Manuscript msA, page 220v

Manuscript msA, page 220v

prev: 220r

next: 221r

Iliad text

16.731 Ἕκτωρ δ’ ἄλλους μὲν Δαναοὺς ἔα , οὐδ’ ἐνάριζεν-

16.732 αὐτὰρ ὃ Πατρόκλῳ ἔφεπε κρατερώνυχας ἵ+ππους-1

16.733 Πατροκλος δ’ ἑτέρωθεν ἀφ’ ἵππων ἆλτο χαμᾶζε

16.734 σκαιῇ ἔγχος ἔχων- ἑτέρηφι δὲ λάζετο πέτρον

16.735 μάρμαρον . ὀκριόεντα . τόν οἱ περὶ χεὶρ . ἐκάλυψεν .

16.736 ἧκε δ’ ἐρεισάμενος . οὐδὲ δὴν . ἄζετο φωτὸς .

16.737 οὐδ’ ἁλίωσε βέλος . βάλε δ’ Ἕκτορος ἡνιοχῆα1

16.738 Κεβριονην . νόθον υἱὸν ἀγακλῆος Πριάμοιο .

16.739 ἵππων ἡνί’ ἔχοντα . μετώπιον ὀξέϊ λᾶϊ .

16.740 ἀμφοτέρας δ’ ὀφρῦς σύνελεν λίθος . οὐδέ οἱ ἔσχεν

16.741 ὀστεόν . ὀφθαλμοὶ δὲ χαμαὶ πέσον ἐν κονίῃσιν

16.742 αὐτοῦ πρόσθε ποδῶν- ὁ δ’ ἂρ’ ἀρνευτῆρι ἐοικὼς

16.743 κάππεσ’ ἀπ’ εὐεργέος δίφρου . λίπε δ’ ὀστέα θυμός-

16.744 τὸν δ’ ἐπικερτομέων προσέφης Πατρόκλεες ἱ+ππεῦ-

16.745 ὦ πόποι- ἦ μάλ’ ἐλαφρὸς ἀνὴρ . ὡς ῥεῖα κυβιστᾷ-

16.746 εἰ δή που καὶ πόντῳ- ἐν ϊχθυόεντι γένοιτο .

16.747 πολλοὺς ἂν κορέσειεν , ἀνὴρ ὁδε . τήθεα διφῶν .1, 2, 3

16.748 νηὸς ἀποθρῴσκων . εἰ καὶ δυσπέμφελος εἴη-1

16.749 ὡς νῦν ἐν πεδίῳ ἐξ ἵππων ῥεῖα κυβιστᾷ-

16.750 ῆ ρα καὶ ἐν Τρώεσσι κυβιστητῆρες ἔασιν-

16.751 ὡς εἰπὼν- ἐπὶ Κεβριόνῃ ἥρωϊ βεβήκει

16.752 οἷμα λέοντος ἔχων . ὅς τε σταθμοὺς κεραΐζων

16.753 ἔβλητο πρὸστῆθος . ἑή τέ μιν ὤλεσεν ἀλκή .

16.754 ὣς ἐπὶ Κεβριόνῃ Πατρόκλεις ἆλσο μεμαώς-1

16.755 Ἕκτωρ δ’ αῦθ’ ἑτέρωθεν ἀφ’ ἵππων ᾶλτο χαμᾶζε-

Scholia text

msA, 16.220v_1, commenting on 16.747 ‡πολλοὺς ἂν κορέσειεν ἀνὴρ ὅτι ἅπαξ εἴρηκε τήθεα- ἔστι δὲ εἶδος τῶν θαλασσίων ὁστρέων προς τοὺς Χωρίζοντας φασὶ γὰρ ὅτι ὁ τῆς Ἰλιάδος ποιητὴς οὐ παρεισάγει τοὺς ἥρωας χρωμένους ἰχθύσιν . ὁ δὲ τῆς Οδ - φανερὸν δὲ ὅτι εἰ και μὴ παράγει χρωμένους , ἴσασιν . ἐκ τοῦ τὸν Πάτροκλον ὀνομάζειν τήθεα . νοητέον δὲ τὸν ποιητὴν δια τὸ μικροπρεπὲς παρῃτῆσθαι καὶ μὴν , οὐδὲ λαχάνοις παρεισάγει χρωμένους- ἀλλ’ ὅμως φησὶ δμῶες Ὀδυσσῆος τε μένος μέγα κοπρήσοντες ⁑

msA, 16.220v_2, commenting on 16.748 νηὸς ἀποθρώισκων εἰ καὶ δυσπέμφελος ὅτι Ζηνόδοτος γράφει εἰ καὶ δυσπέμφελοι εἶεν . ὥστε ἐπι τῶν ἀνδρῶν εἶναι οἷον εἰ και δυσάρεστοι εἶεν οἱ συνεσθίοντες βέλτιον δὲ ἐπι τῆς θαλάσσης εἰ καὶ δυσχείμερος εἴη καὶ τραχεῖα τὴν γὰρ τοῦ κολυμβητοῦ ἐντρέχειαν , ἀντιπαρατίθησι τὸ ἀπο τοῦ δίφρου κεκυβιστηκότι- καὶ Ἡσίοδος δὲ ἐπι τῆς θαλάσσης τέταχε καὶ τοις οι γλαυκον δυσπέμφελον ἐργάζονται ⁑

msAil, 16.220v_1, commenting on 16.747@τήθεα όστρεα

msAil, 16.220v_2, commenting on 16.754@ἆλσο ὡς ᾶλτο

msAim, 16.220v_1, commenting on 16.732 ἐν ἄλλω ἔπεχε

msAint, 16.220v_1, commenting on 16.737 ηὐλαβηθη αντί τοῦ οῦδε ὁλως ηυλαβηθη αυτόν ⁑