Manuscript msA, page 212v

Manuscript msA, page 212v

prev: 212r

next: 213r

Iliad text

16.326 ὡς τὼ μὲν δοιοῖσι κασιγνήτοισι δαμέντε1

16.327 βήτην εἰς Ἔρεβος , Σαρπηδόνος ἐσθλοὶ ἑταῖροι .

16.328 υἷες ἀκοντισταὶ Ἀμισωδάρου , ὅς ῥα Χίμαιραν

16.329 θρέψεν ἀμαιμακέτην . πολέσιν κακὸν ἀνθρώποισιν-

16.330 Αἴας δὲ Κλεόβουλον Ὀϊλιάδης ἐπορούσᾱς

16.331 ζωὸν ἕλε . βλαφθέντα κατὰ κλόνον· ἀλλά οἱ αὖθι

16.332 λῦσε μένος , πλήξας ξίφει αὐχένα κωπήεντι .

16.333 πᾶν δ’ ὑπεθερμάνθη ξίφος αἵματι . τὸν δὲ κατ’ ὄσσε

16.334 ἔλλαβε πορφύρεος θάνατος καὶ μοῖρα κραταιή .

16.335 Πηνέλεως δὲ Λύκων τε συνέδραμον· ἔγχεσι μὲν γὰρ

16.336 ἤμβροτον ἀλλήλων , μέλεον δ’ ἠκόντισαν ἄμφω·1, 2

16.337 τὼ δ’ αὖτις ξιφέεσσι συνέδραμον . ἔνθα Λύκων μὲν

16.338 ἱ¨πποκόμου κόρυθος φάλον ήλασεν , ἀμφὶ δὲ καλὸν

16.339 φάσγανον ἐρραίσθη· ὁ δ’ ὑπ’ οὔατος αὐχένα θεῖνε1

16.340 Πηνέλεως , πᾶν δ’ εἴσω ἔδυ ξίφος , ἔσχεθε δ’ οῖον

16.341 δέρμα· παρηέρθη δὲ κάρη . ὑπέλυντο δὲ γυῖα·

16.342 Μηριόνης δ’ Ἀκάμαντα κιχεὶς ποσὶ καρπαλίμοισι·1

16.343 νύξ’ . ἵππων ἐπιβησόμενον , κατα δεξιὸν ὦμον .

16.344 ήριπε δ’ ἐξ ὀχέων . κατὰ δ’ ὀφθαλμῶν κέχυτ’ ἀχλύς·

16.345 ᾿Ϊδομενεὺς δ’ Ἐρύμαντα κατὰ στόμα νηλέϊ χαλκῷ ,

16.346 νύξε . τὸ δ’ ἀντικρὺ δόρυ χάλκεον ἐξεπέρησε

16.347 νέρθεν ὑπ’ ἐγκεφάλοιο . κέασσε δ’ ὰρ’ ὀστέα λευκά .

16.348 ἐκ δ’ ἐτίναχθεν ὀδόντες . ἐνέπλησθεν δέ οἱ ἄμφω

16.349 αἵματος ὀφθαλμοὶ . τὸ δ’ ἀνὰ στόμα καὶ κατὰ ῥῖνας1

16.350 πρῆσε χανὼν . θανάτου δὲ μέλαν νέφος ἀμφεκάλυψεν .

Scholia text

msA, 16.212v1, commenting on 16.326 ὡς τὼ μὲν δοιοῖσι κασιγνήτοισι ἡ διπλῆ ὅτι πτῶσις ἤλλακται δοτικῆ ἀντι γενικῆς . καὶ ἡ ὑπό πρόθεσις παρεῖται ἔστι γὰρ ἀντι τοῦ ὡς τὼ μὲν ὑπὸ δοιῶν κασιγνήτων δαμέντε ⁑

msA, 16.212v2, commenting on 16.336 ἤνβροτον ἀλλήλων μέλεον δ ἠκοντισαν ὅτι μέλεον ἀντι τοῦ μελέως ματαίως . καὶ δια παντὸς οὕτως Ὅμηρος χρῆται- οἱδε τραγικοὶ ἐπι τοῦ οἴκτρου καὶ τάλανος καὶ ἡ συνήθεια πρὸς οὕς καὶ ἡ σημείωσις ⁑

msA, 16.212v3, commenting on 16.339 θεῖνε ἀντι παρῳχημένου τοῦ ἐπάταξε ποικίλλει δὲ συνήθως τὰς πληγάς ⁑

msA, 16.212v4, commenting on 16.342 κιχείς απὸ τοῦ κίχημι , ἠ τῆς κιχὼν παθητικὸν ὡς τῆς λιπὼν ἡ λιπείς . τῆς ἐριπῶν ἡ εριπείς ⁑

msA, 16.212v5, commenting on 16.349 αἵματος ὀφθαλμοὶ βραχὺ διασταλτέον ἐπι τὸ ὀφθαλμοὶ ἔσται δὲ ὁ λόγος . ἐπληρώθησαν δὲ αὐτοῦ οἱ ὀφθαλμοὶ αἵματος ὃ δὴ διά τε τοῦ στόματος καὶ τῶν ῥινῶν χανὼν ἀπεφύσησεν ⁑

msAil, 16.212v1, commenting on 16.336@μέλεον μάταιον