Manuscript msA, page 208v

Manuscript msA, page 208v

prev: 208r

next: 209r

Iliad text

16.126 ὄρσεο διογενὲς Πατρόκλεεἶς ἱπποκέλευθε ,

16.127 λεύσσω δὴ παρὰ νηυσὶ πυρὸς δηΐοιο ἰ¨ωήν .1, 2

16.128 μὴ δὴ νῆας ἕλωσι καὶ οὐκέτι φυλακτὰ πέλωνται·1, 2

16.129 δύσεο τεύχεα θᾶσσον . ἐγὼ δέ κε λαὸν ἀγείρω·1

16.130 Ὡς φάτο . Πάτροκλος δὲ κορύσσετο . νώροπι χαλκῷ .1

16.131 κνημῖδας μὲν πρῶτα περὶ κνήμῃσιν ἔθηκε

16.132 καλὰς . ἀργυρέοισιν ἐπισφυρίοις ἀραρυίας·

16.133 δεύτερον αὖ θώρηκα περι στήθεσσιν ἔδυνε

16.134 ποικίλον . ἀστερόεντα . ποδώκεος Αἰακίδαο ·

16.135 ἀμφι δ’ αρ ὤμοισιν βάλετο ξίφος ἀργυρόηλον

16.136 χάλκεον· αὐτὰρ ἔπειτα σάκος μέγα τε στιβαρόν τε·

16.137 κρατὶ δ’ ἒπ’ ἰ¨φθίμῳ κυνέην εὔτυκτον ἔθηκεν

16.138 ἵππουριν· δεινὸν δὲ λόφος καθύπερθεν ἔνευεν·

16.139 εἵλετο δ’ ἄλκιμα δοῦρε , τά οἱ παλάμηφιν ἀρήρει·

16.140 ἔγχος δ’ οὐχ ἕλετ’ οἶον ἀμύμονος Αἰακίδαο1, 2, 3

16.141 βριθὺ μέγα . στιβαρόν . τὸ μὲν οὐ δύνατ’ ἄλλος Ἀχαιῶν1

16.142 πάλλειν . ἀλλά μιν οἶος ἐπίστατο πῆλαι Ἀχιλλεὺς1

16.143 Πηλιάδα μελίην τὴν πατρὶ φίλω πόρε Χείρων1, 2

16.144 Πηλίου ἐκ κορυφῆς , φόνον ἔμμεναι ἡρώεσσιν .1

16.145 ἵππους δ’ Αὐτομέδοντα θοῶς ζευγνύμεν ἄνωγε .

16.146 τὸν μετ’ Ἀχιλλῆα ῥηξήνορα τῖε μάλιστα·1

16.147 πιστότατος δέ οἱ έσκε μάχῃ ἔνι μεῖναι ὁμοκλήν·

16.148 τῷ δὲ καὶ Αὐτομέδων ὕπαγε ζυγὸν ὠκέας ἵππους

16.149 Ξάνθον . καὶ Βαλίαν . τὼ , ἅμα πνοιῇσι πετέσθην·1

16.150 τοὺς ἔτεκε Ζεφύρῳ ἀνέμω Ἅρπυια Ποδάργη1, 2, 3, 4

Scholia text

msA, 16.208v1, commenting on 16.128 μὴ δὴ νῆας έλωσι καὶ οὐκέτι φυκτὰ πέλωνται ἡ διπλὴ ὅτι οὕτως εἴρεκε πληθυντικῶς πέλωνται καὶ οὐ πέληται ὁμοίως τῶι σπαρτα λελυνται

msA, 16.208v2, commenting on 16.130 λαὸν ἀγείρω ὁμοίως τῶι ἀγείρωι ἐνεστῶς γάρ ἐστι σημαίνων μέλλοντα ὥσπερ καὶ ἐπ’ άλλων παρεθέμεθα . ἐγὼ δέ κ’ άγω βρισηΐδα . ἡ μέγα πένθος ἀχαιΐδα γαῖαν ϊκάνει οὕτως καὶ τὸ ἐρύουσιν ἔχει- οὕτως δὲ καὶ ἀρίσταρχος ⁑

msA, 16.208v3, commenting on 16.128 μη δὴ νῆας ἔλωσι ταῦτα ὁμολογουμένος καθ εαυτὰ λέγεται ὑπερ εὐλαβούμενος γὰρ λέγει . δύναιτο δ ἄν’ καὶ τὸ ἑξῆς εἶναι ὀρσεο μὴ δἠ νῆας ἕλωσιν - ἀλλα βἐλτιον τὸ πρότερον . παρατηρητέον δὲ προσ τὰ ἀσύνδετα τὴν προσωποιΐαν ὅτι ἐμφαντικωτάτη ⁑

msA, 16.208v4, commenting on 16.140 ἔγχος δ’ οὑχ ἑλετ’ οἶον προκατεσκεύακε μόνον αὐτὸ τὸ δόρυ σώζεσθαι δια τὸ ξύλα μὴ ἐργάζεσθαι τὸν Ἥφαιστὸν - κατα γὰρ τὸν Πηλέως καὶ Θέτιδος γάμον θεοὶ συναχθέντες εἰς τὸ πήλιον ἐπευωχία , ἐκόμιζον Πηλεὶ δῶρα- Χείρων δὲ μελίαν εὐθαλῆ τεμὼν εἰς δόρυ παρέσχεν- φασὶ μὲν Ἀθηναν ξέσαι αὐτὸ , Ἥφαιτον δὲ κατασκευάσαι . τούτῳ δὲ τῷ δόρατι καὶ Πηλεὺς ἐν ταῖς μάχαις ἠρίστευασεν . καὶ μετὰ ταῦτα Ἀχιλλεύς . ἡ ἱστορία παρα τῷ τὰ Κύπρια ποιήσαντι ⁑

msA, 16.208v5, commenting on 16.140 δια τί οὖν μόνον τὸ Πηλιωτικον αύτὸ ἀναρμοστεῖ δόρυ τῶν ἄλλων ἀρμοσάν τῶν ὅπλων- Μεγακλείδης ἐν δευτέρῳ Ὁμήρου προ οἰκονομεῖσται φησὶν Ὅμηρον τὴν ὁπλοιΐαν . καὶ ἐπειδὴ τὰς μὲν ἄλλας ὕλας ἐξ ὧν ὁ Ἥφαιστος ἐδη μιούργει τὰ ὅπλα τὸν χρὺσον καὶ τὸν ἄργυρον οὐκ απίθανον εἶναι καὶ ἐν οὐνω δένδρον δὲ οὐνιον λέγειν καραγελαστότατον ἦν , δια τοῦτο τὰ μὲν λοιπὰ ὅπλα πεποίηκε τὸν Πάτροκλον φεροντα ἃ καὶ ἀπολόμενα ἐτύγχανεν ἂν τῆς Ἡφαίστου δημιουργίας- μόνον δὲ τὸ δόρυ ἑασαντα ἵνα σωθῆ καταλειπόμενον τοῦτο γὰρ ἀπολόμενον οὐκ ἂν ὁ Ἡφαιστος κατεσκεύασε πιθανῶς δία τὸ τὴν ὕλην αὐτοῦ μὴ οὑράνι ἀλλ ἔγγειον καὶ Πηλειῶτιν εἶναι ⁑

msA, 16.208v6, commenting on 16.142 πάλλειν ἀλλά μιν οἷος ἐπλιστατο πῆλαι ἡ διπλῆ ὅτι ἀντι ἀντι τοῦ ἐδύνατο . μόνος ἐδύνατο χρήσθαι τῶι δόρατι . τὸ γὰρ πῆλαι ἐκ παρεπομένου χρῆσιν σημαίνει ⁑

msA, 16.208v7, commenting on 16.149 Ξάνθον καὶ Βαλίον παροξυτονητεόν τὸ Βαλίον καὶ εἴρηται περι τῶν τοιούτων ⁑

msA, 16.208v8, commenting on 16.150 ἅρπυια ἤτοι ἀν έμου εἶδος παρα τὸ ἀρπαζειν . ἠ δαίμονες ἁρπακτικαὶ ὧν τὰ ὀνόματα . Ἀελλω , Ὠκυπέτη . Ποδαργη - τινὲς δὲ φασὶν ἄρπυια Ποδάργη ⁑

msA, 16.208v9, commenting on 16.150 ἵν’ ἦ ὄνομα Φοράδος λευκοὺς πόδας ἐχούσης ⁑

msA, 16.208v10, commenting on 16.150 Ποδάργη εἴτε σύνθετεόν ἐστιν εἴτε παρα σύνθετον παροξυτονητεόν εἰσ ϊδιότητα ⁑

msA, 16.208v11, commenting on 16.150 τοὺς ἔτεκε Ζεφύρῳ ἡ διπλῆ , ὅτι Ζηνόδοτος γράφει ἅρπυια πόδαργος ὡς ἐπιθετικον ἵν ᾗ ποδώκης . ἔστι δὲ τὸ κύριον ὄνομα Ποδάργη - σαφὲς δὲ καὶ ἐκ τούτων Ξανθέ τε καὶ Βαλίε τηλεκλυτὰ τέκνα Ποδάργης ⁑

msAext, 16.208v1, commenting on 16.127 ἐρωήν

msAim, 16.208v1, commenting on 16.140 Ζηνοδοτος τουτον ἀθετησας τοὺς ἑξῆς τέσσαρας οὐκ έγραφεν ⁑

msAim, 16.208v2, commenting on 16.143 τὴν ἐκ μελίης

msAim, 16.208v3, commenting on 16.144 Ἀρισταρχος ἐκ κορυφῇς δια τοῦ ν

msAint, 16.208v1, commenting on 16.127 ἐν τῇ Μασσαλιωτικῃ ἐρωήν .

msAint, 16.208v2, commenting on 16.129 ὅτι ἀντι τοῦ ἀγειραιμι .

msAint, 16.208v3, commenting on 16.141 καθ εκαστον βραχὺ διασταλτέον ⁑

msAint, 16.208v4, commenting on 16.143 διχῶς καὶ τάμε καὶ πόρε ⁑

msAint, 16.208v5, commenting on 16.146 ὅτι Πάτροκλος μὲν Αχιλλέως ἠνιοχος Πατροκλου δὲ Αὐτομεδων ⁑