Manuscript msA, page 18v

prev: 18r

next: 19r

Iliad text

1.327 τωδ`’ ἀέκοντε βάτην παρὰ θῖν’ ἁλὸς ἀτρυγέτοιο·1

1.328 Μυρμιδόνων δ’ ἐπί τε κλισίας καὶ νῆας ἱκέσθην·1

1.329 τὸν δ`’ εὗρον παρά τε κλισίῃ καὶ νηῒ μελαίνῃ

1.330 ἥμενον· οὐδ’ άρα τώ γε ἰδὼν γήθησεν Ἀχιλλεύς .1, 2

1.331 τὼ μὲν ταρβήσαντε καὶ αἰδομένω βασιλῆα 1, 2

1.332 στήτην . οὐδ΄ έτι μιν προσεφώνεον οὐδ’ ἐρέοντο·1, 2, 3, 4

1.333 αὐτὰρ ὃ , ἔγνω ᾗσιν ἐνι φρεσὶ φώνησέν τε·1

1.334 χαίρετε κήρυκες Διὸς ἄγγελοι ἠδὲ καὶ ἀνδρῶν·1

1.335 ἄσσον ΐτ’ , οὔ τί μοι ὕμμες ἐπαίτιοι· ἀλλ’ Ἀγαμέμνων 1, 2, 3

1.336 ὃ , σφῶϊν προΐει Βρισηΐδος εἵνεκα κούρης :1, 2

1.337 ἀλλ’ ἄγε διογενὲς Πατρόκλεις ἔξαγε κούρην .1, 2, 3

1.338 καί σφωϊν δὸς ἄγειν· τὼ δ’ αὐτὼ μάρτυροι ἔστων .1

1.339 πρός τε θεῶν μακάρων . πρός τε θνητῶν ἀνθρώπων .

1.340 καὶ πρὸς τοῦ βασιλῆος ἀπηνέος εἴ ποτε δ’ αὖτε 1, 2, 3

1.341 χρειὼ ἐμεῖο γένηται ἀεικέα λοιγὸν ἀμῦναι 1, 2

1.342 τοῖς ἄλλοις . ἦ γὰρ ὅ γ’ ὀλοιῇσι φρεσὶ θύει·1, 2, 3, 4

1.343 οὐδέ τι οἶδε νοῆσαι ἅμα πρόσσω καὶ ὀπίσσω 1

1.344 ὅππως οἱ παρὰ νηυσὶ σόοι μαχέοιντο Ἀχαιοί ·

1.345 ὡς φάτο , Πάτροκλος δὲ φίλῳ ἐπεπείθεθ’ ἑταίρῳ·1

1.346 ἐκ δ’ ἄγαγε κλισίης Βρισηΐδα καλλιπάρηον·

1.347 δῶκε δ’ ἄγειν· τὼ δ’ αὖτις ΐτην παρὰ νῆας Ἀχαιῶν ·1, 2

1.348 ἡδ`’ ἀέκουσ’ ἅμα τοῖσι γυνὴ κίεν· αὐτὰρ Ἀχιλλεὺς

1.349 δακρύσας , ἑτάρων ἄφαρ ἕζετο , νόσφι λιασθείς·1, 2

1.350 θὶν’ ἐφ’ ἁλὸς πολιῆς , ὁρόων ἐπι οἴνοπα πόντον·1, 2, 3

1.351 πολλὰ δὲ μητρὶ φίλῃ ἠρήσατο χεῖρας ὀρεγνύς·1, 2, 3

Scholia text

msA, 1.930, commenting on 1.334-1.335 χαίρετε κήρυκες· στικτέον κατα τὸ τέλος τοῦ στίχου καὶ βραχὺ διασταλτέον ἐπι τω ἐπαίτιοι · ὡς γὰρ ἀγγέλους σεμνύνων αὐτοὺς εἶπεν ⁑

msA, 1.931, commenting on 1.334 Διὸς ἄγγελ ἄσυλον γὰρ καὶ θεῖον τὸ γενος τῶν κηρύκων , Ἐρμῆς γὰρ μιγεῖς Πανδρόσω τῆ Κέκροπος θυγατρὶ ἔσχεν παῖδα ὀνοματι Κήρυκα ἀφ οῦ τὸ τῶν Κηρύκων γένος ὡς ἱστορεῖ Πτολεμαῖος · ἠ ὅτι τὰς εορτὰς αὐτοῦ ἀγγέλλουσιν , ἢ ὅτι ἀπο Ερμοῦ εἰσιν ὃς ἄγγελος Διὸς πεπαιδευμένως δέ οὐ γὰρ δὴ τὰς αἰτίας ἐφ ετέρους μετάγειν ὡς κυνα κατα τοῦ βεβλημενου λίθου ⁑

msA, 1.932, commenting on 1.335 οὔτι μοι ὕμμες οὕτως ψιλωτέον τὸ υ τοῦ ὕμμες ἡ γὰρ λέξις Αἰολική ἐπιμαρτυρεῖ καὶ ἡ συναλιφη , αἵ κ’ ὕμμιν ὑπέρσχη χεῖρα Κρονίων ⁑

msA, 1.933, commenting on 1.336 ὃ σφῶϊ δια τοῦ ενος ὃ σφῶϊ ὁμοίως τῷ καὶ θώρηχ’ ὁ γὰρ ἦν ἡ διπλῆ δὲ ὅτι Ζηνόδοτος γράφει σὺν τῷ ν ὃ σφῶϊν τοῦτο δὲ σημαίνει ὑμῶν ἠ ὑμῖν ὧν οὐδὲν ἁρμόζει τῷ λόγῳ τούτῳ ἀλλα τῷ ὑμᾶς ⁑

msA, 1.934, commenting on 1.337 Πατρόκλεις ἀντὶ τοῦ Πάτροκλε · ἐσχημάτισται γὰρ τὸ ὄνομα οὐ καποτῆς Πάτροκλος εὐθείας ἀλλ απο τῆς Πατροκλῆς ὡς Ἡρακλῆς ⁑

msA, 1.935, commenting on 1.340 καὶ προς τοῦ βασιλῆος Σέλευκος ἐν τῇ πολυστίχω· γράφει ἀναιδέος εὐεπίφορον γὰρ εἶναι τὸν Ἀχιλλέα εἰς τὸ ἀναιδῆ καλεῖν τὸν Ἀγαμέμνονα αἰὲν ἀναιδειην ἐπιειμένε κερδαλεόφρον , ἀπεινῆ δὲ καλεῖ τὸν Ἀγαμέμνονα δια τὰ εἰς αυτὸν πεπραγμένα διασταλτέον δὲ μετα τὸ ἀπηνέος ⁑

msA, 1.936, commenting on 1.340 ἡ διπλῆ δὲ ὅτι τὸ ἄρθρον μετακειται ἔδει δὲ καὶ παρα τοῦ βασιλῆος καὶ ἄνω κατα τὸ οὔνεκα τὸν Χρύσην ητίμασεν ⁑

msA, 1.937, commenting on 1.343-1.344 οὐδέ τι οῖδε νοῆσαι διασταλτέον ἐπι τὸ οπίσσω ἴσως δὲ καὶ επι τὸ νοῆσαι ἵν ᾖ ὅππως οἱ παρα νηυσὶ σόοι μαχέοιντο ἅμα πρόσσω καὶ ὁπίσσω καὶ νῦν καὶ ὕστερον η καὶ ετέρως , ἐκ τῶν ἔμπροσθεν στοχάσασθαι τὰ ὕστερα , ἠ ἐν αμφιβολία κἂν τῇ Γ ἐστιν οἷς δ’ ὁ γέρων μετέῃσιν ἅμα πρόσσω καὶ ὀπίσσῳ ⁑