Manuscript msA, page 240v

Manuscript msA, page 240v

prev: 240r

next: 241r

Iliad text

18.76 πάντας ἐπὶ πρύμνῃσιν . ἀλήμεναι υἷας Ἀχαιῶν1

18.77 σεῦ ἐπιδευομένους , παθέειν τ’ ἀεκήλια ἔργα .1

18.78 τὴν δὲ βαρὺ στενάχων προσέφη πόδας ὠκὺς Ἀχιλλεύς ·

18.79 μῆτερ ἐμὴ· τὰ μὲν ἄρ μοι Ὀλύμπιος ἐξετέλεσσεν·

18.80 ἀλλὰ τί μοι τῶν ἦδος ἐπεὶ φιλος ὤλεθ’ ἑταῖρος1

18.81 Πάτροκλος , τὸν ἐγὼ περὶ πάντων τῖον ἑταίρων

18.82 ῗσον ἐμῇ κεφαλῇ . τὸν ἀπώλεσα· τεύχεα δ’ Ἕκτωρ1

18.83 δῃώσας ἀπέδυσε πελώρια , θαῦμα ἰ̈δέσθαι .

18.84 καλὰ . τὰ μὲν Πηλῆϊ θεοὶ δόσαν ἀγλαὰ δῶρα

18.85 ἤματι τῷ ὅτε σε βροτοῦ ἀνέρος ἔμβαλον εὐνῇ·

18.86 αίθ’ ὄφελες σὺ μὲν αὖθι μετ’ ἀθανάτῃς ἁλίῃσι1, 2, 3

18.87 ναίειν . Πηλεὺς δὲ θνητὴν ἀγαγέσθαι ἄκοιτιν·

18.88 νῦν δ’ . ἵ̈να καὶ σοὶ πένθος ἐνὶ φρεσὶ μυρίον εἴη

18.89 παιδὸς ἀποφθιμένοιο , τὸν οὐχ ὑποδέξεαι αῦτις

18.90 οἴκαδε νοστήσαντ’ . ἐπεὶ οὐδ’ ἐμὲ θυμὸς ἄνωγε1

18.91 ζώειν . οὐδ’ ἄνδρεσσι μετέμμεναι . αἴ κε μὴ Ἕκτωρ

18.92 πρῶτος ἐμῷ ὑπὸ δουρὶ τυπεὶς . ἀπὸ θυμὸν ὀλέσσῃ .1

18.93 Πατρόκλοιο δ’ ἕλωρα Μενοιτιάδαο ἀποτίσῃ·1, 2

18.94 τὸν δ’ αὖτε προσέειπε Θέτις κατὰ δάκρυ χέουσα·1

18.95 ὠκύμορος δή μοι τέκος ἔσσεαι . οἷ’ ἀγορεύεις·

18.96 αὐτίκα γάρ τοι ἔπειτα μεθ’ Ἕκτορα πότμος ἑτοῖμος·

18.97 τὴν δὲ μέγ’ ὀχθήσας προσέφη πόδας ὠκὺς Ἀχιλλεύς ·

18.98 αὐτίκα τεθναίην . ἐπεὶ οὐκ ἂρ , ἔμελλον ἑταίρῳ1

18.99 κτεινομένῳ ἐπαμῦναι· ὃ μὲν μάλα τηλόθι πάτρης1

18.100 ἔφθιτ’ . ἐμεῖο δὲ , δῆσεν , ἄρῆς ἀλκτῆρα γενέσθαι·1, 2, 3, 4, 5

Scholia text

msA, 18.33, commenting on 18.76 ‡ ἀλήμεναι , υἱας Αχαιῶν ⁚ ὡς παρα τὸ βῆναι βήμεναι ἐγένετο . οὕτως καὶ παρα τὸ ἀλῆναι ἀλήμεναι . ἠ λαοὺς ἐς τεῖχος ὁμοκλήσας ἀλῆναι ψιλοῦται δὲ καὶ τὸ ἐάλη . καὶ τὸ οίμησεν δὲ ἀλεὶς καὶ πᾶς ὁ σχηματισμός . ἐπεὶ καὶ τὸ θέμα αὐτῶν ἐψιλοῦτο ⁑

msA, 18.34, commenting on 18.77 σεῦ οπιδευομένος . πρὸς τὴν συναλιφήν ὅτι ἐκήλια ἐκληπτέον κατα ἀπόφασιν τοῦ εκήλου ἐφ οἷς οὐχ οἰόν τε ἡσυχάζειν παθέειν τ’ ἀεκήλια ἔργα· ὁ Ἀσκαλωνίτης ἀεκήλια οἶον οὐχ ἥσυχα , οὐδε ειρηνικὰ ἐπεὶ εκηλος ὁ ήσυχος ὥστε στέρησιν αὐτῶν ἐκδέχεσθαι· οὕτως δὲ καὶ Ἀρίσταρχος . οἷον ταραχώδη ἡ ἀκούσια ἃ οὐκ ἄν τις ἑκὼν πάθοι· ὁμοίως δὲ καὶ Ἀλεξίων καὶ ἔχονται τοῦ δηλουμένου ⁑

msA, 18.35, commenting on 18.86 αίθ’ όφελες· οὕτως αίθ’ ὄφελες · Ἀπολλώνιος ἐν τῷ Περι συντάξεως τίθησι τὸν στίχον οὕτως ἔχοντα ⁑

msA, 18.36, commenting on 18.85-18.89 νῦν δ’ ἵνα καὶ σοὶ πένθος . δια τοῦ ἵνα σύνδεσμον ὑποστιγμῇ ἐπι τὸ ἀποφθιμένοιο ἵνα ὁ λόγος ᾖ τοιοῦτος , νῦν δ’ ἵνα και σὺ πενθήσῃς τὸν υἱὸν ἀπολέσασα τοῦτον οὐχ ὑποδέξη ὑποστρέψαντα οἴκαδε ἠ παντελῶς παραιρεθήσεται ἡ ὑποστιγμὴ κοινοῦ νοουμένου ἄνοθεν τοῦ ἀνέρος ἔμβαλον εὐνῇ ⁑

msA, 18.37, commenting on 18.92 πρῶτος ἐμῷ ὑπο δουρι , τὸ ἑξῆς ἐστιν ἀπολέσσῃ . διὸ οὐκ αναστρεπτέον τὴν ἀπο τὴν μέντοι ὑπο ἐπεὶ τὸ ἀκόλουθόν ἐστιν ὑπ εμῷ εἰσὶ μέντοι οἳ οὐκ ανέστρεψαν ἀλλα συνέταξαν τῇ δοτικῇ δουρὶ εμῷ ἐν ἑτέροις γὰρ οὕτως αὐτὸν εἰρηκέναι δουρὶ δ’ ἐμῷ κτεάτισσα ⁑

msA, 18.38, commenting on 18.98 αὐτίκα τεθναίην , ἡ μὲν ᾤετο δια τὸν λόγον ἀποτρέψειν αὐτὸν τῆς σπουδῆς . οἱ δὲ αὐτὸ τουτ πρῶτον μέτ’ επιτάσεως τάσσει . διὰ τοῦ αὐτίκα ὡς τῷ φίλῳ ἀκολουθήσων ⁑

msA, 18.39, commenting on 18.100 ἐμεῖο δὲ δῆσεν ἀρῆς⁚ τινὲς περιθέσπασαν τὸ ἀρῆς ἵνα σημαίνηται βλάβης . οὕτως καὶ ὁ Ἀσκαλωνίτ καὶ ἡμεῖς· τὸ δὲ δῆσεν δισύλλαβον ἐκδεκτέον ποιητικόν καὶ τὸ ε τοῦ προκειμένου ἐστι συνδέσμου ⁑

msA, 18.40, commenting on 18.100 δῆσεν ἀρῆς δια τοῦ ω Ἄρεω ἡ Ἀριστάρχου καὶ ἔστι τὸ λεγόμενον ἐμοῦ ἐδέησε τὸ ἀλεξητῆρα γενέσθαι τοῦ Ἄρεω καθ ὃν ἀπώλετο ἀπ ευθείας τῆς ὁ Ἄρεως ὡς ὁ Πείρεως , Πείρεω υἱόν · ἐν δε τοῖς εἰκαιοτέροις , ἀρῆς τῆς βλάβης , ἐπεὶ καὶ Ἡσίοδος ἀρῆς ἀλκτῆρα βλάβης καὶ κακώσεως ἔφη ⁑

msA, 18.41, commenting on 18.100 ἀρῆς ἀλκτῆρα⁚ βλαβης καὶ κακώσεως ἀποτρεπτικὸν ὅ ἐστι κωλυτὴν καὶ βοηθόν· οἱ δὲ Ἄρεω ἀλκτῆρα ἀποτρεπτικὸν πολέμου· Παρμενίσκος μὲν οὖν βαρυτόνως τὸ εδησεν ἀποδίδωσιν οὑτως· ὁ δε πόλεμος τὴν εμὴν ἐφαλλόμενος πανοπλίαν ἔδησέν μου τὴν ἔξοδον ὥστε ἀλκτῆρα μὴ γενέσθαι Πατρόκλου ὅπερ ἐστὶ βοηθόν· Πτολεμαῖος δὲ ὁ Ασκαλωνίτης περισσὸν τὸ ἔδησεν φησίν ⁑

msAext, 18.1, commenting on 18.86 ** ** ὡς ὄφελες

msAext, 18.2, commenting on 18.93 ** ** Μενοιτιάδεα απ

msAil, 18.5, commenting on 18.80@ἦδος ἐπιθυμία⁚

msAil, 18.6, commenting on 18.100@ἄρῆς εω

msAim, 18.8, commenting on 18.82 στικτέον ἐπι τὸ κεφαλῇ μᾶλλον γὰρ ἐμφαίνει ⁑

msAim, 18.9, commenting on 18.86 ταῦτα ἀπ αλλης ἀρχῆς ἀναγνωστέον⁚

msAim, 18.10, commenting on 18.90 ὅτι παλιν συνοίκει τῷ Πηλεῖ ἡ Θέτις

msAim, 18.11, commenting on 18.94 εν αλλῳ τὸν δ’ ἠμείβετ’ ἔπειτα ⁑

msAim, 18.12, commenting on 18.99 στικτέον ἐπι τὸ αμῦναι ⁚

msAim, 18.13, commenting on 18.100 Αρισταρχ δια τοῦ ω Ἄρεω ⁚

msAint, 18.7, commenting on 18.84-18.85 άκαιρον τὸ εἰδύᾳ λέγειν ⁑

msAint, 18.8, commenting on 18.93 οτ τὰ έλωρα οὐ βρώματ ἀλλα ελκύσματ ⁑