Facsimile editions Manuscript facsimiles from the Homer Multitext project
Manuscript msA, page 201r
Manuscript msA, page 201r
| prev: 200v | next: 201v |
Iliad text
15.502 αἰδὼς Ἀργεῖοι · νῦν ἄρκιον ἠ ἀπολέσθαι1
15.503 ἠὲ σαωθῆναι καὶ ἀπώσασθαι κακὰ νηῶν·
15.504 ῆ ἔλπεσθ’ . ἢν νῆας ἕλῃ κορυθαίολος Ἕκτωρ .
15.505 ἐμβαδὸν ί̈ξεσθαι ἣν πατρίδα γαῖαν ἕκαστος·1, 2, 3
15.506 ἦ οὐκ ὀτρύνοντος ἀκούετε λαὸν ἅπαντα
15.507 Ἕκτορος , ὃς δὴ νῆας ἐνιπρῆσαι μενεαίνει·
15.508 οὐ μὰν ἔς γε , χορὸν κέλετ’ ἐλθέμεν . ἀλλὰ μάχεσθαι·
15.509 ἡμῖν δ’ οὔ τις τοῦδε νόος . καὶ μῆτις ἀμείνων .
15.510 ἢ αὐτοσχεδίῃ μῖξαι χεῖράς τε μένος τε·
15.511 βέλτερον ἢ ἀπολέσθαι ἕνα χρόνον ἠὲ βιῶναι .1
15.512 ἢ δηθὰ στρεύγεσθαι ἐν αἰνῇ δηϊοτῆτι
15.513 ὧδ’ αύτως παρὰ νηυσὶν , ὑπ’ ἀνδράσι χειροτέροισιν·1, 2
15.514 ὡς εἰπὼν . ὤτρυνε μένος καὶ θυμὸν ἑκάστου·
15.515 ἔνθ’ Ἕκτωρ μὲν ἕλε . Σχεδίον Περιμήδεος υἱὸν .1
15.516 ἀρχὸν Φωκήων . Αἴας δ’ ἕλε Λαοδάμαντα
15.517 ἡγεμόνα πρυλέων . Ἀντήνορος ἀγλαὸν υἱόν·
15.518 Πουλυδάμας δ’ Ω̂τον Κυλλήνιον ἐξενάριξε1
15.519 Φῡλείδεω ἕταρον , μεγαθύμων ἀρχὸν Ἐπειῶν ·
15.520 τῷ δὲ Μέγης ἐπόρουσεν ἰ̈δών . ὁ δ’ ὕπαιθα λιάσθη
15.521 Πουλυδάμας , καὶ τοῦ μὲν ἀπήμβροτεν , οὐ γὰρ Ἀπόλλων
15.522 εἴᾱ Πάνθου υἱὸν ἐνὶ προμάχοισι δαμῆναι·
15.523 αὐτὰρ ὅ γε Κροίσμου στῆθος μέσον ούτασε δουρί·
15.524 δούπησεν δὲ πεσὼν , ὃ δ’ ἀπ’ ὤμων τεύχε’ ἐσύλα .
15.525 τόφρα δὲ τῷ ἐπόρουσε Δόλοψ αἰχμῆς εὖ εἰδὼς .1
15.526 Λαμπετίδης . ὃν , Λάμπος ἐγείνατο φέρτατον υἱὸν
Scholia text
msA, 15.143, commenting on 15.505 ‡ ἐμβαδὸν ΐξεσθαι· ὅτι ἤτοι ἠθικῶς λέγει ἐλπίζεται ἐμβήσεσθαι ὲπι τὰς καησομένας ναῦς , ἠ καὶ ἑλπίζετε ἐμβάντες ἐπι τὴν θάλασσαν ἀφίξεσθαι ἐπὶ τὰς πατρίδας ὅ ἐστι βάδην ἐπι τῆς θαλάσσης πορευόμενοι ⁑
msA, 15.144, commenting on 15.505 ἐμβαδὸν πεζῆ , ὅθεν ἡ μὴ πεζευόμενη ἄβατος . οἱ δὲ τὸν ἐμβατήριον ῥυθμόν ἡ πρὸς ὃν Λακεδαιμόνιοι νικῶντες εἰσβάλλουσι εἰς τὴν πατρίδα ⁑
msA, 15.145, commenting on 15.511 βέλτερον ὴ ἀπολεσθαι , ὅτι οὐκ εκληπτέον τρεῖς διαστολὰς , ἀλλ’ εκ τοῦ ἢ αὐτοσχεδίη βέλτερον ἠ ἀπολέσθαι καθ’ ἕνα χρόνον περὶ εν μέρος , πρότερον δὲ τὸ ἢὲ βιῶναι · ὁ γὰρ λόγος , βέλτιον καθ’ ἕνα χρόνον συντόμως ἀπολέσθαι , ἠ πολὺν χρόνον φθείρεσθαι· τὸ γὰρ στρεύγεσθαι ἐστὶ στραγγίζεσθαι κατ ὀλίγον ἐκλείποντα ⁑
msA, 15.146, commenting on 15.11-15.12 διαστολὴ δὲ ἐπι τὸ βιῶναι , μέχρι δὲ αὐτοῦ συναπτέον . ὁ γὰρ λόγος , ἢ ἀποθανεῖν ἠ ζῆσαι συντόμως βέλτιον ἐστιν . ἡ μετα παρολκῆς καταπονεῖσθαι ⁑
msA, 15.147, commenting on 15.515 ἔνθ’ Ἕκτωρ μὲν ἕλε Σχεδίον : ὅτι οὗτος ἐστι Σχεδίος ὁμώνυμος τῷ ἐν καὶ ἀμφότεροι ὑφ’ Ἕκτορος ἀνῄρηνται . ἀλλ’ ἐκεινος μεν Ἰφίτου πατρός οὗτος δὲ Περιμήδους . ἡ δὲ ἀναφορὰ προς τὰ περι Πυλαιμενοῦς ⁑
msA, 15.148, commenting on 15.518 Πουλυδάμας δ’ Ὧτον Κυλληνιον . ὅτι οὐκ ἀπο Κυλλήνης τοῦ ἐν Ἀρκαδίᾳ ὄρους . ἀλλ ἐπὶνειόν ἐστιν Ἠλείων Κυλλήνη · ἀρχὸς γὰρ Ἐπειῶν οὗτοι δέ εἰσιν Ἠλεiοι ⁑
msA, 15.149, commenting on 15.525 τόφρα δὲ τῷ ἐπόρουσε Δύλοψ , ὅτι οὕτος Τρωϊκὸς Δόλοψ Λάμπου υς τοῦ αδελφοῦ Πριαμου ὁμωνύμος τῷ ἐν τῇ Δόλοπι καὶ Δόλοπα Κλυτίδην καὶ Ὀφέλτιον ⁑
msAil, 15.27, commenting on 15.502@ἄρκιον αρμόζον ευμφέρον
msAim, 15.59, commenting on 15.513 οτ το ωδ αντ τοῦ ουτ ⁑
msAint, 15.39, commenting on 15.513 ουτ γραπτέον ὦδ’ αύτως ,