Manuscript msA, page 215r

Manuscript msA, page 215r

prev: 214v

next: 215v

Iliad text

16.452 χὲρσ’ ὑπο Πατρόκλοιο Μενοιτιάδᾱο δαμῆναι·

16.453 αὐτὰρ ἐπει δὴ τόν γε λίπῃ ψυχή τε καὶ αἰών .1

16.454 πέμπειν μιν θάνατόν τε φέρειν καὶ νήδυμον ὕπνον1

16.455 εἰς ὅ κε δὴ Λυκίης εὐρείης δῆμον ΐκωνται ,1

16.456 ἔνθά ἑ ταρχύσουσι κασίγνητοί τε έται τε1

16.457 τύμβῳ τε στήλῃ τε . τὸ γὰρ γέρας ἐστὶ θανόντων·

16.458 Ὣς ἔφατ’ , οὐδ’ ἀπίθησε πατὴρ ἀνδρῶν τε θεῶν τε·

16.459 αἱματοέσσας δὲ ψιάδας κατέχευεν ἔραζε .1

16.460 παῖδα φίλον τιμῶν . τόν οἱ Πάτροκλος ἔμελλε

16.461 φθίσειν ἐν Τροίῃ ἐριβώλακι . τηλόθι πάτρης·

16.462 Οἱ δ’ ὅτε δὴ σχεδὸν ἦσαν ἐπ’ ἀλλήλοισιν ΐόντες .

16.463 ἔνθ’ ἤτοι Πάτροκλος ἀγακλειτὸν Θρασύμηλον .1, 2

16.464 ὅς ῥ’ ἠῢς θεράπων Σαρπηδόνος ἦεν ἄνακτος ,

16.465 τὸν βάλε . νείαιραν κατὰ γαστέρα . λῦσε δὲ γυῖα·

16.466 Σαρπηδὼν δ’ αὐτοῦ μὲν ἀπήμβροτε δουρὶ φαεινῷ

16.467 δεύτερος ὁρμηθεὶς , ὁ δὲ Πήδασον ούτασεν ἵππον1

16.468 ἔγχεϊ . δεξιὸν ὦμον . ὃ δ’ ἔβραχε θυμὸν ἀΐσθων·1, 2

16.469 καδ δ’ έπεσ’ ἐν κονίῃσι μακὼν . ἀπο δ’ ἔπτατο θυμός .1

16.470 τὼ δὲ διαστήτην , κρίκε δὲ ζυγὸν . ἡνία δέ σφι1

16.471 σύγχυτ’ . ἐπειδὴ κεῖτο παρήορος ἐν κονίῃσι·1

16.472 τοῖο μὲν Αὐτομέδων δουρὶκλυτὸς εύρετο τέκμωρ .

16.473 σπασσάμενος τανύηκες ἄορ παχέος παρὰ μηροῦ .

16.474 ἀΐξας ἀπέκοψε παρήορον , οὐδ’ εμάτησε·

16.475 τὼ δ’ ΐθυνθήτην . ἐν δὲ ῥυτῆρσι τάνυσθεν·

16.476 τὼ δ’ αῦτις συνίτην ἔριδος πέρι θυμοβόροιο1

Scholia text

msA, 16.215r1, commenting on 16.454 ‡πέμπειν μιν θάνατόν τε : ὅτι σαφῶς νήδυμον μετὰ τοῦ ν καὶ ἐπι τῶν ἀμφιβόλων ἄρα τόπων σὺν τῷ ν ἐκληπτέον , καὶ ὅτι τῷ ἀπαρεμφάτῳ κέχρηται , ἀντι προστακτικοῦ τοῦ πέμπε ⁑

msA, 16.215r2, commenting on 16.463 ἔνθ’ ἥτοι Πάτροκλος : πάλιν δια μέσου ὁ ἑξῆς στίχος καὶ κατ επανάληψιν εἶπε τὸν βάλε νείαιραν . ὥστε εἶναι τὸ ἕξῆς ἀγαθὸν Θρασύδημον βάλε νείαιραν ⁑

msA, 16.215r3, commenting on 16.466-467 Σαρπηδῶν δ’αὐτοῦ μὲν ἀπήμβροτε δουρὶ φαεινῶ : δεύτερον ορμηθεὶς ὀ δὲ Πήδασσον ⁑ δοκεῖ δια τούτων συγχεῖσθαι ἡ διαφορᾶ τοῦ βαλεῖν . καὶ οῦτασαι βέβληται γὰρ ὁ Πήδασος καὶ μή ποτε γραφή τις ἐφέερτο δι’ ῆς τὸ τῆς λέξεως σύνηθες ἐφύλασσεν ὅμρ . οὐ γὰρ ἂν αὐτὸ ἀπαραμύθητον ὁ Ἀρίσταρχος ἀφῆκεν ἐν τοίνυν τῇ Φιλήμνοσος οὕτως ἐφέρετο ὁ δὲ Πήδασον ἤλαασεν ἵππον ἔστιν γὰρ ὅτε ἐπι τῆς πληγῆς τὸ ἤλασεν κεῖται ὡς ἐπι τοῦ Ἀρήτου καὶ καὶ βάλεν Ἀρήτοιο εἶτα νειαίρῃ δ’ἐν γαστρὶ διὰ ζωστῆρος ἔλασσεν δια μέντοι τοῦ ν γραπτέον τὸ δεύτερον ὁρμηθείς ⁑

msA, 16.215r4, commenting on 16.467 δεύτερον ὁρμηθείς . ὅτι ἐπαναλήξεως τὸ ἄρθρον εἴληφε κατα τοῦ αυτοῦ προσώπου , καὶ οὐ περι ἑτέρου λέγει , ἀντι τοῦ Πήδασον δὲ οὔτασε . καὶ ὅτι δοκεῖ συφκεχύσθαι τὸ ούτασε βεβλήκει γὰρ τὸ δόρυ ⁑

msAil, 16.215r1, commenting on 16.456@χύσουσι θάψουσι

msAil, 16.215r2, commenting on 16.459@ψιάδας δρόσους

msAil, 16.215r3, commenting on 16.468@ἀϊσθων αλγῶν ἐκπνέων

msAil, 16.215r4, commenting on 16.469@μακὼν μυκησάμενοι

msAil, 16.215r5, commenting on 16.470@κρίκε ήχησεν-

msAil, 16.215r6, commenting on 16.471@παρήορος ὁ ἐξω τοῦ ζυγοῦ ἵππος

msAil, 16.215r7, commenting on 16.476@συνήτην Πάτροκλος καὶ Σαρπηδών

msAim, 16.215r1, commenting on 16.453 ἐν αλλῳ- ἐπὴν δὴ τότε

msAim, 16.215r2, commenting on 16.455 ἐν άλλῳ ΐκοιτο ⁑

msAint, 16.215r1, commenting on 16.463 ἐν αλλῳ Θρασύδημον ⁑

msAint, 16.215r2, commenting on 16.468 βαρυστονητέον ὡς ἔσθων καὶ εἴρηται ὅτι ὁμοιως ἐγενετο τῷ βιβάσθων ⁑