Manuscript msA, page 247r

Manuscript msA, page 247r

prev: 246v

next: 247v

Iliad text

18.404 ᾔδεεν . οὔτε θεῶν , οὔτε θνητῶν ἀνθρώπων·1

18.405 ἀλλὰ Θέτις τε καὶ Εὐρυνόμη ΐσαν . αἵ μ’ ἐσάωσαν·

18.406 ἣ νῦν ἡμέτερον δόμον ΐκει· τώ με μάλα χρεὼ

18.407 πάντα Θέτῑ καλλιπλοκάμῳ ζωάγρια τείνειν·1

18.408 ἀλλὰ σὺ μὲν νῦν οἱ παράθες ξεινήϊα καλὰ .

18.409 ὄφρ’ ὰν ἐγὼ φύσᾱς ἀποθείομαι . ὅπλα τε πάντα .

18.410 ῆ . καὶ ἀπ’ ἀκμοθέτοιο πέλωρ , αίητον ἀνέστη·1, 2, 3

18.411 χωλεύων· ὑπο δὲ κνῆμαι ῥώοντο ἁραιαί·1

18.412 φύσᾱς μέν ῥ’ ἀπάνευθε τίθει πυρὸς . ὅπλα τε πάντα

18.413 λάρνακ’ ἐς ἀργυρέην συλλέξατο , τοῖς ἐπονεῖτο·1

18.414 σπόγγῳ δ’ ἀμφι πρόσωπα καὶ ἄμφω χεῖρ’ ἀπεμόργνυ ·

18.415 αὐχένα τε στιβαρὸν· καὶ στήθεα λαχνήεντα·

18.416 δῦ δὲ χιτῶν’ . ἕλε δὲ σκῆπτρον παχὺ . βῆ δὲ θύραζε1

18.417 χωλεύων . ὑπο δ’ ἀμφίπολοι ῥώοντο ἄνακτι

18.418 χρύσειαι . ζῳῇσι , νεήνισιν , εἰοικυῖαι·

18.419 τῇς , ἐν μὲν νόος ἐστὶ μετὰ φρεσὶν . ἐν δὲ καὶ αὐδὴ .

18.420 καὶ σθένος , ἀθανάτων δε θεῶν ἄπο έργα ΐσασιν·1

18.421 αἱ μὲν ὕπαιθα ἄνακτος ἐποίπνυον· αὐτὰρ ὃ ἔρρων .1

18.422 πλησίον ἔνθα Θέτις περ . ἐπὶ θρόνου ΐζε φαεινοῦ·

18.423 ἔν τ’ ἄρα οἱ φῦ χειρί . ἔπος τ’ ἔφατ’ . ἔκ τ’ ὀνόμαζε·

18.424 τίπτε Θέτι τανύπεπλε ἱ̈κάνεις ἡμέτερον δῶ1

18.425 αἰδοίη τε , φίλη τε . πάρος γέ μεν οὔ τι θαμίζεις·

18.426 αὔδᾱ ὅ τι φρονέεις . τελέσαι δέ με θυμὸς ἄνωγε·1

18.427 εἰ δύναμαι τελέσαι γε . καὶ εἰ τετελεσμένον ἐστίν·

18.428 τὸν δ’ ἠμείβετ’ ἔπειτα Θετίς κατα δακρυ χέουσα·1

Scholia text

msA, 18.141, commenting on 18.410 πέλωρ αίητον ἀνέστη· πελωρα λέγουσι τὰ παρηλλαγμένα· ὁ δε Ἥφαιστος ἀμφυγυήεις αίητον δὲ μέγα καὶ ἐπέγκειται τὸ ϊ θάρσος ἄητον ἔχουσα ⁑

msA, 18.142, commenting on 18.410 πέλωρ αίητον⁚ ὁ Ἀσκαλωνιτ προπαροξύνει ἐκδεχόμενος πλεονασμὸν τοῦ ϊ παρα τὸ θάρσος ἄητον ἐχουσα οἷον ταχὺ καὶ κινητίκον Πρωτέας δὲ τῷ ορμημένῳ παρα τὸ ἄω , ἄλλοι δὲ ἐκ παραλλήλου τὸ μέγα παρα τὴν αῖαν τὴν γῆν· ἐγὼ δὲ ἐπιζητῶ τὸ ἄητον πῶς δυνατὸν τρίτην ἀπο τέλους ἔχειν τὴν ὀξεῖαν· ἐπιθετικῶς κείμενον· μήποτε οὖν ὀφείλομεν πείθεσθαι τῷ Φιλοξένῳ φησὶ γὰρ αὐτὸ σύνθετον εῖναι παρα τὸ ετος ὡς θετός ὃ σημαίνει τὴν ὕπαρξιν ἐξ οῦ τὸ ἀληθὲς ὃ καὶ γίνεται ἐτεός · ἐγένετο . ἐγένετο δὲ καὶ τὸ πληθυντικὸν οὐδέτερον ἐν επιρρηματικῇ τάξει . ω ετά Τημενίδος χρύσεον γένος , καὶ τὸ παρα τοῖς Ἀττικοῖς οὐκ έτος ἀντι μεσότητος τῆς έτως τὸ παρα μηδενὶ οὖν ὑπαρκτὸν τοῦτέστι μέγα ἄατον καὶ ἄητον καὶ δηλον ὅτι ἀπολέλυται ὁ τόνος· ὁρᾶται γὰρ σύνθετα τοιαύτα βαρυνόμενα , ἄρρητον ἄκλητον ἄκμητον οὕτως ἄητον ⁑

msA, 18.143, commenting on 18.413 λάρνακ’ ἐς ἀργυρέην . ὅτι λάρνακα τὴν κιβωτόν . νεωτερικὸν γὰρ ὄνομα ἡ κιβωτος καὶ ὅτι ἐπονεῖτο ἀντι τοῦ ἐνήργει ⁑

msA, 18.144, commenting on 18.416 δὺ δὲ χιτῶν’ . ὅτι οὐ παρέλκει τὸ παχύ ἀλλα προς τὸ ἐπερείδειν χωλὸν ὄντα τὸν Ἥφαιστον περι οὗ φησὶν , πέλωρ αίητον ἀνέστη ὡς καὶ τὸ στησαμένη μέγαν ἱστόν ⁑

msA, 18.145, commenting on 18.421 αἱ μὲν ὕπαιθα ὅτι ἔρρων οὐ ψιλῶς πορευόμενος ἀλλα δια τὴν χωλότητα φθειρόμενος ⁑

msA, 18.146, commenting on 18.424 τίπτε Θέτι · παρα Ζηνοδότῳ ἡμέτερον δέ · καὶ Θέτις τανύπεπλος ϊκάνεις ⁑

msA, 18.147, commenting on 18.428 τὸν δ’ ἡμείβετ ‘ ἔπειτα· περιπαθές ἐστι τὸ τῆς θεοῦ πρόσωπον τρεῖς γὰρ θεοῦς εὐεργετήσασα . τὰς ἀμοιβὰς εἰς τὸν παῖδα εὑρίσκεται παρ αυτῶν λαμβάνουσα κατατιθεμένη τὸ δε δακρύειν πρὸς παθος αὐτῇ συμβαλλεται ⁑

msAil, 18.20, commenting on 18.410@πέλωρ τέρας

msAim, 18.42, commenting on 18.407 μετα τοῦ ϊ τὸ ζωάγρια ὁ Ἀρίσταρχ Ἀρίσταρχος ⁑

msAim, 18.43, commenting on 18.411 δασύνεται τὸ ἁραιαί ⁚

msAim, 18.44, commenting on 18.420 τὰ γυναικεια δὴλον οτι ⁑

msAim, 18.45, commenting on 18.426 ἐν ἄλλῳ ἀνώγει ⁑

msAint, 18.33, commenting on 18.404 ουτ ᾔδεεν γράφεται δὲ καὶ ῄδειν ⁚