Manuscript msA, page 217r

Manuscript msA, page 217r

prev: 216v

next: 217v

Iliad text

16.552 βὰν δ’ ϊθὺς Δαναῶν λελιημένοι· ἦρχε δ’ ἄρά σφιν

16.553 Ἕκτωρ χωόμενος Σαρπηδόνος . αὐτὰρ Ἀχαιοὺς1

16.554 ὦρσε Μενοιτιάδεω Πατροκλῆος λάσιον κῆρ·

16.555 Αἴαντε πρώτω προσέφη , μεμαῶτε καὶ αὐτώ·

16.556 Αἴαντε · νῦν σφῶϊν ἀμύνεσθαι φίλον ἔστω ,1

16.557 οἷοί περ πάρος ἦτε μετ’ ἀνδράσιν . ἢ καὶ ἀρείους .1, 2

16.558 κεῖται ἀνὴρ . ὃς πρῶτος ἐσήλατο τεῖχος Ἀχαιῶν .1

16.559 Σαρπηδὼν · ἀλλ’ εἴ μιν ἀεικισσαίμεθ’ ἑλόντες ,1, 2, 3

16.560 τεύχεά τ’ ὤμοιϊν ἀφελοίμεθα . καί τιν’ ἑταίρων

16.561 αὐτοῦ ἀμυνομένων δαμασαίμεθα νηλέϊ χαλκῷ .1

16.562 Ὡς ἔφαθ’ . οἱ δὲ καὶ αὐτοὶ ἀλέξασθαι μενέαινον·

16.563 οἱ δ’ ἐπεὶ ἀμφοτέρωθεν ἐκαρτύναντο φάλαγγας

16.564 Τρῶες . καὶ Λύκιοι . καὶ Μυρμιδόνες . καὶ Ἀχαιοί .

16.565 σύμβαλον ἀμφὶ νέκυϊ κατατεθνειῶτι μάχεσθαι

16.566 δεινὸν ἀΰσαντες· μέγα δ’ ἔβραχε τεύχεα φωτῶν·

16.567 Ζεὺς δ’ ἐπὶ νύκτ’ ὀλοὴν τάνυσεν κρατερῇ ὑσμίνῃ .1

16.568 ὄφρα φίλῳ περὶ παιδὶ μάχης ὀλοὸς πόνος εἴῃ .

16.569 Ὦσαν δὲ πρότεροι Τρῶες ἑλίκωπας Ἀχαιούς .

16.570 βλῆτο γὰρ οὔ τι κάκιστος ἀνὴρ μετα Μυρμιδόνεσσιν .

16.571 υἱὸς Ἀγακλῆος μεγαθύμου . δῖος Ἐπηγεὺς ·

16.572 ὅς ῥ’ ἐν Βουδείῳ εὖ . ναιομένῳ ἤνασσε1

16.573 τὸ πρίν . ἀτὰρ τότε γ’ ἐσθλὸν ἀνεψιὸν ἐξεναρίξας .

16.574 ἐς Πηλῆ’ ϊκέτευσε καὶ ἐς Θέτιν ἀργυρόπεζαν·1

16.575 οἱ δ’ ἅμ’ Ἀχιλλῆϊ ῥηξήνορι πέμπον ἕπεσθαι

16.576 Ἴλιον εἰς εὔπωλον . ἵνα Τρώεσσι μάχοιτο .

Scholia text

msA, 16.217r1, commenting on 16.557 οἷοί περ πάρος ῆτε μετ’ ἀνδράσι . δύναται μὲν στίζεσθαι ἐπι τὸ ἀνδράσι . δύναται δὲ εἰπεῖν τὸ ἐστὲ ἢ γίνεσθαι . δύναται δὲ καὶ ἄ σχημα εἶναι ἀπο δοτικῆς εἰς αιτιατικὴν ὡς κακεῖ αἰει τοι φίλον ἐστὶν ἐμεῦ ἀπο νόσφιν εόντα κρυπταδια φρονέοντα . παρατηρητέον δὲ τὸν στίχον προς τὸ ἐπάνω ὑποκείμενον Γλαῦκε πέπον πολέσι μετ ανδράσι ⁑

msA, 16.217r2, commenting on 16.558 ὁς πρῶτος ἐσἥλατο Ἀρισταρχος καὶ οἱ ἀπ’ αὐτοῦ δασύνουσι Λυσανίας δε ψιλοῖ προσνέμων τὸ ε τῶι η σαλάσθαι γάρ φησι σημ τὸ ἀποσπᾶν καὶ σαλεύειν . ὁ δὲ σαλεύσας πρῶτος τὸ τεῖχος Σαρπηδῶν ἐστιν- ὁ δε εἰσπηδήσας Ἕκτωρ . φησὶ γοῦν Σαρπηδὼν δ’ἔπαλξιν ἑλῶν χερσὶ στιβαρῆισιν ἕλχ’ ἠ δ’ἕσπετο πᾶσα ἐπι δε τοῦ Ἑκτορος ῥῆξε δ’ ἀμφοτέρους θαιρὸυς . εἶτα ἐπιφέρει ὁ δ’ ἐσέθορε φαίδιμος Ἕκτωρ . ἄμεινον δὲ πείθεσθαι Ἀρισταρχῳ δασύνοντι ἐκδέχεσθαι καὶ ἥμας οὗτος τὸ ἐσήλατο ὅτι πρῶτος ἐφήλατο καὶ ἐπεπεπήδησε τῷ τείχει . ὅρα γοῦν ὡς οὐκ εῖπε πρῶτος διῆλθεν . ὁ μὲν γὰρ Ἕκτωρ πρῶτος διῆλθεν- ὁ δὲ Σαρπηδὼν πρῶτος ώρμησεν ἐπὶ τὸ τεῖχος . ὥς ρα τότ’ ἀντίθεον Σαρπηδόνα θυμὸς ἀνῆκε τεῖχος ἐπαϊξαι . ὥστε τὸ ἤλατο , ταυτὸν εἶναι τῷ οἱρμῆσαι ⁑

msA, 16.217r3, commenting on 16.559 Σαρπηδών ἀλλ’ εἴ μιν ὅτι ἔξωθεν προσὑπακούστέον τὸ καλῶς ἄν ἔχοι εἰ αὐτὸν ἀνελόντες ἀεικισαίμεθα καλῶς ἄν ἔχοι . καὶ ἐν Ὀδύσσειᾳ ἀτὰρ πελέκεα αἰεὶ κείωνμεν ἅπαντας ⁑

msA, 16.217r4, commenting on 16.561 αὐτοῦ ἀμυνομένων ὅτι ἀμφίβολον εἰ λείπει ἡ περῖ ἵν ᾖ περι αυτοῦ . ἤ τοπικῶς ἐκληπτέον τὸ αὐτοῦ ἐν τῷδε τῳ τόπῳ ⁑

msA, 16.217r5, commenting on 16.574 ἐς Πηλῆ’ ϊκέτευσεν ⁑ ὅτι οὐκ απολελοίπει ἡ Θετίς τὸν Πηλέως οἶκον , ὡς οἱ νεώτεροι , ἀλλα συνοίκει αὐτῳ ⁑

msAil, 16.217r1, commenting on 16.557@ἀρείους βελτίονος

msAil, 16.217r2, commenting on 16.567@ὑσμίνῃ ἀορασίαν

msAil, 16.217r3, commenting on 16.572@Βουδείῳ πο Βοιοτίας

msAim, 16.217r1, commenting on 16.556 τὸ ἀμύνεσθαι ἐν αλλῶ μενος ἔστω

msAim, 16.217r2, commenting on 16.559 λειπει φασὶν αἱ Αρισταρχου τό ευ αν έχοι ⁑

msAint, 16.217r1, commenting on 16.553 οτι ἐλλείπει ἡ περι καὶ οτι τὸ χωόμενος ἀντι τοῦ συγχεόμενος ⁑

msAint, 16.217r2, commenting on 16.559 ἐν τῇ Ριανοῦ ἀλλὰ μιν αεὶκισσάμεθ’ ἑλόντες ⁑