Manuscript msA, page 198v

Manuscript msA, page 198v

prev: 198r

next: 199r

Iliad text

15.376 μὴ δ’ οὕτω Τρώεσσιν ἔα δάμνασθαι Ἀχαιούς ·1

15.377 ὡς ἔφατ’ εὐχόμενος . μ́έγα δ’ ἔκτυπε μητίετα Ζεύς1

15.378 ἀ̄ρά̄ων ἀΐων Νηληϊάδαο γέροντος·

15.379 Τρῶες δ’ ὡς ἐπύθοντο Διὸς κτύπον αἰγιόχοιο·

15.380 μᾶλλον ἐπ’ Ἀργείοισι θόρον . μνήσαντο δὲ χάρμης·

15.381 οἱ δ’ ὥς τε μέγα κῦμα θαλάσσης εὐρυπόροιο .

15.382 νηὸς ὑπὲρ τοίχων καταβήσεται . ὁππότ’ ἐπείγῃ1

15.383 ἲ̈ς , ἀνέμου . ἣ γάρ τε μάλιστά γε κύματ’ οφέλλει·

15.384 ὡς Τρῶες μεγάλῃ ἰ̈αχῇ κατὰ τεῖχος ἔβαινον1

15.385 ἵ̈ππους δ’ εἰσελάσαντες . ἐπὶ πρύμνησι μάχοντο1

15.386 ἔγχεσιν ἀμφιγύοις αὐτοσχεδὸν , οἱ μὲν ἀφ ἵππων .

15.387 οἱ δ’ ἀπο νηῶν ὕψι μελαινάων ἐπιβάντες

15.388 μακροῖσι ξυστοῖσι . τά , ῥά , σφ’ ἐπι νηυσὶν ἔκειτο

15.389 ναύμαχα κολλήεντα . κατὰ στόμα , ειμένα χαλκῷ·1

15.390 Πάτροκλος δ’ είως μὲν Ἀχαιοί τε Τρῶές τε

15.391 τείχεος ἀμφ’ ἐμάχοντο θοάων ἔκτοθι νηῶν .

15.392 τόφρ’ ὅ γ’ ἐνι κλισίῃ ἀγαπήνορος Εὐρυπύλοιο

15.393 ἧστό τε . καὶ τὸν , ἔτερπε λόγοις . ἐπὶ δ’ ἔλκεϊ λυγρῷ1

15.394 φάρμακ’ ἀκήματ’ έπασσε μελαινάων ὀδυνάων .1, 2

15.395 αὐτὰρ ἐπειδὴ τεῖχος ἐπεσσυμένους ἐνόησε1

15.396 Τρῶας . ἀτὰρ Δαναῶν γένετο ἰ̈αχή τε φόβος τε .

15.397 ᾤμωξεν τ’ ἄρ ἔπειτα καὶ ὣ πεπλήγετο μηρὼ

15.398 χερσὶ καταπρηνέσσ’ , ὀλοφυρόμενος δ’ ἔπος ηύδαν·1

15.399 Εὐρύπυλ’ , οὐκέτι τοι δύναμαι χατέοντί περ ἔμπης

15.400 ἔνθαδε παρμενέμεν· δὴ γὰρ μέγα νεῖκος όρωρεν·

Scholia text

msA, 15.109, commenting on 15.377 ‡ ὡς ἔφατ’ εὐχόμενος μέγα δ’ ἔκτυπε : ὅτι Ζηνοδοτος γράφει μέγα δ’ έκλυε , ουχ ὑπήκουσε δὲ αὐτοῖς ὥστε πεισθῆναι , ἀλλα κατ αυτῶν ἐγένετο ⁑

msA, 15.110, commenting on 15.382 νηὸς ὑπερ τοίχων : οὐκ αναγκαῖον ἐστιν ἀναστρέφειν τὴν πρόθεσιν ἀλλα συντάσσειν τῇ τοίχων γενικῇ ⁑

msA, 15.111, commenting on 15.385 ἵππους δ’ εἰσελάσαντες , προς τὴν ἰδιότητα τῆς μάχης ὅτι οἱ μὲν ἐπιβεβηκότες ταῖς πρύμναις τῶν νεῶν οἱ δὲ ἀποστρέψαντες τὰ ἅρματα ἐπι τῶν δίφρων , ἵν’ ᾖ ἀπ’ ἴσου . βραχὺ δὲ διασταλτέον ἐπι το εἰσελάσαντες προς τὸ σαφέστερον ⁑

msA, 15.112, commenting on 15.389 ναύμαχα κολλήεντα , οὕτως ὡς θαύματα ἐξαιρέτως δὲ τὰ παρα ῥῆμα οὐδέτερα σύνθετα μονογενῆ εἰς ον περατούμενα προπαροξύνεται , χαρτότομον χειρόγραφον . ἀκρατόφορον . οὕτως ναύμαχον ἐν παλάμῃσιν . ἵνα εῖδος δόρατος νοηθῇ ἐν διαφόρω μεγέθει ⁑

msA, 15.113, commenting on 15.394 φαρμακ’ ἀκήματ , τὸ πλῆρες φάρμακα εἶτα ἀκήματα , παρα γὰρ τὸ ἀκέσασθαι τὸ ἀκήματα ἐσχημάτισται· εἴρηται δὲ ἡμῖν ἐν ἑτέροις . δι ὅτι καὶ ἡ ἄκεσις καὶ τὸ ἀκεσταί τοι φρένες ἐσθλῶν . τὸ ε ἔχει κατα τὴν παραλήγουσαν ⁑

msAil, 15.23, commenting on 15.384@ἔβαινον ησαν

msAim, 15.47, commenting on 15.376 οτ πτῶσις ηλλακται καὶ προθ παρεῖται αντ υπ Τρώων ⁑

msAim, 15.48, commenting on 15.394 ἔν τισιν ἀκέσμτα τ’ ουτ δὲ καὶ Ἀρίσταρχ χῶ οὖν ⁑

msAim, 15.49, commenting on 15.398 ουτ Ἀρίσταρχ ἔπος ηὔδα ⁑

msAint, 15.34, commenting on 15.393 ἅπαξ ἐνταυθ εν τῷ τὸ λόγοις ⁑

msAint, 15.35, commenting on 15.395 ὅτι ἐλλειπ ἡ ἐπὶ τεῖχος ⁑