Manuscript msA, page 215v

Manuscript msA, page 215v

prev: 215r

next: 216r

Iliad text

16.477 Ἔνθ’ αὖ Σαρπηδὼν μὲν ἀπήμβροτε δουρὶ φαεινῷ-

16.478 Πατρόκλου δ’ ὑπὲρ ὦμον ἀριστερὸν ἤλυθ’ ἀκωκὴ

16.479 ἔγχεος , οὐδ’ ἔβαλ’ αὐτόν , ὁ δ’ ὕστερος ὤρνυτο χαλκῷ

16.480 Πάτροκλος . τοῦ δ’ οὐχ ἅλιον βέλος ἔκφυγε χειρὸς .

16.481 ἀλλ’ ἔβαλ’ ἔνθ’ άρα τε φρένες έρχαται ἀμφ’ αδινὸν κῆρ-1

16.482 ήριπε δ’ ὡς ὅτε τις δρῦς ήριπεν ὴ ἀχερωῒς1

16.483 ἠὲ πίτυς βλωθρὴ . τήν τ’ οὔρεσι τέκτονες ἄνδρες1

16.484 ἐξέταμον πελέκεσσι , νεήκεσι , νήϊον εἶναι·

16.485 ὡς ὃ πρόσθ’ ἵππων καὶ δίφρου κεῖτο τανυσθεὶς .

16.486 βεβρυχὼς , κόνιος δεδραγμένος αἱματοέσσης-

16.487 ἠΰτε ταῦρον ἔπεφνε λέων ἀγέληφι μετελθὼν

16.488 αἴθωνα- μεγάθυμον , ἐν εἰλιπόδεσσι βόεσσι-1

16.489 ὤλετό τε στενάχων ὑπο γαμφηλῇσι λέοντος .

16.490 ὡς ὑπο Πατρόκλῳ Λυκίων ἀγὸς ἀσπιστάων

16.491 κτεινόμενος μενέαινε , φίλον δ’ ὀνόμηνεν ἑταῖρον1, 2

16.492 Γλαῦκε πέπον , πολεμιστὰ μετ’ ἀνδράσι , νῦν σε μάλα χρὴ1

16.493 αἰχμητήν τ’ ἔμεναι καὶ θαρσαλέον πολεμιστήν·

16.494 νῦν τοι εελδέσθω πόλεμος κακός . εἰ θοός ἐσσι-

16.495 πρῶτα μὲν ὄτρυνον Λυκίων ἡγήτορας ἄνδρας

16.496 πάντῃ ἐποιχόμενος . Σαρπηδόνος ἀμφὶμάχεσθαι·1

16.497 αὐτὰρ ἔπειτα καὶ αὐτὸς ἐμεῦ πέρὶ μάρναο χαλκῷ-1

16.498 σοὶ γὰρ ἐγὼ καὶ ἔπειτα κατηφείη καὶ ὄνειδος

16.499 ἔσσομαι ἤματα πάντα διαμπερὲς , εἴ κέ μ’ Ἀχαιοὶ1

16.500 τεύχεα συλήσωσι , νεῶν ἐν αγῶνι πεσόντα .1

16.501 ἀλλ’ ἔχεο κρατερῶς , ότρυνε δὲ λαὸν ἅπαντα .

Scholia text

msA, 16.215v1, commenting on 16.482 αχερωῒς δένδρον ὃ καλεῖται λεύκη ἔνιοι δε φηγοῦ εῖδος εῖπον αὐτήν ⁑

msA, 16.215v2, commenting on 16.481 αλλ’ έβαλ’ ὅτι σαφῶς δὶα τοῦ ἔβαλε σημαίνει τὸ ἔτυχεν εἰς εκεῖνον τὸν τόπον ὅπου αἱ φρένες εγκαθειργμεναι εἰσὶ περι τὴν τυχην ⁑

msA, 16.215v3, commenting on 16.483 τήν τ’ ούρεσιν τεκτονες . Ἀρίσταρχος κατ ιδιαν τὸ οὔρεσι καὶ τὸ τέκτονες , Νικιας δὲ συνθώτως ἀν ἐγνω οὐκ αναγκαιον δὲ ⁑

msA, 16.215v4, commenting on 16.491 κτεινόμενος μενέαινε- ὅτι τὸ μενέαινεν ἔνθα δε μὲν ἐλιποθύμει . ἐν ἄλλοις δὲ προεθυμεῖτο ὡς τὸ μενέαινε κῦδος ἀρέσθαι ἠ εθυμοῦτο ⁑

msA, 16.215v5, commenting on 16.492 Γλαυκε πέπον πολεμιστα μετ’ ανδρασιν . τὸ μετ ανδράσι , ἑκατέρῳ δύναται προσδίδοσθαι- εἰ μὲν οὖν τοῖς ἀνω ἐσται πολεμιστὴν αὐτον ἐν τοῖς ἀνδρειοτάτοις λέγων- εἰ δὲ τοῖς ἑξῆς , καὶ αὐτὸ χρῄζει τινὰ λόγον . βέλτιον δε τοῖς ἄνω- μάλλον γὰρ εὔφωνον τε καὶ ἐμφατικόν ἐστι τὸ οὕτως ἄρξασθαι- νῦν σε μαλα χρην . καὶ νῦν σοι ἐελπέσθω ⁑

msA, 16.215v6, commenting on 16.496 πάντηι ἐποιχόμενος ὅτι ἤτοι ἀπέστροφε τὸν λόγον ὡς περι ετέρου λέγω Σαρπηδόνος ἀντι εμοῦ . ἠ ἐλείπει τὸ τάδε λέγῶν . και τὸ ἀπαρέμφατον ἀντι προστακτικου κεῖται ἱν’ ᾖ ὄτρυνον Λυκιων ἡγήτορας ἄνδρας τάδε λέγων Σαρπηδόνος ἀμφιμάχεσθαι ⁑

msA, 16.215v7, commenting on 16.497 ἐμεῦ περι μάρναο δύναται ἀναστρέφεσθαι ἥ περι ἵνα τοιοῦτο τι ᾖ περι εμοῦ μάχου . δύναται δὲ καὶ ὡς ὁ Ἀσκαλωνίτης ἀξιοῖ φυλασσειν τὸν τόνον ἀντι τοῦ ὑπὲρ κειμένη ἀντι τοῦ ὑπερμάχει- εἴρηται δὲ περι τῶν ἐναλλασοντῶν πρό θέσεων ὡς φυλασουσι τοὺς αὐτοὺς τόνους ⁑

msA, 16.215v8, commenting on 16.500 τεύχεα συλήσωσι νεῶν ἐν αγῶνι- ὅτι νέον ἀγῶνα τὸ ἄθροισμα τὸ ναυσταθμον . καὶ ἐν ἄλλοις εῖπε δύσονται αγῶνα τὴν συναγωγην τῶν θεῶν ⁑

msAil, 16.215v1, commenting on 16.491@μενέαινε ελιποψύχησε ⁑

msAim, 16.215v1, commenting on 16.488 δια τοῦ ν ἐν ειλιπόδεσσι αἱ Αρισταρχου ⁑

msAim, 16.215v2, commenting on 16.499 ἐν αλλῳ κεν Ἀχαιοὶ