Manuscript msA, page 246v

Manuscript msA, page 246v

prev: 246r

next: 247r

Iliad text

18.378 οἳ δ’ ἤτοι τόσσον μὲν ἔχον τέλος . ούατα δ’ οὔ πω1

18.379 δαιδάλεα προσέκειτο· τά ρ’ ἤρτυε . κόπτε δὲ δεσμούς·

18.380 ὄφρ’ ὅ γε ταῦτ’ ἐπονεῖτο ἰδυίῃσι πραπίδεσσι .

18.381 τόφρά οἱ ἐγγύθεν ἦλθε θεὰ Θετις ἀργυρόπεζα·1

18.382 τὴν δὲ ΐδε προμολοῦσα Χάρις λιπαροκρήδεμνος1

18.383 καλὴ . τὴν ώπυιε περικλυτὸς ἀμφιγυήεις·1

18.384 ἔν τ’ ἄρα οἱ φῦ χειρὶ , ἔπος τ’ ἔφατ’ ἔκ τ’ ὀνόμαζε·

18.385 τίπτε Θέτι τανύπεπλε ἱ̈κάνεις ἡμέτερον δῶ1

18.386 αἰδοίη τε φίλη τε⁚ πάρος γε μὲν οὔ τι , θαμίζεις·1, 2

18.387 ἂλλ’ ἕπεο προτέρῳ ἵνα τοι πὰρ ξείνια θείω·

18.388 ὡς ἄρα φωνήσασα . πρόσω ἄγε δῖα θεάων·

18.389 τὴν μὲν ἔπειτα καθεῖσεν ἐπὶ θρόνου ἀργυροήλου .

18.390 καλοῦ . δαιδαλέου· ὑπὸ δὲ θρῆνυς ποσὶν , ῆεν·

18.391 κέκλετο δ’ Ἥφαιστον κλυτοτέχνην . εἶπέ τε μῦθον·

18.392 Ἥφαιστε . πρόμολ’ ὧδε . Θέτις νύ τι . σεῖο χατίζει·1, 2

18.393 τὴν δ’ ἠμείβετ’ ἔπειτα περικλυτὸς ἀμφιγυήεις·

18.394 ῆ ῥά νύ μοι δεινή τε καὶ αἰδοίη θεὸς ἔνδον .1

18.395 ἥ μ’ ἐσάωσ’ , ὅτε μ’ ἄλγος ἀφίκετο , τῆλε πεσόντα .

18.396 μητρὸς ἐμῆς ϊότητι κυνώπιδος . ἥ μ’ ἐθέλησε

18.397 κρύψαι χωλὸν ἐόντα· τότ’ ἂν πάθον ἄλγεα θυμῷ .

18.398 εἰ μή μ’ Εὐρυνόμη τε Θέτις δ’ ὑπεδέξατο κόλπῳ·1

18.399 Εὐρυνόμη θυγάτηρ ἀψορρόου Ὠκεανοῖο ·1

18.400 τῇσι παρ’ εἱνάετες χάλκευον δαίδαλα πολλά·1, 2

18.401 πόρπας τε . γναμπτάς θ’ έλικας . κάλυκάς τε καὶ όρμους1, 2

18.402 ἐν σπῆϊ γλαφυρῷ· περὶ δὲ ῥόος Ὠκεανοῖο

18.403 ἀφρῷ μορμύρων ῥέεν ἄσπετος . οὐδέ τις ἄλλος

Scholia text

msA, 18.128, commenting on 18.378 οἳ δ ήτοι· ὅτι ἐπι τῶν παρα μικρὼν τετελειωμένων οὕτως λέγει . ὃς τὸ μὲν ἄλλο τόσον φοίνικι ἠνία τοῦ δὲ καὶ ἄλλο τόσον μὲν ἔχε χρόα ⁑

msA, 18.129, commenting on 18.382 τὴν δὲ ἴδε προμολοῦσα· ζητεῖται δια τι ἐν τὴν Ἀφροδίτην παρίστησι γυναῖκα Ἡφαίστου , ἐνθάδε δὲ τὴν Χάριν κατ αμφότερα ὅτι τῇ τέχνῃ τὴν χάριν προσεῖναι δεῖ ἵνα καὶ ἐπι χάριτι ῇ καὶ ὅτι χάριν αποδίδωσι τῇ Θέτιδι τῶν εἰς αυτὸν ὑπ αυτῆς εὐεργεσιῶν γενομένων πρότερον ⁑

msA, 18.130, commenting on 18.383 καλὴ τὴν ὤπυιε· τῷ ὤποιε παρα τὴν ώπα . ἠ δια τὰς ὁμιλίας τὰς πρὸς τὸν γάμον ἠ ἀπο τοῦ οπάζειν ἣν πεποιηται ἐκ μνηστείας· ἢ παρα τὸ ευφορὰν τὰ κατα τὴν γυναῖκα ὡς τὸ ἐκείνος γ’ ἔχθων τὸν εμὸν βίον ἀμφιπολεύει ⁑

msA, 18.131, commenting on 18.385 ἡμέτερον δῶ , παρα Ζηνοδότῳ ἡμέτερον δὲ καὶ Θέτις τανύπεπλος ϊκάνεις ⁑

msA, 18.132, commenting on 18.386 αἰδοίη τε φίλη τε παρος γε μὲν οὔτι θαμίζεις ⁑ ἀντι τοῦ οὐδένα ὡς ἐν ήθει δὲ ὡς φαμὲν τί σὺ πρὸς ημᾶς οὐ γὰρ πυκνῶς εἴωθας παραγίνεσθαι ⁑

msA, 18.133, commenting on 18.392 Ἥφαιστε πρόμολ’ ὦδε . ὅτι τὸ ὦδε οὕτως ὡς ἔχεις οὐδὲν ὑπερθέμενος καὶ ἐν ἀμφί σταθ’ οὕτως ⁑

msA, 18.134, commenting on 18.392 Θέτις νύ τι· δια τὸ μη θαμίζειν ἐστόχασται τὴν νῦν παρουσίαν αὐτῆς ὡς κατὰ χρείαν γενομένην· Πλάτων δὲ προς τοῦτο γενόμενος φησί . Πλάτων νύ τι σεῖο χατίζει ⁑

msA, 18.135, commenting on 18.394 ῆ ρά νύ μοι· χρηστὸν τὸ ῆθος ἣν γὰρ μήπω ΐδεν ἀκούσας ἐνδείκνυται τὴν προθυμίαν ὥσπερ προ πολλοῦ εὐχόμενος δεηθῆναι αὐτοῦ τὴν Θέτιν ἀναπεφώνηκεν εἰλημμένος ὃν ήθελεν ⁑

msA, 18.136, commenting on 18.399 Εὐρυνόμη θυγάτηρ· ἡδέως τῇ ἐπαναλήψει τοῦ ὀνόματος καὶ ἐπι τῆς ἀπουσιας ἐνδεικνύμενος τῆ Θέτιδι ὡς οὐ δια παρουσίαν αὐτῆς ἀπομνημονεύει τῆς χάριτος ⁑

msA, 18.137, commenting on 18.401 κάλυκας . ἐμφερῆ ῥόδοις . οἱ δὲ δακτυλίους· οἱ δὲ ἐνώτια· οἱ δὲ χρυσᾶς σύριγγας αἳ τοὺς πλοκάμους περιεχουσιν ὡς φασίν οἱ χρυσῷ τε καὶ ἀργύρῳ ἐσφήκοντο ⁑

msA, 18.138, commenting on 18.401 έλικας· ήτοι οἱ σύνδεσμοι τῆς κεφαλῆς , ἠ κόσμος ἀπο τῶν ὁρμῶν ἐξηρτημένος ⁑

msA, 18.139, commenting on 18.400 τῇσι παρ’ εἰνάετες⁚ ἔστι μὲν τὸ ἑξῆς παρα τῆσι . οὐκ αναστρεπτέον δὲ δια τὴν συναλιφή . Ζηνόδοτος δε καὶ Ἀριστοφα δαίδαλα πάντα ⁑

msA, 18.140, commenting on 18.381 εν αλλῳ και ουτος εὑρέθ · ἀπέστραπτο δέ· τόφρα οἱ ἐγγύθεν ἦλθε θεὰ Θετις ἀργυρόπεζα·

msAext, 18.5, commenting on 18.398 ** ** θ’

msAil, 18.19, commenting on 18.386@θαμίζεις συνεχῶς παραγίν

msAim, 18.41, commenting on 18.400 Ζηνοδ καὶ Αριστοφ δαίδαλα πάντ ⁑