Manuscript msA, page 203v

Manuscript msA, page 203v

prev: 203r

next: 204r

Iliad text

15.627 ἱστίῳ ἐμβρέμεται· τρομέουσι δέ τε φρένα , ναῦται

15.628 δειδιότες , τυτθὸν γὰρ ὑπεκ θανάτοιο φέρονται·1

15.629 ὡς ἐδαΐζετο θυμὸς ἐνι στήθεσσιν Ἀχαιῶν ·

15.630 αὐτὰρ ὅ γ’ ὥς τε λέων ὀλοόφρων βουσὶν ἐπελθῶν ·

15.631 αἵ ῥά τ’ ἐν εἱαμενῇ ἕλεος μεγάλοιο νέμονται1

15.632 μυρίαι· ἐν δέ τε τῇσι , νομεὺς . οὔ πω σάφα εἰδὼς

15.633 θηρὶ μαχέσσασθαι ἕλικος βοὸς ἀμφι φονῇσιν·1

15.634 ἤτοι ὁ μὲν πρώτῃσι καὶ ὑστατίῃσι βόεσσιν1, 2

15.635 αἰὲν ομοστιχάει· ὃ δέ τ’ ἐν μέσσῃσιν ὀρούσας

15.636 βοῦν έδει· αἱ δέ τε πᾶσαι ὑπέτρεσαν . ὡς τότ’ Ἀχαιοὶ

15.637 θεσπεσίως ἐφόβηθεν ὑφ’ Ἕκτορι . καὶ Διὶ̈ πατρὶ

15.638 πάντες· ὁ δ’ οἶον ἔπεφνε Μυκηναῖον Περιφήτην ·

15.639 Κοπρῆος φίλον υἱὸν , ὃς Εὐρυσθῆος ἄνακτος1, 2, 3

15.640 ἀγγελίης οίχνεσκε βίῃ Ἡρακληείῃ ·1

15.641 τοῦ γένετ’ ἐκ πατρὸς πολὺ χείρονος υἱὸς ἀμείνων

15.642 παντοίας ἀρετὰς , ἠμὲν πόδας ἠδὲ μάχεσθαι .

15.643 καὶ νόον ἐν πρώτοισι Μυκηναίων ἐτέτυκτο·

15.644 ὅς ρα τόθ’ Ἕκτορι κῦδος ὑπέρτερον ἐγγυάλιξε·

15.645 στρεφθεὶς γὰρ . μετ’ όπισθεν . ἐν ἀσπίδος ἄντυγι πᾶλτο ·1, 2

15.646 τὴν αὐτὸς φορέεσκε ποδηνεκὲς ἔρκος ἀκόντων·1

15.647 τῇ ὅ γ’ ἐνὶ βλαφθεὶς πέσεν ὕπτιος . ἀμφὶ δὲ πήληξ

15.648 σμερδαλέον κονάβησε περι κροτάφοισι πεσόντος·

15.649 Ἕκτωρ δ’ ὀξὺ νόησε , θέων δέ οἱ ἄγχι παρέστη·

15.650 στήθεϊ δ’ ἐν δόρυ πῆξε . φίλων δέ μιν ἐγγὺς ἑταίρων

15.651 κτεῖν’ . οἱ δ̀’ οὐκ ἐδύναντο καὶ ἀχνύμενοί περ ἑταίρου1

Scholia text

msA, 15.169, commenting on 15.628 τυτθὸν γὰρ ὑπεκ θανάτοιο φέρονται⁚ βραχὺ γάρ ἐστι τὸ διεῖργον αὐτοὺς τοῦ θανάτου διάστημα ὅ εστι παρ ολίγον θνήσκουσιν· τὸ τυχὸν γὰρ ἀπέχουσι τοῦ θανάτου· πρῶτος δὲ εἶπεν τὸ Ἀναχάρσιδος τοῦ Σκύθου ὡς ἐρώμενος τινὰ τῶν ναυτῶν πόσον ἀπεχομεν τοῦ ὕδατος καὶ μαθῶν ὡς τέσσαρας δακτύλους τοσοῦτον φησὶ καὶ τοῦ θανάτου ⁑

msA, 15.170, commenting on 15.633 ἕλικος βοὸς ἀμφι φονῃσι· περι ἀνηρημένης βοός ἠ ἀπο τοῦ μη άναιρεθῆναι ἕλικος δὲ ἤτοι μελαίνης ἠελικοειδῆ τὰ κέρατα ἐχούσης . ἠ τῆς ἐν ἔλει τεθραμμένης⁚

msA, 15.171, commenting on 15.634 ἥτοι ὁ μὲν πρώτῃσι καὶ ὑστατίῃσι , ἐν πρώταις καὶ ὑστάταις , ὁ δὲ καὶ σύνδεσμος , ἀντι τοῦ ἠ κεῖται διαζευκτικοῦ ὅπερ ἄμεινον ἵν’ ᾖ ταῖς πρώταις καὶ ὑστάταις ⁑

msA, 15.172, commenting on 15.639 Κόπρηος φίλον υἱὸν· οὗτος ὁ Κοπρεὺς ἦν κῆρυξ Eὐρθσθέως τοῦ τῶν Ἀργείων βασιλέως ὃς τὰς παρὰ Εὐρυσθεώς ἐντολὰς , ἔλεγε τῷ Ἡρακλεῖ τῶν ἄθλῶν ἕνεκα ἔξωθε τῆς πο μένοντι . δεδοικὼς γὰρ ἀυτὸν οὐκ εἰα ἔνδον εἰσελθεῖν ⁑

msA, 15.173, commenting on 15.640 αγγελίης οἴχνεσκε ὅτι Ζηνοδοτ γράφει ἀγγελίην γίνεται δὲ τὸ οἴχνεσκε κρεμάμενον . καὶ νῦν δὲ ἀγγελιης , ἀντι τοῦ ἄγγελος ⁑

msA, 15.174, commenting on 15.645 στρεφθεὶς γὰρ μετόπισθ ἐν ἀσπιδος ἄντυγι πάλτο· κατ ἐνια τῶν ἀντιγράφων· χωρὶς τοῦ π ἆλτο διχῶς δὲ τὸ στρεφθεὶς δια τοῦ α καὶ δια τοῦ ε ⁑

msA, 15.175, commenting on 15.651 κτεῖν’ , οἱ δ’ οὐκ εδύναντο⁚ ὅτι ἐλλειπ ἡ περί περι ἑταίρου Ἑλλανικος δὲ Αἰολικῶς νομίζει τὴν περι περ εἰρῆσθαι ⁑

msAext, 15.20, commenting on 15.639 ἀέθλων

msAim, 15.68, commenting on 15.631 δασυντέον ἀπο τῆς ἕσεως τῶν ὑδατων ⁑

msAim, 15.69, commenting on 15.645 τὸ μετόπισθε βέλτιον τοῖς ἑξῆς συνάπτειν ⁑

msAint, 15.47, commenting on 15.634 ὁ και αντ η ,

msAint, 15.48, commenting on 15.639 Εὐρυσθὴος αέθλων ⁑

msAint, 15.49, commenting on 15.646 οτ ἀνδρομήκεις αἱ ασπίδες ⁑