Manuscript msA, page 218r

Manuscript msA, page 218r

prev: 217v

next: 218v

Iliad text

16.602 ἀλκῆς ἐξελάθοντο . μένος δ’ ἰ¨θὺς φέρον αὐτῶν·

16.603 ἔνθ’ αὖ Μηριόνης . Τρώων ἕλεν ἄνδρα κορυστὴν .

16.604 Λαόγονον . θρασὺν υἱὸν Ὀνήτορος , ὃς Διὸς ῑ¨ρεὺς1

16.605 Ἰ¨δαίου ἐτέτυκτο , θεὸς δ’ ὡς τίετο δήμῳ .

16.606 τὸν βάλ’ ὑπὸ γναθμοῖο καὶ οὔατος . ὦκα δὲ θυμὸς

16.607 ᾤχετ’ ἀπὸ μελέων . στυγερὸς δ’ ἄρα μιν σκότος εἷλεν·

16.608 Αἰνείας δ’ ἐπὶ Μηριόνῃ δόρυ χάλκεον ἧκεν .

16.609 ἔλπετο γὰρ τεύξεσθαι , ὑπ’ ἀσπίδια προβιβῶντος

16.610 ἂλλ’ ὁ μὲν ἄντα ἰ¨δὼν . ἠλεύατο χάλκεον ἔγχος·

16.611 πρόσσω γὰρ κατέκυψε , τὸ δ’ ἐξόπιθεν δόρυ μακρὸν

16.612 ούδει ἐνισκίμφθη . ἐπὶ δ’ οὐρίαχος πελεμίχθη

16.613 ἔγχεος . ἔνθα δ’ ἔπειτ’ ἀφίει μένος ὄβριμος Ἄρης .1, 2

16.616 Αἰνείας δ’ ἄρα θυμὸν ἐχώσατο . φώνησεν τε·

16.617 Μηριόνη . τάχα κέν σε καὶ ὀρχηστήν περ ἐόντα1

16.618 ἔγχος ἐμὸν κατέπαυσε , διαμπερὲς . εἴ σ’ ἔβαλόν περ .1

16.619 Τὸν δ’ αὖ Μηριόνης δουρὶ κλυτὸς ἀντίον ηύδᾱ·

16.620 Αἰνεία · χαλεπόν σε . καὶ ἴφθιμόν περ ἐόντα .

16.621 πάντων ἀνων σβέσσαι μένος , ὅς , κέ , σευ , ἄντα

16.622 ἔλθῃ ἀμυνόμενος . θνητὸς δέ νυ καὶ σὺ τέτυξαι·

16.623 εἰ καὶ ἐγώ σε βάλοιμι τυχὼν μέσον ὀξέϊ χαλκῷ .

16.624 αῖψά κε καὶ κρατερός περ ἐὼν . καὶ χερσὶ πεποιθὼς .

16.625 εὖχος ἐμοὶ δοίης . ψυχὴν δ’ Ἄϊδι κλυτοπώλῳ .1

16.626 ὡς φάτο , τὸν δ’ ἐνένιπε Μενοιτίου ἄλκιμος υἱός ·

Scholia text

msA, 16.218r1, commenting on 16.613 ἔγχεος ἔνθ’αδ’ ἔπειτ’ : ἐν τῇ ἑτέρᾳ τῶν Ἀριστάρχου , οὔκ εφέρετο καθάπαξ- ἐν δὲ τῇ δευτέρᾳ ἄλογος αὐτῷ παρέκειτο ⁑

msA, 16.218r2, commenting on 16.617 ὀρχηστ/ην περ εόντα : εὐκίνητον κατα τὸν πόλεμον ὅ ἔστι συγκεκροτημενον τὰ πολεμικὰ καλῶς ἐπυρρίχιζον γὰρ τοῖς όπλοις οἱ Κρῆτες προς ἄσκησιν τῶν πολεμικῶν ὅ ἐστιν συν τοῖς ὅπλοις τὴν πυρριχήν καὶ ἔνοπλον όρχησιν ησκοῦντο . τρία γὰρ εἰδη ὀρχήσεως πυρρίχη . σίκιννις ἥτις ἐστι ἱερατικὴ καὶ ὁ κορδακισμὸνς αἰρσχός τις ὂν καὶ μᾶλλον κωμικοῖς ἁρμοδιος ⁑

msA, 16.218r3, commenting on 16.618 ἔγχος ἐμόν : τινὲς διαμπερὲς εἰ σε ἔβαλόν περ , ἵν’ ᾖ εἴ σε ἔβαλλον διεπερόνησα ἄν , ἀλλ’ οὐδὲν ἀναγκαῖον οὕτως συνάπτειν- τὸ γὰρ ἔβαλον ἀντι τοῦ ἔτρωσαι : τὸ δε κατέπαυσαν διαμπερες οἷον εἰς ἀει ⁑

msAil, 16.218r1, commenting on 16.613@ἀφίει ἀπέπεμψε

msAim, 16.218r1, commenting on 16.625 ἐν αλλῳ δώιης ⁑

msAint, 16.218r1, commenting on 16.604 τρίτη ἀπο τελους ἡ οξεῖα κύριον γὰρ ⁑