Manuscript msA, page 207v

Manuscript msA, page 207v

prev: 207r

next: 208r

Iliad text

16.76 οὐδέ πω Ἀτρείδεω ὀπὸς ἔκλυον αὐδήσαντος-1

16.77 ἐχθρῆς ἐκ κεφαλῆς- ἂλλ’ Ἔκτορος ἀνδροφόνοιο

16.78 τρωσὶ κελεύοντος περιάγνυται . οἱ δ’ ἀλαλητῷ

16.79 πᾶν πεδίον κατέχουσι- μάχῃ νικῶντες Ἀχαιούς -1

16.80 ἀλλὰ καὶ ὡς Πάτροκλε νεῶν ἄπο λοιγὸν ἀμύνων

16.81 ἔμπεσ’ ἐπικρατέως . μη δὴ πυρὸς αἰθομένοιο1

16.82 νῆας ἐνιπρήσωσι . φίλον δ’ ἀπο νόστον ἕλωνται .

16.83 πείθεο δ’ ὥς τοι ἐγὼ μύθου τέλος ἐν φρεσὶ θείω-

16.84 ὡς ἄ^ν μοι τιμὴν μεγάλην καὶ κῦδος ἄρηαι1

16.85 πρὸς πάντων Δαναῶν , ἀτὰρ οἳ , περικαλλέα κούρην1

16.86 ὰψ , ἀπονάσσωσιν . ποτὶ ἀγλαὰ δῶρα πόρωσιν-1

16.87 ἐκ νηῶν ελάσας . ϊέναι πάλιν- εἰ δέ κεν αὖ τοι1

16.88 δῴη κῦδος ἀρέσθαι ἐρίγδουπος πόσις Ἤρης -1

16.89 μὴ σύ γ’ ἄνευθεν ἐμεῖο λιλαίεσθαι πολεμίζειν1

16.90 Τρωσὶ φιλοπτολέμοισιν ἀτιμότερον δέ με θήσεις-1

16.91 μη δ’ ἐπ’ ἀγαλλόμενος πολέμω καὶ δηϊοτῆτι .

16.92 Τρῶας ἐναιρόμενος προτὶ Ί+λιον ἡγεμονεύειν-1

16.93 μή τις ἀπ’ Οὐλύμποιο θεῶν αἰεὶ γενετάων .1

16.94 ἐμβήῃ- μάλα τοῦς γε φιλεῖ ἑκάεργος Ἀπόλλων -

16.95 ἀλλὰ πάλιν . τροπάασθαι ἐπὴν φάος ἐν νήεσσι1, 2

16.96 θήῃς . τοὺς δ έτ’ ἐᾶν πεδίον κάτα δηριάασθαι-1

16.97 αἲ γὰρ Ζεῦ τε πάτερ . καὶ Ἀθηναίη . καὶ Ἄπολλον .

16.98 μήτέ τις οὖν Τρώων θάνατον φύγοι ὅσσοι ἔασι .

16.99 μήτέ τις Ἀργείων . νῶϊν δ’ ἐκδύμεν’ ὄλεθρον .1, 2

16.100 ὄφρ’ οἶοι Τροίης ἱ+ερὰ κρήδεμνα λύωμεν-1, 2

Scholia text

msA, 16.1000, commenting on 16.81 ἔμπεσ’ ἐπικρατέως ὅτι παθητικὸν ἀντι ενεργητικοῦ αἰθομένοιο ἀντὶ τοῦ αἴθοντος . καὶ ὅτι ἥ ὑπὸ πρόθεσις ἐλλείπει ὑπὸ πυρὸς βραχὺ δὲ διασταλτέον ἐπικρατέως , τάχα δ’ ἂν εἰ στίζοιμεν τελείᾳ ἐμφατικώτερα ἔσται τὰ ἑξῆς καθ εαυτὰ λεγόμενα ⁑

msA, 16.1001, commenting on 16.84 ὡς ἅν μοι τιμήν : ἕως ὰψ ἀπονάσσωσι τοὺς τρεῖς στίχους , ἠ τοῖς ἄνω προσδότεον ἵνα στίζωμεν ἐπι τὸ πόρωσιν , ἢ τοῖς ἑξῆς , ἵνα ἀπ άλλης ἀρχῆς ἀναγινώσκωμεν ὡς άν μοι τιμὴν μεγάλην καὶ ὑποστίζωμεν ἐπι τὸ πόρωσιν ὃ καὶ βέλτιον καλῶς γὰρ ἔχει πρώτην μὲν τὴν ἐντολὴν λέγεσθαι πείσθητι ὡς ἐγώ σοι λέγω ἔπειτα αυτὸ τὸ πράγμα προφέρεσθαι ἵνα δόξαν τὲ καὶ τιμὴν παρ’ Έλλησι ποιήσειας ἀπελάσας τοὺς Τρώας ὑπόστρεφε ⁑

msA, 16.1002, commenting on 16.86 ἀψ απο νάσσωσιν εἰς τουπίσω ἀποκαταστήσυσιν ἀποδώσουσεν . δια τὶ ὁ Αχι ἐπι καθαρέσει Διομήδους μέμνηται καὶ Αγαμέμνονοσ καὶ οὐδεμος ἄλλου λεγών οὐ γὰρ Τυδείδεω Διομήδεοσ οὐδέπω Ἀτρείδεω ῥητεὸν δὲ , ὅτι Ἀγαμέμνων μὲν εἰκότος ἠν ἔχθρος αὐτου καὶ Διομήδης δὲ δια λόγους ὑβριστικοὺς οὓς εἰς αυτὸν ἀπερρίφει μετα τὴν πρεσβείαν λέγει γὰρ μὴ ὄφελες λισσεσθαι ἀμύμονα πηλείωνα ⁑

msA, 16.1003, commenting on 16.89 μὴ σύ γ’ ἀνευθεν ἐμεῖο , ὅτι Ζηνόδοτος τοῦτον καὶ τὸν ἑξῆς ἦρκεν . πεποίηκε δὲ οὔτως , μὴ σύ γ’ ἀγαλλόμενος πολέμῳ καὶ δηϊοτήτι ἵν’ ἑπιβάλλῃ ἡ συνέπεια ἀναγκαῖοι δὲ εἰσὶν , σκοπὸς γὰρ τῷ Ἀχιλλεῖ μη ἀτιμωθῆναι τούτου κατευημερήσαντος ⁑

msA, 16.1004, commenting on 16.90 ατιμότερον δέ με θήσεις : ὁ Ἀσκαλωνιτ ἀπόλυτον καὶ μονοσύλλαβον ἐξεδέξατο τῆν με ἀντωνυμίαν . δι ὁ καὶ ἐγκλιτικῶς ἀνέγνω- οὐ γὰρ προς έτορον πρόσωπον ἐστιν αὐτῷ ἡ διαστο καὶ οὕτως ἔχει ἡ ἀμείνων ἀνάγνωσις κεῖται γὰρ καὶ ὁ δὲ ἀντι τοῦ γάρ ⁑

msA, 16.1005, commenting on 16.93 μή τις απ Οὐλύμποιο : ὅτι Ζηνόδοτος κατα τὸ ἑξῆς τέσσαρας ἀπο τούτου ῆρκε γράφει δὲ ἀντὶ αὐτῶν τοῦτο . μή σ’ ἀπογυμνωθέντα λάβη κορυθαίολος Έκτωρ - ἔστι δὲ εὐτελὴς καὶ τῇ συνθέσει καὶ τῇ διανοία ⁑

msA, 16.1006, commenting on 16.95 ἀλλα πάλιν τροπάασθαι- Νικίας ὑφ’ ἓν ἀνέγνω παλιντροπάασθαι - Ἀπολλόδωρος δὲ κατα διάλυσιν- ἔφαμεν δὲ περὶ περὶ τῆς τοῦ πάλιν συνθέσεως ὅποτε καὶ περὶ τοῦ παλιμπλαχθέντας διελαμβάνομεν- ὡς ὅτι τὸ πάλιν ἀεὶ θέλει τοῖς ῥήμασι κατα διάλυσιν προσγίνεσθαι ⁑

msA, 16.1007, commenting on 16.97-16.100 αἰ γὰρ Ζεύ τε περ . ἀθετοῦνται στίχοι τέσσαρες δι’ ότι κατὰ διασκευὴν ἐμφαίνουσι γεγράφθαι ὑπό τινος τῶν νομιζόντων ἐρᾶν τὸν Αχ τοῦ Πατρόκλου . τοιοῦτοι γὰρ οἱ λόγοι πάντες ἀπόλοιντο πλὴν ἡμῶν : καὶ ὁ Αχι ὁ τοιοῦτος συμπαθὴς δέ ⁑

msA, 16.1008, commenting on 16.99 ἐκδύμεν ὄλεθρον : παροξυτονητέον- τὸ γὰρ πλῆρες ἐστὶν ἐκδύμεναι - ὁμοίως τὸ θοῶς ζευγνύμεν ἄνωγεν καὶ δῆλον ὅτι λείπει τὸ γένοιτο ⁑

msA, 16.1009, commenting on 16.100 κρήδεμνα : νῦν τὰ τάχει μεταφορικῶς- ἰδίως γὰρ κρήδεμνον τὸ τῆς κεφαλῆς κάλυμμα ⁑

msAext, 16.1000, commenting on 16.95 τρωπᾶσθαι

msAext, 16.1001, commenting on 16.96 τοῦσ δε δ’ ἐᾶν

msAext, 16.1002, commenting on 16.100 λύοιμεν

msAil, 16.C1000, commenting on 16.85@περικαλλέα ουτ

msAim, 16.1000, commenting on 16.76 ἔν τισι τῶν υπομνημάτ ἔπος ἔκλυον :

msAim, 16.1001, commenting on 16.79 βραχ διασταλτέον κατέχουσι ⁑

msAim, 16.1002, commenting on 16.85 τὸ οι αρθ εστ ἐγκλιτικὸν δὶο ἐν τῆ συντάξει ἐγκλιτεόν ⁑

msAim, 16.1003, commenting on 16.88 παροξυτονητέον ἐστὶ γράφεται μεσος β αο

msAint, 16.1000, commenting on 16.87 τὸ αυ πεσπαστ δύο γάρ ἐστιν αῦ καὶ τοὶ :

msAint, 16.1001, commenting on 16.92 οτ Ζηνοδ προς τὸ Ί+λιον αιπὺ διεσθ

msAint, 16.1002, commenting on 16.99 ἡμεῖς δὲ ἐκφύγωμεν ⁑