Manuscript msA, page 228v

Manuscript msA, page 228v

prev: 228r

next: 229r

Iliad text

17.252 ἀργαλέον δέ μοι ἐστὶ διασκοπιᾶσθαι ἕκαστον

17.253 ἡγεμόνων . τόσση γὰρ ἔρις πολέμοιο δέδηεν·1, 2

17.254 ἀλλά τις αὐτὸς ΐτω , νεμεσιζέσθω δ’ ἐνι θυμῷ .1

17.255 Πάτροκλον Τρῳῇσι κυσὶν μέλπηθρα γενέσθαι·1

17.256 ὡς ἔφατ’ . ὀξὺ δ’ ἄκουσεν Ὀϊλῆος ταχὺς Αἴας .

17.257 πρῶτος δ’ ἀντίος ἦλθε θέων ἀνα δηϊοτῆτα·

17.258 τὸν δὲ μέτ’ Ἰ̈δομενεὺς καὶ ὀπάων Ἰ̈δομενῆος

17.259 Μηριόνης . ἀτάλαντος Ἐνυαλίῳ ἀνδρειφόντῃ .

17.260 τῶν δ’ ἄλλων τίς κεν ᾗσι φρεσὶν οὐνόματ’ εἴποι .1, 2

17.261 ὅσσοι δὴ . μετ’ όπισθε μάχην ἤγειραν . Ἀχαιῶν .

17.262 Τρῶες δὲ προὔτυψαν ἀολλέες . ἦρχε δ’ ὰρ Ἕκτωρ .1

17.263 ὡς δ’ ὅτ’ ἐπὶ προχοῇσι· διϊπετέος ποταμοῖο1

17.264 βέβρυχεν μέγα κῦμα ποτι ῥόον . ἀμφὶ δέ τ’ ἄκραι1

17.265 ἠϊόνες βοόωσιν ἐρευγομένης ἁλὸς ἔξω .1, 2

17.266 τόσσῃ ἄρα Τρῶες ἰ̈αχῇ ΐσαν· αὐτὰρ Ἀχαιοὶ

17.267 έστασαν ἀμφὶ Μενοιτιάδῃ ἕνα θυμὸν ἔχοντες .

17.268 φραχθέντες σάκεσιν χαλκήρεσιν . ἀμφὶ δ’ άρα σφι1

17.269 λαμπρῇσιν κορύθεσσι Κρονίων ἠέρα πολλὴν1

17.270 χεῦ’ . ἐπεὶ οὐδε Μενοιτιάδην ἤχθαιρε πάρος γε1

17.271 ὄφρα ζωὸς ἐὼν . θεράπων ἦν Αἰακίδαο ·

17.272 μίσησεν δ’ ἄρα μιν δηΐων κυσὶ κύρμα γενέσθαι1

17.273 Τρωῇσιν . τῶ καί οἱ ἀμυνέμεν . ῶρσεν ἑταίρους·1

17.274 ὦσαν δὲ πρότεροι Τρῶες ἐλίκωπας Ἀχαιούς .

17.275 νεκρὸν δὲ προλιπόντες ὑπέτρεσαν . οὐδε τίν’ αὐτῶν

17.276 Τρῶες ὑπέρθυμοι ἕλον ἔγχεσιν ἱ̈έμενοί περ .

Scholia text

msA, 17.108, commenting on 17.255 ‡ Πάτροκλον Τρῳῇσι κυσὶν , αὐτὸ τὸ ὀνόμα ἠρκέσθη προς δυσώπησιν . αὶδεσθητέ φησι Πάτροκλον ὑπο κυνος σπαραχθῆναι οὐδὲν τῶν προσόντων αὐτῷ προσλαβών , οὐ τὸ μειλίχιον οὐ το φιλέταιρον οὐ τὸ σωτήριον , ὡς καὶ τῆς Ἑλενης τὸ ὄνομα ῄρκεσεν τῷ Εὐριπιδ , προς πάσαν λοιδορίαν , λέγοντος Ἑλένη τί σοι λέγοιμ’ ἄν ⁑

msA, 17.109, commenting on 17.260 ‡ τῶν δ’ ἄλλων , ὅτι Ζηνόδοτος τουτον καὶ τὸν ἑξῆς ἠθέτηκεν οὐδὲν δὲ ἔχουσιν εἰς ἐπαιτίασιν , ἀλλ’ αὔξουσι τὸ μέγεθος τῆς ὑπερ Πατρόκλου μάχης ⁑

msA, 17.110, commenting on 17.263 ὡς δ’ ότ’ ἐπι προχοῇσι , προχοὰς Ὅμηρος λέγει τὰς εἰς θάλασσαν προχύσεις τῶν ποταμῶν αὐτὰ τὰ στόματα διϊπετέος δὲ διοπετοῦς οἱ γὰρ όμβροι ὑπὸ Διός ⁑

msA, 17.111, commenting on 17.265 ἠϊόνες βοόωσιν : Σόλωνα φασὶ τὸν νομοθέτην μιμησάμενον τὴν Ὁμήρου ποίησιν ἐν ἅπασιν· ἐνθάδε γενόμενον καὶ προςχόντα τῷ στίχῳ σφόδρα κατ εὐεξίαν ἐπιτετευγμένῳ διαπορῆσαι· καὶ θαυμάσαντα κατακαῦσαι πάντα τὰ ἴδια σκέμματα· τῆς γὰρ ἐπαλλήλου τῶν ὑδάτων ἐκβολῆς , ἡ τοῦ βοόωσιν ἀναδίπλασις , ὁμοίαν ἀπετέλεσε συνωδίαν· καὶ ἀλλαχοῦ χρῆται τῇ λέξει , οὔτε θαλάσσης κύματός ἐκβολός ⁑

msA, 17.112, commenting on 17.269 λαμπρῇσιν κορυθεσσι , ἐπι τιμῇ τοῦ Πατρόκλου τοῦτο φαίνεται πράττων ὥσπερ καὶ ἐπι Σαρπηδόνος αἱματοέσσας δὲ ψιάδας ⁑

msA, 17.113, commenting on 17.272 μίσησεν δ’ άρα μιν : ἰδίως κέχρηται τῇ λέξει καὶ ἅπαξ γε νῦν μόνον . λέγει δὲ μισητὸν ἡγήσατο ἐγκύρημα γενέσθαι κυσὶ τὸν Πάτροκλον .

msAil, 17.26, commenting on 17.229@τεθνειῶ ῃ

msAil, 17.27, commenting on 17.236@πολέσσιν αντ πολλῶν

msAil, 17.28, commenting on 17.242@ὅσσον οτ ἐνηλλάγη πτῶσις

msAim, 17.33, commenting on 17.253 θαυμαστικῶς οἷον μεγάλη ⁑

msAim, 17.34, commenting on 17.260 ἐν αλλῳ· τίς κ ήσιν ἐνι φρεσὶν

msAim, 17.35, commenting on 17.264 ἐν τῆ κατ Ἀριστοφα βεβρύχῃ · ⁑

msAim, 17.36, commenting on 17.268 Ζηνόδοτ ἀρθέντες : ⁑

msAim, 17.37, commenting on 17.270 Ἀριστ διὰ τ ε ἔχθαιρε ⁑

msAim, 17.38, commenting on 17.273 ἐν ἄλλῳ ῶρσεν Ἀχαιους : ⁑

msAint, 17.27, commenting on 17.253 ἐκκέκαυτ