Facsimile editions Manuscript facsimiles from the Homer Multitext project
Manuscript msA, page 195r
Manuscript msA, page 195r
| prev: 194v | next: 195v |
Iliad text
15.201 οὕτω γὰρ δή τοι γαιήοχε κυανοχαῖτα .
15.202 τόνδε φέρω Διῒ μῦθον ἀπηνέα τε κρατερόν τε·
15.203 ἦ τι μεταστρέψεις . στρεπταὶ μέν τε φρένες ἐσθλῶν·
15.204 οἶσθ’ ὡς πρεσβυτέροισιν Ἐρῑνύες αἰὲν ἕπονται·1
15.205 τὴν δ’ αὖτε προσέειπε Ποσιδάων ἐνοσίχθων·1
15.206 ῖ̈ρι θεὰ . μάλα τοῦτο ἔπος κατα μοῖραν ἔειπες·
15.207 ἐσθλὸν καὶ τὸ τέτυκται· ὅτ’ ἄγγελος αἴσιμα εἰδῇ·1
15.208 ἀλλὰ τόδ’ αἰνὸν ἄχος κραδίην καὶ θυμὸν ἱ̈κάνει·
15.209 ὁππότ’ ἂν ἰ̈σόμορον· καὶ ὁμῇ πεπρωμένον αἴσῃ .1
15.210 νεικείειν ἐθέλῃσι χολωτοῖσιν ἐπέεσσιν·
15.211 ἂλλ’ ἤτοι νῦν μέν κε , νεμεσσηθεὶς ὑποείξω·1
15.212 ἄλλο δέ τοι ἐρέω καὶ ἀπειλήσω τό γε θυμῷ·1
15.213 αἴ κεν ἄνευ ἐμέθεν . καὶ Ἀθηναίης ἀγελείης .
15.214 Ἥρης Ἑρμείω τε . καὶ Ἡφαίστοιο ἄνακτος .1, 2
15.215 Ἰ̈λίου αἰπεινῆς πεφιδήσεται . οὐδ’ ἐθελήσει1
15.216 ἐκπέρσαι . δοῦναι δὲ μέγα κράτος Ἀργείοισιν ·
15.217 ἴ̈στω τοῦθ’ . ὅτι νῶϊν ἀνήκεστος χόλος ἔσται·
15.218 ὣς εἰπὼν . λίπε λαὸν Ἀχαιϊκὸν ἐννοσίγαιος .
15.219 δῦνε δὲ πόντον ἰ̈ὼν . πόθεσαν δ’ ἥρωες Ἀχαιοί ·
15.220 καὶ τότ’ Ἀπόλλωνα προσέφη νεφεληγερέτα Ζεύς ·
15.221 ἔρχεο νῦν φίλε Φοῖβε μεθ’ Ἕκτορα χαλκοκορυστήν·
15.222 ἤδη μὲν γάρ τοι γαιήοχος ἐννοσίγαιος
15.223 οἴχεται εἰς ἅλα δῖαν· ἀλευάμενος χόλον αἰπὺν1
15.224 ἡμέτερον , μάλα γάρ τε μάχης ἐπύθοντο καὶ ἄλλοι
15.225 οἵ περ , ἐνέρτεροί εἰσὶ . θεοὶ Κρόνον ἀμφὶς ἐόντες·1, 2
Scholia text
msA, 15.67, commenting on 15.204 ‡ οἶσθ’ ὡς πρεσβυτέροισιν· ὅτι τοῦτο παρ’ ἑαυτῆς προσέθηκεν ἡ Ι̂ρις καὶ τὰ ἐν τοῖς ἐπάνω οὖν οὐχ ὑπo Διὸς εἴρηται καὶ γενεὴ πρότερος ⁑
msA, 15.68, commenting on 15.209 καὶ ὁμῇ πεπρωμένον . περισπαστστ περισπαστὲον περισπαστέον κατὰ δοτικὴν πτῶσιν ὁμοίως ἐπιθετικῷ τῷ θερμῇ καὶ γὰρ ὁμὸς αὐτοῦ τὸ ἀρσενικὸν , ὁμοίως κατ οξεῖαν τάσιν· οὐ γὰρ πάντων ῆεν ὁμὸς θρόος , καὶ τὸ οὐδέτερον ῆ μὰν ἀμφοτέροισιν ὁμὸν γένος . παράκειται τὲ τὸ ἐπίρρημα τὸ εἰς ως λῆγον περισπώμενον ὡς θερμῶς ὁμῶς δέ τοι ήπια οῖδεν ⁑
msA, 15.69, commenting on 15.212 ἄλλο δέ τοι ἐρέω· ἀπὸ τούτου ἑως τοῦ ἴστω τοῦθ’ ὅτι νῶϊν , ἀθετοῦνται στίχοι ἑξω· ὅτι εὐτελῆ τὰ κατὰ τὴν σύνθεσιν καὶ τὰ κατα τὴν διάνοιαν· προειπὼν γὰρ νεμεσσηθεὶς ὑποείξω οἱον εἰ μεταμεληθεὶς . ἐπιφέρει ἀπειλήσω ὅ τε Ποσειδὸν ἐπίσταται ὅτι οὐκ εἰς τελος φείσεται τῆς πόλεως ἀλλ’ ὅσον μόνον ἕνεκα τοῦ τιμῆσαι τὸν Ἀχιλλέα ἐπαμύνει τοῖς Τρωσὶ τά τε τῶν θεῶν ὀνόματα μετενήνοχέ τις ἀπο τῆς θεομαχίας συναθροίσας τῶν ἐναντιουμένων τοῖς βαρβάροις θεοῖς οὐκέτι ἐπιστήσας , ὡς οὔτε τῷ Ἑρμεῖ οὔτε τῷ Ἡφαίστῳ ἔμελλεν ἴδιᾳ τὰ τῆς πορθήσεως , ἀλλ’ ἕνεκα τῆς ἀντικαταστάσεως μόνον παρείληφεν αὐτούς ⁑
msA, 15.70, commenting on 15.214 Ἥρης Ἑρμείω τε τινὲς Ἥρης Ἡφαίστου τὲ καὶ Ἑρμείαο ⁑
msA, 15.71, commenting on 15.215 πεφιδήσεται , ἀπὸ τοῦ φείδω ὡς πείθω πίθω , τεύχω τυχῶ , τύχησε γὰρ ἐρχομένη νῆυς (τ 291) . ⁑
msA, 15.72, commenting on 15.225 οἵπερ νέρτεροί εἰσιν· ὅτι Ζηνόδοτος γράφει ὕπερ νέρτατοι . προς οὐδὲν δὲ τὸ ὑπερθετικὸν μετάκειται· τοῦ γὰρ κατωτέρου κατώτατος οὐδείς ἐστιν . ἐνερτέρους δὲ καὶ καλεῖ καὶ Οὐρανίωνας καὶ ὑποταρταρίους καὶ Τιτᾶνας τοὺς περὶ Κρόνον θεούς ⁑
msAext, 15.10, commenting on 15.205 Ποσειδά
msAext, 15.11, commenting on 15.225 ενερτεροι
msAim, 15.32, commenting on 15.207 Ζηνoδ δια τοῦ π εἴπῃ ⁑
msAim, 15.33, commenting on 15.211 Ἀρισταρχ νῦν μέν γε αλλοι δὲ νυν μέν κε
msAint, 15.22, commenting on 15.214 Ιωνικὴ γενικὴ παθοῦσα εἰ γὰρ ὑγιὴς ἔσται Ἐρμεὶέω ὡς Ἀτρείδεω·
msAint, 15.23, commenting on 15.223 οτ ἀφ εαυτοῦ ὁ Ζεὺς θάλασσαν δῖαν καλεῖ ⁑