Manuscript msA, page 248r

Manuscript msA, page 248r

prev: 247v

next: 248v

Iliad text

18.455 πολλὰ κακὰ ῥέξαντα Μενοιτίου ἄλκιμον υἱὸν·

18.456 ἔκταν’ ἐνι προμάχοισι . καὶ Ἕκτορι κῦδος ἔδωκε·

18.457 τοὔνεκα νῦν τὰ σὰ γούναθ’ ϊκάνομαι . αί κ’ ἐθέλῃσθα1

18.458 υἱεῖ ἐμ ὠκυμόρῳ δόμεν’ ἀσπίδα καὶ τρυφάλειαν .1, 2

18.459 καὶ κᾱλὰς κνημῖδας ἐπισφυρίοις ἀραρυίας .

18.460 καὶ θώρηχ’ . ὃ γὰρ ἦν οἱ· ἀπώλεσε πιστὸς ἑταῖρος1

18.461 Τρωσὶ δαμείς· ὁ δὲ κεῖται ἐπὶ χθονὶ , θυμὸν ἀχεύων·1

18.462 τὴν δ’ ἠμείβετ’ ἔπειτα περικλυτὸς ἀμφιγυήεις·

18.463 θάρσει· μή τοι ταῦτα μετα φρεσὶ σῇσι μελόντων·

18.464 αἲ γάρ μιν θανάτοιο δυσηχέος ὧδε δυναίμην

18.465 νόσφιν ἀποκρύψαι . ὅτε μιν μόρος αἰνὸς ϊκάνοι·

18.466 ὥς οἱ τεύχεα καλὰ παρέσσεται . οἷά τις αῦτε1

18.467 ἀνθρώπων πολέων θαυμάσσεται , ὅς κεν ΐδηται·1

18.468 ὡς εἰπὼν , τὴν μὲν λίπεν αὐτοῦ . βῆ δ’ ἐπι φύσᾱς

18.469 τὰς δ’ ἐς πῦρ ἔτρεψε . κέλευσέ τε ἐργάζεσθαι·

18.470 φῦσαι δ’ ἐν χοάνοισιν ἐείκοσι πᾶσαι ἐφύσων .1

18.471 παντοίην εὔπρηστον ἀϋτμὴν ἐξανιεῖσαι·1

18.472 ἄλλοτε μὲν σπεύδοντι παρέμμεναι· ἄλλοτε δ’ αὖτε1, 2

18.473 ὅππως Ἥφαιστός τ’ ἐθέλοι καὶ ἔργον ἄνοιτο·

18.474 χαλκὸν δ’ ἐν πυρὶ βάλλεν ἀτειρέα κασσίτερόν τε .

18.475 καὶ χρυσὸν τιμῆντα . καὶ ἀργύρον · αὐτὰρ ἔπειτα

18.476 θῆκεν ἐν ἀκμοθέτῳ μέγαν ἄκμονα· γέντο δὲ χειρὶ

18.477 ῥαιστῆρα κρατερήν , ἑτέρηφι δὲ γέντο πυράγρην·1, 2, 3

18.478 ποίει δὲ πρώτιστα σάκος μέγα τε στιβαρόν τε ,1

18.479 πάντοσε δαιδάλλων· περὶ δ’ ἄντυγα βάλλε φαεινὴν .

Scholia text

msA, 18.152, commenting on 18.457 τούνεκα νῦν τα σὰ· μετρίως πάνυ ὡς χάριν αιτουμένη καὶ οὐκ οφειλομένην ἀπαιτοῦσα .

msA, 18.153, commenting on 18.458 υἱεῖ εμ’ ωκυμόρω· οὐ διαλείπει τοῦτο προβαλλομενη ὡς καὶ πρὸς τὸν Δία τίμησόν μοι υἱὸν ὡς ὠκυμορώτατος ἄλλων ἔπλετο · τὸ δὲ ἐμ ωκυμόρῳ ἔξω τοῦ ϊ συνθέκτέλιπται γὰρ τῷ ῳ τὸ ϊ ⁑

msA, 18.154, commenting on 18.460 καὶ θώρηχ’ ὃ γὰρ ἣν οἱ̄ . ὅτι καταλλήλως εἴρηκεν ὁ γὰρ ἦν αὐτῷ αντι τοῦ ὃν γὰρ εῖχεν καὶ ὅτι οἱ ηθετημένοι περισσοί ὑποστικτέον δὲ μετα τὸ οἱ · τὸ γὰρ ό ἀντι ὑποτακτικοῦ κεῖται τὸ ὃς · ὃς γὰρ ἦν αὐτῷ , τοῦτον ἀπώλεσεν ὁ εταῖρος λείπει γὰρ τὸ τοιουτον τῆς ἀναφορὰς ἐπι τὸν θώρακα οὐκ επι τὸν Πατροκλον οὔσης ὡς ᾠήθησάν τινές ⁑

msA, 18.155, commenting on 18.461 Τρωσὶ δαμείς . ὅτι εἰ προειρήκει ὅτι Πάτροκλος ἀνῄρηται οὐκ ἂν ἐκ δευτέρου ἔλεγεν καὶ ὅτι Τρωσὶν ἀντι τοῦ ὑπο Τρώων ⁑

msA, 18.156, commenting on 18.464-18.466 αι γάρ μιν θανάτοιο⁚ διασταλτέον ἐπι τὸ ϊκάνοι τὸ γὰρ ὃς κυρίως κεῖται ἐπιφερόμενον ὁ δὲ λόγος εῖθε γὰρ αὐτὸν καὶ τοῦ θανάτου δυναίμην ἀπαλλάξαι ὡς κάλλιστα ὅπλα ἕχει ⁑

msA, 18.157, commenting on 18.467 ανων πολέων⁚ συμμέτρως τῇ ὑποσχέσει περι μὲν γὰρ τῆς ευεργεσίας Θετιδος τοσαυτα ἐξέτεινεν ἦλθεν ἢν αὐτὸς ἀποδίδωσι μετρίως τὸν λόγον ἐποίησατο ⁑

msA, 18.158, commenting on 18.471 παντοίην εὔπρηστον . δια τοῦ σ εὔπρηστον τινὲς δια τοῦ κ καὶ ἀκούουσι πρὸς πράξιν ευάρμοστον ⁑

msA, 18.159, commenting on 18.477 πυράγρην⁚ τὸν χαλκευτικὸν καρκῖνον τὸν ὀξύλαβον παρα τὸ τὰ ἐκ πυρὸς ἀγρεύειν ὅ ἐστι λαμβάνειν ⁑

msA, 18.160, commenting on 18.477 ῥαιστῆρα⁚ σφοῖραν σιδηρὰν παρα τὸ ῥαίζειν ὅ ἐστιν ἐνεργεῖν ⁑

msA, 18.161, commenting on 18.478 ποίει δὲ πρώτιστα σάκος· δια τί μάχαιραν ὁ Ἥφαιστος οὐ κατασκευάζει⁚ ὅτι ἡ μάχαιρα παντὶ ἁρμόζει· τὸ γὰρ σκεῦος εὔκτητον τὸ δε δόρυ ὑπεξῄρηται δι’ ετέραν αἰτίαν ⁑

msAim, 18.47, commenting on 18.466 παρα Ζηνοδ καὶ Αριστοφ παρέξομαι ⁑

msAim, 18.48, commenting on 18.470 οτ τὸ πάσαι παρελκει διὸ ἡ διπλη ⁑

msAim, 18.49, commenting on 18.472 ελλειπ τὸ μὴ σπευδοντ ⁑

msAint, 18.35, commenting on 18.458 ἔξω τοῦ ϊ τὸ εμ ὠκυμορῳ συνεκτέθλιπται γὰρ τῷ ῳ τὸ ϊ ⁑

msAint, 18.36, commenting on 18.472 εἰς το παρεῖναι καὶ ἕτοιμοι εῖναι καὶ σπεύδοντι καὶ μή ⁑

msAint, 18.37, commenting on 18.477 παρα Ζηνοτ κρατερόν διὰ τοῦ ο ⁑