Manuscript msA, page 205v

Manuscript msA, page 205v

prev: 205r

next: 206r

Iliad text

15.727 Αἴας δ’ οὐκέτ’ ἔμιμνε· βιάζετο γὰρ βελέεσσιν·

15.728 ἂλλ’ ἀνεχάζετο τυτθὸν , ὀϊόμενος θανέεσθαι .

15.729 θρῆνυν ἐφ’ ἑπταπόδην· λί̆πε δ’ ΐκρια νηὸς ἐΐσης .1

15.730 ἔνθ’ ὰρ’ ὅ γ’ ἑστήκει δεδοκημένος . ἔγχεϊ δ’ αἰεὶ1

15.731 Τρῶας ἄμυνε , νεῶν . ὅς τις φέροι ἀκάματον πῦρ·

15.732 αἰεὶ δὲ σμερδνὸν βοόων Δαναοῖσι κέλευεν·

15.733 ὦ φίλοι . ἥρωες . Δαναοὶ θεράποντες Ἄρηος .

15.734 ἀνέρες ἔστε φίλοι . μνήσασθε δὲ θούριδος ἀλκῆς·

15.735 ἠέ τινας φαμὲν εἶναι ἀοσσητῆρας ὀπίσσω .1

15.736 ἠέτι . τεῖχος ἄρειον . ὅ κ’ ἀνδράσι λοιγὸν ἀμῦναι .

15.737 οὐ μέν τις . σχεδόν ἐστι πόλις πύργοις ἀραρυῖα .1, 2

15.738 ᾗ κ’ ἀπαμυναίμεσθ’ , ἑτεραλκέα δῆμον ἔχοντες·1

15.739 ἂλλ’ ἐν γὰρ Τρώων πεδίῳ πύκα θωρηκτάων1

15.740 πόντῳ κεκλιμένοι . ἑκὰς , ήμεθα πατρίδος αἴης·

15.741 τῶ ἐν χερσὶ φόως , οὐ μειλιχίῃ πολέμοιο .1, 2, 3

15.742 ῇ καὶ μαιμώων ἔφεπ’ ἔγχεϊ ὀξυόεντι·

15.743 ὅς τις δὲ Τρώων , κοίλῃς ἐπὶ νηυσὶ φέροιτο

15.744 σὺν πυρὶ κηλείῳ χάριν Ἕκτορος ὀτρύναντος .1, 2

15.745 τὸν δ’ Αἴας ούτασκε δεδεγμένος ἔγχεϊ μακρῷ·

15.746 δώδεκα δὲ προπάροιθε , νεῶν αὐτοσχεδὸν οῦτα ⁑

Scholia text

msA, 15.195, commenting on 15.729 ‡ θρῆνυν⁚ ὑποπόδιον . θρῆνυν δὲ βέλτιον καλεῖσθαι ὑπο Ὁμήρου τὰς καθέδρας τῶν ἐρετῶν· ἀναχωρῶν γὰρ ἀπο τῆς νεῶς κατα τῶν στρωμάτων ἐπι ταύτας ἀφικνεῖται· τινὲς δὲ τόπον τῆς νεὼς βάσιν ἔχοντα ἐφ οὗ τὸν κυβερνήτην τοὺς πόδας τιθέναι ὃ καὶ ἐδωλιον φασίν ἄλλοι δὲ τὴν ὑποδεχομενην τὸν ἱστὸν τράπεζαν εἶπον· οἱ δὲ διαβάθραν ἀπο νεὸς εἰς νῆα ⁑

msA, 15.196, commenting on 15.730 ἔνθ ὰρ ὅ γ’ ἐστήκει , ὅτι παθητικῶς δεδοκημένως ἀντὶ τοῦ δοκεύων ἐπιτηρῶν ὡς ῥάβδῳ πεπληγυῖα ⁑

msA, 15.197, commenting on 15.735 ἦέ τινας φαμέν εἶναι⁚ τὸ φαμὲν ἐντελές ἐστι καὶ ἐνεστῶτα χρόνον σημαίνει διὸ τὰς δύο συλλαβὰς βαρυτονητέον· εἰ μέντοι παρατατικὸς γίνοιτο . δῆλον ὅτι ἀποβολὴν χρόνου τοῦ κατ ἀρχὴν πάσχει καὶ ἐπὶ τὴν φα συλλαβὴν ἡ ὀξεῖα τάσις ἔσται· ὅμοιον ὡς τὸ ἔφαμεν εντελεῖ ὥσπερ ἐπ εκείνου φαμὲν δέ οἱ οὐ τελέεσθαι ὅπερ οὐκ επιζητεῖ νῦν ἡ διάνοια ⁑

msA, 15.198, commenting on 15.741 τῶ ἐν χερσὶ φόως· Ἀρίσταρχος κατα δοτικὴν ἔγραφεν συνάπτων δηλονότι ὅλον τὸν στίχον ἔσται δὲ ουτ τὸ ἑξῆς τῶ ἐν χερσίν οὐ μειλιχίχιῃ τελος πολέμοιο οἶον ἐν τῷ δόρατι οὐκ εν προσηνεία οὐδ’ ἐν ἀργίᾳ κεῖται ἡ τοῦ πολέμου σωτηρία· Διονύσιος δὲ ὁ Θρᾷξ κατ ευθεῖαν πτῶσιν ᾧ ἀκόλουθόν ἐστι στίζειν ἐπι τὸ φόως τελείᾳ στιγμὴ καὶ ἔσται καθε αὑτὸ ἑκάτερον ἡμιστίχιον· ὁ δε λόγος . διόπερ ἐν χερσὶν ἡ σρια , προσήνειᾳ δὲ οὐκ έστι πολέμου ⁑

msA, 15.199, commenting on 15.741 οὐ μειλιχίῃ , σὺν τῷ ϊ τὸ μειλιχίῃ τὸ γὰρ λεγόμενον τοιοῦτο , διὸ τὸ τοῦ πολέμου φῶς ἡμῖν ἐν ταῖς χερσὶν οὐκ εν τῇ μειλιχίᾳ ἁπαντήσει ⁑

msAext, 15.24, commenting on 15.737 ουμὲντι,

msAext, 15.25, commenting on 15.744 οτρυνοντος

msAil, 15.36, commenting on 15.738@ἑτεραλκέα αντ τοῦ ἑτέραν αλκήν ·

msAim, 15.76, commenting on 15.737 ου μέν τις χω τοῦ σ Ἀριστ ⁑

msAim, 15.77, commenting on 15.739 ἐν ἄλλῳ Τρώων ὁμάδω ⁑

msAim, 15.78, commenting on 15.741 ουτ Ἀρισταρχ σὺν τῷ ϊ μειλιχίῃ ⁑

msAim, 15.79, commenting on 15.744 το κήλειν θέλγειν εστ καὶ τέρπειν ⁑

msAint, 15.57, commenting on 15.728-729 τὸ ἑξῆς ἀνεχατίζετο τυτθόν θρῆνυν ἐφεπταπόδην , ουτ οὖν διορθοτ ⁑