Manuscript msA, page 244r

Manuscript msA, page 244r

prev: 243v

next: 244v

Iliad text

18.253 ὅ σφιν ἐϋφρονέων ἀγορήσατο καὶ μετέειπεν·1

18.254 ἀμφι μάλα φράζεσθε φίλοι· κέλομαι γὰρ ἔγωγε1

18.255 ἄστυδε νῦν ϊέναι , μὴ μίμνειν ἠῶ δῖαν

18.256 ἐν πεδίῳ , παρα νηυσὶν . ἑκὰς δ’ ἀπὸ τείχεός εἰμεν·1, 2

18.257 ὄφρα μὲν οὗτος ἀνὴρ Ἀγαμέμνονι μήνιε δίῳ·1

18.258 τόφρα δὲ ῥηΐτεροι πολεμίζειν ἦσαν Ἀχαιοί ·1

18.259 χαίρεσκον γὰρ ἔγωγε θοῇς ἐπὶ νηυσὶν ἰ̈αύων .1

18.260 ἐλπόμενος νῆας αἱρησέμεν ἀμφιελίσσας .

18.261 νῦν δ’ αἰνῶς δείδοικα ποδώκεα Πηλείωνα ·

18.262 οἷος κείνου θυμὸς ὑπέρβιος , οὐκ ἐθελήσει1

18.263 μίμνειν ἐν πεδίῳ . ὅθι περ Τρῶες καὶ Ἀχαιοὶ .

18.264 ἐν μέσῳ ἀμφότεροι μένος ἄρεος δατέονται·1

18.265 ἀλλα περὶ πτόλιός τε μαχήσεται ἠδὲ γυναικῶν·1, 2

18.266 ἀ̄λλ’ ἴ̈ομεν προτὶ ἄστυ . πί̆θεσθέ μοι , ὧδε γὰρ ἔσται·1

18.267 νῦν μὲν νὺξ ἀπέπαυσε ποδώκεα Πηλείωνα

18.268 ἀμβροσίη· εἰ δ’ ἄμμε κιχήσεται ἐνθάδ’ ἐόντας

18.269 αὔριον . ὁρμηθεὶς σὺν τεύχεσιν . εὖ νύ τις αὐτὸν1, 2

18.270 γνώσεται . ἀσπασίως γὰρ ἀφίξεται Ί̈λιον ϊ̄ρὴν

18.271 ὅς κε φύγῃ . πολλοὺς δὲ κύνες καὶ γῦπες ἔδονται1

18.272 Τρώων · αἳ γὰρ δή μοι ἀπ’ ούατος ὧδε γένοιτο·

18.273 εἰ δ’ ὰν , ἐμοῖς ἐπέεσσι πιθώμεθα κηδόμενοί περ·1, 2, 3

18.274 νύκτα μὲν εἰν ἀγορῇ σθένος ἕξομεν· ἄστυ δὲ πύργοι·1, 2

18.275 ὑψηλαί τε πύλαι σανίδες τ’ ἐπὶ τῇς ἀραρυῖαι .

18.276 μακραὶ ἐΰξεστοι . ἐζευγμέναι . εἰρύσσονται·

18.277 πρωῒ δ’· ὑπ’ ἠοῖοι . συν τεύχεσι . θωρηχθέντες·

Scholia text

msA, 18.92, commenting on 18.253 ‡ ἀγορήσατο καὶ μετέειπεν· τοῦτο σημειωτέον πρὸς τὸ ὁ δὲ φῆ κώδειαν ἀνασχών πέφραδέ τε Τρώεσσι καὶ εὐχόμενος ἔπος ηύδα ⁑

msA, 18.93, commenting on 18.254 ἀμφι μάλα φράζεσθε φίλοι⁚ οὐδέποτε τὸ φράσαι ἐπι τοῦ εἰπεῖν ὁ ποιητὴς τίθησιν . ἀλλ επι τῆς διανοίας . ἐστιν οὖν περισκέψασθαι· τῇ διανοία· μάλα περισσῶς βουλεύσασθαι ⁑

msA, 18.94, commenting on 18.258 τόφρα δὲ ῥηΐτεροι⁚ τοῦτέστιν εὐκαταμαχητότεροι ὥστε τὸ πολεμίζειν αντ τοῦ πολεμίζεσθ ⁑

msA, 18.95, commenting on 18.264 ἐν μέσῳ ἀμφότεροι . διαιροῦνται τὸν πόλεμον παρ ὅσον ὃτε μὲν οὗτοι ὁτὲ δὲ οἱ ἕτεροι νικῶσιν ⁑

msA, 18.96, commenting on 18.265 ἀλλα περι πτολιος τε μαχήσετ ⁚ τοῦτο σημειωτέον προς τὸ ἀμυνέμεναι ώρεσσι ὅτι κακεῖ γυναιξὶ λέγει καθάπερ ἐνθάδε ῥητῶς ἐξηγούμενος ἐκεῖνο λέγει ⁑

msA, 18.97, commenting on 18.269 αὔριον ὁρμηθεις· οὐδε τοῦτο ἀργὸν . ὑποβάλλει γὰρ ὅτι καὶ νῦν δια τὸ ἄνοπλος εἶναι ἀπέχετο τοῦ πολέμου ⁑

msA, 18.98, commenting on 18.271 ὅς κε φύγῃ οὐ κατάρατα καὶ βλάσφημα ταῦτα ἀλλα φόβου ἕνεκα λέγεται· ἐπάγει γὰρ τὸ ῆθος ἑαυτοῦ ⁑

msA, 18.99, commenting on 18.273 εἰ δ’ ὰν ἐμοῖς ἐπέεσσι⁚ ἡ ὑποστιγμὴ ἤτοι ἐπι το πιθώμεθα· ἢ κατα τὸ τέλος τοῦ στίχου· καὶ λόγον ἔχει ἀμφότερα ⁑

msA, 18.100, commenting on 18.274 νύκτα μὲν εἰν αγορῇ πρὸς τὸ σημαινόμενον ὅτι ἐστι βουλευσόμεθα τῇ βουλῇ κρατήσομεν ⁑

msA, 18.101, commenting on 18.274 νύκτα μὲν εἰν αγορῇ τὴν νύκτα κατ ἰσχύσομεν καὶ κρατήσομεν τῇ βουλῇ . ἄλλως . ὃ λέγει τοιοῦτόν ἐστιν διεσπαρμένην συλλέξομεν καὶ τοὺς ἀνα τοῦ πεδίου καὶ τοὺς ἀνα τῆς πόλεως φυλάττοντας νῦν· ὕστερον δὲ ἅμα ἡμέρᾳ ἡμεῖς πολεμήσομεν ⁑

msAil, 18.9, commenting on 18.256@εἰμεν ὑπάρχομεν

msAil, 18.10, commenting on 18.259@ἰ̈αύων ἐπαυλιζόμε

msAil, 18.11, commenting on 18.273@κηδόμενοί φροντίζοντες

msAim, 18.30, commenting on 18.256 ὁ δὲ αντ τοῦ γὰρ⁚

msAim, 18.31, commenting on 18.265 ἐν αλλω μαχέσσετ ⁑

msAim, 18.32, commenting on 18.269 κακόν τι πεισόμενος ὑπ αυτοῦ δηλοτ ⁑

msAim, 18.33, commenting on 18.273 ἐν αλλῳ πιθοίμεθα ⁑

msAint, 18.23, commenting on 18.257 οἷον ὁ αρτίως κινήσας ἡμῖν τὸν θόρυβον ⁑

msAint, 18.24, commenting on 18.262 καὶ τουτ καθ εαυτὸ μαλλον γὰρ ἐμφαίνει ⁑

msAint, 18.25, commenting on 18.266 ἐμφαίνει οτ οὐ δια δειλίαν ταυτ συμβουλεύει ⁑