Manuscript msA, page 199v

Manuscript msA, page 199v

prev: 199r

next: 200r

Iliad text

15.426 μὴ δή πω χάζεσθε μάχης ἐν στείνεϊ τῷδε ,

15.427 ἂλλ’ υἷα Κλυτίοιο σαώσατε· μή μιν Ἀχαιοὶ

15.428 τεύχεα συλήσωσι . νεῶν ἐν ἀγῶνι πεσόντα·1

15.429 ὡς εἰπὼν Αἴαντος ἀκόντισε δουρὶ φαεινῷ·

15.430 τοῦ μὲν ἅμαρθ’ . ὁ δ’ ἔπειτα Λυκόφρονα · Μάστορος υἱὸν ,

15.431 Αἴαντος θεράποντα· Κυθήριον · ὅς ῥα παρ’ αὐτῷ

15.432 ναῖ’ ἐπεὶ ἄνδρα κατέκτα Κυθήροισι ζαθέοισι·1, 2

15.433 τόν ῥ’ ἔβαλεν κεφαλὴν . ὑπὲρ ούατος· ὀξέϊ χαλκῷ

15.434 ἑσταότ’ ἄγχ’ Αἴαντος . ὁ δ’ ὕπτιος ἐν κονίῃσι

15.435 νηὸς ἀπο πρυμνῆς χαμάδις πέσε . λύντο δὲ γυῖα·

15.436 Αἴας δ’ ἐρρίγησε . κασίγνητον δὲ προσηύδα·1

15.437 Τεῦκρε πέπον· δὴ νῶϊν ἀπέκτατο πιστὸς ἑταῖρος1

15.438 Μαστορίδης · ὃν νῶϊ Κυθηρόθεν ἔνδον , ἐόντα·

15.439 ἶ̈σα φίλοισι τοκεῦσιν ἐτίομεν ἐν μεγάροισι·1

15.440 τόν δ’ Ἕκτωρ μεγάθυμος ἀπέκτανε . ποῦ νύ̆ τοι ἰ̈οὶ

15.441 ὠκύμοροι· καὶ τόξον . ὅ τοι πόρε Φοῖβος Ἀπόλλων ·1

15.442 ὡς φάθ’ . ὁ δὲ ξυνέηκε , θέων δέ οἱ ἄγχι παρέστη

15.443 τόξον ἔχων ἐν χειρὶ παλίντονον . ἠδὲ φαρέτρην

15.444 ἰ̈οδόκον . μάλα δ’ ῶκα βέλεα Τρώεσσιν ἐφίει·1, 2

15.445 καί ῥ’ ἔβαλε Κλεῖτον Πεισήνορος ἀγλαὸν υἱὸν·1

15.446 Πουλυδάμαντος ἑταῖρον ἀγαυοῦ Πανθοίδαο .

15.447 ἡνία χερσὶν ἔχοντα· ὁ μὲν πεπόνητο καθ’ ἵππους .

15.448 τῇ γὰρ έχ’· ῇ ῥα πολὺ πλεῖσται κλονέοντο φάλαγγες·

15.449 Ἕκτορι καὶ Τρώεσσι χαριζόμενος· τάχα δ’ αὐτῷ

15.450 ἦλθε κακόν . τό οἱ οὔ τις ἐρύκακεν , ϊεμένων περ .1

Scholia text

msA, 15.124, commenting on 15.431-15.433 Αἴαντος θεραποντ Κυθήριον : άπο Κυθήρων Κυθηρα δὲ νησί διον τῆς λακονικῆς Ἀφροδιτ ἱερὸν ἔνθεν καὶ Κυθέρειαν ὀνομάζουσι τὴν θεον : τὸ ἑξῆς . Λυκόφρονα ἔβαλε κεφαλὴν ὑπὲρ ούατος , τὰ δὲ ἄλλα ὡς δια μέσου διορθωτέον ⁑

msA, 15.125, commenting on 15.432 ναῖ’ ἐπεὶ ἄνδρα : ὅτι ἐλλείπει ἡ εν . ἔστιν γὰρ ἐν Κυθήροις . καὶ ὅτι ἀπόδειξις τοῦ συνεσταλμενως ἐκφέρειν τὸ κατέκτα καὶ ἐν Ὀδυσσείᾳ ἐκτα συν οὐλομένη ἀλόχῳ ⁑

msA, 15.126, commenting on 15.437 Τεῦκρε πέπον ἄξιον ἀποδέξασθαι τὴν συνήθειαν μετα τὸ πέπον στίξασαν καὶ μὴ μετὰ τὸν δὴ σύνδεσμον ⁑

msA, 15.127, commenting on 15.439 ἰσα φίλοισι τοκεῦσιν ὅτι Ζηνοδοτος γράφει ἶσα φίλοισι τέκεσσι · οὐχ αρμόζει δὲ τοὺς περι τὸν Αἴαντα νέους ὄντας λέγειν τέκεσσιν πρὶν γὰρ παιδοποιήσουσιν ἐστρατεύσαντο ⁑

msA, 15.128, commenting on 15.441 ὠκύμοροι , καὶ τόξον ὅτι τόξον λέγει οὐ τὸ σκεῦος τὸ πολεμικόν ἀλλα τὴν τοξικὴν τέχνην ⁑

msA, 15.129, commenting on 15.444 ἰοδόκον , πιθανώτερον Ἀλεξίων παροξύνει ὡς ξεινοδόκον ἐπεὶ αὑτὴ ἡ φαρετρα δεχεται καὶ ἔστιν ἐνεργητικόν ⁑

msA, 15.130, commenting on 15.444 ἰόδὸκον προπαροξυτόνως τινὲς τὸν δεχόμενον ἰ̈ούς , ξεινοδόκον δὲ τὸν ξενίχοντα παροξυτόνως . ἠ τὸν ξένους δοκεύοντα . καὶ Ἀτταλος δὲ παροξύνει ⁑

msA, 15.131, commenting on 15.445 καί ρ’ ἔβαλλε Κλειτὸν , Κλειτὸς ὄνομα κύριον ὀξυντέον δὲ ὁμοιως τῷ επιθετῳ επειδὴ κόσμου ἐστὶ τὸ ἐπίθετον ⁑

msA, 15.132, commenting on 15.449-15.451 Ἕκτορι καὶ Τρώεσσι · ἀθετοῦνται στίχοι Γ καὶ ἀστερίσκοι παράκεινται ὅτι ἐπὶ Ἱπποθόου τοῦ ἐπικούρου ἁρμόζει ἐν τῆ Ϊ Ἕκτορι καὶ Τρώεσσι χαριζόμενος ἐπὶ δὲ τούτου καθάπερ νῦν οὐχ ἁρμόζει οὐ γὰρ Ἕκτορι χαριζόμενος , ἀλλ’ ἑαυτῷ καὶ πρι καὶ τὰ τῆς πληγῆς ἀνακόλουθα· πῶς γὰρ ὁ ἀντίον ηνιοχῶν ἐπὶ τὰ ὄπισθε κατα τὸν αὐχένα τύπτεται ὕστερον δὲ ἐν τοῖς Περὶ τοῦ ναυσταθμου ἀπολογεῖται τὸν γὰρ ἡνίοχον φασὶν ἀπεστράφθαι προς τὸ παιδίον καὶ τοὺς ἵππους . τὸν δὲ παραιβάτην πρὸς τὰς ναῦς ἐπι τοῦ δίφρου ἵνα ἀπο τοῦ ἴσου γένηται ἡ μάχη . ἔστι δὲ καὶ ἀλλαγὴν πτώσεως νοῆσαι ἀντι τοῦ αὐχένος ὄπισθεν ⁑

msAext, 15.16, commenting on 15.436 Αἴαςδὲρίγησε

msAil, 15.25, commenting on 15.432@κατέκτα ολυκόφρων

msAim, 15.51, commenting on 15.437-15.438 οτ παραλληλως καὶ διδασκαλικῶς η διαφο τοῦ νωϊν καὶ νῶϊ ⁑

msAim, 15.52, commenting on 15.450 διχῶς Ἀρισταρχ καὶ ϊεμένῳ . καὶ ϊεμένων ⁑