Manuscript msA, page 190v

Manuscript msA, page 190v

prev: 190r

next: 191r

Iliad text

14.505 ἐκ Τροίης συν νηυσὶ , νεώμεθα κοῦροι Ἀχαιῶν ·

14.506 ὡς φάτο τοὺς δ’ ἄρα πάντας ὑπο τρόμος ἔλλαβε γυῖα .1

14.507 πάπτηνεν δὲ ἕκαστος . ὅπῃ φύγοι αἰπὺν ὄλεθρον·

14.508 ἔσπετε νῦν μοι Μοῦσαι Ὀλύμπια δώματ’ ἔχουσαι .

14.509 ὅς τις δὴ πρῶτος , βροτόεντ’ ἀνδράγρι’ . Ἀχαιῶν1, 2

14.510 ῄρατ’ . ἐπεί ῥ’ ἔκλινε μάχην κλυτὸς ἐννοσίγαιος·

14.511 Αἴας ῥα πρῶτος Τελαμώνιος Ὕρτιον οῦτα

14.512 Γυρτιάδην , Μυσῶν ἡγήτορα καρτεροθύμων·

14.513 Φάλκην δ’ Ἀντίλοχος καὶ Μέρμερον ἐξενάριξε·

14.514 Μηριόνης δὲ Μόρυν τε καὶ Ἱ̈πποτίωνα κατέκτα·

14.515 Τεῦκρος δὲ Προθόωνά τ’ ἐνῄρατο καὶ Περιφήτην·

14.516 Ἀτρείδης δ’ ὰρ ἔπειθ’ Ὑπερήνορα ποιμένα λαῶν1

14.517 οὔτασε καλλα πάρην· δια δ’ έντερα χαλκὸς ἄφυσσε1

14.518 δῃώσας . ψυχὴ δὲ κατ’ ουταμένην ὠτειλὴν1

14.519 ἔσσυτ’ ἐπειγομένη· τὸν δὲ σκότος . ὄσσ’ ἐκάλυψε·

14.520 πλείστους δ’ Αἴας εἷλεν Ὀϊλῆος ταχὺς υἱός·

14.521 οὐ γάρ οἵ τις ὁμοῖος ἐπισπέσθαι ποσὶν ῆεν1

14.522 ἀνδρῶν τρεσσάντων . ὅτε τε Ζεὺς ἐν φόβον όρσῃ · ⁑1

Scholia text

msA, 14.F9, commenting on 14.509 ** ὅς τις δὴ πρῶτον . ** ὅτι νῦν καὶ ἐν Οδυσσείᾳ · ἅπαξ εἴρηκεν ἀνδάγρια · τινὲς δὲ ἀθετοῦσι δια τὸ ξένον τῆς λέξεως καὶ μη κείμενον ἀλλαχοῦ· ἤτοι δὲ τὰ σκύλα τὰ ὑπο ανδρῶν ἀγρευόμενα , ἠ ἀντὶ ανδρῶν ὅταν γὰρ μὴ δυνηθῶσιν ἀνελεῖν , ἀλλ οὖν τὸν ἀναιρεθέντα σκυλεύουσιν :

msA, 14.F10, commenting on 14.509 ** ἀνδάγρια· ** ὡς ἀντάξια καὶ γὰρ σύνηθες αὐτῷ τὸ τοιοῦτον εῖδος· καὶ γὰρ ζωάγρια εἶπεν καὶ βοάγρια , καὶ μοιχάγρια ⁑

msA, 14.F11, commenting on 14.516 ** Ἀτρείδης δ ὰρ ἔπειθ’ Ὑπερήνορα· ** ὅτι οὗτος ἴσως ἐστὶν Ὑπερήνωρ . οὗ μέμνηται κατα τὴν προς Εύφορβον συστασιν Μενέλαος · οὐδε μὲν οὐδὲ βίη Ὑπερήνορος ἱπποδάμοιο ἧς ἥβης ἀπονηθ’ ὅτε μ’ . ἀλλὰ νῦν τούτων τῶν λόγων οὐ μέμνηται κατ επιδρομὴν ἔκ φέρων τοὺς ἀνῃρῃμένους ⁑

msA, 14.F12, commenting on 14.521 ** ‡ οὐ γάρ οἱ τις ὁμοῖος ἐπισπέσθαι ποσὶν ῆεν : ** τὸ μὲν ὁμοίως , ὡς ἀλλοῖος ἀναγνωστέον , τὸ γὰρ προπαροξύνειν μεταγενεστέρων ἐστιν Ἀττικῶν· τὸ δε ἐπισπέσθαι παροξυτονητέον ὁμοίως τῷ ἀποθέσθαι ἔστι γὰρ τὸ ἁπλοῦν σπέσθαι· προεἴρηται δὲ ἐπι τῶν τοιουτων ἀπαρεμφάτων ⁑

msA, 14.F13, commenting on 14.522 ** ἀνδρῶν τρεσσάντων· ** ὅτι οὐ λέγει τρεσσάντων δεισάντων ἀλλα φυγόντων τρέσσαι δ’ οὐκέτι ῥίμφα πόδες φέρον ⁑

msAil, 14.F6, commenting on 15.505 ** ** Ζηνοδ καὶ Ἀριστοφ ἐν νυσί

msAim, 14.F8, commenting on 14.506 ** ** γράφεται τοὺς ἄρα πάντας ὑπὸ χλωρὸν ἀέος εῖλεν ⁑

msAim, 14.F9, commenting on 14.517 ** ** γράφεται οὔτα κατὰ λαπάρην ⁑

msAim, 14.F10, commenting on 14.518 ** ** ὅτι παρετυμολογεῖ τὴν ὠτειλὴν ἀπo τοῦ οὔτασε ⁑