Manuscript msA, page 193r

Manuscript msA, page 193r

prev: 192v

next: 193v

Iliad text

15.101 ὄχθησαν δ’ ἀνὰ δῶμα Διὸς . θεοὶ· ἡ δ γέλασσε

15.102 χείλεσιν . οὐδὲ μέτωπον ἐπ’ ὀφρύσι κυανέῃσιν

15.103 ἰ̈άνθη· πᾶσιν δὲ νεμεσσηθεῖσα μετηύδα·1

15.104 νήπιοι , οἳ Ζηνὶ μενεαίνομεν ἀφρονέοντες ·1, 2, 3

15.105 ἦ ἔτι μιν μέμαμεν καταπαυσέμεν άσσον ϊόντες

15.106 ἢ ἔπει . ἠὲ βίῃ . ὁ δ`’ ἀφήμενος οὐκ ἀλεγίζει .

15.107 οὐδ’ ὄθεται . φησὶν γὰρ ἐν ἀθανάτοισι θεοῖσι .

15.108 κάρτεΐ τε , σθένεΐ τε διακριδὸν εἶναι ἄριστος·

15.109 τῶ , ἔχεθ’ , ὅττί κεν ὔμμι κακὸν πέμπῃσιν ἑκάστῳ·

15.110 ἤδη γὰρ νῦν ἔλπομ’ Ἄρηΐ γε πῆμα τετύχθαι·

15.111 υἱὸς γάρ οἱ , όλωλε μάχῃ ἔνι φίλτατος ἀνδρῶν

15.112 Ἀσκάλαφος , τόν φησὶν , ὃν , ἔμμεναι όβριμος Ἄρης ·

15.113 ὡς ἔφατ’ , αὐτὰρ Ἄρης θαλερὼ πεπλήγετο μηρὼ

15.114 χερσὶ καταπρηνέεσσ’ , ὀλοφυρόμενος δ’ ἔπος ηύδα·1, 2

15.115 μὴ νῦν μοι νεμεσήσετ’ Ὀλύμπια δώματ’ ἔχοντες

15.116 τίσασθαι φόνον υἷος ἰ̈όντ’ ἐπὶ νῆας Ἀχαιῶν ·1, 2

15.117 εἴ πέρ μοι καὶ μοῖρα Διὸς πληγέντι κεραυνῷ

15.118 κεῖσθαι ὁμοῦ νεκύεσσι μεθ’ αἵματι καὶ κονίῃσιν·

15.119 ὡς φάτο . καί ῥ’ ἵ̈ππους κέλετο . Δεῖμόν τε Φόβον τε1

15.120 ζευγνύμεν· αὐτὸς δ’ έντε’ ἐδύσατο παμφανόωντα·1

15.121 ἔνθά κ’ τι μείζων τε καὶ ἀργαλεώτερος ἄλλος

15.122 πὰρ Διὸς ἀθανάτοισι χόλος καὶ μῆνις ἐτύχθη .1

15.123 εἰ μὴ Ἀθήνη πᾶσι περιδείσασα θεοῖσιν1

15.124 ῶρτο δι’ ἐκ προθύρου· λίπε δὲ θρόνον ἔνθα θάασσε·

15.125 τοῦ δ’ ἀπὸ μὲν κεφαλῆς κόρυθ’ εἵλετο· καὶ σάκος ὤμων .

Scholia text

msA, 15.34, commenting on 15.101-15.103 ‡ ἡ δὲ γέλασσε χειλεσιν ⁚ οὗτος ὁ γελως Σαρδόνιος καλεῖται , ὅτ ἄν τις μὴ ἐκ διαθέσεως καὶ κρίσεως γελᾷ , οὗτος δέ ἐστιν ὁ Σαρδόνιος καλούμενος γέλως μετα δηχμοῦ πρὸς ὑπόκρισιν οὐ γὰρ γελᾷ . καὶ τὸν Ἄρη δὲ ὑπομνήσκει τοῦ υἱοῦ φοβοῦσα ἵν’ αὐτὸν ἀποστήσῃ , τῆς τῶν Τρώων συμμαχίας καὶ τοὺς ἄλλους θεούς ⁑

msA, 15.35, commenting on 15.105-15.106 ἠ ἔτι μιν μέμαμεν ἢ ἐπεὶ . ἠὲ βίῃ· ἔφαμεν τὸν η κατ αρχὴν ὄντα διαπορητικὸν περισπᾶσθαι ὥσπερ καὶ ἐνθάδε τοὺς μέντοι ἑξῆς ἐγκλιτέον ἐν τῇ συντάξει . εἰσὶ γὰρ ἤτοι διαζευκτικοὶ ἢ παραδιαζευκτικοὶ ὡς τὸ ἢ ἔπει ἢὲ βίῃ ⁑

msA, 15.36, commenting on 15.116 μὴ νῦν μοι νεμεσήσετ’ Ὀλύμπια , οὗτoς ἐστιν ὁ ἀλλοπροσάλλος , οἱ γὰρ ἀδικήσαντες αὐτὸν ἦσαν οἱ Τρῶες οἱ κατάρξαντες τοῦ ἀδικήματος ⁑

msA, 15.37, commenting on 15.119 ὡς φάτο καί ρ’ ἵππους κέλετο Δεῖμόν τε Φοβον τε ⁚ ὅτι ἀντι τοῦ Δήμω καὶ Φόβῳ . καὶ ὅτι ἐντεῦθεν ἡ πλάνη ἡ τοῖς δεξαμένοις Δεῖμον καὶ Φόβον ἵππων ὀνόματα εἰσὶ δὲ Ἄρεως υἱοί ἐν ἄλλοις γὰρ ῥητῶς φησὶ . τῷ δε Φόβος φίλος υἱός , τὸ δὲ γενος τῆς ἀμφιβολίας ἐστιν εὑρεῖν καὶ ἀλλαχῇ τὸν δέ τ’ ἄνδρα ἑλεῖν καὶ εἰς ορμὴν ἔγχεος ἐλθεῖν · καὶ ἐν Οδ . αἰδὼς δ αῦ νέον ἄνδρα γεραίτερον ἐξερεεθαι ὅπερ ἀγνοήσαντες τινὲς ἔγραψαν νέῳ ἀνδρί ⁑

msAil, 15.9, commenting on 15.103@ἰ̈άνθη διεχύθη εὐφράνθη

msAil, 15.10, commenting on 15.104@μενεαίνομεν προθυμούμεθα

msAil, 15.11, commenting on 15.104@ἀφρονέοντες αδ

msAil, 15.12, commenting on 15.114@καταπρηνέεσσ’ κατωφερέσι

msAil, 15.13, commenting on 15.116@τίσασθαι ε

msAil, 15.14, commenting on 15.120@ἐδύσατο ε

msAim, 15.16, commenting on 15.104 κατ ένια τῶν ὑπομνημάτων ἀφρονέοντα ⁑

msAim, 15.17, commenting on 15.114 ουτ καὶ ἡ Ἀριστχ καὶ αἱ πᾶσαι επος ηύδα οὐ προσηύδα ⁑

msAim, 15.18, commenting on 15.123 δια τοῦ ετερου δ αἱ Αρισταρχ ⁑

msAint, 15.14, commenting on 15.122 οτ ἐν παραλλήλου ὡς ϊσοδυναμοῦντα τὸν , χόλον καὶ τὴν μηνιν ⁑