Manuscript msA, page 207r

Manuscript msA, page 207r

prev: 206v

next: 207v

Iliad text

16.51 οὔτέ τί μοι πὰρ Ζηνὸς ἐπέφραδὲ πότνια μηρ .

16.52 ἀλλὰ τόδ’ αἰνὸν ἄχος κραδίην καὶ θυμὸν ἱκάνει .

16.53 ὁππότε δὴ τὸν ὁμοῖον ἀνὴρ ἐθέλῃσιν ἀμέρσαι .

16.54 καὶ γέρας ὰψ , ἀφελέσθαι , ὅ τε κράτεϊ προβεβήκῃ-

16.55 αἰνὸν ἄχος τό μοι ἐστιν ἐπεὶ πάθον ἄλγεα θυμῷ-

16.56 κούρην- ἣν ἄρα μοι γέρας ἔξελον υἷες Ἀχαιῶν -

16.57 δουρὶ δ’ ἐμῷ κτεάτισσα , πόλιν εὐτείχεα πέρσας .1, 2, 3

16.58 τὴν ὰψ , ἐκ χειρῶν ἕλετο κρείων Ἀγαμέμνων

16.59 Ἀτρείδης , ὡς εἴ τιν’ ἀτίμητον μετανάστην-

16.60 ἀλλὰ τὰ μὲν προτετύχθαι ἐάσομεν . οὐδ’ άρα πως ἦν1

16.61 ἀσπερχὲς κεχολῶσθαι ἐνι φρεσίν- ἤτοι ἔφην γε1, 2

16.62 οὐ πρὶν μηνιθμὸν καταπαυσέμεν- ἀλλ’ ὁπότ ἀν δὴ

16.63 νῆας ἐμὰς ἀφίκηται ἀϋτή τε πτόλεμός τε-

16.64 τύνη δ’ ὤμοιϊν μὲν ἐμὰ κλυτὰ τεύχεα δῦθι-

16.65 ἄρχε δὲ Μυρμιδόνεσσι φιλοπτολέμοισι μάχεσθαι .

16.66 εἰ δὴ κυάνεον Τρώων νέφος ἀμφιβέβηκε

16.67 νηυσὶν ἐπικρατέως , οἱ δὲ ῥηγμῖνι θαλάσσης

16.68 κεκλίαται- χώρης ὀλίγην ἔτι μοῖραν ἔχοντες1

16.69 Ἀργεῖοι . Τρώων δὲ πόλις ἐπὶ πᾶσα βέβηκε1

16.70 θάρσυνος . οὐ γὰρ ἐμῆς κόρυθος λεύσουσι μέτωπον

16.71 ἐγγύθι λαμπομένης- τάχα κεν φεύγοντες ἐναύλους

16.72 πλήσειαν νεκύων- εἴ μοι κρείων Ἀγαμέμνων

16.73 ήπια εἰδείη- νῦν δὲ στρατὸν ἀμφιμάχονται-

16.74 οὐ γὰρ Τυδείεω Διομήδεος ἐν παλάμῃσι1

16.75 μαίνεται ἐγχείη . Δαναῶν ἀπὸ λοιγὸν ἀμῦναι-

Scholia text

msA, 16.C1, commenting on 16.53-16.54 ‡ ὁππότε δὴ τῶν ὁμοῖων : τὸ δίστιχον τοῦτο ἢ τοῖς ἄνω προσδοτέον ἵνα τὸ προβεβήκει στίζωμεν , ἠ τοῖς ἐξῆς . ἵνα τὸ μὲν ἱ+κάνει στίζωμεν τὸ δε προβεβήκει ὑποστίζωμεν ⁑

msA, 16.C2, commenting on 16.56-57 κούρην ἣν ἄρα μοι γέρας , ταῦτα ἀπ’ άλλης ἀρχῆς παραδιηγεῖται γὰρ τὰ γεγονότ , ὑποστικτέον δὲ ἐπι τὸ Ἀχαιῶν καὶ πέρσας ⁑

msA, 16.C3, commenting on 16.57 δουρὶ δ’ εμῶ κτεάτισσα : ἡ διπλῆ ὅτι ἰδίως καὶ παρα τὴν ἡμετέραν συνήθειαν κτεάτισσα κατα τὸ ἐνεργητικὸν ἀντι τοῦ ἐκτησάμην , καὶ ἐν πολλὰ κτεατίσσας , ἀντι τοῦ κτησάμενος ⁑

msA, 16.C4, commenting on 16.57 ἡ τετριμμέ ἀνάγνωσις προπαροξύνει τὸ εὐτείχεα τοῦ λόγου ἀξιοῦντος παροξύνειν εἴ γε τὸ εὐτειχής ὀφείλει ὀξύνεσθαι- τὰ γὰρ παρ ουδέτερα δισύλλαβα εἰς ος λήγοντα μὴ τῷ η παραληγόμενα , συντιθέμενα εἰς ης λήγοντα ἀρσενι ὀνόματα ὀξύνεται ἐπιθετικὰ ὄντα , εἶδος εὐεοδής βάθος ἀγχιβαθὴς δὲ θάλασσα , τὸ η παρῃτησάμην δια τὸ μὴ εὐμήκης , τὴν δισυλλαβίαν , δια τὸ εὐμεγέθης , τῶν παρα τὸ ἔτος ὑπεξαιρουμένων ὅτριχας γὰρ οἱ ἐτέας ἀνέγνωμεν μόνως οὖν εὐτειχής καὶ εὐτειχέα . δευτέρω λόγω ὅσοις κυρίοις εἰς ης λήγουσι βαρυτόνοις συνθέτοις παράκειται ἐπιθετικα ὀξυνόμενα , Διογένης αὐτὰρ ὁ διογενής , Πολυνίκης ἀλλα πολυνικὴς δι Ελενα Παγκράτης ἄ δε παγκράτης ἀλήθεια , Εὐρυσθένης - ὁ πλοῦτος εὐρυσθενής . εἰ δεῖ ἐστιν Εὐτείχης ὄνομα κν , παρὰ Ἀλκμᾶνι , ὀξύνεται τὸ ἐπιθετικόν- πόθεν οὖν ἡ τετριμμένη βαρεῖα τάσις δώσωμεν ἀφορμήν-

msA, 16.C5, commenting on 16.57 τὰ εἰς ος λήγοντα οὐδετέρα συντιθέμενα ἀπ ευθείας συντίθεται- ξίφος ἄξιφος μόνον τὸ τεῖχος , καὶ ἀπο γενικῆς τείχεος εὐτείχεος , ἀφ οὗ τὸ δώσει π Τροΐην εὐτείχεον ἐξαλαπάξαι , μεταπλασμὸς εὐτείχεα , ὡς πυργοκέρατον πυργοκέρατα πάθος παρέλαβενος ἵνα βοηθήσω τῇ τετριμμένη τάσει ⁑

msA, 16.C6, commenting on 16.65-16.70 ἄρχε δὲ Μυρμιδόνεσσι , ἀναγκαῖαι αἱ διαστολαί μάχεσθαι ἐπικρατέως Ἀργεῖοι , στικτέον δὲ ἐπι τὸ θάρσυνος ⁑

msA, 16.C7, commenting on 16.66-16.67 εἰ δὴ κυάνεον : Τρώων νέφος ἀμφιβέβηκε- εἰ δὴ τὸ τῶν Τρώων πλῆθος ὡς νέφος κατέχει τὸν ναυσταθμον- νέφος γὰρ νῦν τὸ τῶν στρατιωτικῶν πλῆθος ⁑

msAim, 16.C1, commenting on 16.59 οτ αντ τοῦ ατιμητου μετανάστου ὡς τὸ επειμ’ ἀφελεσθέ γε δόντες αντι τοῦ ἐμου ⁑

msAim, 16.C2, commenting on 16.62 πρὸς τὸ μηνιθμὼν παραλλήλως τέταχε τῷ χόλῳ ⁑

msAim, 16.C3, commenting on 16.70 οτ αντ τεθαρσηκυῖα

msAim, 16.C4, commenting on 16.71 ουτ ἐναύλους διὰ τοῦ ν

msAim, 16.C5, commenting on 16.75 τὸ εξῆς ἐστιν ἀπαμῦναι διὸ οὐκ ἀναστρεπτέον τὴν πρόθεσιν ⁑

msAint, 16.C1, commenting on 16.60 οτ τὸ εάσωμεν αντ τοῦ ἐάσωμεν

msAint, 16.C2, commenting on 16.61 οτ τὸ ἔφην γε αντ τοῦ διενοήθ

msAint, 16.C3, commenting on 16.61 βέλτιον τοῖς πρώτοις τὸ ἐνὶ φρεσὶ συντάττειν :

msAint, 16.C4, commenting on 16.68 βραχὺ διασταλτ μετα τὸ κεκλίαται πρὸς τὸ σαφέστερον ⁑

msAint, 16.C5, commenting on 16.74 οτ έοικεν ἀκηκοότι τὰ εἰρημένα υπ Διομήδους μετα τὴν πρεσβείαν ⁑