Manuscript msA, page 210r

Manuscript msA, page 210r

prev: 209v

next: 210v

Iliad text

16.201 ἃς ἐπι νηυσὶ θοῇσιν ἀπειλεῖτε Τρώεσσι1, 2

16.202 πάνθ’ ὑπὸ μηνιθμὸν . καί μ’ ᾐτιάασθε ἕκαστος .1

16.203 σχέτλιε Πηλέος υἱὲ . χόλῳ ἄρα σ’ ἔτρεφε μηρ ,1

16.204 νηλεὲς , ὃς παρὰ νηυσὶν ἔχεις ἀέκοντας ἑταίρους·

16.205 οἴκαδέ περ σὺν νηυσὶ , νεώμεθα ποντοπόροισιν1

16.206 αὖτις , ἐπεί ῥά τοι ὧδε κακὸς χόλος ἔμπεσε θυμῷ-

16.207 ταῦτά μ’ ἀγειρόμενοι θὰμ’ ἐβάζετε . νῦν δὲ πέφανται1, 2

16.208 φυλόπιδος μέγα ἔργον . ἕης τὸ πρίν γ’ ἐράασθε .

16.209 ἔνθά τις ἄλκιμον ῆτορ ἔχων . Τρώεσσι μαχέσθω .

16.210 ὡς εἰπὼν , ὤτρυνε μένος καὶ θυμὸν ἑκάστου-

16.211 μᾶλλον δὲ στίχες ἄρθεν . ἐπεὶ βασιλῆος ἄκουσαν .1

16.212 ὡς δ’ ὅτε τοῖχον ἀνὴρ ἀράρῃ πυκινοῖσι λίθοισι

16.213 δώματος ὑψηλοῖο βίας ἀνέμων ἀλεείνων .

16.214 ὡς ἄραρον κόρυθές τε καὶ ἀσπίδες ὀμφαλόεσσαι-

16.215 ἀσπὶς ἄρ ἀσπίδ’ ἔρειδε . κόρυς κόρυν . ἀνέρα δ’ ἀνήρ·

16.216 ψαῦον δ’ ἱππόκομοι κόρυθες λαμπροῖσι φάλοισι

16.217 νευόντων , ὡς πυκνοὶ ἐφέστασαν ἀλλήλοισι-1

16.218 πάντων δὲ προπάροιθε δύ’ ἀνέρες θωρήσσεσθον-1

16.219 Πάτροκλός τε καὶ Αὐτομέδων , ἕνα θυμὸν ἔχοντες-

16.220 πρόσθεν Μυρμιδόνων πολεμιζέμεν- αὐτὰρ Ἀχιλλεὺς

16.221 βῆ ρ’ ΐμεν ἐς κλισίην . χηλοῦ δ’ ἀπο πῶμ’ ἀνέῳγε

16.222 καλῆς . δαιδαλέης . τήν οἱ Θέτις ἀργυρόπεζα1

16.223 θῆκ’ ἐπι νηὸς ἄγεσθαι , ἔϋ πλήσασα χιτώνων .1

16.224 χλαινάων τ’ ἀνεμοσκεπέων , ούλων τε ταπήτων-1

16.225 ἔνθα δέ οἱ δέπας ἔσκε τετυγμένον- οὐδέ τις ἄλλος

Scholia text

msA, 16.210r1, commenting on 16.202 πανθ’ ὑπομηνιθμὸν : ἡ διπλῆ ὅτι Ζηνόδοτος ἕν ποιῶν γράφει χωρὶς τοῦ ϊ μητιάασθαι λαμβάνων ἀπο τῆς μήτιδος οἷον ἐβουλεύεσθε γίνεται δὲ ἀδιανόητον διὸ δεῖ σὺν τῷ ϊ γράφειν ῇτιάασθε . καὶ ὅτι πὰνθ’ ὑπομηνιθμὸν ἤτοι μετα πάσης μήνιδος καὶ χόλου , ἠ κατὰ πάντα τὸν τῆς μήνιδος χρόνον ⁑

msA, 16.210r2, commenting on 16.203 σχέτλιε Πηλεος ὑιὲ ἀπέστροφε τὸν λόγον ἀπο τοῦ διηγηματος ἐπι τὸ μημητικὸν καὶ ἐλλείπει τὸ τάδε λέγων ἕκαστος ἐμὲ ᾐτιάασθε - καὶ ὅτι χόλω ἀρσενικῶς ἀντι τοῦ χολῇ ὑπερβολικῶς οὐ γάλακτι ἀλλὰ σχολῇ ⁑

msA, 16.210r3, commenting on 16.207 ταῦτά μ’ ἀγειρόμενοι : ἐπι τὴν τα συλλαβὴν ὀξεῖα ἐγκλιτικὴ γάρ ἐστιν ἡ με ταῦτά με ἀγειρόμενοι . οὕτως καὶ Ἀρίσταρχος . ὁ μέντοι Κρατήτιος Ἑρμείας τὸ ἅμα λέγει ἐγκεῖσθαι . οὕτω δὲ δώσει καὶ δια τοῦ θ τὴν γραφὴν οὐκ έχουσαν οὔτως ⁑

msA, 16.210r4, commenting on 16.211 μᾶλλον δὲ στίχες ἄρθεν : Ἀρισταρχος δασύνει . δεῖ δὲ ψιλοῦν ὡς ἐπεδείξαμεν ἐν τῆι ῥαψωιδίαι δια λαμβάνονεντες περι τοῦ ἄρσαντες κατα θύμον ⁑

msA, 16.210r5, commenting on 16.222 ‡καλῆς δαιδαλέης : ὅτι οὐ δωδεκαταῖον ἀπέλειπε τὸν Ἀχιλλέα γεννήσασα ἡ Θετίς καθάπερ οἱ νεώτεροι ποιηταὶ ἀλλὰ συνεβίου Πηλεῖ . ἐκπέμπει γ’οὖν ἐπι τὸν πόλεμον Ἀχιλλέα καὶ φησὶν . τὸνδ’ οὐχ ὑποδεξομαι αὖτις , οἴκαδὲ νοστήσαντα δωμοιο Πη ὡς ἂν ἐπι τοῦ οἴκου μένουσα ⁑

msA, 16.210r6, commenting on 16.224 οὔλων τε ταπήτων : ούλων ὡς δούλων - προείρηται δὲ ἡμῖν τὰ τῆς ἀναλογίας

msAext, 16.210r1, commenting on 16.201 αποστροφη λόγου ἀπο τοῦ διηγηματικοῦ επι το μιμητικόν ⁑

msAil, 16.210r1, commenting on 16.201@μηνιθμὸν υπο παντ την της οργης χρόνην

msAim, 16.210r1, commenting on 16.207 Ἀρισταρχος ϊακῶς θαμὰ βαζετε ⁑

msAim, 16.210r2, commenting on 16.218 γράφεται θωρήσσοντο

msAim, 16.210r3, commenting on 16.223 Ζηνοδοτος καὶ Ἀριστοφανης θῆκ’ ἐπι νηὸς ἰόντι ⁑

msAint, 16.210r1, commenting on 16.205 ταῦτα ἀφ ετέρας ἀρχῆς διασταλτέον δε ἐπι τὸ νηλεες ⁑

msAint, 16.210r2, commenting on 16.217 στικτέον μᾶλλον γὰρ ἐμφαίνει ⁑