Facsimile editions Manuscript facsimiles from the Homer Multitext project
Manuscript msA, page 239v
Manuscript msA, page 239v
| prev: 239r | next: 240r |
Iliad text
18.26 αὐτὸς δ’ ἐν κονίῃσι μέγας μεγαλωστὶ τανυσθεὶς1
18.27 κεῖτο· φίλῃσι δὲ χερσὶ κόμην ᾔσχυνε δαΐζων·
18.28 δμωαῖ δ’ ἃς Ἀχιλεὺς ληΐσσατο Πάτροκλος τε·1, 2
18.29 θυμὸν ἀκηχέμεναι , μεγάλ’ ΐαχον . ἐκ δὲ θύραζε
18.30 ἔδραμον ἀμφ’ Ἀχιλῆα δαΐφρονα· χερσὶ δὲ πᾶσαι
18.31 στήθεα πεπλήγοντο , λύθεν δ’ ὑπο γυῖα ἑκάστης·
18.32 Ἀντίλοχος δ’ ἑτέρωθεν ὀδύρετο δάκρυα λείβων ,
18.33 χεῖρας ἔχων Ἀχιλῆος . ὃ δ’ ἔστενε κυδάλιμον κῆρ·1
18.34 δείδιε γὰρ , μὴ λαιμὸν ἀποτμήξειε σιδήρῳ·1, 2, 3
18.35 σμερδαλέον δ’ ᾤμωξεν . ἄκουσε δὲ πότνια μηρ
18.36 ἡμένη ἐν βένθεσσιν ἁλὸς , παρὰ πατρὶ γέροντι·1
18.37 κώκῡσεν τ’ ὰρ , ἔπειτα· θεαὶ δέ μιν ἀμφ ἀγέροντο
18.38 πᾶσαι . ὅσαι κατὰ βένθος ἁλὸς , Νηρηΐδες ἦσαν·
18.39 ἔνθ’ ὰρ , ἔην Γλαύκη τε . Θάλειά τε Κυμοδόκη τε·
18.40 Νησαίη . Σπειώ τε . Θόη θ’ , Ἁλίη τε βοῶπις .1, 2
18.41 Κυμοθόη τε καὶ Ἀκταίη . καὶ Λιμνώρεια ·
18.42 καὶ Μελίτη . καὶ Ϊαίρα · καὶ Ἀμφιθόη . καὶ Ἀγαυή ·
18.43 Δωτώ τε , Πρωτώ τε , Φέρουσά τε Δυναμένη τε·
18.44 Δεξαμένη τε . καῖ Ἀμφινόμη . καὶ Καλλιάνειρα ·
18.45 Δωρὶς . καὶ Πανόπη · καὶ ἀγακλειτὴ Γαλάτεια ·
18.46 Νημερτής τε καὶ Ἀψευδὴς καὶ Καλλιάνασσα ·
18.47 ἔνθα δ’ έην Κλυμένη , Ἰ̈άνειρά τε . καὶ Ἰ̈άνασσα .
18.48 Μαῖρα καὶ Ὠρείθυια . ἐϋπλόκαμός τ’ Ἀμάθεια ·
18.49 ἄλλαι θ’ , αἳ κατὰ βένθος ἁλὸς Νηρηΐδες ἦσαν·
18.50 τῶν δὲ καὶ ἀργύφεον πλῆτο σπέος . αἳ δ’ ἅμα πᾶσαι1
Scholia text
msA, 18.18, commenting on 18.26 ‡ μέγας μεγαλώστι · Ἀνακρέων ἡρωϊστί Φερεκράτης ἀντι τοῦ ταχέως ⁑
msA, 18.19, commenting on 18.34 δείδιε γαρ μη λαιμὸν ὅτι ἀμφίβολον μη τὸν ἑαυτοῦ λαιμὸν ὁ Αχιλλεὺς ἠ τὸν Ἀντιλόχου ⁑
msA, 18.20, commenting on 18.36 ἡμένη ἐν βένθεσιν ἁλὸς ⁑ ἀλλα ἐπεισόδια καινὰ καὶ ἀπο τῆς γῆς καὶ ἐπι θάλατταν μεταφέρει τὸ πένθος ⁑
msA, 18.21, commenting on 18.39-18.49 ἐνθ ὰρ , ἔην Γλαύκη τε . ὁ τῶν Νηρεΐδων χορὸς προηθέτηται καὶ παρα Ζηνοδότῳ ὡς Ἡσιόδιον ἔχων χαρακτῆρα Ὅμηρος γὰρ κατ τὸ κοινὸν Μούσας λέγει καὶ Εἰλειθυίας , ἀλλ’ οὐκ ονόματα· γελοῖον τὲ ἐξ ονόματος προθέμενον εἰπεῖν πασας ὥσπερ ἀποκαμόντα εἰπεῖν· ἄλλαι δ’ αἳ κατα βένθος ἁλὸς Νηρηϊδες ἦσαν . ὁ δὲ Καλλίστρατος , οὐδε ἐν τῇ Ἀργολικῇ φησιν αὐτοὺς φέρεσθαι τό τε ἔνθα οὔτε χρόνον σημαίνει οὔτε τόπον δίακόπτεταί τὲ ἡ λύπη τῷ καταλόγῳ ⁑
msA, 18.22, commenting on 18.39-18.46 ἐνθ’ ὰρ ἔην , ἐνθάδε ἐβάρυνεν ὁ Ἀρίσταρχος τὸ Γλαύκη . εἰς ἀποφυγὴν τοῦ ἐπιθετικοῦ τοῦ γλαυκὴ· δέ σ’ ἔτικτε θάλασσα · ἐπι δε τοῦ Νημερτής τε καὶ Ἀψευδής . οὐκ εποιήσατο μεταβολὴν τόνου ἔφαμεν δὲ ἤδη περι τῶν τοιούτων ⁑
msA, 18.23, commenting on 18.40 Θόη θ’ Ἁλίη τε βοῶπις· ἀπο τοῦ α τὴν ἀρχὴν τοῦ ὀνόματος δεῖ ποιεῖσθαι οικεῖον γαρ Νηρεΐδῃ παρα τὴν ἅλα παρῆχθαι ⁑
msAil, 18.3, commenting on 18.34@ἀποτμήξειε ουτ Ζηνοδ ⁑
msAil, 18.4, commenting on 18.50@ἀργύφεον λαμπρον
msAim, 18.3, commenting on 18.28 ἃς ἐκ λαφυραγωγίας εκτήσατ ⁑
msAim, 18.4, commenting on 18.34 Ἀριστχ ἀπαμησειε ⁑
msAim, 18.5, commenting on 18.40 Αρισταρχ χώ τοῦ θ Άλεια παρα τὴν άλα ⁑
msAint, 18.4, commenting on 18.28 περιπαθῶς ἀναπεφώνητ τὸ ὄνομα τοῦ Πατρόκλου ⁑
msAint, 18.5, commenting on 18.33 τοῦτ δια μεσου τὸ γὰρ ἑξῆς χειρας εχ Αχ · δείδιε γὰρ ⁑