μέλλων γὰρ τίς δειπνεῖν τοῦτο ἀποφαίνεται· τὸ γὰρ οὐ δεῖπνῶ ἀπόφασιν ὑπισχνεῖται τελεῖαν · τὸ δὲ ούπω δειπνῶ τὸ μελλον ὑπισχνεῖται· ουτ Ἡρωδιανος ἐν τῇ καθόλου ⁑

msA, 14.G7, commenting on 14.145 ** κονίσσουσιν : ** κόνεως πληρώσουσιν· ἐκ δε τοῦ παρακολουθοῦντος νοεῖται τὸ φεύξονται· οἱ γὰρ φεύγοντες κατα τὸν δρόμον ἐγείρουσι κόνιν ⁑

msA, 14.G8, commenting on 14.148 ** ὅσσον τ’ ἐννεάχιλοι . ** ἤτοι ἀφ ἑτέρας ἀρχῆς τὴν παραβολὴν ἀναγνωστέον ἵνα ὑποζωμεν ἐπι τὸ Ἄρηος . ἠ τοῖς ἄνω προσδοτεόν . ἵνα στίζωμεν ἐπι τὸ Ἄρηος ·

msA, 14.G9, commenting on 14.147 ** πῶς φησὶν ὁ Ποσειδὼν , ** ὁμουωθεῖς πρεσβύτῃ ὑπερ τήν ἡλικίαν φθέγγεται· καὶ ῥητεόν· ὅτι· τῇ μὲν ὄψει πρεσβύτης ἐφαίνετο : τῇ φωνῇ δὲ , τὴν τοῦ θυ δύναμιν ἐνεδείκνυτο ⁑

msAext, 14.G1, commenting on 14.135 ἀλαοσκοπιὴν

msAim, 14.G1, commenting on 14.145 ἐν αλλ συ δ’ επόψεαι αυτους ⁑

msAim, 14.G2, commenting on 14.147 οτ ἐλλειπ ἡ διὰ δια πεδίον

msAint, 14.G1, commenting on 14.129 ** ** ἐλλειπ ἡ ἀπὸ προθ ἀπεχώμεθ ⁑

msAint, 14.G2, commenting on 14.135 ** ** οτ Ζηνοδ γράφει οὐδ’ αλαὸν σκοπίήν ⁑

msAint, 14.G3, commenting on 14.148 ** ** ἡ Αριστοφάνους δια τοῦ δε οσσὸν δ’ εννεαχιλοι επίαχον ⁑